Жаңа оқу жылында кезекші сыныптар қалай оқиды - видео

2127
Қазақстанда карантиндік шектеулерге байланысты жаңа оқу жылы қашықтан білім беру форматында басталады

Бірақ 1-4 сыныптарға дәстүрлі түрде оқуға рұқсат беріліп отыр. Ол үшін ата-аналар өтініш беруі керек. Балалар үшін кезекші сыныптар ашылады. Мәселен, Нұр-Сұлтан қаласында 40 мыңнан астам баланың ата-анасы кезекші топтарға өтініш берген. Sputnik Қазақстан тілшісі астанадағы №76 мектеп-лицейінде кезекші сыныптарды дайындау шараларымен танысты.

Жаңа оқу жылы басталғанда мектепте ересек адамдарды барынша азайтады. Ал кезекші сыныптардың оқушылары мектепке әртүрлі уақытта кіретін болады. Әр топтың арасы - 15 минут. Сонда балалар бір жерде көп шоғырланбайды.

Мектепте арнайы дезинфекциялық құралдар орнатылған. Оқушылар тек арнайы сызықтардың бойымен ғана жүреді. Арақашықтық сандар мен әріптермен белгіленген. Психологтардың айутынша, балалар ондай белгілерді жақсы қабылдайды. Кезекші топтарда тек негізгі пәндер ғана оқытылады.

Мектеп директоры Сафура Сейдуәліқызының айтуынша, бастауыш сыныптар дүйсенбі, сәрсенбі мен жұма күндері мектепте білім алады. Ал сейсенбі мен бейсенбіде қашықтан оқиды.

"Кезекші сыныптарда барлық пән оқытылмайды. Негізгі пәндер ғана болады және мектепте төрт сабақтан артық қойылмауы керек. Математика, сауат ашу, дүниетану мен жаратылыстану пәндері кезекші топта, ал орыс тілі, ағылшын тілі, өзін-өзі тану, көркем еңбек сияқты пәндер қашықтан оқытылады", - дейді Сейдуәліқызы.

Мектепте оқушының дене қызуы анықталса, оны арнайы бөлмеге оқшаулайды. Сосын ата-анасы мен жедел жәрдемді шақыртады.

Бүгінде кезекші сыныптарға өтініш беріп жатқандардың басым бөлігі – 1 сыныптар. Оның да өзіндік себебі бар.

"Ата-аналардың көпшілігі "бала бірінші сыныпқа келгеннен кейін партаны көрсінші, мектепті көрсінші" дейді. Одан кейін олар жұмыстан шыға алмайды, сол себепті баланың үйде сабақ оқуын қадағалауға мүмкіндігі жоқ", - деді Сейдуәліқызы.

Мектеп мұғалімдері медициналық тексерістен өткен. Созылмалы ауруы бар және жасы үлкен ұстаздар онлайн сабақ береді. Ал кезекші топтарға жас мамандар тартылады. 

2127
Кілт сөздер:
оқу жылы, видео

Бостандықтың белгісі: бүркітшілер құсты қалай аңға салу керектігін көрсетті видео

43
Алматы облысында Төле би ауылының маңында жаңадан "Қыран" ұлттық аңшылық этномәдени орталығы ашылды. Ол жерде қолөнер, аң аулау және ат үстінде жүріп садақ ату секілді қазақ дәстүрін үйретеді. Толығырақ Sputnik Қазақстан видеосынан көріңіз

Этномәдени орталықты қазақстандық "Қыран" ұлттық аңшылық федерациясы ашты, ол 1998 жылдан бері жұмыс істеп келеді. Орталықта тәжірибелі жаттықтырушылар жыртқыш құстармен аң аулағысы келетіндерді баулиды.

Орталықтағы ең жас құсбегі Ерсұлтан Жұмағұлдың айтуынша, оның отбасында бүркітті аңға салу – атадан балаға берілетін мұра. Он төрт жастағы құсбегі он жасынан бері әке жолымен жүріп келеді.

Жас бүркітшінің айтуынша, құс иесінің айтқанын екі етпей орындауы үшін онымен көп уақыт өткізу керек.

Ал 20 жылдан бері құсбегілікпен айналысатын Руслан Абылов құстарды жаттықтыру және аң аулау кезінде аспанда басқа құстардың, әсіресе көгершіндердің болмауын алдын ала біліп алу қажет дейді.

