Қалыңдық

Қалыңдық үйлену тойы күні күйеу жігіттің қабіріне келді

7068
(Жаңартылды 17:51 10.10.2018)
Қос ғашық Джессика мен Кендалл Джеймс той күнін белгілеп қойған. Алайда күйеу жігіт өзгенің өмірін құтқарамын деп өзі ажал құшады

АСТАНА, 10 қазан – Sputnik. АҚШ-та қалыңдық тұрмысқа шыққалы жүрген жігітінен қапыда көз жазып қалды. Қыз олардың үйлену тойы өтуі тиіс болған күні некеқияр көйлегін киіп, күйеу жігіттің қабіріне келді.

Джессика Пэджетт (Jessica Padgett) сүйіктісі Кендалл Джеймс Мерфидің (Kendall James Murphy) құлпытасының жанында фотосессияға қатысты. Ол той көйлегімен қабірдің басында тұрып, күйеу жігіттің үлкен суреті мен өрт сөндіру киімін ұстап суретке түсті. Оған туыстары мен достары қолдау көрсетті. Бұл идеяны марқұмның анасы ұсынған екен. Ол фототүсірілімді қалыңдықтың қайғысын аздап жеңілдетін болар деген үмітпен ұйымдастырған, деп жазды The Sun басылымы. 

Фотограф суреттерді Facebook-те жариялады, оны 21 мыңнан астам қолданушы бөлісіпті.

Еріктілердің өрт сөндіру жасағында болған Мерфи 2017 жылдың қарашасында көз жұмды. Ол апат кезінде көлікте қысылып қалған адамға көмек көрсетуге аттанған. Ерікті автокөліктен шыққан кезде, оны өрт сөндіру көлігінің жүргізушісі Колби Блейк (Colby Blake) қағып кеткен. Кейінірек жүргізушінің қанындағы алкоголь деңгейі нормадан екі есе жоғары екені анықталды. Блейк әлі күнге дейін сот алдында жауап берген жоқ.

Өрт сөндірушілердің ұлттық қауымдастығы (The National Fallen Firefighters Association) Мерфиге "отбасымен және достарымен бірге уақыт өткізгенді ұнататын жанқияр әрі жақсы адам" деген мінездеме берген.  


7068
Кілт сөздер:
трагедия, үйлену тойы, АҚШ
Тақырып бойынша
Шың басында үйленуге ұсыныс жасаған жігіт сүйіктісімен бірге ажал құша жаздады
Тойға шақырылған қонақтардан ақша талап еткен қалыңдық күйеусіз қалды
Қалыңдық тойда билеп жүріп аяғын сындырып алды
Қалыңдық жігітін бұрынғы қызын тойына шақырғаны үшін айуандықпен өлтірді
Қытай

Қытайға жасалған қыспақ кімге тиімді?

182
Қытаймен арадағы соғыстың бір боларына көзі жеткен батыс қауымдастығы санкциялар, экономикалық байланыстарды шектеу, өзара шпионаж, конфронтациялық соғыс күштерін есепке алмағанда, Бейжіңді жеңетін ғажайып әдіс іздеп жатыр

Вашингтон, Лондон және Брюcсельде талқыланатын "қытайлық айдаһарды тұншықтыру" әдістерінің барлығы дерлік антиқытайлық коалиция құруды қарастырып отыр. Дәл осы секілді ұжымдық күшпен оқшаулау әрі жансыздандыру КСРО-мен күрес кезінде де қолданылған болатын, деп жазады РИА Новости.

Егер қандай да бір бағыттауыш ұстанымдарының деңгейінде ешқандай алуантүрлілік байқалмаса, осы ұстанымдарды нақты жүзеге асыруда президенттер, премьерлер, саясаткерлер мен аналитиктердің найзасы сынатындай күрделі проблема туындап отыр.

Мәселе Еуроодақтың көптеген елі, әсіресе, Германия, Франция және Италия мен Азиядағы бірқатар мемлекет ҚХР-ға қарсы бұл қырғи-қабақ соғысқа АҚШ-тың қуыршағы секілді қатысуға аса үлкен құлшыныс білдірмеуінде болып отыр. Сонымен қатар, олар жеңіс үшін АҚШ-қа ақы төлеуді құптамай отыр және толықтай тыйым салу шараларына да бірауыздан келісім беріп отырған жоқ. Мысал ретінде 5G желісі үшін қытайлық Huawei компаниясының Еуроодаққа жабдықтар жеткізуін айтуға болады. Бұл Вашингтон мен Лондондағы "антиқытайлық қырғиларды" қуанта қоймағаны сөзсіз.

Council on Foreign Relations (Халықаралық қатынастар жөніндегі кеңес) үшін ықпалды "ми орталығы" болып табылатын Foreign Affairs беделді журналы осы мәселе айналасындағы әдістерді екі түрге бөліп отыр. Оның бірін "Дональд Трамп әдісі" деп, екіншісін "Борис Джонсон әдісі" деп атауға болады.

