Қыз

Соңғы сәтте мойнына шарф таға салған қыз ажалдан аман қалды

5236
(Жаңартылды 23:09 04.03.2019)
Ағылшын қызға көшеде ер адам тап беріп, 11 рет пышақ салған

АСТАНА, 4 наурыз – Sputnik. Ұлыбритания тұрғыны соңғы сәтте мойнына шарф таға салғанының арқасында жантүршігерлік шабуылдан аман қалған, деп жазады The Mirror.

Эссекс графтығы Саутенд-он-Си қаласында 25 жастағы Александра Вигнон қараша айында жұмысқа шығар алдында аяқ асты есіне түсіп, жаңадан сатып алған шарфын мойынына таға салады. Сауда агенті болып істейтін ол бір үйге жақындай бергенде, 24 жастағы Джеймс Томас шабуыл жасап, 11 рет пышақ салып, қашып кеткен.

Арқасына пышақ қадалған науқас дәрігерді күте-күте шаршап, темекі шегуге шықты - видео

Үй иелері жедел жәрдем мен полиция шақырып, зардап шеккен қызға көмектеседі. Дәрігерлердің айтуынша, Александраның мойнындағы жүн шарфтың арқасында пышақ күретамырына жетпей тоқтаған. Қызды бірден ауруханаға жатқызып, хирургтер төрт сағат ота жасап, пышақты алып тастайды.

Томас кейінірек полицейлерге өзі берілді. Ол "біреуді айызы қанғанша пышақтап тастауды" он жыл бойы армандапты. Жігіт кісіге қастандық жасағаны үшін 16 жылға бас бостандығынан айырылды.

Пәтер тонауға келген ұры үйдегі келіншекті зорлап кетті

Вигнон әлі күнге дейін ауруды басатын дәрі-дәрмек ішуге мәжбүр, жүйкесіне зақым келгендіктен, оң жақ бетін сезбейді екен. Дегенмен ол жұмысына оралып, фитнес-бикиниден жарысқа дайындалып жатыр. Денесінде қалып қойған тыртықтарды көрсетуге ұялмайды.

"Оларды жасырғым келмейді. Джеймс Томас өз өміріне балта шапты. Ал менің алға қойған мақсатым өте көп", - деп мәлімдеді ол.

Отағасы әйелін зорлаған қаскүнемнің жыныс мүшесін кесіп тастады

5236
Кілт сөздер:
пышақтау, шабуыл, әйел
Тақырып бойынша
20 рет пышақ салған: Ақтауда өгей баласын өлтірген әйел сотталды
Он бір айлық қыз пышақ жарақатымен ауруханаға түсті
Ақтөбедегі оқушылар төбелесі: жасөспірімнің жүрек тұсына пышақ сұққан
Алматы облысында 18 жастағы жігіт жолдасының жүрегіне пышақ сұққан
"Пышақ ала жүгірді" Астаналық депутат-модель қалай соққыға жығылғанын айтып берді
Коронавирус, вакцина

Ресейде еріктілерге коронавирусқа қарсы вакцина салынды

95
Вакцинаны сынақтан өткізу екі апта бұрын Гамалеи атындағы эпидемиология және микробиология ұлттық зерттеу орталығымен бірге басталды

АЛМАТЫ, 3 шілде – Sputnik. Ресейде коронавирустың вакцинасын сынауға қатысқан еріктілердің жағдайы жақсы, деп хабарлады РИА Новости әскери ведомствоның баспасөз қызметіне сілтеме жасап.

Олардың барлығы өзін жақсы сезінеді. 18 маусымда екі компонентті вакцинаның біреуі салынған еріктілердің бірінші тобында ешкім денсаулығына шағым жасаған жоқ. Елеулі жағымсыз құбылыстар да тіркелген жоқ.

Ал 23 маусымда вакцинаның бірінші бөлігі егілгенжәне содан 21 күн өткен соң қорытындысына қарай вакцинаның екіншісі компоненті салынатын екінші топтың құрамындағыларда өзін жақсы сезінеді. Асқыну мен жағымсыз реакциялар тіркелген жоқ.

Айта кетейік, вакцинаны сынақтан өткізу екі апта бұрын Гамалеи атындағы эпидемиология және микробиология ұлттық зерттеу орталығымен бірге басталды. Оны шілденің соңына дейін аяқтау жоспарланып отыр.

95
Мәскеу қаласы

Батыс Нюрнберг трибуналының қорытындысын қайта қарауға әрекет жасауда - Ресей

111
Бастрыкин Нюрнберг трибуналы барлық әскери қылмыскерді соттамағанын атап өтті. Оның айтуынша, олардың кейбірі жасырын қалған. Сондықтан, кінәлілердің барлығын анықтау керек

НҰР-СҰЛТАН, 3 шілде – Sputnik. Батыстағы ресми тұлғалар фашизмді жеңуде тек АҚШ пен Британияның үлесін ғана сөз етіп, Нюрнберг трибуналының қорытындысын қайта қарастыруға әрекет жасап жатыр. Бұл жөнінде РИА Новостиге берген сұхбатында РФ тергеу комитетінің басшысы Александр Бастрыкин мәлімдеді.

"Тарихты мүлде басқаша мәліметтермен сипаттауға тырысып жатқан әрекеттерді байқап отырмыз. Мысалы, Батыс елдерінің ресми тұлғалары Екінші дүниежүзілік соғыс қорытындысында АҚШ пен Ұлыбритания үлесін ғана сөз етуде. Осылайша, олар КСРО-ның фашизмді жеңудегі негізгі рөлін жоққа шығарып, Нюрнберг трибуналының қорытындысын қайта қарауға тырысып жатыр", - деді ол.

