Қарт ер адам, архивтегі фото

Ғалымдар қандай адамдар ұзақ өмір сүретінін айтты

5246
Дәрігерге деген адалдық науқастың өмір жасын ұзартады. Британиялық мамандар 9 елде зерттеу жұмысын жүргізді

АСТАНА, 1 шілде — Sputnik. Эксетерский университетінің зерттеушілері дәрігерлерін жиі ауыстырмайтын науқастардың басқаларға қарағанда ұзақ өмір сүретінін және оқыс жағдайлармен ауруханаға сирек түсетінін анықтады. 

Британия ғалымдары бір саладағы дәрігерлерді жиі ауыстыратын науқастардың өмір жасының ұзақтығы басқаларға қарағанда қысқа болады деген болжам жасады. Ғалымдардың айтуынша, науқастар таныс дәрігерге өздерін шын мәнінде қалай сезініп тұрғандарын бірден айтады әрі мамандар берген нұсқаулықтарды бұлжытпай орындап отырады. Бұл зерттеу жұмысы туралы BMJ Open журналында жазылды. 

Ғалымдар 2010 жылы шыққан 22 мақаланы таңдап, Embase, MEDLINE және Web of Science базаларының мәліметтеріне талдау жасаған. Зерттеу Оңтүстік Корея, Тайвань, Израиль, Ұлыбритания, Канада, АҚШ сынды мемлекеттер кіретін 9 елде жүргізілген. Жалпы 396 838 науқастың мәліметтері қаралды. Метаанализ үшін таңдалған жұмыстарда денсаулыққа қатысты әртүрлі проблема қамтылған, сондай-ақ, олардың барлығында науқастың қашан және қандай себепке байланысты өлгені туралы жазылған.

Қазақстанда қанша адам ракпен ауыратыны белгілі болды>> 

22-нің ішіндегі 18 жұмыс науқастың дәрігерге деген адалдығы өмірін расымен де ұзартатынына дәлел болды. Бұл заңдылық тек терапевт немесе жалпы тәжірибесі бар дәрігерлерге ғана емес, сондай-ақ, хирургтерден бастап психиатрларға да қатысты. 

Зерттеу нәтижесінде бір дәрігерге қаралатын науқастардың медициналық нұсқаулықтарды бұлжытпай орындайтыны белгілі болды. Мысалы, науқас екпелерді уақытылы жасатып отырады. Сондай-ақ, бұл науқастар ауруханаға сирек жатқан. Тағы да бір зерттеулерге сәйкес, бірнеше хирургке қаралған науқастың өлу қаупі бір жылда екі есе жоғары болатыны анықталды.

"Науқастар өзі жақсы танитын дәрігерге барып қаралған кезде жағдайларын жасырмай, өздерін қалай сезініп тұрғандарын ашып айтады. Сондай-ақ, олар дәрігермен қосымша ақпаратпен бөліседі. Осының арқасында дәрігер ем жүргізудің дұрыс схемасын құрастырады", — деді метаанализ авторларының бірі Денис Перейра Грей.

Алдағы уақытта осы ғалымдар адам өмір жасының ұзақтығы мен дәрігерге қаралу жиілігін жас, жыныс, зиянды әдеттер, білім және табысымен байланыстырмақ.

Естеріңізге сала кетсек, осы уақытқа дейін ғалымдар аптасына ішімдікті жүз грамнан артық тұтынғандардың өмірі айтарлықтай қысқаратынын анықтаған еді.

Ақылды және ұзақ өмір сүретін адамдар қай айда дүниеге келетіні анықталды>>

 

5246
Сармат баллистикалық зымыранын сынақтан өткізу

Ресей зымыран әскерін не үшін күшейтіп жатыр?

171
(Жаңартылды 13:32 25.05.2020)
"Сармат" зымыранға қарсы қорғаныс жүйесін айналып өте алады. Оның ұшу траекториясын алдын ала болжап отыру мүмкін емес

НҰР-СҰЛТАН, 25 мамыр – Sputnik. Ресейде "Сармат" атты жаңа құрлықаралық баллистикалық зымыранды сынақтан өткізу жұмыстары аяқталуға жақын. Вице-премьер Юрий Борисовтың айтуынша, COVID-19 пандемиясы дайындық шараларына ықпал еткен жоқ.

Ядролық қарумен пара-пар

Шахтаның ішінде орналасатын РС-28 "Сармат" зымыран кешені мемлекеттік бағдарлама аясында құрастырылған. Бұған дейін зымыранды ұшыруға дайындау шаралары сәтті атқарылды. Алдағы уақытта кешен қосымша блоктармен жасақталады. Соның ішінде гипердыбыстық жаңа блок та бар. Ал 2021 жылы оны стратегиялық мақсаттағы зымыран әскеріне тапсырады.

