Чашка чая

Ыстық шайдың денсаулыққа аса қатерлі екені анықталды

3751
(Жаңартылды 21:17 21.03.2019)
Ғалымдар ыстық шай мен кофеге қатысты зерттеудің қорытындысын жариялады

АСТАНА, 21 наурыз — Sputnik. Америка ғалымдары ыстық шай немесе кофені көп ішу асқазандағы жараның ұлғаюына әкеліп соғуы мүмкін деген қорытындыға келді, деп жазды The Mirror.

Зерттеу 2004 пен 2017 жылдар аралығында жүргізілген. Оған 50 мыңнан аса адам тартылыпты. Олардың 317-сінен асқазан обыры анықталған. Көбісі 60 пен 70 жас аралығында ер адамдар.

"Мұндай кезде адам жұтынған кезде қиналып, тамақтан соң құсқысы келеді, ас бойына сіңбей, тәбеті жоғалады, салмағы кеміп, іштің жоғары бөлігі, кеуде тұсы мен арқасы ауырады", - деп жазылған басылымда.

Тексере келгенде асқазан обырына шалдыққандардың 90 проценті ыстық шай немесе кофе ішетін болып шыққан.

Тағы оқыңыз: Дәрігер қатерлі ісіктің негізгі жеті белгісін атады 

Ғалымдардың айтуынша, денсаулық керек болса, алдыңызға келген шайды немесе кофені суытып ішкен дұрыс, әйтпесе асқазаныңыз бен тамағыңыз көпке шыдамайды.

"40-30 градустан төмен болса, тіпті жақсы", - дейді олар.

3751
Кілт сөздер:
қатерлі ісік, ғалымдар, шай
Тақырып бойынша
Жер бетінде бірде-бір ер азамат қалмаса да, әйелдер бала туа алады – ғалымдар
Ғалымдар барлық диетаға ортақ қателікті тапты
Ғалымдар қатерлі ісіктің асқынып кетуіне жол бермеудің әдісін тапты
"Күніне екі жұмыртқадан артық жемеңіз" Ғалымдар дабыл қақты
Қазақстандық ғалымдар өте маңызды жаңалық ашты
Коронавирус, вакцина

Ресейде еріктілерге коронавирусқа қарсы вакцина салынды

95
Вакцинаны сынақтан өткізу екі апта бұрын Гамалеи атындағы эпидемиология және микробиология ұлттық зерттеу орталығымен бірге басталды

АЛМАТЫ, 3 шілде – Sputnik. Ресейде коронавирустың вакцинасын сынауға қатысқан еріктілердің жағдайы жақсы, деп хабарлады РИА Новости әскери ведомствоның баспасөз қызметіне сілтеме жасап.

Олардың барлығы өзін жақсы сезінеді. 18 маусымда екі компонентті вакцинаның біреуі салынған еріктілердің бірінші тобында ешкім денсаулығына шағым жасаған жоқ. Елеулі жағымсыз құбылыстар да тіркелген жоқ.

Ал 23 маусымда вакцинаның бірінші бөлігі егілгенжәне содан 21 күн өткен соң қорытындысына қарай вакцинаның екіншісі компоненті салынатын екінші топтың құрамындағыларда өзін жақсы сезінеді. Асқыну мен жағымсыз реакциялар тіркелген жоқ.

Айта кетейік, вакцинаны сынақтан өткізу екі апта бұрын Гамалеи атындағы эпидемиология және микробиология ұлттық зерттеу орталығымен бірге басталды. Оны шілденің соңына дейін аяқтау жоспарланып отыр.

95
Мәскеу қаласы

Батыс Нюрнберг трибуналының қорытындысын қайта қарауға әрекет жасауда - Ресей

114
Бастрыкин Нюрнберг трибуналы барлық әскери қылмыскерді соттамағанын атап өтті. Оның айтуынша, олардың кейбірі жасырын қалған. Сондықтан, кінәлілердің барлығын анықтау керек

НҰР-СҰЛТАН, 3 шілде – Sputnik. Батыстағы ресми тұлғалар фашизмді жеңуде тек АҚШ пен Британияның үлесін ғана сөз етіп, Нюрнберг трибуналының қорытындысын қайта қарастыруға әрекет жасап жатыр. Бұл жөнінде РИА Новостиге берген сұхбатында РФ тергеу комитетінің басшысы Александр Бастрыкин мәлімдеді.

"Тарихты мүлде басқаша мәліметтермен сипаттауға тырысып жатқан әрекеттерді байқап отырмыз. Мысалы, Батыс елдерінің ресми тұлғалары Екінші дүниежүзілік соғыс қорытындысында АҚШ пен Ұлыбритания үлесін ғана сөз етуде. Осылайша, олар КСРО-ның фашизмді жеңудегі негізгі рөлін жоққа шығарып, Нюрнберг трибуналының қорытындысын қайта қарауға тырысып жатыр", - деді ол.

Сондай-ақ, Бастрыкин Нюрнберг трибуналы барлық әскери қылмыскерді соттамағанын атап өтті. Оның айтуынша, олардың кейбірі жасырын қалған. Сондықтан, кінәлілердің барлығын анықтау керек.

"Біздің алдымызда бірнеше міндет тұр. Нюрнбергтегі халықаралық әскери трибунал және соғыстан кейінгі басқа да процесс қорытындысы бойынша барлық қылмыскер сотталмаған, өкінішке қарай, жантүршігерлік түрлі қылмысты жасаған көптеген нацист әділ соттан қашып құтылған", - дейді Бастрыкин.

Ол барлық кінәлі адамды анықтауды жалғастыру қажеттігін айтты.

