Лопата

Аяғы шығып жатқан: Ит тірідей көмілген нәрестені құтқарып қалды

2397
Баланың анасы 15 жастағы ауыл тұрғыны болып шықты  

НҰР-СҰЛТАН, 18 мамыр — Sputnik. Таиландтың солтүстік шығысындағы Накхон Ратчасима провинциясында ит егістіктен тірідей көмілген жаңа туған баланы тауып алды.  

Сәрсенбі, 15 мамыр күні 41 жастағы Уза Низайка фермерлік егістіктердің біріне итімен серуендеуге шығады. Серуендеу кезінде төбет аяқ астынан үріп, жерді қаза бастайды. Қожайын не болғанын білуге келгенде жердің астынан баланың аяғы шығып жатқанын байқап қалады. Ол дереу оны қазып алып, ауруханаға жеткізген.

Daily Mail мәліметінше, қазіргі таңда баланың өміріне ешқандай қауіп төніп тұрған жоқ.  

Тағы оқыңыз:  Бақсының сөзіне ерген ерлі-зайыпты жаңа туған баласын тірідей көміп тастады

Полицейлер баланың анасын іздеп тапты – ол 15 жастағы ауыл тұрғыны болып шықты. Қыз жүктілігін жасырып, жұрт көзінен таса жерде босанғанын мойындады. Ата-анасынан қорқып, баланы көміп тастауға шешім қабылдапты. Оқушының әке-шешесі баланы ауруханадан алып кетіп, тәрбиелеп өсіруді жоспарлап отыр екен.

Низайка ауыл тұрғындары төбеттің әрекетіне таңғалып, оны батыр деп атап жүргенін айтты. Ол Пинг Понг әрқашан адал әрі тілалғыш ит болғанын атап өтті.  

2397
Кілт сөздер:
ауыл, нәресте, ит
Тақырып бойынша
Ер адам елу жыл бұрын жоғалып кеткен әкесін үйінің жертөлесінен тапты
Тірідей көмген: 6 адамды айуандықпен өлтіргендер сот үкімімен атылды
Қостанай облысының тұрғыны жолдасын тірідей көміп тастады
Шыбын жанын шырқыратқан: табиғат аясына шыққан үш жігіт жантүршігерлік қылмыс жасады
Архивтегі фото

Ғалымдар шілдеде коронавирустың неліктен күшейіп кеткенін анықтады

19
(Жаңартылды 20:00 24.09.2020)
Ғалымдар шілде айында ыстық және климаты ылғалды елдерде COVID-19 індетінің күшею себебін түсіндірді 

НҰР-СҰЛТАН, 24 қыркүйек – Sputnik. Ауадағы ылғалдың булану жылдамдығы – коронавирустың таралуына себеп болған негізгі жағдайлардың бірі. Инфекция әдісін модельдеген ғалымдар осындай қорытындыға келді, деп хабарлайды EurekAlert!.  

Америкалық Физика институтының мамандары теориялық модельдеу мен гидродинамикалық тәжірибелерді қолдана отырып, ылғалдылықтың, қоршаған ортаның температурасы мен желдің жылдамдығының құрамында вирус бөлшектері бар сілекейдің ең кішкентай тамшыларының таралуына әсерін зерттеген.

Оқи отырыңыз: ДДҰ коронавирусқа қарсы екінші қазақстандық вакцинаны тізімге енгізді 

Мамандар булану процесі жұқпалы бөлшектердің таралуы үшін шешуші фактор болатынын анықтады.

Сонымен қатар, температура жоғарылап, жылдам булану есебінен ылғалдылық төмендеген жағдайда вирустың өміршеңдігі  айтарлықтай төмендейтіні айқындалды. Ал ыстық ауа райында ылғалдылық жоғарыласа, коронавирустың таралу ықтималдығы арта түседі.  

"Біз жоғары температура мен ылғалдылықтың төмендеуі сілекей тамшыларының булану жылдамдығын жоғарылататынын анықтадық. Ал бұл вирустың өміршеңдігін айтарлықтай азайтады", – дейді зерттеу авторларының бірі Талиб Дбоук.

Ғалымдардың айтуынша, зерттеу нәтижесі пандемияның климаты ыстық әрі ылғалды және халық тығыз орналасқан қалаларда күшею себебін айқындауға көмектескен.

Зерттеу COVID-19 індетінің таралуын болдырмау үшін әлеуметтік қашықтық пен маска киюдің маңыздылығын қолдайтын жұмыстар тізіміне қосылды.