Бүгінде Домбаров зымыран дивизиясында "Авангард" атты гипердыбыстық кешен бар. Одан көбінесе бұрынғы "Сарматтарды" ұшыруға болады. Ал жаңа құрлықаралық баллистикалық зымыран әлем бойынша ең мықты Р-36М2 "Воевода" зымыранын (батыста оны "SS-18 Satana" деп атап кеткен – Sputnik) алмастырады деген жоспар бар.

"Сармат" зымыранға қарсы қорғаныс жүйесін айналып өте алады. Оның ұшу траекториясын алдын ала болжап отыру мүмкін емес. Жаңа зымыранның "Воеводадан" басты айырмашылығы сол, Ю-71 маркалы гипердыбыстық блоктардың арқасында жоғары дәлдігі артып отыр. Жылдамдығы – секундына 7 километр. Ондайда блоктың кинетикалық энергиясы ядролық қарумен пара-пар соққы жасайды, бірақ радиоактивті зақым болмайды. Себебі жаңа зымыран ядролық қару-жараққа жатпайды.

Бүгінде осы зымыранның сериялық өндірісі үшін кәсіпорындарды модернизациялау аяқталды. Жаңа кешен Краснояр өңірінде және Орынбор облысында орнатылады.               

Жаңа зымыранның сипаттамасы

Бүгінде жаңа құрлықаралық баллистикалық зымыраннан алыс ұшатын зымыран жоқ. Ол "Воеводадан" бір жарым есеге асып түсті. Ал ұшу қашықтығы 18 000 шақырымға дейін жетті.

Зымыранның толық салмағы – 208 тонна. Соның ішінде отынның көлемі – 178 тонна. Ұзындығы - 35,5 метр, ал диаметрі – 3 метр.

"Воевода" мен "Сарматтың" әскери қуаты бірдей, алайда жаңа зымыран Aegis, THAAD және тағы басқа қорғаныс жүйелерін айналып өте алады. Мәселен, зымыран аспанға көтерілгеннен кейін маневр жасайтын блоктың жылдамдығы секундына 7 километрге дейін артады. Ал 100 шақырым биіктікте қиын маневр жасайды да, қарсыластың зымыранға қарсы қорғаныс жүйесіне көрінбей кетеді. Жаңа зымыран 60 секундтың ішінде ұшыруға дайын болады. Онымен ғарыш аппараттарын да ұшыруға мүмкіндік бар. Осылайша, "Сарматқа" салынған қаржының біраз бөлігі қайтарылады деген жоспар бар.

Зымыран әскерін күшейтудің мақсаты қандай?

Бұған дейін АҚШ-тың CNBC арнасы барлау қоғамдастығына сілтеме жасай отырып, 60 дана "Сармат" туралы ақпарат таратқан болатын. Алайда Ресейдің қорғаныс министрлігі өз жоспарын өзгертуі мүмкін. Әзірше бұл – жаңа зымырандардың шекті көлемі. Бұның бәрі стратегиялық шабуылдаушы қару-жарақты шектеу және қысқарту туралы келесімшартта (СНВ-3) көрсетілген. Оған сәйкес, Ресейге 700 ұшыру қондырғысы мен 1 150 әскери блокты жасақтауға рұқсат бар.

Қазіргі кезде стратегиялық мақсаттағы зымыран әскері ядролық күштерге тиесілі қару-жарақтың шамамен 60 процентін ұстап отыр. 2024 жылға дейін оларда тек жаңа үлгідегі қару-жарақ қана қалады деген жоспар бар.

Стратегиялық мақсаттағы зымыран әскерін дамыту кезінде АҚШ-тың сыртқы саясаты ескеріледі. Соның ішінде Вашингтонның орта және қысқа қашықтыққа ұшатын зымырандарды жою келісімшартынан шығып кету шешімі де бар. Ондай зымырандар Еуропада Ресейге жақын жерде орнатылуы мүмкін. Мәселен, Польша мен Румынияда Пентагонның зымыранға қарсы кешендері құрылды. Ол жерде Мк-41 әмбебап ұшыру қондырғылары да бар. Соның негізінде "Стандарт-3" мен "Томагавк" зымырандарын ұшыруға болады. Ал Польша мен Румынияда тұрған ұшқышсыз аппараттарды ядролық оқ-дәрімен жабдықтауға әбден мүмкіндік бар.

"Красная звездаға" сұхбат берген стратегиялық мақсаттағы зымыран әскерінің қолбасшысы Сергей Каракаевтың айтуынша, орта қашықтыққа ұшатын зымырандар Ресейге қарсы қолданылса, кері соққы сол зымырандарды ұшырған мемлекеттерге ғана емес, АҚШ-қа жасалады.

Биыл зымыран әскері 200-ден астам оқу-жаттығуды өткізуді жоспарлап отыр. Соның ішінде құрлықаралық баллистикалық зымыранды алты рет ұшыру шарасы да бар. Оны Плесецк ғарыш айлағында жасайды.

