АСТАНА, 2 наурыз — Sputnik. Бакуде республикалық наркологиялық диспансердегі өрт кезінде, бастапқы деректер бойынша, жиырмадан астам адам қаза тапты, деп хабарлайды Sputnik Әзербайжан.
Диспансердегі өрт сөндірілді. Құқық қорғау органдарының мәліметіне сүйенсек, жиырма алты адамның мәйіті Ясамал аудандық бөлімшесіне сот-медициналық сараптама жасау үшін жеткізілген.
Өрт шамамен таңғы алты кезінде Бакудегі наркологиялық диспансердің екінші ғимаратынан шыққан. Науқастар отқа оранған емхана ғимаратынан шыға алмапты.
Денсаулық сақтау министрлігі хабарлағандай, үш зардап шегуші токсикологиялық орталыққа, біреуі Сабунчин ауруханасына жеткізілді.
Қаза тапқандардың денесі әбден күйіп қалған. Мәйіттерді туған-туыстарына табыстау үшін олардың кім екенін анықтау керек.
