Оқушының архивтегі фотосы

Оқушының апат орнында қалдырған хаты миллиондаған адамның жүрегін елжіретті

2268
(Жаңартылды 12:46 27.11.2018)
Студент оқушы қыздың хатының арқасында автокөлігін соғып кеткен адамды іздеп тапты

АСТАНА, 25 қараша — Sputnik. Оқушы қыз жол-көлік оқиғасы болған жерге қалдырып кеткен хаттың мазмұны миллиондаған адамның жүрегін елжіретті.

АҚШ-тың Буффало қаласында тұратын Эндрю Сипович автокөлігін үйінің жанынадағы тұраққа қалдырады. 21 жастағы студент қайтып келгенде көлігін біреу соғып, жапырып кеткенін көрген. Бұл туралы ол твиттерде жазды, деп хабарлады L!FE.

Бірақ жігіт көп кешікпей хат тауып алады, онда болған жайттың бәрі баяндалыпты. Тіпті сурет арқылы түсіндірген. Бұл оқиғаның танымал болғаны соншалық, ол жайлы көптеген шетелдік БАҚ жазды.  

Эндрю хатты алтыншы сынып оқушысы жазғанын, өкінішке қарай, аты-жөнін көрсетпегенін айтты. Дегенмен ол қыздың арқасында "Форд Мустанг" көлігін кім соғып кеткенін анықтады.

Хабарламада қыз не болғанын толық баяндаған екен. Ол жол-көлік оқиғасына 449 нөмірлі мектеп автобусы кінәлі екенін айтқан.  

Жігіттің желідегі жазбасы жылдам таралып, Twitter-де 1,2 миллион лайк жинады. Хатты көрген мұғалімдердің бірі оны кім жазғанын білетінін айтқан. Енді Эндрю мектеп оқушысына алғыс айтуға бармақшы.  


2268
Кілт сөздер:
хат, жол апаты, АҚШ
Тақырып бойынша
Қытай түрмесінде отырған қазақ қызының әке-шешесіне жазған хаты жарияланды
Ұлыбритания патшайымы қазақстандық қыздың хатына жауап берді
Загрузка...