"Тірі-өлі екеніне қарамастан, біз олардың аты-жөндерін атап, қандай қылмыс жасағанын ашық көрсету керекпіз", - дейді ол.

Қолда бар мұрағат мәліметтеріне сәйкес, РКФСР аумағында оккупация жылдарында 2 миллионнан астам бейбіт тұрғын қасақана өлтірілген. Барлық факті тексерілген жоқ, барлық жауапты адам анықталып, сотқа берілген жоқ. Іздеу жасақтарының қазба жұмыстары және мұрағаттық құпия мәліметтерді жария етудің нәтижсінде Новгород облысы, Краснодар өлкесі, Ростов облысындағы бейбіт халықты жаппай қырумен байланысты қайғылы оқиғалардың беті ашылды. Өткен жылы тергеу комитеті 30 мыңнан астам кеңес үкіметі азаматының көзін жоюға қатысты бірқатар қылмыстық іс қозғаған болатын.
Тергеу комитетінің басшысы соғыс жылдарында қылмыс жасағандар қай заң бойынша жауап беруі тиіс екенін айтты.

"Ресейлік тергеу амалдары ұлттық заңнама мен халықаралық құқыққа негізделеді", - деді Бастрыкин.

Ол комитет нацизм қылмыстары фактілерін анықтауды жалғастыра беретінін айтты.

"Тергеу комитеті нәсілдік үстемдік, нацизм идеяларына негізделген қылмыстық әрекеттердің фактілерін анықтауды жалғастыра береді және оларға тиісті құқықтық баға, соның ішінде, РФ ҚК 357-бабы бойынша баға беріледі", - деді ол.

114
Ирина Смирнова

Мәжіліс депутаты ерікті атанды: Смирнова жаңа қызметі туралы айтты

9
(Жаңартылды 14:32 04.07.2020)
Ерікті депутаттың атсалысуымен өткен келіссөзден кейін Қызыл жарты ай ұйымы "Халық Арена" медициналық орталығына 300-ге жуық қорғаныс костюмін бөлді

НҰР-СҰЛТАН, 4 шілде – Sputnik. Алматыда әскери далалық госпиталь құрылып, "Халық Аренада" жұмыс істеуге медицина қызметкерлерін қабылдауда. Бұл туралы парламент мәжілісінің депутаты Ирина Смирнова айтты, деп хабарлайды Sputnik Қазақстан.

Депутат ел парламенті демалысқа шыққан соң, Алматы қалалық денсаулық сақтау басқармасына ерікті ретінде тіркелген.

Алматыда жаңа ауруханалар құрылуда

Коронавируспен күреске Алматыдағы "Қазақстан", "Көктем" шипажайы мен теміржол ауруханасы да жұмылдырылды.

"Қазіргі кезде "Халық Аренада" 1 000 төсек-орын дайындалып жатыр. Бірақ медициналық қызметкерлер жоқ. Ал қалалық денсаулық сақтау басқармасына көмек сұраған 700 медициналық қызметкердің резюмесі түскен. Солардың ішінен жаңа медициналық мекеме ұжымы құрылады", - деді Смирнова.

Оның айтуынша, азаматтар науқастарды емдеп, оларға көмектескісі келеді.

Сонымен қатар жабдықтар сатып алынып, жаңа аурухана керек-жарақпен қамтамасыз етілуде.

"Жақын жерде әскери дала ауруханасы да болады. Денсаулық сақтау басқармасы жедел жәрдем машиналарын сатып алуда", - дейді Смирнова.

Дәріханадағы кезек пен дәрі-дәрмек тапшылығы туралы

Дәрілердің жетіспеушілігі туралы мәселе пысықталуда. Қоймаларда дәрі-дәрмектер бар екендігі белгілі болды, бірақ олар дәріханаларға уақытылы жіберілмейді.

"Мәселені сыбайлас жемқорлыққа қарсы іс-қимыл агенттігі зерттеп жатыр. Меніңше, егер осындай жағдайды пайдаланып байып қалғысы келгендер болса, азаматтардың өмірін аямайтын ондай кәсіпкерлерді айдап салу керек. Ондайлар сөзсіз жазалануы керек", - деді депутат.

Ерікті депутат Смирнова немен айналысады

Ирина Смирнова өзінің еріктілік қызметі туралы да айтты.

"Мен өзімнің достарым және құрбыларыммен бірге жұмысқа барғысы келетін еріктілердің тізіміне жауап беремін. Олардың бәріне қоңырау шалып, сөйлесіп, шақыру керек. Қай учаскеге баратынын түсіндіру қажет", - деп түсіндірді ол.

Оқи отырыңыз: "Тест нәтижесін көрсету керек": алматылық ерікті сұхбат берді

Демеушілер іздестіру жұмыстары да жалғасуда.

"Мәселен, кешегі келіссөздерден кейін Қызыл жарты ай ұйымы "Халық Арена" медициналық орталығына 300-ге жуық қорғаныс костюмін бөлді. Бұл денсаулық сақтауды қолдау үшін жасайтын жұмыстарының аз ғана бөлігі", - деп атап өтті Смирнова.

9
Кілт сөздер:
Ирина Смирнова, коронавирус
Тақырып:
Коронавирус эпидемиясы
Тақырып бойынша
Министрліктің індетке қарсы әрекетін сынға алған депутат ұсыныс білдірді
Смирнова: миллиондаған қазақстандық банктердің кесірінен зардап шекті
Ерікті әйел кәріз құдығына құлап кетіп, жоғалған баланы тауып алды
Қазақтың шахматшы қызы ЮНИСЕФ-тің ерікті елшісі болады
Министрлік ерікті студенттерге сағатына 1000 теңге төлеуді жоспарлап отыр