Жаңа Зеландия

Елу адамның өмірін қиған қанды қырғынға қатысты тың мәлімет шықты

3967
(Жаңартылды 19:29 06.04.2019)
Жаңа Зеландияда мешітке қарулы шабуыл жасаған террорист жауапкершіліктен құтылып кетуі мүмкін

НҰР-СҰЛТАН, 6 сәуір – Sputnik. Жаңа Зеландияда мешітке қарулы шабуыл жасаған террорист психиатрға емделуге жіберілетін болды. 50 адамды өлтірген қандықол арнайы сараптамадан өтеді.

Екі тәуелсіз сарапшы оның ақыл- есінің дұрыстығын тест арқылы тексермек. Бұл іс бойынша кезекті сот отырысы 14 маусымға жоспарланған. Ал қаза тапқандардың туыстары тест жасауға мүлдем қарсы. Олар Брентон Таррант ақыл-есі кем деген желеумен жауапкершіліктен құтылып кете ме деп қауіптенеді. Бұл туралы "Астана" арнасы хабарлады.    

"Өздеріңіз қарап көріңіздерші, бұл тым ұзақ процесс. Оның бәріне қатысқым келмейді. Қандықол сотталсын, одан басқа ештеңе керек жоқ", - дейді атыста қаза тапқан Науда Наби қажының ұлы Йама Наби.

Еске салсақ, наурыз айының ортасында Крайстчерч қаласында екі бірдей мешітте адамдар оққа ұшты. 50 адам қаза тауып, 50 адам жарақаттанған. Жаңа Зеландия премьері Джасинда Ардерн болған жайтты теракт деп атады. Мұсылмандарды қырып салған 29 жастағы австралиялық Брентон Таррант кісі өлімі үшін айыпталды. Бұдан кейін Жаңа Зеландияда атыс қаруларын сатып алу ережелері күшейтілген.  

3967
Кілт сөздер:
қанды қырғын, мешіт, Жаңа Зеландия
Тақырып бойынша
"Әпкем жүгіріп барған" Мешітте күйеуін құтқармақ болған әйел ажал құшты  
Мешіттегі қанды қырғын: ұсталған үш күдіктінің терактіге қатысы болмай шықты
Қару асынған қаскүнем мешітте намаз оқып жатқан адамдарды қырып салды
Мешіттегі теракт: лаңкес әлеуметтік желіде тікелей эфир жүргізген - оқиға кадрлары
Загрузка...