Сондай-ақ, Бастрыкин Нюрнберг трибуналы барлық әскери қылмыскерді соттамағанын атап өтті. Оның айтуынша, олардың кейбірі жасырын қалған. Сондықтан, кінәлілердің барлығын анықтау керек.

"Біздің алдымызда бірнеше міндет тұр. Нюрнбергтегі халықаралық әскери трибунал және соғыстан кейінгі басқа да процесс қорытындысы бойынша барлық қылмыскер сотталмаған, өкінішке қарай, жантүршігерлік түрлі қылмысты жасаған көптеген нацист әділ соттан қашып құтылған", - дейді Бастрыкин.

Ол барлық кінәлі адамды анықтауды жалғастыру қажеттігін айтты.

"Тірі-өлі екеніне қарамастан, біз олардың аты-жөндерін атап, қандай қылмыс жасағанын ашық көрсету керекпіз", - дейді ол.

Қолда бар мұрағат мәліметтеріне сәйкес, РКФСР аумағында оккупация жылдарында 2 миллионнан астам бейбіт тұрғын қасақана өлтірілген. Барлық факті тексерілген жоқ, барлық жауапты адам анықталып, сотқа берілген жоқ. Іздеу жасақтарының қазба жұмыстары және мұрағаттық құпия мәліметтерді жария етудің нәтижсінде Новгород облысы, Краснодар өлкесі, Ростов облысындағы бейбіт халықты жаппай қырумен байланысты қайғылы оқиғалардың беті ашылды. Өткен жылы тергеу комитеті 30 мыңнан астам кеңес үкіметі азаматының көзін жоюға қатысты бірқатар қылмыстық іс қозғаған болатын.
Тергеу комитетінің басшысы соғыс жылдарында қылмыс жасағандар қай заң бойынша жауап беруі тиіс екенін айтты.

"Ресейлік тергеу амалдары ұлттық заңнама мен халықаралық құқыққа негізделеді", - деді Бастрыкин.

Ол комитет нацизм қылмыстары фактілерін анықтауды жалғастыра беретінін айтты.

"Тергеу комитеті нәсілдік үстемдік, нацизм идеяларына негізделген қылмыстық әрекеттердің фактілерін анықтауды жалғастыра береді және оларға тиісті құқықтық баға, соның ішінде, РФ ҚК 357-бабы бойынша баға беріледі", - деді ол.

111
Ұшақ салонында отырған қыз

Комитет Түркиядағы қазақстандық туристердің елге қалай жеткізілетінін түсіндірді

0
(Жаңартылды 13:29 04.07.2020)
Қазақстанда жаңа шектеу шараларының енгізілуіне байланысты Түркия отандастарымыздың елге кіруіне шектеу қойды

НҰР-СҰЛТАН, 4 шілде – Sputnik. Түркия шипажайларында демалыста жүрген Қазақстан азаматтары тез арада елге жеткізіледі, деп мәлімдеді азаматтық авиация комитетінің төрағасы Талғат Ластаев.

Карантин шаралары қатаңдатылғаннан кейін, ведомствоаралық комиссияның алдын-ала мақұлданған шешіміне сәйкес халықаралық рейстер орындалады.

Бүгінгі таңда халықаралық рейстер – Түркия мен Оңтүстік Корея бағытында жүзеге асырылады. Алайда, қазақстандықтардың Түркияға кіруі уақытша шектелді.

"Біз бүгіннен бастап Түркияда тұруға және жұмыс істеуге рұқсаты бар азаматтардан басқа, Қазақстан азаматтарының кіруіне шектеу қойылғандығы туралы ресми хабарлама алдық. Ал қалған азаматтарға кіру мүмкіндігі шектеулі", - деді Ластаев.

Қазақстан әуе компаниялары арқылы жүзеге асырылатын бұл рейстер Түркияға барған жолаушыларды елге жеткізеді.

"Әуекомпания тарапынан барлық міндеттемелер орындалатындықтан, осы күндері Түркияда жүрген жолаушылар түгел тасымалданады", - деп сендірді Ластаев.

Ол рейстердің Түркиядан бір бағытта және ең аз жүктемемен орындалуы авиакомпаниялар үшін ауыртпалық болатынын атап өтті.

"Билет сатып алған жолаушылардың шығындары талапқа сай толығымен қайтарылады немесе тоқтатылған рейстердің өтемақысы ретінде басқа да нұсқалар ұсынылатын болады", - деп толықтырды Ластаев.

Оқи отырыңыз: Карантиннің қиындығы: шекараның екі жағында қалып қойғандардың әңгімесі

Айта кетейік, қазіргі уақытта барлық рейстер бас санитар дәрігердің бұйрығына сәйкес қатаң түрде санитарлық қауіпсіздік шараларын сақтай отырып орындалуда.

0
Кілт сөздер:
Түркия, туристер
Тақырып:
Төтенше жағдай және карантин
Тақырып бойынша
Бұғы мүйізімен емдеу: Қатонқарағайдағы марал шаруашылығы қолдауға зәру
Мысырда туристер мінген әуе шары құлады
"Бізге сын": Тоқаев жаңа тапсырмалар берді
Қазақстандық туристер шетелде ұятқа қалды
Шетелдік туристер Мәскеу туралы не ойлайтынын айтты