АСТАНА, 3 наурыз — Sputnik. АҚШ-та қатты соққан бораннан кем дегенде бес адам қаза тапты, деп хабарлайды РИА Новости жергілікті БАҚ-қа сілтеме жасап.
Бұдан бұрын Виргиния және Мэриленд штаттарында екі тұрғынның үстіне ағаш құлап, ажал құшқаны хабарланған еді. Соңғы деректер бойынша, Род-Айленд, Виргиния және Мэриленд штаттарында тағы үш адам сондай жайттың құрбаны болды.
АҚШ-тың шығыс жағалауында қар аралас жаңбыр жауып, толастамай, оған қоса қатты жел тұрды. Миллионнан астам адам жарықсыз қалып, мыңдаған рейстер кейінге қалдырылған. Виргиния штатында төтенше жағдай режимі жарияланды.