Архивтегі фото

Қытайда жойқын жарылыс салдарынан жер сілкініп, 64 адам ажал құшты

1453
(Жаңартылды 11:44 23.03.2019)
Жарылыстың қуатты болғаны соншалық, сейсмологтар жер сілкінісін тіркеген

АСТАНА, 23 наурыз – Sputnik. Қытайдың шығысындағы Цзянсу провинциясында химия зауытында жарылыс болып, 64 адам көз жұмды, тағы 28 адам із-түзсіз жоғалып кетті, деп мәлімдеді Яньчэн қаласының мэрі Цао Лубао. 

"Сенбі сағат 7:00-дегі мәлімет бойынша (Астана уақытымен 5:00) Цзянсу провинциясында химия зауытындағы жарылыстан 64 адам көз жұмды, тағы 28 адам із-түзсіз жоғалып кетті, қазіргі таңда 26 адамның кім екені анықталды", - деді шенеунік.  

21 адам хәл үстінде жатыр, тағы 73-інің жағдайы ауыр, деп жазды РИА Новости.

Цао Лубао зардап шеккен қалған 600-ден астам адамның жағдайына қатысты да түсініктеме берді.  

"Дәл қазір қолда бар  ақпарат бойынша қаладағы 16 ауруханаға 617 адам емделуге барған. Олардың 523-і жеңіл жарақат алған", - деген қала басшысы ауруханалардағы 143 адамды дәрігерлер бақылауға алғанын айта кетті.  

Жарылыс бейсенбі күні "Цзянсу Тяньцзяи" химия зауытында жергілікті уақыт бойына 14:00-де (Астана уақытымен 12:00) болды. Жарылыстың қуатты болғаны соншалық, сейсмологтар осы провинцияда 2,2 магнитудалы жер сілкінісін тіркеген.   

 

1453
Кілт сөздер:
Қытай, жарылыс
Тақырып бойынша
Қытайда пиротехника зауытында жарылыс болды
Қытайда екі метрлік жұмбақ жаратылыс жұрттың үрейін ұшырды
Қытайда химиялық зауытта жойқын жарылыс болып, ондаған адам өлді
Бір секундта күлге айналды – Қытайда алып көпірді жарып жіберді. Видео
Қытайда жарылыс болды: 19 адам қаза тауып, 12 адам зардап шеккен
Загрузка...