Шоколадные конфеты, иллюстративное фото

Салмағы 29 келі ғана болған қыз кәмпиттің арқасында адам танымастай өзгеріп кетті

1443
Қазір Эннидің салмағы – 45 келі, дұрыс тамақтанып, спортпен шұғылданады

АСТАНА, 3 ақпан – Sputnik. Англияда тұратын 21 жастағы Энни Уиндли арық болу үшін бес жыл бойы күніне бір мезгіл тамақтанып, ветчина мен нан ғана жеген. Ақыр соңында бойжеткеннің денсаулығы нашарлап, бес рет ауруханаға түседі.

Дене бітімінің сымбатты болып қалғанын қалаған Энни ет пен сүт өнімдерінен бас тартып, күніне бір мезгіл тамақтануға бел буған. Ветчина мен нан ғана жейтін қыздың салмағы небәрі 29 келі ғана болыпты. Алайда көп ұзамай қыздың денсаулығы нашарлап, психологиялық проблемалар басталады, деп хабарлайды life.ru.

Дәрігерлер, тіпті, жүрек талмасы болуы мүмкін екенін ескерткен, Энни көз алды бұлдырап, қарауытып, төсектен тұра алмай қалатын хәлге жетеді. Ата-анасымен, құрбы-құрдастарымен сөзге келіп, қарым-қатынасы бұзылады. Алайда Энни ап-арық болу үшін жақындарының сөзіне құлақ аспай, райынан қайтпайды.

Бірақ күндердің күнінде бәрі өзгерді: күні бойы шоколад жегісі келіп, әрең шыдаған Энни кешке таман кәмпит жейді. Таңертең ерте өлшеніп, артық салмақ қоспағанын аңғарады. Осыдан кейін қыздың тамақ алдындағы қорқынышы бірте-бірте азайып, бір-екі жылдан кейін дұрыс тамақтана бастаған.

Посмотреть эту публикацию в Instagram

Публикация от Annie (@tinyrecovery)

Қазір бойжеткеннің салмағы – 45 келі, өзін жақсы сезінеді. Қалаған тамағын жеп, спортпен шұғылданады.

1443
Кілт сөздер:
арықтау, салмақ, қыз, шоколад
Тақырып бойынша
"Дәрігерлер аң-таң": Димашпен кездескен соң жаңазеландиялық әжейдің өмірі өзгерді
Ғалымдар аз ұйқының адам өміріне орасан зор қаупін дәлелдеді
Қазақстандық ғалымдар өте маңызды жаңалық ашты
Ғалымдар кез келген жаста ойлау қабілетін жетілдірудің әдісін тапты
Ғалымдар күндізгі ұйқының неге қауіпті екенін анықтады
Антарктида

Мұздықтардың еруі ежелгі вирустардың қайта таралуына әкелуі мүмкін ғалым

85
(Жаңартылды 11:16 07.07.2020)
Жер шарындағы экожүйенің өзгеруі эпидемиологиялық жағдайға қалай әсер ететінін адамзат зерттеуі тиіс, дейді ғалымдар

НҰР-СҰЛТАН, 7 шілде – Sputnik. Климаттың жылынуына байланысты мұздықтардың еруі ежелгі экожүйелер бөлшектерінің жер бетіне шығуына, соның ішінде вирустардың қайта таралуына әкелуі мүмкін. Бұл туралы Тынық мұхиты география институтының Черский елді мекеніндегі солтүстік-шығыс ғылыми-тәжірибелік станциясының аға ғылыми қызметкері Сергей Давыдов мәлімдеді, деп хабарлайды РИА Новости.

"Ресей территориясының 10%-тен астамы – мәңгі тоң. Бұл миллиондаған жыл бұрын қатып қалған шөгінділер. Ірі жануарлар әлемінен құралған мамонттар экожүйесіндегі мамонт пен қошқарөгіз және жүнді мүйізтұмсықтардың өздеріне тән аурулары болды. Оның бәрі де кезінде қатып қалды, ал қазір еріп жатыр", - деді ғалым.

Давыдов зерттеушілердің жаңа вирустар тауып жатқанымен, олардың "адамдарға әсер ете қоймайтынын" айтады.

Бірақ ол бір кездері өлімнің жоғары көрсеткішіне алып келген қара шешек ауруынан Сібірдің солтүстік-шығысындағы юкагирлердің саны күрт азайғанын еске салды.

Оқи отырыңыз: Пневмония эпидемиясы: коронавирус қайда кетті?

"Тоңның арасында қара шешектің сақталуы мүмкін екендігін жоққа шығаруға болмайды. Сондықтан да бұрын болған эпидемиялар зерттеуді қажет етеді", - дейді ғалым.

