Әлем

Түрікменстанда пәктігі табылмаған қыздарды бүкіл мектепке масқаралап жатыр

© Sputnik / Табылды КадырбековМектеп оқушысының архивтегі фотосы
Мектеп оқушысының архивтегі фотосы - Sputnik Қазақстан
Жазылу
Дәрігерлер мен полицейлер оқушылардың телефондарынан порнография іздеп, қыздардың пәктігін тексерген

АСТАНА, 7 ақпан — Sputnik. Түрікменстанның Дашоғыз қаласындағы мектептерде, тағы бірқатар аудан орталықтарында дәрігерлер мен полицейлер оқушылардың телефондарынан порнографиялық видео және фото іздеп, қыздарды гинекологиялық тексеруге жіберген, деп жазды centralasian.org.    

Түрікменстанның солтүстігіндегі облыста өткен аптада жергілікті білім беру мекемелерінің, ұлттық қауіпсіздік қызметінің, полицияның қызметкерлері және дәрігерлер алдын ала ескертусіз сабаққа келіп, жоғарғы сынып оқушыларының телефондарын жинап алған. Содан кейін ғана телефондардан мультимедиалық файлдарға тексеретінін айтқан.

Көлік - Sputnik Қазақстан
Оқиға
Семейде гаражда тұрған көліктен қыз бен жігіттің мәйіті табылды
Мұндай тексеріске облыс әкімінің білім және мәдениет жөніндегі орынбасары тапсырма берген, деп хабарлады Азатлык дереккөзі.

"Тексеруге келгендер барлығымыздың телефондарымызды жинап алды. Олар не тексеретінін түсіндіріп жатпады. Бірақ кейін олар порнографиялық файлдар іздегенін айтты. Оқушылардың барлығынан дерлік мұндай файлдар табылды", — деді Дашоғыз облысы, Гурбансолтан ауданындағы орта мектеп оқушысы.

Оның айтуынша, порнографиялық файлдар табылған соң мобильді телефондарын алып қойып, мектеп оқушыларымен ата-аналармен бірге әңгімелескен.

"Жоғарғы сыныптағы қыздарды бір сызыққа тұрғызып қойып, мектеп медпунктінде тексерген. Пәктігі табылмаған қыздардың шешелерін шақыртып, бүкіл мектепке масқаралаған. Осы тексеруден соң мектеп директорын жұмыстан шығарды", — деді дереккөз.

Қыз жолда көлік тоқтатып тұр, иллюстративті фото - Sputnik Қазақстан
Өңірлер
Қостанайда жігітіне ренжіген қыз аязда қимылсыз жатқан жерінен табылды
Дашоғыз жергілікті әкімдігінің өкілдері Азатлык радиосына тексеру себептерін түсіндіруден бас тартты.

Бірақ аудандық полиция қызметкерінің айтуынша, мектеп жасындағы қыздардың жезөкшелікке салынуы жиілеп кетуіне байланысты осындай тексеру жүргізілген. "Тексеру осындай мәселемен күресу үшін жасалды", деді дереккөз.

 

Жаңалықтар
0