Жаңа Зеландияда мешітке шабуыл жасалды

Қару асынған қаскүнем мешітте намаз оқып жатқан адамдарды қырып салды

1698
(Жаңартылды 13:10 15.03.2019)
Полиция Жаңа Зеландияның мешіттерінде оқ жаудырған адамның ұсталғанын хабарлады

АЛМАТЫ, 15 наурыз — Sputnik. Жаңа Зеландияның екі қаласындағы мешіттерде белгісіз біреулер оқ жаудырып, отызға тарта адам көз жұмды.

Қазіргі таңда жергілікті бұқаралық ақпарат құралдары 27 адамның көз жұмғанын хабарлады. Жарақат алғандардың саны анықталып жатыр, деп хабарлады РИА Новости.

Қанды қырғынға куә болған адамдардың айтуынша, шлем, көзілдірік және әскери күрте киген адам Линвуд қала маңындағы үш жүзден астам адам құлшылық жасап жатқан мешітке кіріп келіп, алдын ала болжам бойынша, автоматтан оқ жаудырған. Сонымен бірге куәгерлер қаскүнем оқиға орнында онлайн-трансляция жүргізгенін атап өтті.

New Zealand Herald газетінің хабарлауынша, оқ атқан Австралия азаматы көрінеді.

Полицияның мәліметінше, шабуылды ұйымдастырды және қатысты деген күдікпен бір адам ұсталған.

  • Жаңа Зеландия мешіттеріндегі қанды қырғыннан зардап шеккендердің туыстары
    Жаңа Зеландия мешіттеріндегі қанды қырғыннан зардап шеккендердің туыстары
    © REUTERS / STRINGER
  • Жаңа Зеландияда мешіттерге шабуыл жасалды
    Жаңа Зеландияда мешіттерге шабуыл жасалды
    © REUTERS / STRINGER
  • Әл-Нұр мешітіндегі атыстан кейін қанға малынған дәке , Жаңа Зеландия
    Әл-Нұр мешітіндегі атыстан кейін қанға малынған дәке , Жаңа Зеландия
    © REUTERS / STRINGER
1 / 3
© REUTERS / STRINGER
Жаңа Зеландия мешіттеріндегі қанды қырғыннан зардап шеккендердің туыстары

Жаңазеландиялық телеарналар тағы бір мешіт пен ауруханада атыс болғанын хабарлады, дегенмен әзірге оқиғаға қатысты толық мәлімет жоқ.

Жаңа Зеландия премьер-министрі Джасинда Ардерн терактіні ел тарихындағы ең қаралы күндердің бірі деп атады.  

1698
Кілт сөздер:
теракт, атыс
Тақырып бойынша
Шымкентте мешітке арам оймен барғандар ұсталды
Мешіттегі жарылыс кезінде қаза тапқандардың саны 184 адамға жетті
Мемлекеттік қызметшілерге мешітке баруға тыйым салына ма?
Загрузка...