85
Кілт сөздер:
ғалымдар, эпидемия
Тақырып бойынша
ДДҰ әлемде коронавирус жедел тарап жатқанын мәлімдеді
Қазақстанға қатаң карантин керек пе – сарапшылар пікірі 
Ғалымдар ақырзаманның қашан болатынын болжады
Жер беті ғарыштан қалай көрінеді - таңғажайып 20 сурет
Қазақстандық ғалым өзінің сенсациялық мәлімдемесін түсіндірді
Танкер, архивтегі фото

Жаңа танкерге Нұрсұлтан Назарбаевтың есімі беріледі

353
Жаңа танкердің құрылысы басталды. Мұндай сыйлық Қазақстанның тұңғыш президентінің 80 жылдығына орай жасалды

НҰР-СҰЛТАН, 6  шілде – Sputnik. Ресейлік "Звезда" кеме жасау зауытында жаңа танкердің құрылысы басталды. Оған Қазақстанның тұңғыш президенті Нұрсұлтан Назарбаевтың есімі беріледі.

"Роснефть" компаниясының баспасөз қызметі таратқан мәліметке сәйкес, "Звезда" кеме жасау зауыты "Афрамакс" үлгісінде жаңа танкердің құрылысын бастап кетті. Дәл осы танкерге Нұрсұлтан Назарбаевтың аты жазылады.   

"Звезда" кеме жасау кешенінде "Афрамакс" үлгісіндегі танкердің құрылысы басталды. Кемеге Қазақстанның тұңғыш президенті Нұрсұлтан Назарбаевтың есімі беріліп отыр", - делінген ресми хабарламада.

Бүгінде кәсіпорында бес танкердің құрылысы жүргізіліп жатыр. Осы сериядағы алғашқы кеме 2020 жылы мамыр айында суға түсірілген болатын. Қазіргі кезде танкер сынақтан өтіп жатыр. 

"Афрамакс" үлгісіндегі танкердің дедвейті – 114 мың тонна. Кеменің ұзындығы  – 250 метр, ені – 44 метр. Онымен мұнай тасиды. Осы санаттағы кемелер Ресейде алғаш рет құрастырылып отыр.

Оқи отырыңыз: Тоқаев Назарбаевты қалай құттықтады – фото 

353
Кілт сөздер:
кеме, Назарбаев
Тақырып бойынша
14 облыста көшеге Нұрсұлтан Назарбаевтың есімі берілуі мүмкін
Қостанайдағы басты көшелердің біріне Назарбаевтың есімі берілді
Назарбаевтың жиендері туралы қызықты деректер
Нұрсұлтан Назарбаев Астана атауын өзгерту туралы не айтты?
"Бәйтерекке" Назарбаевтың есімі қашан беріледі?
Қорғаныс киімі, архивтегі фото

Сқақов 22 мың теңге тұратын қорғаныс киіміне қатысты пікір білдірді

10
Павлодар облысының әкімі өңірге 17 мың парацетамол қаптамасы мен 6,5 мыңнан астам Цефтриаксон мен Цеф-3 жеткізілгенін айтты

АЛМАТЫ, 7 шілде – Sputnik. Павлодар облысының әкімі Әбілқайыр Сқақов обаға қарсы қорғаныс киімінің бағасына қатысты сауалға жауап берді.

Сауал қоюшы мемлекеттік сатып алу сайтында обаға қарсы қорғаныс киімінің бағасы 7 500-22 000 теңге аралығында көрсетілгенін айтып, екеуінің қандай айырмашылығы бар екенін сұрады.

Оқи отырыңыз: Павлодар облысының әкімі өңірде дәрігер жетпей жатқанын айтты 

"Бұл техникалық сипаттамаға байланысты, біз Павлодар облысында қажетті көлемдегі обаға қарсы киімнің бір данасын 7 500 теңгеден сатып алдық. Оның сапасын өзім көрдім. Бұған дейін дәрігерлерден ешқандай шағым түскен жоқ. 22 мың теңгеден киім сатып алған жоқпыз", - деді облыс әкімі.

Сонымен қатар Сқақов облыс көлеміндегі медициналық ұйымдар бұған дейін жасалған келісім негізінде дәрі сатып алып жатқанын айтты.

"Қосымша 1,5 миллиард теңгеге дәрі сатып алу үшін өтінім жіберілді. Антибиотик, тромболитиктер және 33 атаулы гормондар жедел түрде сатып алынады", - деп нақтылады облыс әкімі.

Сонымен қатар Әбілқайыр Сқақов Павлодарға 17 мың парацетамол қаптамасы мен 6,5 мыңнан астам Цефтриаксон мен Цеф-3 жеткізілгенін айтты.

Брифинг барысында облыс әкімі шағын ауылдың тұрғынынан коронавирус табылған жағдайда қандай шара қолданылатынын түсіндірді.

"Шағын ауылдың тұрғынынан коронавирус инфекциясы табылса, елді мекен карантинге жабылмайды. Алайда осы науқаспен қарым-қатынаста болған адамдар анықталып, инфекция ошағы хаттама бойынша тексеріледі", - деп нақтылады облыс әкімі.

10
Кілт сөздер:
Павлодар облысы, коронавирус
Тақырып:
Коронавирус эпидемиясы
Тақырып бойынша
Нұр-Сұлтанда күн сайын 300 адам пневмониямен ауруханаға жатқызылады
Бурабай жағажайлары карантинге жабылды
Желіде дүрбелең туғызды - дәрігер Малышева қазақстандықтарға жауап берді
Министр Цой: тағы 110 адамның өлімін зерделеп жатырмыз
"Қоңыраулар саны азайды" – Алтай Көлгінов карантиннің пайдасы туралы