Арнольд Шварценеггер

Белгісіз біреу Арнольд Шварценеггерді қос аяқтап бір тепті - видео

3895
(Жаңартылды 09:27 19.05.2019)
Голливуд жұлдызы фанаттарымен кездескен сәтте ту сыртынан шабуыл жасалған

НҰР-СҰЛТАН, 19 мамыр – Sputnik. Оңтүстік Африка Республикасындағы Arnold Classic Africa шарасы кезінде белгісіз фанат Голливуд актері Арнольд Шварценеггерді арқасынан қос аяқтап бір тепті.

Шараға жиналған көрермендер оқиғаны кездейсоқ видеоға түсіріп алған.

Кадрларда актер телефонын ұстап, балаларды видеоға түсіріп, фанаттарымен сөйлесіп жүр. Кенет арт жағынан біреу жүгіріп келіп Шварценеггерді арқасынан қос аяқтап бір тепті. Күтпеген қатты соққыдан актер бір жаққа ығысып кетті. Ал шабуылшыны күзет бірден ұстап алған.

Оқиға салдарынан кино жұлдыз ешқандай зардап шекпеген екен. Бірнеше минуттан соң Арнольд өз орнына қайта оралып, көрермендермен әңгімесін жалғастырды.

"Arnold Classic Africa ұйымдастырушысы Уэйн Прайстың айтуынша, бұл оқиға алдын ала жоспарланған, себебі шабуылдаушы бұрын да осындай әрекеттерімен құқық қорғаушылардың назарына іліккен", - делінген Arnold Classic Africa хабарламасында.

Ал Шварценеггер өзін тепкен жігітке ешқандай айып тақпайды, себебі келеңсіз жайт бір түсінбестіктен болды деп санайды.

3895
Кілт сөздер:
шабуыл, актер, Голливуд, видео
Ресейдің СІМ ғимараты

"Бізге дәлел қажет": Ресей New York Times мақаласына баға берді

33
Таяуда New York Times басылымы Ауғанстандағы Ресей мен тәлібтердің "келіссөзіндегі" "делдалды" атаған мақаласын жариялады

АЛМАТЫ, 2 шілде – Sputnik. Ресейдің сыртқы істер министрлігі Ресейдің тәлібтермен "сөз байласқанына" қандай да бір дәлел бар екеніне қатысты түсініктеме берді. Ресей Федерациясы президентінің Ауғанстандағы арнайы өкілі, Ресей СІМ екінші Азия департаментінің директоры Замир Кабуловтың айтуынша, мақалада тек бос айыптаулар жазылған.

"Бізге дәлел қажет, ал олар жоқ. Бұл бос пайымдау ғана", - деп мәлімдеді Кабулов Sputnik радиосына. 

Ол сондай-ақ, мақалада есімі аталатын контрабандист Рахмат Азизи жайлы ешқашан естімегенін айтты. Басылымның мәліметі бойынша, ол екі тараптың арасында бас делдал болған.  

Сонымен қатар Кабулов мақаланы оқып отырған кезде жауаптан гөрі сұрақ көп туындайтынын атап өтті.

"Жалған дүниені де мұқият дайындау қажет",- деп толықтырды ойын Кабулов. 

Айта кетейік, таяуда New York Times басылымы Ауғанстандағы Ресей мен тәлібтердің "келіссөзіндегі" "делдалды" атаған мақаласын жариялады. Мақала авторының айтуынша, делдал – контрабандист Рахмат Азизи деген азамат.

Бұған дейін NYT басылымы атауы көрсетілмеген арнайы қызметтерге сілтеме жасап, Ауғанстандағы америкалық сарбаздарға шабуыл жасағаны үшін Ресейдің тәлібтермен байланысы бар жауынгерлерге сыйақы ұсынғаны жайлы мақала жариялады. Алайда мақалада ешқандай дәлел көрсетілмеген.

"Талибан" қозғалысының өкілі Забиулл Муджахид америкалық басылымның бұл сөзін жоққа шығарды. Ал Трамп бұл мақаланы тапсырыспен жазылған болуы мүмкін деп бағалады.

33
Нұр-Сұлтан қаласындағы сайлау учаскесіндегі Ресей азаматтары

Ресейде Конституцияға енгізілген түзетулерді сайлаушылардың 78%-і қолдады

38
(Жаңартылды 10:32 02.07.2020)
Бұл Ресейдегі орталық сайлау комиссиясының хаттамалардың 99 процентін өңдегеннен кейінгі ресми мәліметі

НҰР-СҰЛТАН, 2 шілде – Sputnik. Сайлаушылардың 78,03 проценті Ресей Конституциясына өзгертулер енгізуді қолдап, ал 21,16% қарсы дауыс берді, деп хабарлайды РИА Новости орталық сайлау комиссиясына сілтеме жасап.

Соңғы мәліметтер бойынша хаттамалардың 99,01%-тен астамы өңделген.

Дауыс беруге келгендер шамамен 65%-ті құрады.

Қазақстанда Ресейдің Нұр-Сұлтандағы елшілігінде және Алматы, Орал және Өскемендегі, сондай-ақ Байқоңырдағы консулдықтарында сайлау учаскелері жұмыс істеді.

Нұр-Сұлтан қаласындағы сайлау учаскесінде дауыс беру санитарлық нормаларға сай өтті. Ал азаматтар қашықтықты сақтауы үшін кабиналар бір-бірінен алшақ орнатылды.

Оқи отырыңыз: Нұр-Сұлтанда ресейліктер Конституцияға түзетулер енгізу бойынша қалай дауыс беруде - фото

Айта кетейік, 1 шілде Ресей Конституциясына өзгертулер енгізу туралы бүкілресейлік дауыс берудің негізгі және соңғы күні болды. Бұл Ресей тарихында алғаш рет бір аптаға жалғасқан шара болды. Дауыс беру 25 маусымда басталды.

38
Кілт сөздер:
дауыс беру, Ресей
Тақырып бойынша
Сенат сайлауы: кандидаттарға қанша ақша беріледі
Путин ресейліктерге үндеу жасады - видео
Моңғолияның парламентіне үш қазақ депутат болып сайланды
Байқоңырда Ресейдің Конституциясына өзгертулерге қалай дауыс беріп жатыр
Путин Конституцияға түзету енгізуге дауыс берудің датасы туралы жарлыққа қол қойды