Автобуста отырған қарт әйел

"Бір ай бойы тамақ ішпеген кездер болды". Әйел ұлының комадан шыққанын 12 жыл күткен

182
(Жаңартылды 13:33 09.11.2018)
Ер адам 2006 жылы жол апатына түсіп, сал болып қалған

АСТАНА, 8 қараша – Sputnik. Қытайда 75 жастағы әйел комада жатқан ұлының оянғанын 12 жыл бойы күткен. 

Ван Шубао 2006 жылы елдің шығысындағы Шаньдун провинциясы Шоугуан қаласында жол апатына түседі. Сал болып қалған 36 жастағы ер адам комаға түседі. Сол кезде оның 63 жастағы анасы Вэй Минъин емге жұмсалатын шығынды өз мойнына алады. Бар-жиған тергенін дәрігерлерге беріп, жылдар бойы күн-түн демей, комда жатқан ұлының қасында болған, деп хабарлайды The Mirror. 

Ақшасы таусылғанда, 120 мың юань (шамамен 6,5 миллион теңге) қарыз алған. Тіпті, ақшаның жоқтығынан бір ай бойы тамақ ішпеген кездері болыпты. Тек сумен ғана күнелткен. Сол аралықта 20 келі салмақ тастап, әбден арықтап кеткен. Қазір 75 жастағы әйелдің салмағы небәрі 30 келі ғана. 

Десе де қарт ана қиындыққа мойымайды, таңғы бесте ұйқыдан тұрып, ұлын жуындырады, тамағын береді, массаж жасайды. 

Жуырда Ван көзін ашып, анасына қарап күлімсіреді. Әйелдің айтуынша, ұлы барлығын түсінеді, тек өздігінен қозғалып, сөйлей алмайды. Қарт ана күндердің бір күнінде ұлы толығымен сауығып кетеді деген үмітте.

182
Кілт сөздер:
емделу, жол апаты, ер адам, кома, қарт, Қытай
Тақырып бойынша
Астанада науқас медбикені соққыға жығып, қабырғасы мен жағын сындырды
Әуесқойлық бокста Головкинді соққан боксшы жекпе-жектен кейін комаға түсті
Астанада белгісіз біреу науқас қыздың еміне жиналған ақшаны ұрлап кетті – видео
Комаға түскен қазақстандық Қытайдан Астанаға жеткізілді
Ақтөбеде медбике емханаға келген науқас әйелге қол көтерген
Ресейде қазақстандық әйел комаға түсті - СІМ оның туыстарын іздеп жатыр
ОҚО-да оқушы қыз көкөніс консервілерін жеймін деп комаға түсіп қалған
Қасым-Жомарт Тоқаев

Сыртқы істер министрі Тоқаев қандай тапсырма бергенін айтты

1237
(Жаңартылды 12:03 05.08.2020)
Қазіргі кезде Ливанда консулдық тіркеуде 113 Қазақстан азаматы тұр. Бітімгерлік миссияны орындау үшін барған 120 қазақстандық әскери бар

НҰР-СҰЛТАН, 5 тамыз – Sputnik. Президент Қасым-Жомарт Тоқаев Ливан астанасындағы жарылыстан кейін қазақстандықтардың қауіпсіздігін қамтамасыз етуді тапсырды. Бұл туралы сыртқы істер министрі Мұхтар Тілеуберді айтты, деп хабарлайды Sputnik Қазақстан тілшісі.

Министрдің айтуынша, қазіргі кезде Ливанда консулдық тіркеуде 113 Қазақстан азаматы тұр.   

"Біздің дипломаттарымыз олармен байланыста. Жарақат алғандар жоқ. Дипломатиялық миссияның кеңсесіне зақым келді. Бірақ оның бәрін қалпына келтіреді. Біздің қызметкерлеріміз және олардың отбасы мүшелері зардап шеккен жоқ", - дейді Тілеуберді. 

Оның сөзіне қарағанда, қазіргі кезде Ливан аумағында 120 қазақстандық әскери бар. Олар бітімгерлік миссияны орындау үшін барған. 

"Олар бір күн бұрын орналасатын жерлеріне жетті. Барлығы аман-есен. Қазіргі кезде олардың ротациясы жүріп жатыр", - деп атап көрсетті Тілеуберді.

Бейрут қаласындағы жарылыс

4 тамыз күні Ливанның астанасында жергілікті уақытпен сағат 18:00 кезінде теңіз порт базасында бірнеше жарылыс болды. Жақын маңдағы және бірнеше шақырым қашықтықтағы үйлер, ғимараттар қирады.

Ливандық БАҚ жүздеген адам зардап шегіп, ондаған тұрғын қайтыс болғанын айтты.

Жарылыс пиротехника қоймасында болуы мүмкін деген болжам жасалды. Алайда Ливан қауіпсіздік қызметінің басшысы генерал Аббас Ибрагим мұны жоққа шығарып, жарылғыш заттар орнатылғанын мәлімдеп отыр.

Жарылыс толқыны салдарынан Ливандағы Қазақстан дипломатиялық миссиясының ғимаратына зақым келді. Ол кезде жұмыс аяқталды. Сондықтан дипломатиялық миссия қызметкерлері кеңседе болмады. Бірақ жұмыста қалған Қазақстанның Ливандағы консулы Бағлан Сыпабек жарылыс болған кезде жарақат алды.

