Телефон, иллюстративті фото

Өзгенің әйелімен суретке түскен 24 жастағы футболшы қор болып өлді

3186
Спортшы бойжеткеннің үйіне сауық кешке келіп, оның ұйықтап жатқан анасымен селфи жасаған

АСТАНА, 7 қараша — Sputnik. Бразилиялық футболшы Даниэль Корреа төсекте ұйықтап жатқан әйелмен селфи жасаймын деп ажал құшты. Бұл туралы Mirror хабарлады. 

24 жастағы футболшыны 18 жастағы бойжеткен туған күніне шақырған. Түнгі клубтан шыққан жастар сауық кешті туған күн иесінің үйінде жалғастырады.

Даниэль Корреа қыздың ата-анасының жатын бөлмесіне кіріп, анасын көреді. Футболшы алаңсыз ұйықтап жатқан әйелмен селфи жасап, достарына "әкесі жоқта анасын құшқысы келетінін" айтып, мақтанады.

Бірер сәттен кейін бөлмеге әйелдің 38 жастағы күйеуі Эдсон Бриттс кіріп келген. Ол футболшы әйелімді зорламақ болып жатқанда үстінен түстім дейді. Бриттс спортшыны ұрып өлтіріп, мәйітін орманға алып барған, содан соң тамағынан орып жіберіп, жыныс мүшесін кесіп алған, деп жазды korrespondent.net. 

Үй иесі әйелінің айқайлағанын естіп, Корреаға бас салғанын мойындады. Полиция сондай-ақ қылмысты жасыруға көмектескені үшін әйелі мен қызын тұтқындады. Жігіттің әйелмен жыныстық қатынасқа түскен-түспегені әзірге белгісіз.


3186
Кілт сөздер:
селфи, футболшы, Бразилия
Тақырып бойынша
Селфи жасамақ болған турист көпірді құлатты
Солтүстік Қазақстанда селфи жасау үшін бағанаға шыққан жасөспірім тоққа түсті
Полицей көлігінің үстіне шығып, селфи жасаған павлодарлық қамауға алынды
Жезөкшені қызғанған жігіт жантүршігерлік қылмысқа барды
Шереметьево әуежайы

Қазақстан мен Ресей әуе қатынасын 21 қыркүйектен бастап қалпына келтіреді  

35
(Жаңартылды 10:07 19.09.2020)
Қазақстанға ұшып келетін жолаушылар дене қызуын өлшетіп, анкета толтырып қана қоймай, ұшып шыққанға дейін бес күннен аз уақыт ішінде алынған COVID-19 індетіне қарсы ПТР тестен өткендігі туралы анықтама беруі керек

НҰР-СҰЛТАН, 19 қыркүйек – Sputnik. Ресей 21 қыркүйектен бастап Қазақстанмен, Қырғызстанмен және Беларусьпен әуе қатынасын қалпына келтіреді.

Рейстер екі жақты негізде Нұр-Сұлтанға, Бішкекке және Минскіге аптасына бір рет орындалады. Мұндай шешім жаңа коронавирус инфекциясымен күрес жөніндегі жедел штабтың отырысында қабылданды, деп хабарлады Қазақстанның Ресейдегі елшілігінің сайты.

Рейстер мен билеттерді сату әуе компанияларының сайттарында жарияланған кестеге сәйкес жүзеге асырылады, деп толықтырды индустрия және инфрақұрылымдық даму министрлігі.

Оқи отырыңыз: Польша Қазақстанмен әуе қатынасын қайта қалпына келтіретін болды 

Бас санитар дәрігердің шешіміне сәйкес 16 қыркүйектен бастап Ресейден Қазақстанға келетіндер үшін жаңа ереже күшіне енді.

Қазақстанға ұшып келетін жолаушылар дене қызуын өлшетіп, анкета толтырып қана қоймай, ұшып шыққанға дейін бес күннен аз уақыт ішінде алынған COVID-19 індетіне қарсы ПТР тестен өткендігі туралы анықтама беруі керек.

