Аю

Аю зираттан марқұмның денесін ұрлап кетті

2967
Түн ішінде "жоғалған" мәйіт сол күйі табылмаған

НҰР-СҰЛТАН, 14 тамыз – Sputnik. Амурдағы Комсомольск қаласында аю қабірді қазып, марқұмның денесін орманға алып кеткен.

Оқиға Старт кенті аумағындағы қалалық зиратта болды.

Жыртқыш түн ортасында марқұмның денесін қазып алып, орманға жасырынған. Қопарылған қабірдің жанында тек жыртылған киім ғана қалыпты, деп хабарлайды Komcity.ru.

Басылымның ақпаратынша, мәйіт сол күйі табылмаған.

Тағы оқыңыз: Тұрғын үйдің ауласында екі аю төбелесіп қалды - видео

Аюлар бұл маңда талай рет болған, алайда бұған дейін оларға бірде бір қабірді қазуға жол берілмеген еді. 2015 жылы AmurMedia порталы Старт кентінің аумағындағы зиратта екі Гималай аюы байқалғанын хабарлады. Полиция қызметкерлері аспанға оқ атып, аңдарды үркіткен. Содан кейін жерлеу рәсімі кезінде кезекшілік ұйымдастыратын болды. Бір жылдан кейін аюлар осы зиратты қайтадан торуылдай бастады.

Тағы оқыңыз: Ақ аю фотографты жеп қоя жаздады - жантүршігерлік видео

Ресейде Гималай аюлары Приморье өңірінде, сондай-ақ Якутия мен Хабаровск өңірінің оңтүстігінде кездеседі.

2967
Кілт сөздер:
марқұм, зират, аю
Сармат баллистикалық зымыранын сынақтан өткізу

Ресей зымыран әскерін не үшін күшейтіп жатыр?

249
(Жаңартылды 13:32 25.05.2020)
"Сармат" зымыранға қарсы қорғаныс жүйесін айналып өте алады. Оның ұшу траекториясын алдын ала болжап отыру мүмкін емес

НҰР-СҰЛТАН, 25 мамыр – Sputnik. Ресейде "Сармат" атты жаңа құрлықаралық баллистикалық зымыранды сынақтан өткізу жұмыстары аяқталуға жақын. Вице-премьер Юрий Борисовтың айтуынша, COVID-19 пандемиясы дайындық шараларына ықпал еткен жоқ.

Ядролық қарумен пара-пар

Шахтаның ішінде орналасатын РС-28 "Сармат" зымыран кешені мемлекеттік бағдарлама аясында құрастырылған. Бұған дейін зымыранды ұшыруға дайындау шаралары сәтті атқарылды. Алдағы уақытта кешен қосымша блоктармен жасақталады. Соның ішінде гипердыбыстық жаңа блок та бар. Ал 2021 жылы оны стратегиялық мақсаттағы зымыран әскеріне тапсырады.

Бүгінде Домбаров зымыран дивизиясында "Авангард" атты гипердыбыстық кешен бар. Одан көбінесе бұрынғы "Сарматтарды" ұшыруға болады. Ал жаңа құрлықаралық баллистикалық зымыран әлем бойынша ең мықты Р-36М2 "Воевода" зымыранын (батыста оны "SS-18 Satana" деп атап кеткен – Sputnik) алмастырады деген жоспар бар.

"Сармат" зымыранға қарсы қорғаныс жүйесін айналып өте алады. Оның ұшу траекториясын алдын ала болжап отыру мүмкін емес. Жаңа зымыранның "Воеводадан" басты айырмашылығы сол, Ю-71 маркалы гипердыбыстық блоктардың арқасында жоғары дәлдігі артып отыр. Жылдамдығы – секундына 7 километр. Ондайда блоктың кинетикалық энергиясы ядролық қарумен пара-пар соққы жасайды, бірақ радиоактивті зақым болмайды. Себебі жаңа зымыран ядролық қару-жараққа жатпайды.

Бүгінде осы зымыранның сериялық өндірісі үшін кәсіпорындарды модернизациялау аяқталды. Жаңа кешен Краснояр өңірінде және Орынбор облысында орнатылады.               

Жаңа зымыранның сипаттамасы

Бүгінде жаңа құрлықаралық баллистикалық зымыраннан алыс ұшатын зымыран жоқ. Ол "Воеводадан" бір жарым есеге асып түсті. Ал ұшу қашықтығы 18 000 шақырымға дейін жетті.