 

1237
Кілт сөздер:
Қасым-Жомарт Тоқаев, сыртқы істер министрлігі
Тақырып бойынша
Ақсайда тазартқыш ғимаратта жарылыс болып, бөлімше бастығы көз жұмды
Бейруттегі жойқын жарылыс: Қазақстан консулы жараланды
Қаралы күн: Тоқаев Қырғызстан президентіне көңіл айтты
Қазақстандықтарды дүрліктірген оқиға: Тоқаев тапсырма берді
Тоқаев: үкімет карантин режимін сақтау шараларын күшейтуге міндетті
Өткізу бекеті

Қазақстан Ресеймен шекарада неге шектеу енгізді?

102
(Жаңартылды 10:30 05.08.2020)
Шекаралас аймақтардағы эпизоотиялық жағдай облыстардың ветеринарлық қызметінің ерекше бақылауына алынды

АЛМАТЫ, 5 тамыз– Sputnik. Қазақстан Челябі облысында құс тұмауы ошағының анықталуына байланысты Ресеймен шекараға шектеулер енгізді.

"Қазақстанның ауыл шаруашылығы министрлігінің ветеринарлық бақылау және қадағалау комитеті 2020 жылдың 4 тамызынан бастап Челябі облысынан термиялық өңдеуден өтпеген құстарға арналған жемшөп қоспалары, таксидермиялық өңдеуден өтпеген ауланған олжа, сонымен қатар құстарды ұстауға, союға және кесуге қолданылатын құрал-жабдықтар әкелуге және тасымалдауға уақытша шектеулер енгізді", - делінген ақпаратта.

Сонымен қатар шекаралас аймақтардағы эпизоотиялық жағдай облыстардың ветеринарлық қызметінің ерекше бақылауына алынды.

Айта кетейік, 2020 жылдың 3-4 тамызында ветеринарлық және фитосанитарлық қадағалау бойынша федералды қызметтің Челябідегі басқармасы аймақта анықталған құс тұмауы вирусының генетикалық белгілері туралы ақпарат таратты. Құс өлекселерінен алынған барлық сынамаларда H5N8 тұмауы вирусының кіші түрі анықталды.

Құстың барлық түрлі тұмауды тез қабылдайтыны белгілі. Бұл жылдам жұғатын әрі лезде тарайтын вирустық ауру. Соған байланысты құс тұмауының жаппай таралып кету қаупі бар.

H5N8 адамдар үшін төмен патогенді деп саналғанымен, ғалымдардың пікірінше, ол тез өзгеріске ұшырап, тұмаудың басқа түрімен ауырған жағдайда өлімге әкеп соғуы мүмкін.

Тағы оқыңыз: ҰҚК шекарада болған жағдайға қатысты түсініктеме берді

 

102
Кілт сөздер:
құс, тұмау, Ресей, Қазақстан
Архивтегі фото

Ордабасы ауданында коронавирус жұқтырған соңғы науқас жазылып шықты

0
Ауданда коронавирус инфекциясын жұқтырған 158 науқас тіркелген. Оның екеуі қайтыс болды. Қалғаны ауруханадан шыққан

НҰР-СҰЛТАН, 5 тамыз – Sputnik. Түркістан облысында Ордабасы аудандық орталық ауруханасының коронавирус инфекциясын жұқтырғандарға арналған инфекциялық бөлімі қазір бос тұр. Мұнда емделген соңғы науқас ауруынан толық сауығып шыққан.

"Парламент мәжілісінің депутаты Нұржан Әлтаев бастаған республикалық "Қоғамдық бақылау" өкілдері аудандық ауруханада болып, жағымды жаңалыққа куә болды", - деп хабарлады облыс әкімінің баспасөз қызметі.

Ордабасы аудандық орталық ауруханасы 120 мың халыққа қызмет көрсетеді. Ауданда коронавирус инфекциясын жұқтырған 158 науқас тіркелген. Оның ішінде 2 азамат қайтыс болды. Емделушілер толық жазылып шыққан. Пневмония ауруы да азайып, провизорлық госпитальдың төсек-орын саны 40 орынға қысқарған. Қазір аталған індетпен 21 науқас ем қабылдап жатыр.

Оқи отырыңыз: Мамин коронавирус пандемиясының жаңа толқыны туралы айтты 

Аудандық аурухана 9 жасанды тыныс алдыру аппараты және 70-тен астам оттегімен қамту жабдығымен қамтамасыз етілген. Жеке оттегі жеткізу орталығы орнатылған. Дәрі-дәрмек қоры жеткілікті. Бір ай бұрын құрылған 17 мобильді топ мыңға жуық науқасқа үйлеріне барып, ем көрсеткен.

"Қоғамдық бақылау" өкілдері аурухананың инфекциялық және провизорлық бөлімдерін аралап, жедел-жәрдем көлігімен және зертхана жағдайымен танысып шықты.  

0
Кілт сөздер:
Ордабасы ауданы, коронавирус
Тақырып:
Коронавирус эпидемиясы
Тақырып бойынша
Маска тақпағандарға 79 мың теңге айыппұл салынады
Қазақстанда коронавирустан қанша адам қайтыс болғаны айтылды
Билік коронавирустан қайтыс болғандардың нақты санын жасырып отыр ма?
Денсаулық сақтау министрі бетперде тағуға қатысты соңғы өзгерісті жариялады
Ақорда бірнеше қылмыстық істің қозғалғаны туралы ақпарат таратты