Әлем

Әйел жоғалып кеткен сіңлісінің мәйітін 18 жыл тоңазытқышта сақтап келген

© Photo : PexelsТоңазытқыш
Тоңазытқыш - Sputnik Қазақстан
Жазылу
Қазір 45 жастағы әйел қамауға алынған, тергеу жүргізіліп жатыр

АСТАНА, 19 ақпан — Sputnik. Хорватияның солтүстігіндегі Паловец ауылында 18 жыл бұрын жоғалып кеткен әйелдің денесі табылды, деп хабарлады жергілікті Index.hr порталы.

Тоңазытқыш жанында бала, архив - Sputnik Қазақстан
Оқиға
Семейде тоңазытқыш ішінен 7 жасар баланың жансыз денесі табылды

Ясмина Доминич 2000 жылы 23 жасында жоғалып кеткен. Бастапқыда туыстары оны Францияға жұмыс істеуге кетті деп жүреді. Тек 2005 жылы ғана полицияға арыз беріпті. Сол кезде тәртіп сақшылары үйдің маңайын тінтіп, бірақ ішін тексермеген болатын, деп мәлімет берді полиция өкілі Ненад Рисек.

Осы уақыт бойы пакетке оралған мәйіт үйдегі тоңазытқышта сақталып келіпті. Қазір бұл үйде Ясминаның әпкесі қызы және күйеу баласымен бірге тұрады. Жоғалған қыздың әкесі де сонда тұрып, екі жыл бұрын қайтыс болған екен. Анасы Германияда жұмыс істейтін көрінеді.

20 жыл бұрын қаза тапқан балаға қатысты сұмдықтың беті ашылды

Жергілікті басылымның хабарлауынша, үйде жарық сөніп қалған соң, тоңазытқыштан жағымсыз иіс шығып, Ясминаның әпкесінің күйеу баласы мәйітті тауып алады. Бұған дейін үйде тағы бір тоңазытқыштың барын білмеген екен, деп жазады Total Сroatia News.

Ясмина Доминичті өлтірді деген күдікке оның туған әпкесі ілінді. Оқиғаның мән-жайын түгел анықтау үшін, мемлекеттік айыптау мәйітті ДНҚ сараптамасына жіберу туралы шешім қабылдады. Расталмаған деректер бойынша, 45 жастағы әйел қамауға алынған, қазір тергеу абақтысында отыр.

Адам жегіш дәрігердің жантүршігерлік қылмысы туралы көршілері айтып берді

Жаңалықтар
0