Төтенше жағдайдан кейін Нұр-Сұлтан мен Алматыда өмір қалай өзгерді видео

868
Ұзақ үзілістен кейін қоғамдық көлік жұмысы қайта жанданды, тұрғындарға саябақтар мен гүлзарларда серуендеуге рұқсат берілді

Екі айға жуық Қазақстан төтенше жағдай режимінде өмір сүрді. Үйден тек дүкенге, дәріханаға және жұмысқа баруға рұқсат етілді. Төтенше жағдай режимі 11 мамырда алынып тасталды.

Нұр-Сұлтан мен Алматыда қала ішіндегі автобустар іске қосылды, саябақтар мен гүлзарлардан қоршаулар алынып тасталды. Енді тұрғындарға таза ауада еркін серуендеуге болады, алайда үш адамнан артық жиналуға рұқсат жоқ.

Әскерилер мен Қарулы күштердің техникасы блок бекеттен кетіп жатыр. Банктер мен азық-түлік сатпайтын дүкендер біртіндеп ашылуда. Тұрғындар кезекті сыртта күтуі керек, себебі ғимарат ішіне кіруге болатын адамдардың санына шектеу қойылған.

Алайда коронавирустың таралу қаупі сейілмей тұр, сол себепті кейбір шектеулер сақталады. Әлі де бұқаралық іс-шараларға тыйым салынған, сауда ойын-сауық орталықтары, мейрамхана, дәмхана мен діни мекемелер жабық.

Төтенше жағдай режимі аяқталғаннан кейін не болып жатқанын Sputnik Қазақстан видеосынан көріңіз.

868
Кілт сөздер:
видео, төтенше жағдай
Тақырып:
Төтенше жағдай және карантин (393)

Ата-аналар қашықтан оқудың машақаты туралы айтып берді - видео

150
Қазақстанда 2019-2020 оқу жылы аяқталды. Коронавирус індетіне байланысты төтенше жағдай режимі енгізілгеннен кейін мектептер қашықтан оқыту жүйесіне көшкен еді

Sputnik Қазақстан тілшісі астаналық оқушылардың ата-аналарын әңгімеге тартып, қашықтан оқу туралы не ойлайтынын сұрады.

Ата-аналардың көбісі мұғалімнің қадірін түсінгенін айтты. Себебі үйде бір баланың өзін оқыту оңай емес. Әсіресе, бастауыш сынып оқушылары үшін қашықтан оқыту жүйесі қиынға соққан.

"Шынын айту керек, қашықтан оқыту жүйесінде қиындықтар бар. Әр адамның психологиясында өз-өзіне баға беру салыстырмалы түрде болады. Сол себепті бала сыныптастарымен өзін салыстырып, "мен жетістікке жеттім бе, жетпедім бе" деп, өз-өзіне баға береді. Сондықтан сыныптағы атмосфераның айтарлықтай орны бар. Үйдегі ата-ананың мақтап оқытқаны бір бөлек, ал сыныпта басқа балалармен салыстырмалы түрде оқығаны мүлдем басқаша ғой", - дейді ата-аналардың бірі.

Оқи отырыңыз: Министр мұғалімдердің мәселесін түбегейлі шешетін бұйрық күшіне енгенін айтты

Қашықтан оқыту жүйесінің бағалау жағын сынға алғандар да болды.

"Қашықтан оқыту кезінде мұғалімдер тақтадағы мысалды 15 секунд көрсетеді де, бірден жауапты өздері айтады. "Иә, дұрыс жауап бердіңіз, "а" жауабы дұрыс" дейді. Бала түгіл мен өзім оны оқи алмаймын. 15 секундтың ішінде ол мүмкін емес. Онда 8-9 жаттығу бар. Сол үшін қойған бағалары көтеріңкі. Ол дұрыс емес. Өз-өзімізді алдап, осылай оқып жүрміз", - деп атап көрсетті енді бірі.

Дегенмен, қашықтан оқу жүйесіне бейімделгендер бар. Интернетті енді үйреніп алғандар да табылды.