19
Кілт сөздер:
ғалымдар, коронавирус
Тақырып:
Коронавирус эпидемиясы
Тақырып бойынша
Ғалымдар коронавирусқа қарсы дәрінің өлімге әкеп соғатын қаупін анықтады
COVID-19: Ғалымдар антидене ағзада бір ай ғана болатынын анықтады
Ғалымдар коронавирусты өлтіретін ақуыз ойлап тапты
Ғалымдар табиғи антибиотик ойлап тапты
Коронавирусқа қарсы вакцина қанша теңге тұруы мүмкін
Владимир Путин

Ресей президентін Бейбітшілік үшін Нобель сыйлығына ұсынды

19
Өтінім 10 қыркүйекте Ослодағы Нобель комитетінің штаб-пәтеріне түсті, деп хабарлады ресейлік жазушы Сергей Комков

НҰР-СҰЛТАН, 24 қыркүйек – Sputnik. Жазушы Сергей Комков Ресей Федерациясының президенті Владимир Путинді 2021 жылғы Бейбітшілік үшін Нобель сыйлығына ұсынғанын мәлімдеді, деп хабарлады РИА Новости.

"Мен тиісті өтінімді 9 қыркүйекте жібергенмін. Келесі күні, яғни 10 қыркүйекте ол өтінім Ослодағы Нобель комитетінің штаб-пәтеріне түсті", - деді Комков арнайы баспасөз мәслихатында.

Оның айтуынша, өтінімдерді қабылдау қыркүйекте басталып, қазан айында аяқталады. Комитет барлық өтінімді наурызға дейін қарайды.

Путиннің баспасөз хатшысы Дмитрий Песков те осы бастамаға қатысты пікір білдірді.

"Шешім қабылданса, тамаша болады. Ал болмаса, ештеңе етпес", - деді Песков журналистерге берген сұхбатында.

Оқи отырыңыз: Әдебиет саласындағы Нобель сыйлығы фотографтың кесірінен ешкімге бұйырмады 

Айта кетейік, 9 қыркүйекте Норвегияның стортинг (парламент) депутаты Кристиан Тибринг-Чьедде 2021 жылғы бейбітшілік үшін Нобель сыйлығын АҚШ президенті Дональд Трампқа табыстауды ұсынды.

2017 жылы Қазақстанның тұңғыш президенті Нұрсұлтан Назарбаев та ядролық қарусыздандыру саласындағы еңбегі үшін осы сыйлыққа ұсынылған болатын.

19
Кілт сөздер:
сыйлық, Владимир Путин
Архивтегі фото

Ресейлік онлайн мектептер сертификатталуы мүмкін

0
Жұмысты Россотрудничество ағарту министрлігімен бірлесіп қолға алды, ол бірінші кезекте шетелде тұратын ресейліктерге бағытталған

НҰР-СҰЛТАН, 24 қыркүйек – Sputnik. Россотрудничество ресейлік онлайн мектептерді сертификаттап, шетелде тұратын ресейліктер үшін емтихан тапсыруды жеңілдетуді ұсынып отыр. Бұл туралы Россотрудничество басшысы Евгений Примаков айтты.

Оқи отырыңыз: Қашықтан оқыту қашан аяқталады – Аймағамбетов эксклюзивті сұқбат берді 

"Біз шетелде мектеп ашу әрдайым мүмкін емес екенін түсінеміз. Сондықтан "отбасылық", " үй" форматындағы онлайн оқытуды қолдаудың болашағы зор, өте қызықты және бізде де, шетелде де сұраныс артып келеді", - деді Примаков.

Ол шетелдегі көптеген ресейлік үшін бұл Ресей стандарттары бойынша білім алудың санаулы тәсілдерінің бірі екенін атап өтті.

"Сертификаттау, емтихан тапсыру мәселесі әлі де бар, бірақ мұны да талқылауға болады, бұл жұмысты ағарту министрлігіндегі әріптестерімізбен бірлесіп жүргізіп жатырмыз, оны сертификаттау үшін не істеу керек екендігі қарастырылуда. Қазір бірнеше ұсыныс бар", - деп түсіндірді Примаков.

Ол сондай-ақ Россотрудничество кез келген білім беру идеясын, алаңдарын, формаландырудың, институттандырудың кез келген дәрежесін қолдайтынын атап өтті.

"Бұл бізге келетін жеке бастамалар, мемлекеттік бастамалар болуы мүмкін, үкіметаралық келісімдер негізінде мектеп құрылған кезде оңайға соқпайды", - деп түсіндірді Россотрудничество басшысы.

Примаков көптеген отандасын Ресейдің білім беру жүйесі - мәдениет, өнер, гуманитарлық білім саласы да, нақты ғылымдар саласы да қызықтыратынын айтты.

"Біз бұл бастамалардың барлығын құптаймыз және қолымыздан келгенше қолдау көрсетуге дайынбыз", - деп аяқтады ол.

0
Тақырып бойынша
Бастауыш сынып оқушыларының 60%-і мектеп партасына отырды
Көпбалалы ана жаңа оқу жылы туралы: бес балам бір телефон қолданады
Қашықтан оқыту баланың оқу үлгерімін төмендете ме – министрдің жауабы
Білім саласында жемқорлық неге көбейді?
Баланы онлайн оқуға қалай дайындау керек – психологтар кеңес берді