Зымыранның толық салмағы – 208 тонна. Соның ішінде отынның көлемі – 178 тонна. Ұзындығы - 35,5 метр, ал диаметрі – 3 метр.

"Воевода" мен "Сарматтың" әскери қуаты бірдей, алайда жаңа зымыран Aegis, THAAD және тағы басқа қорғаныс жүйелерін айналып өте алады. Мәселен, зымыран аспанға көтерілгеннен кейін маневр жасайтын блоктың жылдамдығы секундына 7 километрге дейін артады. Ал 100 шақырым биіктікте қиын маневр жасайды да, қарсыластың зымыранға қарсы қорғаныс жүйесіне көрінбей кетеді. Жаңа зымыран 60 секундтың ішінде ұшыруға дайын болады. Онымен ғарыш аппараттарын да ұшыруға мүмкіндік бар. Осылайша, "Сарматқа" салынған қаржының біраз бөлігі қайтарылады деген жоспар бар.

Зымыран әскерін күшейтудің мақсаты қандай?

Бұған дейін АҚШ-тың CNBC арнасы барлау қоғамдастығына сілтеме жасай отырып, 60 дана "Сармат" туралы ақпарат таратқан болатын. Алайда Ресейдің қорғаныс министрлігі өз жоспарын өзгертуі мүмкін. Әзірше бұл – жаңа зымырандардың шекті көлемі. Бұның бәрі стратегиялық шабуылдаушы қару-жарақты шектеу және қысқарту туралы келесімшартта (СНВ-3) көрсетілген. Оған сәйкес, Ресейге 700 ұшыру қондырғысы мен 1 150 әскери блокты жасақтауға рұқсат бар.

Қазіргі кезде стратегиялық мақсаттағы зымыран әскері ядролық күштерге тиесілі қару-жарақтың шамамен 60 процентін ұстап отыр. 2024 жылға дейін оларда тек жаңа үлгідегі қару-жарақ қана қалады деген жоспар бар.

Стратегиялық мақсаттағы зымыран әскерін дамыту кезінде АҚШ-тың сыртқы саясаты ескеріледі. Соның ішінде Вашингтонның орта және қысқа қашықтыққа ұшатын зымырандарды жою келісімшартынан шығып кету шешімі де бар. Ондай зымырандар Еуропада Ресейге жақын жерде орнатылуы мүмкін. Мәселен, Польша мен Румынияда Пентагонның зымыранға қарсы кешендері құрылды. Ол жерде Мк-41 әмбебап ұшыру қондырғылары да бар. Соның негізінде "Стандарт-3" мен "Томагавк" зымырандарын ұшыруға болады. Ал Польша мен Румынияда тұрған ұшқышсыз аппараттарды ядролық оқ-дәрімен жабдықтауға әбден мүмкіндік бар.

"Красная звездаға" сұхбат берген стратегиялық мақсаттағы зымыран әскерінің қолбасшысы Сергей Каракаевтың айтуынша, орта қашықтыққа ұшатын зымырандар Ресейге қарсы қолданылса, кері соққы сол зымырандарды ұшырған мемлекеттерге ғана емес, АҚШ-қа жасалады.

Биыл зымыран әскері 200-ден астам оқу-жаттығуды өткізуді жоспарлап отыр. Соның ішінде құрлықаралық баллистикалық зымыранды алты рет ұшыру шарасы да бар. Оны Плесецк ғарыш айлағында жасайды.

Бүгінде стратегиялық мақсаттағы зымыран әскерінің құрамында үш зымыран армиясы мен 12 зымыран құрамы (соның ішінде шахталық ұшыру қондырғысы бар төрт дивизия мен көшпелі кешенмен жұмыс істейтін сегіз мобильді құрам) бар. Ал оларды әуе қорғанысына арналған С-300ПМ мен С-400 зениттік кешендер, сондай-ақ, "Мозырь" жүйесі қорғап тұр.

249
Кілт сөздер:
зымыран, Ресей
Архивтегі фото

Ресейлік танымал актриса коронавирус жұқтырды

183
Алена Бабенко әлеуметтік желіде COVID-19 індетін жұқтырғанын және денсаулығының нашарлағанын хабарлады

НҰР-СҰЛТАН, 24 мамыр – Sputnik. Ресейдің еңбек сіңірген әртісі Алена Бабенко коронавирус диагнозымен  ауруханаға жатқызылды. Бұл туралы актриса өзінің Instagram парақшасында хабарлады.