Мұндай анықтама болмаған жағдайда, ПТР зерттеу жүргізіледі:

  • шетелдік азаматтар үшін – орналасқан жері бойынша;
  • Қазақстан Республикасының азаматтары үшін – тұрғылықты жері бойынша ұшып келген күнінен бастап 48 сағат ішінде.
  • Әйтпесе жолаушылар 14 күндік үй карантиніне жіберіледі.
35
Кілт сөздер:
Қазақстан, Ресей, әуе қатынасы
Тақырып бойынша
Алматы - Қостанай рейсінің жолаушысы ұшақ бортында көз жұмды
Қазақстандықтар 27 тамыздан бастап Түркияға ұша алады
Нұр-Сұлтаннан екі қалаға жолаушылар пойызы қайта жүреді
Шетелден ұшып келетін адамдарға қандай талаптар қойылады – бас санитар дәрігер түсіндірді
Қырғызстанға ұшуға рұқсат берілді: алғашқы рейске билеттер сатылып кетті
Спутник V вакцинасы

Ресейлік вакцина төңірегінде пікірталас туындады

78
Ресейлік ғалымдардың коронавирус инфекциясын әзірлеуі Батыс үшін саяси және қаржылық тұрғыдан үлкен "соққы" болды

Ресей күрделі ғылыми-технологиялық салада көш басына шығуға қақысы жоқ деген ойда. Сондай-ақ, таразының басында тұрған астрономиялық мөлшердегі қаржыға тіреліп тұрғаны даусыз. Ал оның батыстың фармацевтикалық концерндері уысынан шығып кетуін елестетудің өзі қиын.

Мысалы, Үндістанға жүз миллион дозаны жеткізу туралы бір ғана құнды келісімшарттың өзі неге тұрады?!
Бұл жерде Ресейдің өз отандық ғалымдарының зерттеу нәтижелерін қайта-қайта жоққа шығарғысы келетін кедергілермен бетпе-бет келгені таңқаларлық жағдай емес.

Алайда, ірі акулалардың жанында сөзсіз, кішкентай майшабақтардың да ілесіп жүретіні анық, ондай кезде олардың аузына үнемі майда-шүйде болсын жемтіктердің түсетінін ешкім жоққа шығара алмайды.
Дәл осындай әңгіме ықпалды медициналық бағыттағы The Lance журналындағы "Спутник-V" вакцинасын сынақтан өткізу нәтижелеріне қатысты жарияланым төңірегінде өрбіді.

Мақала тез сынға ұшырады. Шетелдік БАҚ-тың әсерінен әлемді шарлаған шулы жаңалықтың үлкені ашық хаттың айналасында болды. Онда американдық Темпл университетіні  биология ғылымының профессоры Энрико Буччи "ресейлік ғалымдардың жіберуі мүмкін қателіктеріне" қатысты қаупін жеткізген. Оның сөзін батыстың 20-дан астам ғалымы қолдады.

The Lance басылымы ресейлік вакцинаны әзірлеушілерге өздеріне бағытталған сауалдарға жауап беруді сұрайды, қарсы тарап өтінішті қанағаттандырды. Гамалея орталығы "Спутник-V" вакцинасын зерттеудің ауқымды клиникалық хаттамасын басылымға ұсынады. Ресейдің тікелей инвестициялар қорының басшысы Кирилл Дмитриев те журналда өз бағанасын жариялайды. Онда Дмитриев сыншылардың негізгі талаптарына түсініктеме береді, бұған қоса, ресейлік ғалымдардың жүзеге асырған ғылыми зерттеулеріне қатысты күмәнді ойды сейілту жолдарын қарастыруға шақырды.

Десек те, бұл жердегі мәселе отандық зерттеушілердің "көз майын тауысқан" ғылыми материалдары туралы да емес.

Шын мәнісінде, жанжал тудырған хат авторының өзі – көрнекті тұлға. Би-Би-Си материалында Энрико М.Буччи "жалған ғылыммен күресуші" ретінде аталған. Алайда, бұл жерде "ғылымнан шыққан іскер"  сипаттамасын қолдану  анағұрлым дұрысырақ болар еді.

2016 жылы Буччи верификацияға негізделген, ғылыми жұмыстардың тазалығы мен шынайылығын тексеретін Resis Srl компаниясының негізін қалайды.

Бұл заманауи ғылымдағы айтарлықтай "сәнді" тақырыпқа айналған. Себебі, соңғы жылдары зерттеушілерді қателіктері мен "дөрекі мақалалары" үшін жиі "әшкерелейтін" болды. Ал бұл жердегі мәселе тек алаяқтық туралы ғана емес. Көп жағдайда, болмашы қателіктер ғана кездескенімен,  оның  өзі ғалымдардың, тіпті кейбір ғылыми мекемелердің беделіне нұқсан келтіріп жатады.

