АСТАНА, 27 қараша — Sputnik. "Ғалам аруы-2017" сұлулық конкурсы Лас-Вегас қаласында өтті. Ғаламның ең сұлу аруы атағына Оңтүстік Африка елінен келген 22 жастағы Деми-Ли Нель-Петерс ие болды, деп хабарлады конкурстың Twitter желісіндегі ресми парақшасы.
Ақ алтын, сапфир мен бриллианттан жасалған тәжді Нель-Петерске "Ғалам аруы-2016" – француз қызы Ирис Миттенар кигізді.
Колумбиялық Лаура Гонзалес бірінші вице-мисс, Ямайка елінен келген Давина Бенет екінші вице-мисс атағын жеңіп алды.
Ғаламның ең сұлу аруы атану үшін 89 қатысушы бақ сынасқан.