Посмотреть эту публикацию в Instagram

Публикация от Алена Бабенко (@alena_babenko_official)

Алена Бабенко сырқат екенін сезген бойда "Танцы со звездами" шоуынан кетіп, өзін оқшаулағанын атап өтті.

"Мен өз денсаулығыма ғана емес, достарым мен әріптестерімнің денсаулығына да жауаптымын. Өкінішке қарай, бұл әлгі коронавирус болып шықты", - деді актриса.   

Бабенко аурудың дене қызуының көтерілуі, әлсіздік секілді белгілерін байқаған. Қазір ол ауруханада емделіп жатыр, жағдайы біршама жақсарған.

Ресейлік актриса Алена Бабенко кинода, театрда және телехикаяларда ойнайды. Актриса ондаған рөлді сомдаған. 2013 жылы ол режиссер Ермек Аманшаев пен Георгий Шенгелияның "Параллель әлемдер" Қазақстан-Ресей мелодрамасында ойнады.

24 мамырдағы мәлімет бойынша Ресейде COVID-19 індетін жұқтырған 344 481 адам тіркелді.

183
Кілт сөздер:
актриса, коронавирус
Тақырып бойынша
"Басқаша түсініп қалды": Нұрлан Еспанов коронавирус туралы айтқан сөзін түсіндірді
Әйгілі Голливуд актері әйелі екеуі коронавирус жұқтырғанын мәлімдеді
Коронавирус індеті: COVID-19 жұқтырған танымал адамдар - фото
Танымал қазақстандық әнші төтенше жағдайға байланысты әскерге шақырылды – видео
Қасым-Жомарт Тоқаев Әлеуметтік қызметтер үйінде болды

Індет жұқтырғандар саны артып барады Тоқаев

9
(Жаңартылды 08:42 26.05.2020)
Қазақстан президенті Қасым-Жомарт Тоқаев қалаларда тұрғындар карантин шараларын сақтамай жатқанын атап өтті

НҰР-СҰЛТАН, 26 мамыр – Sputnik. Мемлекет басшысы Қасым-Жомарт Тоқаев қазақстандықтар карантинді сақтауы үшін үкімет пен жергілікті билік шара қабылдауы керек деп санайды.

"Қалаларда карантин шаралары сақталмағандықтан індет жұқтырғандар саны артып барады. Үкімет, облыс және қала әкімдері жағдайды реттеуі керек", - деп жазды Тоқаев Twitter-де.

Ол көпшілік орындарда, қоғамдық көліктерде бетперде тағу міндетті екенін атап өтті.

"Азаматтардың денсаулығын сақтау үшін нақты шешімдер қабылдау қажет", - деп түйіндеді президент.

Оқи отырыңыз: Сұлтанғазиев қай облыстарда коронавирус жұқтырғандар саны артқанын айтты

Еске сала кетейік, Қазақстанда 16 наурыздан бастап төтенше жағдай режимі жарияланып, 11 мамырға дейін созылды. Қалалар мен облыстарда карантин алынған жоқ, бірақ жеңілдетілді.

Коронавирустың таралу қарқынына қарай жергілікті билік карантин шараларын жеңілдету немесе қатаңдату бойынша шешім қабылдап жатыр. Дүйсенбіде COVID-19 індетінің өсімі төмен (2 процентке дейін) өңірлерде сауда және ойын-сауық орталықтары, фитнес-орталықтар мен дәмханалар ашылып жатқаны белгілі болды.

9
Кілт сөздер:
індет, карантин, Қасым-Жомарт Тоқаев
Тақырып:
Төтенше жағдай және карантин
Тақырып бойынша
Алматыда маскасыз жүргендерге айыппұл салынуы мүмкін
COVID-19 инфекциясын жұқтырған науқастар үшін қауіпті дәрілер аталды
Атырауда үш жасар қыздың коронавирусты қалай жұқтырғаны анықталды
Оралда балабақшаның екі қызметкерінен коронавирус табылды
Жұмысқа шыққандар арасында вирус жұқтырғандар көбеюде – министрлік