Мұндай күрделі проблемалардан "құтылу" үшін қазіргі таңда авторлар мен зерттеу құрылымдары осы тақылеттес жұмысқа маманданған фирмаларға өз жарияланымдарын алдын ала "тәуелсіз аудиттен" өткізіп алу мақсатында ара-тұра жүгініп жатады.  Сол сияқты Буччидің компаниясын да немістің Фриц Липман институты дәл осы мақсатта "жалдаған".  Себебі, аталған институт төңірегінде ғалымдар жүргізген зерттеу жұмыстарында жіберілген қателіктер бойынша даулы мәселе көтеріліп, үлкен шу шыққан еді. Бұл оқиға туралы бір жыл бұрын  Nature журналы жан-жақты жазған болатын.

Мұның бір нәзік тұсы бар: осы тұрпатты бизнестің белгілі этикалық шектеулері болады, ал профессор Буччи мұны жақсы түсінеді. Мәселен, Naturе басылымында 2019 жылдың желтоқсан айында Буччидің өзі тең автор болған ғылыми еңбектің тазалығы мен шынайылығына қатысты материал жарияланған еді. Ол жерде  Энрико Буччидің көзқарас қайшылығы ашық көрінген болатын.

Сондықтан, егер, коммерциялық компанияның иесі өзі маманданған қызмет саласы туралы әңгімелесе,  бұл шын мәнісінде, оның фирмасы туралы жарнамаға айналып шыға келеді.

Батыс ресейлік вакцинаның "көшбасшылығын" жою немесе тым болмағанда әлсірету үшін кезекті мәрте соққы жасау мақсатында Буччидің ашық (өз-өзін жарнамалау бағытында әзірленген) хатын пайдаланды. Ал профессор бұрын-соңды ойына да кіріп шықпаған өзі туралы жарнамаға қарық болды. Бұл басқаша айтқанда, "хайпты ұршықша иіру" деп аталады, қазір бұл қағидат бойынша медиа кеңістігінің жүздеген , тіпті мыңдаған өкілдері әрекет етеді.

Бұл болашаққта оған жаңа әрі өте тартымды коммерциялық келісімшарт түрінде қайтып келетіні анық. Себебі, үлкен саясаттың "лай суынан" хайпты сүзіп алу айтарлықтай тиімді болар еді.

78
Кілт сөздер:
вакцина
Өрт сөндіру көлігі, архивтегі фото

"Бізді басып озбақ болды": Өрт сөндіру көлігі аударылып, жүргізуші көз жұмды

0
Оқиғаға куә болған басқа жүргізуші өрт сөндіру көлігі өзін басып озбақ болғанын, алайда сол қанатына соғып, содан кейін бірнеше рет аударылып түскенін айтты

НҰР-СҰЛТАН, 19 қыркүйек – Sputnik. Қайғылы оқиға кеше сағат 19.00 шамасында Батыс Қазақстан облысындағы тасжолда болды, деп хабарлады "Мой город" сайты.

Апат куәгері, ВАЗ-2114 көлігінің жүргізушісі Жандарбек Ақбасов отбасымен бірге қалаға қарай бара жатқанда өрт сөндіру көлігі басып озбақ болғанын айтты.

"Екі баламмен қалаға қарай бара жатыр едім. Өрт сөндіру көлігі бізді басып озбақ болып, сол қанатқа соғылды. Біз аударылып қала жаздадық, алайда көлікті дер кезінде туралай алдым, ал өрт сөндірушінің көлігі жолдан ұшып кетіп, бірнеше рет аударылды. Қарсы жолда көлік келе жатты-ау деймін, бірақ ол оны күтпесе керек", - деді Жандарбек Ақбасов.

Алматыда бірнеше көлік соқтығысты – оқиға орнында түсірілген видео 

Батыс Қазақстан облысы төтенше жағдайлар департаментінің баспасөз қызметі 46 жастағы азаматтық қорғаныс старшинасы апат салдарынан қайтыс болғанын хабарлады. №6 мамандандырылған өрт сөндіру бөлімінің жүргізушісі Деркөл ауылына бара жатқан. Ол салонда жалғыз болған.  

0
Кілт сөздер:
жол апаты, өрт сөндіру көлігі
Тақырып бойынша
Павлодарда мотоциклдің автокөлікпен соқтығысуы салдарынан екі адам көз жұмды
Алматыда үш бала мен олардың анасы жол апатына ұшырады
Шығыс Қазақстанда мас жүргізуші төрт баланы қағып кетті
Елордалық полицейлер жол апатының көбею себебін айтты
Блок бекетте 2 адамды өлтірді деген күдікке ілінген экс-полицей: Есімде ештеңе жоқ