Қаһарман дәрігерлер: Нұр-Сұлтанда ерекше көрме ашылды - видео

283
Коронавирус пандемиясымен күресіп жатқан дәрігерлердің құрметіне арналған көрме Есіл өзеніндегі жаяу жүргіншілер көпірінде ашылды

Идея авторы – кәсіби фотограф Руслан Мазунин. Ол дәрігерлердің күлкісі қазақстандықтарға COVID-19 індетін жеңуге үміт сыйлайды деп санайды.

"Менің тарапымнан керемет ештеңе жасалған жоқ. Француз суретшісінің жұмыстарын көрдім, ол да осы көрмеге ұқсас болатын. Ол жерде арасында ақ-қара портреттер болды, яғни ішінде қайтыс болған дәрігерлердің фотосы қойылған. Ал бұл көрмеде қуанышқа орай арамызда жүрген дәрігерлердің фотосы жұрт назарына ұсынылды, соған сай фотолар да ашық түсті. Пандемия кезінде ауруханалардың салынып жатқанын және провизорлық орталықты дайындағанын, гуманитарлық көмекті қалай жібергенін түсірдім. Наурыздан бері осы саламен тығыз байланыста болдым. Сондықтан осылайша дәрігерлерге алғыс білдіргім келді", - деді Мазунин Sputnik Қазақстан тілшісіне.

"Ризамыз" фотокөрмесіне 101 портрет қойылған. Барлығы елорданың инфекциялық ауруханасының дәрігері. Бұл коронавирус инфекциясымен күресте алдыңғы қатарда жүрген қызметкерлердің бір бөлігі ғана.

"Күн сайын бір бөлімнің өзіне 50-60 адам түскен кездер болды. Дәрігерлерге жүктеме артты. Олар үйге қайтпай, ауруханада түнеді. Аурухана екінші үйіне айналды десе де болады. Балаларын, отбасын көрмей, түнімен сол жерде науқастарды емдеуге атсалысты. Қазір науқастардың саны азайды", - дейді инфекционист Гүлжан Сәриева.

Фотограф Руслан Мазунин медицина қызметкерлерін мүмкіндігінше табиғи көрсетуге және кадрларды қайталамауға тырысқанын айтты.

"Жарнама түсіретін фотограф болсам да, медицина қызметкерлерін жарнамадағыдай көрсеткім келмеді. Сол себепті олардың мүмкіндігінше өмірдегі кейпін көрсетуге тырыстым. Жүздерінен күлкі кетпегенін қалаймын. Жалпы алғанда, осы тақырып төңірегінде көңілсіз жайттар барлығын шаршатты. Сол себепті аз да болса мейірім сәулесін көрсеткім келді", - дейді ол.

Мазунин басқа қала мен аймақтардың фотографтары осындай көрме ұйымдастырады деп үміттеніп отыр.

"Президент Қасым-Жомарт Тоқаевтың бұл жобаны қандай да бір жолмен атап өткенін қалаймын. Ол тіпті Instagram желісі болуы мүмкін. Президент әлеуметтік желіде өте белсенді және көптеген мәселеге қатысты жедел түрде жауап беріп отырады. Маған жарнама қажет емес, мен халықтың нағыз батырларды көргенін қалаймын", - деп түйіндеді ол.

Фотокөрме бірнеше күнге созылады. Содан кейін Мазунин көрменің кейіпкері болған барлық адамға портреттерін табыстағысы келеді.

283
Кілт сөздер:
көрме, дәрігерлер, видео

БҰҰ-ға реформа жүргізілмек: бейбітшілікті сақтау үшін нені өзгертіп, нені қалдырған жөн?

37
БҰҰ елдерінің көшбасшылары ұйымды жаңарту туралы ұйғарымға келді. Бас Ассамблеяның мерейтойлық отырысы кезінде оған қайта реформа жүргізу төңірегінде бірнеше ұсыныс айтылды

Биыл Біріккен Ұлттар Ұйымына 75 жыл толды. Қатысушы елдер ұйымға өзгеріс енгізу қажет деп отыр. Себебі, бүгінде әлем басқа, ал құрылым ескірген. Алайда, кез келген өзгерістің соңы жақсылыққа әкелмейтіні де белгілі.

37

Студенттер әскери жиын пунктіне лап берді видео

135
Нұр-Сұлтанның әскери жиын пунктінде бірнеше күннен бері студенттердің кезегі толастамай тұр. Барлығы медициналық тексерістен өтіп, әскери кафердраға түскісі келеді

Бас кезінде дәрігерлер 25 қыркүйекке дейін ғана қабылдайды деген. Содан барлығы бір уақытта әскери жиын пунктіне лап берді. Кіреберісте санитарлық талаптар сақталмайды. Арақашықтықты көрсететін белгілер де көрінбейді. Sputnik Қазақстан тілшілері сол жерге барып, мәселенің мән-жайын біліп қайтты.