Council on Foreign Relations-тің америкалық элита мен Еуропадағы проамерикалық элитаның ойлауына ауқымды ықпалын ескере отырып, "қытайлық проблеманы" шешуге қандай әдістер ұсынылатынын қарап көруге мүмкіндік бар.

Foreign Affairs мақаласы "Демократиялар кеңесі халықаралық қатынастағы көпжақтылықты құтқауы мүмкін" деген тақырыппен жарық көргенімен, ондағы ұсынылған әдістер Вашингтонның әлемдегі басымдылық рөлін сақтап қалуға бейімделген және айырмашылық тек америкалық үстемдікті сақтауға арналған нақты әдістерде ғана болып тұр.

Беделді америкалық басылым авторлары әлемдегі тәртіпке бүгінде тоқырау келгенін және басты қауіп коронавирус емес, Ресей мен Қытай екенін алға тартады.

Алайда, Екінші дүниежүзілік соғыстан кейін Америка Құрама Штаттары негізін қалаған көпжақты жүйе коронавирус пандемиясына дейін әлемдегі өзекті мәселелерді тиімді шеше алмай келген. COVID-19 патшаның жалаңаш екенін көрсетсе, шындығында, патша біраз уақыттан бері жұпыны киімде жүрген еді.

Әлемдік экономикалық ауырлық күші Үнді-Тынық мұхиты өңіріне қарай ығысқаннан кейін жаһандық амбициясы бар құрылымдарға аталған өңірдегі маңызды өкілдіктерсіз үстемдік құру қиынға соқты. Алайда, 1973 жылғы мұнай шогынан кейін құрылған G7-де Еуро-Атлантида аумағынан тыс бір ғана мүше бар, ол – Жапония. 1997 жылғы азиялық қаржы дағдарысынан кейін құрылған және 2008 жылғы дағдарыс кезінде өз тиімділігін көрсеткен "үлкен жиырмалық" саяси және халықаралық проблемаларды шешу көзқарасы бойынша сәйкес келмейтіні анықталды. Ал, БҰҰ Қауіпсіздік кеңесі Ресей мен Қытайда агрессивті өктемшілдіктің пайда болуымен дел-сал күйде болатын.

Бұл "Барлығы құрыды және жұмыс жасамайды! " деген тезиске дәл келетін диагноз іспеттес.

Сәйкесінше, бірі Трамптан, бірі Джонсоннан екі шешім ұсынылып отыр. 

Джонсон алғашқылардың бірі болып жаңа құрылым құруды ұсынды. Мамыр айында ол G7 мен Австралия, Үндістан және Оңтүстік Корея елдерінен құралған жетекші он демократиядан тұратын альянс құруды және оны D10 деп атауды ұсынды. Бұл ұйым телекоммуникациялар саласындағы саясатты үйлестіруге және 5G техологиясымен басым тұрған қытай нарығының көшбасшысы Huawei брендіне балама әзірлеуге бейімделмек.

Осыдан кейін Трамп маусымдағы G7 кездесуін кейінге қалдырып, күзде G11 форматында бас қосуды ұсынды. Джонсон ұсынысынан асып түсуді мақсат тұтатын Трамптың жаңа тобы дәл сол он елмен қатар Ресейді де қосуды ұсынады.

Foreign Affairs сарапшылары Ресейді бұл клубқа енгізбеуді ұсынып, D10 нұсқасына қолдау көрсетіп отыр. Олардың пайымдауынша, Ресейді қалай болғанда да антиқытайлық күреске қатысуға көндіргенмен, Трамп схемасы бәрібір нашар сипатқа ие және ұзақмерзімді уақытта келешексіз болып қалуы мүмкін. Ал, Джонсон иедясынан Қытайға қарсы одақ құруға емес, әлемде барлығы жақсы болуы үшін бірігуге шақырған позитивті үндеуді табуға болады.

Позитивті үндеу – бұл "Демократия", "Бостандық" және "Адам құқығы" секілді лозунгтер. Мұндай позитивті үндеудің пайда болуы Вашингтонның қазіргі сыртқы саясатына қарсы келіп тұр: "Құрама Штаттар Қытай басқарып отырған Азия инфрақұрылымдық инвестициялар банкіне, "Бір белдеу – бір жол" бастамасына және Ресей қолдау көрсетіп отырған "Солтүстік ағыны - 2" бастамасына қарсы болуы мүмкін. Бірақ, сенімді балама ұсына алмаса, басқа елдерді көндіру қиынға соғады. Вашингтан ештеңе қолданбай бірдеңені жеңе алмайды".

Алайда, "АҚШ-та жасалған" деген затбелгісі бар "демократия" мен "бостандық" Германия үшін ресейлік газды немесе Италия үшін қытайлық инвестицияны алмастыра алмасы анық. Бұл мәселені ақшамен шешуге болар еді. Бірақ, Вашингтонға мұндай қарым-қатынас керек емес. Байденге де, Трампқа да колониялар қажет. Бірақ, Еуроодақты бұл жағдайға кері қайтару мүмкін емес. Одақтың D10 немесе G11 форматында болуы аса үлкен рөл ойнап тұрған жоқ.

