Қос ғашық

Махаббат мәңгі ертегі: аймаласып тұрған қос елес суретке түсіп қалды

1252
Суреттің авторының айтуынша, бұл Ромео мен Джульеттаның елесі болуы мүмкін

АСТАНА, 16 қазан – Sputnik. 60 жастағы Рон Бауэрс Линкольнширдегі Ревесби аббатығында серуендеп жүріп қорқынышты көріністі суретке түсіріп алды. Фотода ескі ғимарат фонында екі елес құшақтасып тұр, деп хабарлайды The Sun.

Рон Бауэрстің мамандығы инженер, тылсым дүниелерге онша сене бермейді, бірақ осы оқиғадан кейін нағыз сүйіспеншіліктің адам өлгеннен кейін де жалғаса беретініне көзі жетіпті. Ер адамның пікірінше, бұл — қос ғашықтың, бәлкім, Ромео мен Джульеттаның елесі.

Құшақтасып түрған екі елес
Құшақтасып түрған екі елес

Рон серуендеп жүргенде, бір түрлі дыбыс естіледі, артына бұрылып қараса, тұман арасынан адамның сұлбасы көрінген. Бастапқыда бір адам болып көрінгенімен, кейінірек құшақтасып тұрған жұпты анық байқайды.

"Екі адам құшақтасып тұрғандай көрінді, бір-біріне ғашық сияқты", — дейді Рон Бауэрс.

Суреттің негативінде екі адамның бейнесін айқын көруге болады. Шынымен құшақтасып тұрған қыз бен жігіт секілді.

Қос елестің суретінің негатив нұсқасы
Қос елестің суретінің негатив нұсқасы

Рон Бауэрс суреттің күдік туғызатынын мойындаса да, ештеңені қолдан жасаған жоқпын деп ант-су ішіп отыр.

 

 

1252
Кілт сөздер:
елес, фото, әлемде
Тақырып бойынша
Қалыңдық үйлену тойы күні күйеу жігіттің қабіріне келді
Өзбекстанда қос ғашық өздеріне қол салды
Загрузка...