Жаттығу жұмыстары бүркіттің басынан жемді айналдырып, құстың дауысын салумен басталады. Жыртқыш құс иесінің дауысына қарай қозғалып, жоғары көтеріледі. Содан кейін жіптің екінші жағына байланған жемтікті алады.

Мұндай әдіс күніне бірнеше рет жасалады, ал жаттығулар күн сайын өткізіледі. Жаттығу аяқталған соң бүркітші құсқа сый ретінде балғын ет береді.

Орталық жаттықтырушыларының айтуынша, туристер Қазақстанның тарихына, мәдениеті мен дәстүріне қатты қызығады. Олар киіз үйде тұрып, ұлттық тағамдардың дәмін татып, жергілікті тұрғындардың бай мәдени мұрасымен танысуға құмар.

Толығырақ мына жерден оқуға болады.

43
Кілт сөздер:
бүркітші, видео

Лавров Путиннің мәлімдемесін оқып берді видео

183
Ресейдің сыртқы істер министрі Сергей Лавров ел президенті Владимир Путиннің мәлімдемесін оқып берді. Өз мәлімдемесінде Ресей басшысы АҚШ-ты ақпараттық кеңістіктегі оқиғалардың алдын алуға үндейді

Оның айтуынша, бұл үшін екіжақты келісім әзірлеу керек. Құжатта екі тараптың бір-бірінің ішкі істеріне араласпауына кепілдік беретін тетіктер айқындалмақ.

183
Авифавир дәрісі

Қазақстан 3000 дана "Авифавир" дәрісін сатып алады

3
Ахметжан Есімов Елбасыға коронавирусқа қарсы вакцина жеткізу бойынша жасалған келісім туралы мәлімет берді

НҰР-СҰЛТАН, 29 қыркүйек – Sputnik. Қазақстанның тұңғыш президенті Нұрсұлтан Назарбаев медициналық құрал-жабдықтар, медициналық жиһаздар мен медициналық көліктер шығаратын кәсіпорында болды, деп хабарлады Elbasy.kz сайты.

2013 жылдан бастап қазіргі уақытқа дейін "Казмедприбор" ЖШС 15 мыңнан астам медициналық құрал-жабдық, 120 мыңнан астам медициналық жиһаз бен 742 жедел жәрдем көлігін жасап шығарды. Кәсіпорын 2005 жылы құрылған.

Оқи отырыңыз: Назарбаев "Шымкент ескі қалашығын" аралады

Шымкент қаласының әкімі Мұрат Әйтенов Елбасыға жеке инвестордың қаражатына салынатын 1000 орындық көпсалалы университеттік аурухана құрылысы туралы ақпарат берді.

"Жаңа медициналық мекемеде ана мен бала орталығы, хирургиялық, терапевтік орталықтар, сонымен қатар бір ауысымда 700 адамға қызмет көрсететін клиникалық-диагностикалық орталық жұмыс істейтін болады деп жоспарланып отыр", - делінген хабарламада.

Сондай-ақ "Самұрық-Қазына" акционерлік қоғамының басқарма төрағасы Ахметжан Есімов пандемия кезінде ұлттық әл-ауқат қоры тарапынан денсаулық сақтау жүйесі мен отандық өндірушілерді қолдау үшін қабылданған шаралар туралы айтты. Сонымен қатар Нұрсұлтан Назарбаевқа елорда мен Алматыда медициналық орталықтар салу жөніндегі тапсырманың орындалу барысы баяндалды.

 Есімов Елбасыға 3000 дана көлемінде "Авифавир" дәрісін сатып алу және коронавирусқа қарсы вакцина жеткізу бойынша жасалған келісім туралы мәлімет берді.

3
Кілт сөздер:
Ахметжан Есімов, Назарбаев, коронавирус
Тақырып бойынша
Коронавирусты емдейтін алғашқы дәрі жасалды
Біз пандемиямен күрестің ең қиын сценарийіне дайын болуымыз керек – Назарбаев
Коронавирустың екінші толқыны: денсаулық министрлігі неге алаңдап отыр
Ракпен ауыратын қазақстандықтарға емді тоқтату ұсынылды
Тоқаев Есімовті Ақордада қабылдады