"Жалпы, қазіргі технологияның жетістіктері бізді осы форматқа көшуді талап етеді. Ертелі-кеш біз оған көшуіміз керек", - дейді олар.

Толығырақ біздің видеодан көре аласыздар.

150
Кілт сөздер:
видео

Дональд Трамп АҚШ Ашық аспан келісімінен шығатынын жариялады - видео

56
АҚШ Ашық аспан келісімінен шықпақ. Бұл туралы президент Дональд Трамп жариялады, оның айтуынша, Ресей келісімнің шарттарын сақтап отырған жоқ

Бірақ Мәскеу Вашингтонның таққан айыбын жоққа шығарды және Ресейдің келісімнен бас тартпайтынын мәлімдеді. 

56
Дәрігер, архивтегі сурет

Ресейдің вирусология орталығы COVID-19-ға қарсы вакцинаны сынақтан өткізеді

0
Вакцинаны жаппай қолданбас бұрын ол зертханалық сынақтан сәтті өтуі қажет. Сонымен қатар өндірісте болып, дәрілік формада жасалуы тиіс

АЛМАТЫ, 26 мамыр – Sputnik. Роспотребнадзордың "Вектор" вирусология ғылыми орталығы маусымның соңында коронавирусқа қарсы вакцинаны клиникалық сынақтан өткізуді жоспарлап отыр. Бұл туралы "Известия" газетіне берген сұхбатында орталықтың бас директоры Ринат Максютов хабарлады, деп жазады РИА Новости

Оның айтуынша, осы уақытқа дейін жануарларға жасалған тест нәтижелерін алу жоспарланып отыр және денсаулық сақтау министрлігінің клиникалық зерттеулерге рұқсат беруін күтуде.

Максютовтың айтуынша, вакцинаны жаппай қолданбас бұрын ол зертханалық сынақтан сәтті өтуі қажет. Сонымен қатар өндірісте болып, дәрілік форма алуы керек.

Содан кейін клиникаға дейінгі және клиникалық зерттеулердің толық спектрі мен тіркеуден өтуі қажет. Бұған дейін Гамалея атындағы эпидемиология және микробиология ғылыми-зерттеу орталығының директоры Александр Гинцбург вакцинаны әзірлеумен айналысатын орталық қызметкерлері, сонымен қатар өзі де  вакцина салдырғанын хабарлады. Айтуынша, оларда инфекциядан қорғайтын антидене пайда болған.

Ресейде коронавирусқа қарсы вакцина жасау үшін Санкт-Петербург вакциналар мен сарысу ғылыми-зерттеу институтының ғалымдары да еңбек етіп жатыр. Препаратты әзірлеу барысында басқа елдерде де жұмыстар жүргізіліп жатыр.

Гинцбург ресейліктерді жаппай вакцинациялау күздің басында басталып, ол процестің алты айдан тоғыз айға дейін созылатынын хабарлады.

Жаңа коронавирус (COVID-19 тудыратын) алғаш рет желтоқсанның соңында Қытайдың Ухань қаласында анықталды. Наурыздың басында ДДҰ оны пандемия деп таныды. Ұйымның ақпараты бойынша, әлемде 5,3 миллион адам коронавирус инфекциясын жұқтырған, 343 мыңнан астам адам қайтыс болды.

Ресейде 353 427 адамнан COVID-19 табылды, оның ішінде 118 798 науқас сауығып шықты, 3 633 қайтыс болды.

0
Кілт сөздер:
Ресей, коронавирус
Тақырып бойынша
Қазақстанда карантин шараларының сақталуын бақылау күшейеді
Жұмысқа шыққандар арасында вирус жұқтырғандар көбеюде – министрлік
Бас санитар дәрігер блок бекеттердің қандай жағдайда алынатынын айтты
Бас санитар дәрігер вирус жұқтырғандар саны неге артып жатқанын түсіндірді
Қазақстан өңірлері вирус жұқтыру өсімі бойынша үш топқа бөлінді