182
АҚШ-тың мемлекеттік департаментінің ғимараты

Ресей елшілігі АҚШ мемлекеттік департаменттің баяндамасына қатысты пікір білдірді

40
АҚШ-тың мемлекеттік департаменті жанындағы жаһандық өзара іс-қимыл орталығы "ресейлік жалған ақпарат тірегі" туралы есеп жариялаған еді

АЛМАТЫ, 6 тамыз – Sputnik. Ресейдің Вашингтондағы елшілігі мемлекеттік департаменттің "ресейлік үгіт-насихат туралы" баяндамасы Мәскеудің АҚШ-пен ынтымақтастықты қалпына келтіру туралы ұсыныстарын "өшіруге" арналған деп мәлімдеді, деп хабарлайды РИА Новости.

Бұған дейін мемлекеттік департамент жанындағы жаһандық өзара іс-қимыл орталығы "ресейлік жалған ақпарат тірегі" туралы есебін жариялады, ол жерде "ресейлік үгіт-насихат" тұжырымдамасы жүйеленген. Оның ішінде мемлекет қаржыландыратын ресейлік БАҚ тізімі көрсетілген. Баяндамада жалған ақпарат таратушы ретінде Sputnik, РИА Новости, RT, Бірінші арна, Ресей 24 және басқалардың тақырыптары мысал ретінде көрсетілген.

Дипломатиялық уәкілдік "АҚШ-ты сынауға батылы жеткен" ресейлік және шетелдік БАҚ-қа олардың мұқият зерттелуі мүмкін екенін айтты. Ал олардың америкалық әлеуметтік желідегі ресурстары себебі түсіндірілместен бұғатталып қалу қаупі бар.

Елшілік мемлекеттік департаментті "балама ақпарат көздерінің болуын ұнатпайды" деп хабарлады. Дипломатиялық уәкілдік олардың беделін түсіру үшін елеулі ресурстардың тартылғанын айтты.

"Вашингтонға қайшы келетін кез келген хабар жалған ақпарат деп жарияланды",- деп атап өтті дипломаттар Facebook желісінде.

Елшілік баяндамадағы мағынасыз мәлімдемелерді атады. Сонымен, АҚШ-тың сыртқы саясат басқармасы "ресми үкіметтік коммуникацияларға" Ресейдің либералды-демократиялық партиясының жетекшісі Владимир Жириновскийді және жеке меншік "Говорит Москва" радиостанциясын тіркеп қойған.

"Егер бұл америкалық әріптестердің мұқият жасаған бүкіл құрылымының шыңы болса, онда ол шағын үйшікке көбірек ұқсайды", -деді елшілік.

Айта кетсек, Кремль мен СІМ бұған дейін бірнеше рет Ресей жалған ақпарат таратады деген айыптауларға жауап берген еді.

40
Ресейлік әскери дәрігерлер Қазақстанға келді

Ресейдің әскери дәрігерлері Нұр-Сұлтан мен Алматыдағы госпитальдерде жұмысқа кірісті

0
(Жаңартылды 10:00 07.08.2020)
Бағдарлама емделушілердің емдеу хаттамаларын зерделеуді, семинарлар өткізіп, диагностикалау саласында тәжірибе алмасуды көздейді

НҰР-СҰЛТАН, 7 тамыз – Sputnik. Қазақстан мен Ресейдің әскери дәрігерлері коронавирус инфекциясымен күрес бойынша бірлескен жұмысқа кірісті. Бұл туралы қорғаныс министрлігі хабарлады.

"Қазақстан мен Ресей қорғаныс ведомстволары басшыларының әскери-медициналық ынтымақтастық туралы келісіміне сәйкес, Нұр-Сұлтан мен Алматы қалаларының әскери клиникалық госпитальдеріне ресейлік анестезиолог-реаниматолог, инфекционист пен терапевтен тұратын әскери дәрігерлер тобы келді", - делінген хабарламада.  

Российские военные медики прибыли в Казахстан
© Photo : Минобороны Казахстана
Ресейлік әскери дәрігерлер Қазақстанға келді

Бағдарлама аясында емделушілердің емдеу хаттамаларын зерделеу, әскери дәрігерлердің консультациясымен семинарлар өткізу және инфекциялық ауруларды диагностикалау мен емдеу саласында тәжірибе алмасу көзделген.

 Бұған дейін хабарланғандай, ресейлік дәрігерлер Қазақстанда бір ай болады.

Сондай-ақ, Ресейден Қазақстанға медициналық жабдықтар мен қорғаныс құралдары жеткізілді.

0
Тақырып:
Коронавирус эпидемиясы
Тақырып бойынша
Коронавирусқа қарсы вакцинаның құны қанша болады?
Коронавирус анықтамасын сатқан медицина қызметкері қылмыс үстінде ұсталды – видео  
Коронавирустың екінші толқыны: елдің жағдайы не болады?
Қазақстанда бір тәулікте коронавирус пен пневмониядан 50 адам көз жұмды
Өткен тәулікте 980 адамнан коронавирус табылды