Әлем

Танымал әртіс даяшы қыздарға 20 мың доллар шайпұл қалдырып кетті

© Photo : pixabay.comПачки долларов
Пачки долларов - Sputnik Қазақстан
Жазылу
Атақты рэпер "Макдоналдс" дәмханасының екі қызметкеріне бір айлық жалақы көлемінде шайпұл берді

АСТАНА, 31 қаңтар – Sputnik. АҚШ-тың атақты рэпері Дрейк "Макдоналдс" дәмханасының екі қызметкерінің әрқайсысына он мың доллардан шайпұл қалдырып кетті, деп жазады The Sun.

Басылымның жазуынша, хип-хоп орындаушы бургер сатып алып, кейін даяшы қыздарға қомақты ақша сыйлаған.

Twitter желісінде Дрейктің "Макдоналдс" дәмханасында жүрген суреті жарияланды. Фотода әртіс қос оққағарының қасында дәмхана қызметкерімен сөйлесіп тұр.

​Кадрды оқиғаға куәгер болған AJ деген қолданушы жүктеген екен.

2018 жылы қыркүйекте Дрейк жылдың ең табысы мол рэперлерінің ондығына енді. Оның табысы 47 миллион долларды құрапты.

Жұлдыз бұдан бұрын да жомарттығымен көзге түскен. 2018 жылдың ақпан айында God’s Plan әніне бейнебаян түсіріп, сол кезде бейтаныс жандарға миллион доллар таратқан еді.

Жаңалықтар
0