Қарт ер адам, архивтегі фото

Ғалымдар қандай адамдар ұзақ өмір сүретінін айтты

5338
Дәрігерге деген адалдық науқастың өмір жасын ұзартады. Британиялық мамандар 9 елде зерттеу жұмысын жүргізді

АСТАНА, 1 шілде — Sputnik. Эксетерский университетінің зерттеушілері дәрігерлерін жиі ауыстырмайтын науқастардың басқаларға қарағанда ұзақ өмір сүретінін және оқыс жағдайлармен ауруханаға сирек түсетінін анықтады. 

Британия ғалымдары бір саладағы дәрігерлерді жиі ауыстыратын науқастардың өмір жасының ұзақтығы басқаларға қарағанда қысқа болады деген болжам жасады. Ғалымдардың айтуынша, науқастар таныс дәрігерге өздерін шын мәнінде қалай сезініп тұрғандарын бірден айтады әрі мамандар берген нұсқаулықтарды бұлжытпай орындап отырады. Бұл зерттеу жұмысы туралы BMJ Open журналында жазылды. 

Ғалымдар 2010 жылы шыққан 22 мақаланы таңдап, Embase, MEDLINE және Web of Science базаларының мәліметтеріне талдау жасаған. Зерттеу Оңтүстік Корея, Тайвань, Израиль, Ұлыбритания, Канада, АҚШ сынды мемлекеттер кіретін 9 елде жүргізілген. Жалпы 396 838 науқастың мәліметтері қаралды. Метаанализ үшін таңдалған жұмыстарда денсаулыққа қатысты әртүрлі проблема қамтылған, сондай-ақ, олардың барлығында науқастың қашан және қандай себепке байланысты өлгені туралы жазылған.

Қазақстанда қанша адам ракпен ауыратыны белгілі болды>> 

22-нің ішіндегі 18 жұмыс науқастың дәрігерге деген адалдығы өмірін расымен де ұзартатынына дәлел болды. Бұл заңдылық тек терапевт немесе жалпы тәжірибесі бар дәрігерлерге ғана емес, сондай-ақ, хирургтерден бастап психиатрларға да қатысты. 

Зерттеу нәтижесінде бір дәрігерге қаралатын науқастардың медициналық нұсқаулықтарды бұлжытпай орындайтыны белгілі болды. Мысалы, науқас екпелерді уақытылы жасатып отырады. Сондай-ақ, бұл науқастар ауруханаға сирек жатқан. Тағы да бір зерттеулерге сәйкес, бірнеше хирургке қаралған науқастың өлу қаупі бір жылда екі есе жоғары болатыны анықталды.

"Науқастар өзі жақсы танитын дәрігерге барып қаралған кезде жағдайларын жасырмай, өздерін қалай сезініп тұрғандарын ашып айтады. Сондай-ақ, олар дәрігермен қосымша ақпаратпен бөліседі. Осының арқасында дәрігер ем жүргізудің дұрыс схемасын құрастырады", — деді метаанализ авторларының бірі Денис Перейра Грей.

Алдағы уақытта осы ғалымдар адам өмір жасының ұзақтығы мен дәрігерге қаралу жиілігін жас, жыныс, зиянды әдеттер, білім және табысымен байланыстырмақ.

Естеріңізге сала кетсек, осы уақытқа дейін ғалымдар аптасына ішімдікті жүз грамнан артық тұтынғандардың өмірі айтарлықтай қысқаратынын анықтаған еді.

Ақылды және ұзақ өмір сүретін адамдар қай айда дүниеге келетіні анықталды>>

 

5338
Евгений Примаков

Россотрудничество жаңа жобаларды қолға алады Примаков

12
Бұл жоғары оқу орындарында оқуға берілетін квоталар ғана емес, өзге де білім жобалары болатыны айтылып отыр

НҰР-СҰЛТАН, 11 тамыз — Sputnik. Россотрудничество білім саласында жаңа жобаларды қолға алады. Бұл туралы ТМД істері жөніндегі федералды агенттіктің жетекшісі Евгений Примаков айтты.

"Білім саласында тың жобалар болады. Білім халықаралық дамуға қолдау көрсетудің маңызды салаларының бірі. Ресейдің ЖОО-лары беретін білім, әсіресе, ТМД елдерінде бәсекеге қабілетті", - деді ол. 

Оның айтуынша, білім жаңа мүмкіндіктер ашады.

"Көптеген адам үшін шет тілі әлеуметтік және экономикалық мүмкіндік ашатын біліктілік. Бұл дұрыс", - деді Примаков. 

Сондай-ақ, ол алдағы уақытта ресейлік тарап ұсынатын квоталар екі есеге артатынын жеткізді.

12
Зертхана қызметкері

Коронавирусқа қарсы алғашқы вакцинаның ресми атауы жарияланды

56
Жаңа вакцина әлемдік қауымдастық үшін "Спутник" сияқты әсер еткендіктен, оған "Спутник V" атауы берілді

НҰР-СҰЛТАН, 11 тамыз – Sputnik. 1957 жылы алғаш ұшырылған жасанды Жер серігіне ұқсастығына байланысты коронавирусқа қарсы тіркелген әлемдегі алғашқы вакцина "Спутник V" деп аталды, деп хабарлайды РИА Новости/Прайм.

"Спутник-1" әлем бойынша ғарыштық зерттеу белсенділігін арттырды. Ресейлік COVID-19 вирусына қарсы жаңа вакцина да әлемдік қауымдастық үшін "Спутник" сияқты әсер етті. Сондықтан да осындай салыстыру вакцинаға "Спутник V" атауын берді, делінген вакцина атауына қатысты таратылған хабарламада.

Вакцинаны тіркеу 11 тамызда өтті. Ресей президенті Владимир Путиннің айтуынша, оның қыздарының бірі жаңа вакцинаның әсерін бастан өткерген.

Вакцина қалай жасалды

Коронавирусқа қарсы вакцина Гамалея атындағы орталықта жасалды. 18 маусымда басталған оның клиникалық сынақтары екі айдан аз уақытқа созылды. COVID-19-ге қарсы алғашқы вакцинаны 38 ерікті өзіне салдырып, сынап көрді. Экспериментке қатысушыларға жүргізілген зерттеу нәтижелері иммунитеттің дамығанын көрсеткен.

Алайда, вакцинаны жасаушылар бұл барлық адамдарға жарай бермейтінін ескертеді. Өйткені, созылмалы аурулары бар адамдарда бұл кері әсерін тигізуі мүмкін.

Оқи отырыңыз: Екпе салдырған Путиннің қызының жағдайы қалай екені айтылды

Ресейде халықты жаппай вакцинациялау қазан айында басталады деп жоспарланып отыр.

56
Кілт сөздер:
коронавирус, екпе
Тақырып:
Коронавирус эпидемиясы
Тақырып бойынша
Ресей қорғаныс министрлігі коронавирусқа қарсы вакцина дайын болғанын хабарлады
Қазақстанда алғашқы адамға коронавирусқа қарсы вакцина салынды
Коронавирусқа қарсы ресейлік вакцина балаларға қашан салынатыны айтылды
Иммунолог коронавирусқа қарсы вакцина туралы ойын айтты
Батыс COVID-19-ға қарсы вакцина әзірлеу жарысында артта қалып келеді