Бүгінде стратегиялық мақсаттағы зымыран әскерінің құрамында үш зымыран армиясы мен 12 зымыран құрамы (соның ішінде шахталық ұшыру қондырғысы бар төрт дивизия мен көшпелі кешенмен жұмыс істейтін сегіз мобильді құрам) бар. Ал оларды әуе қорғанысына арналған С-300ПМ мен С-400 зениттік кешендер, сондай-ақ, "Мозырь" жүйесі қорғап тұр.

171
Кілт сөздер:
зымыран, Ресей
Архивтегі фото

Ресейлік танымал актриса коронавирус жұқтырды

183
Алена Бабенко әлеуметтік желіде COVID-19 індетін жұқтырғанын және денсаулығының нашарлағанын хабарлады

НҰР-СҰЛТАН, 24 мамыр – Sputnik. Ресейдің еңбек сіңірген әртісі Алена Бабенко коронавирус диагнозымен  ауруханаға жатқызылды. Бұл туралы актриса өзінің Instagram парақшасында хабарлады.

Посмотреть эту публикацию в Instagram

Публикация от Алена Бабенко (@alena_babenko_official)

Алена Бабенко сырқат екенін сезген бойда "Танцы со звездами" шоуынан кетіп, өзін оқшаулағанын атап өтті.

"Мен өз денсаулығыма ғана емес, достарым мен әріптестерімнің денсаулығына да жауаптымын. Өкінішке қарай, бұл әлгі коронавирус болып шықты", - деді актриса.   

Бабенко аурудың дене қызуының көтерілуі, әлсіздік секілді белгілерін байқаған. Қазір ол ауруханада емделіп жатыр, жағдайы біршама жақсарған.

Ресейлік актриса Алена Бабенко кинода, театрда және телехикаяларда ойнайды. Актриса ондаған рөлді сомдаған. 2013 жылы ол режиссер Ермек Аманшаев пен Георгий Шенгелияның "Параллель әлемдер" Қазақстан-Ресей мелодрамасында ойнады.

24 мамырдағы мәлімет бойынша Ресейде COVID-19 індетін жұқтырған 344 481 адам тіркелді.

183
Кілт сөздер:
актриса, коронавирус
Тақырып бойынша
"Басқаша түсініп қалды": Нұрлан Еспанов коронавирус туралы айтқан сөзін түсіндірді
Әйгілі Голливуд актері әйелі екеуі коронавирус жұқтырғанын мәлімдеді
Коронавирус індеті: COVID-19 жұқтырған танымал адамдар - фото
Танымал қазақстандық әнші төтенше жағдайға байланысты әскерге шақырылды – видео
Ауа райы

40 градус ыстық: 26 мамырға арналған ауа райы

146
(Жаңартылды 23:14 25.05.2020)
Қазақстанның бірқатар өңірінде дабылды ескерту жарияланды. Сейсенбі күні ыстық болады, бұршақ жауып, қатты жел соғады

НҰР-СҰЛТАН, 25 мамыр — Sputnik. Қазгидромет синоптиктері 26 мамыр күні бірқатар өңірде аптап ыстық болатынын айтты.

Алдағы үш күнге арналған ауа райы болжамында солтүстік өңірлерде күн салқындайтыны хабарланды. Оңтүстікте күн ыстық болады. Кей жерлерде жел күшейеді.

Дабылды ескерту

Ақмола облысында 26 мамырда күн күркіреп, бұршақ жауып, шаңды жел болады. Жылдамдығы - 15-20 м/с.

Күндіз Павлодар облысында желдің жылдамдығы - 25 м/с.

Сейсенбі күні Солтүстік Қазақстан облысында тұман болады, желдің жылдамдығы - 25 м/с.

Батыс Қазақстан облысында аптап ыстық. Плюс 37 градус, күн күркірейді.

26 мамырда Түркістан облысында шаңды дауыл, желдің жылдамдығы - 23 м/с. Күндіз батыста аптап ыстық, плюс 40 градус.

Ірі қалалардағы ауа райы

Елордада дабылды ескерту жарияланды. Шаңды дауыл болады, желдің жылдамдығы - 20 м/с. Ауа температурасы түнде 18-20 градус жылы, күндіз плюс 32-34 градус.

Алматыда түнде плюс 17-19 градус, күндіз – 31-33 градус ыстық.

Шымкентте түнде 19-21 градус жылы, күндіз сынап бағанасы 35-37 градусқа дейін көтеріледі.

146
Кілт сөздер:
ыстық, мамыр, ауа райы
Тақырып бойынша
Көкшетауда дауыл кезінде зардап шеккен екінші адам қайтыс болды
Қазақстанда дауылды жел 160 ғимараттың шатырын ұшырып әкетті
Алматыда жалға алынған көлік ағаш пен жеке үйдің қоршауын қиратты
Ақмола облысында қатты жел ағаштарды жұлып, үйлердің шатырын ұшырды