Бүгін Нұр-Сұлтанда күні бойы жаңбыр жауып тұр. Соған қарамастан, әскери жиын пунктінде жиналған студент жастар көп. Үсті-басы малмандай су болса да, медициналық тексерістен тездетіп өтуге тырысып жүр. Себебі осы аптаның соңында комиссияның жұмысы аяқталады деген ақпарат болған. Ал оның мерзімі 10 қазанға дейін ұзартылатынын бүгін ғана айтыпты. Содан адам кезегі азайса да, тексерістен өтемін деушілер әлі де көп. 

"Мысалы, мен үш күндей өте алмай жүрдім. Басқалар да солай. Содан адамдардың агрессиясы басым. Өйткені жасалған кезекке сенбейді. Әскерилер келеді де, бәрін жазып алады, бірақ ол кезек ұшты-күйлі жоқ болып кетеді. Содан адамдар күтіп тұруға мәжбүр. Бүгін 10-ына дейін ұзартылғанын айтты. Осыдан кейін адамдар да азайды. Әйтпесе, бұған дейін бұл жерде 200 адамға дейін жиналып тұратын", - дейді студенттер.

Ал әскерилердің сөзіне қарағанда, сыртта санитарлық талаптар сақталмаса да, іште барлық шара ережеге сай орындалады.

"Мына жерде кафедраға медициналық комиссиядан өтіп жатыр. Ішінде арақашықтығын сақтап жатырмыз. 10-ына дейін ұзартты. Бас кезінде 25 қыркүйекке дейін болған, арақашықтықты сақтау жағынан үлгермей қалдық. Сол себепті 10 қазанға дейін ұзартты", - дейді олар.

135
Кілт сөздер:
әскери, студенттер
Диктофон

Релизден бас тарту керек кәсіби PR маманының лайфхактары

0
SputnikPro сарапшысы онлайнды дамыту, ерекшеленуден қорықпау, адамдарға сену – БАҚ-ты алға жылжытудың негізгі ерекшелігі екенін айтады  

НҰР-СҰЛТАН, 25 қыркүйек – Sputnik. "Россия сегодня" медиа тобы баспасөз қызметінің жетекшісі Анна Старкова көрші елдердің журналистеріне неліктен релиз жазудан бас тарту керектігін айтып берді.

Бұған дейін бұқаралық ақпарат құралдары іс-шараның ақпараттық серіктесі бола отырып, өзінің логотипін түрлі алаңдарда орналастыратын. Пандемия кезінде жағдай өзгерді. Өзін-өзі таныту үшін медиа топтың баспасөз қызметі ерекше кейстерді ойластыра бастаған.

Сарапшының бірінші ұсынысы: стандартты релиздерді жазу тәжірибесінен бас тарту.

"Адамдармен оларға түсінікті тілде сөйлесу керек. Кері байланыс орната бастасаңыз, ол нарықтың ойыншысы болсаңыз, сізді тыңдайды, сізге келіп, оқи бастайды", - деп санайды Старкова.

Сарапшының келесі кеңесі – бұқаралық ақпарат құралдары онлайнды ғана дамытпау керек.

"Мұны пандемия кезінде істей бастадық. Біз барлығы дерлік интернетті қолданатын әлемде өмір сүріп жатырмыз", - деп атап өтті маман.

Қазір, оның айтуынша, әлеуметтік желілердегі және мессенджерлердегі анонимділік танымал болудан қалып барады.

"Бізді ("РИА Новости" ХАА Телеграм каналы) оқи бастады, өйткені РИА Новости, мысалы, Лукашенконың инаугурациясында не болғанын айтты. Сол кезде ол жаңалыққа айналады, бұл тексерілген ақпарат. Шын мәнінде болған нәрсе, сыбыс емес", - деп атап өтті Старкова.  

Сарапшының тағы бір ұсынысы – ерекшеленуден қорықпау. Баспасөз қызметі пандемия жағдайында "трендтерді қарап, оларды батыл түрде пайдаланған".

"Сізбен бірге жұмыс істейтін адамдарға сенім арту керек, өйткені ең алдымен біреумен араласуың керек. Оларды алға жылжытуың керек, нәтижесінде сіздің брендіңіз алға жылжиды", - деп сендірді Старкова.

Кәсіби PR маманының бесінші кеңесі – дос болу.

"Бұл, шынын айтқанда, ең маңызды кеңес. Басқа ақпарат құралдарымен, баспасөз қызметтерімен, тіпті бәсекелестермен де достасу керек. Кофеге шақырыңыз, бранчи жасаңыз, лайфхактармен бөлісіңіз. Бұл бәріне қатысты", - деп есептейді ол.  

SputnikPro білім беру жобасының жиырма бірінші онлайн-сессиясына Қазақстан, Ресей, Әзербайжан, Армения, Беларусь, Қырғызстан, Молдова, Абхазия және Осетия БАҚ өкілдері қатысты.

SputnikPro – Sputnik халықаралық ақпарат агенттігі мен радиосының журналист, студент, баспасөз қызметі мен медиа саласында жұмыс істеп жүрген маман иелеріне арналған жоба. Оның мақсаты – тәжірибе алмасу әрі медиа саласында кәсіби байланысты нығайту.

0