Сәби, архистегі сурет

Перзентханада әйел екі сәбиді терезеден лақтырып жіберді

2304
(Жаңартылды 18:38 11.09.2019)
Қасақана адам өлтіру фактісі бойынша қылмыстық іс қозғалды

НҰР-СҰЛТАН, 11 қыркүйек – Sputnik. Өзбекстанның Наманган облысында босанған әйел перзентхананың терезесінен өз баласын және жанында жатқан тағы бір келіншектің нәрестесін лақтырып жіберді. Осы оқиға бойынша екі қылмыстық іс қозғалды.

Бас прокуратураның мәліметі бойынша 9 қыркүйек күні таңертең Наманган аудандық перзентхананың артқы ауласында екі сәби табылды. Екі қыз баланы бірден жансақтау бөліміне жатқызылды. Алайда дәрігерлер қанша тырысқанмен, балалардың өмірін сақтай алмады, деп хабарлайды Sputnik Өзбекстан.

Тергеу кезінде босанған әйелдің сәбиін терезеден лақтырғаны анықталды. 1996 жылы туған келіншек қызының аяқ кемістігімен туғанына қатты уайымдап жүрген. Ақыры баласынан құтыламын деп шешкен. Таңғы сағат 8:00-де перзентхананың екінші қабатынан лақтырып жіберген.Ол өзіне күдік түспесін деген оймен өзімен бір палатада жатқан келіншектің сәбиін де терезеден лақтырды. 

Тағы оқыңыз: Әйел "мас" нәресте босанды – дәрігерлер сәбидің жағдайы туралы айтты

Өзбекстанның құқық қорғау органдары қасақана адам өлтіру фактісі бойынша қылмыстық іс қозғады. Кәсіби міндеттерін тиісті деңгейде атқармаған перзентхана қызметкерлеріне қатысты тағы бір іс тергеліп жатыр. Қылмыс жасаған келіншек 15-20 жылға сотталуы мүмкін. Кінәсі дәлелденсе, перзентхана қызметкерлері 5-8 жылға бас бостандығынан айырылады.

2304
Кілт сөздер:
сәби, перзентхана, әйел
Тақырып бойынша
"Адам сияқты қарамаған": перзентханада көз жұмған әйелдің туыстары дәрігерлерді кінәлайды
Таразда перзентханадан нәресте ұрланды
Қазақстанда алғаш рет: Оралда келіншек егіздердің біреуін араға 2 ай салып босанды
Қызын перзентханадан ГАЗельдер кортежімен шығарып алған жігіт желіні шулатты - фото
Қарағандыдағы 3 жасар баланың өлімі: күдіктінің туыстары сәбидің анасын кінәлайды
Архивтегі фото

Ресейдің Қазақстанмен шекаралас облысында құс тұмауының ошағы табылды

1803
(Жаңартылды 17:01 03.08.2020)
Көл жағасынан табылған жабайы үйрек пен қаздардың өлексесінен H5N8 үлгісіндегі құс тұмауы вирусы анықталды

НҰР-СҰЛТАН, 3 тамыз – Sputnik. Қазақстан шекарасымен шектесетін Ресейдің Челябі облысында құс тұмауының ошағы тіркелді. Жақын маңдағы елді мекендер аумағында карантин енгізілді. Бұл туралы Россельхознадзордың өңірдегі басқармасының баспасөз қызметі хабарлады, деп жазды РИА Новости.

Басқарманың мәліметінше, Увельский ауданының Песчаное және Табынша көлдерінің жағасынан табылған құстардың (жабайы үйрек және төрт үй қаз) өлексесі зерттелді. Барлық сынамадан H5N8 үлгісіндегі құс тұмауы вирусының материалы анықталды. Осыған байланысты елді мекендерде құстарды тіркеу жұмыстары жүргізілді.

Оқи отырыңыз: Қытайда коронавирустың жаңа түрі таралып жатыр   

"Облыста құс тұмауының ошағы тіркелді. Осы көлдерге жақын орналасқан қолайсыз елді мекендердің аумағында карантин орнатылды, аймаққа қауіп төндіретін індет ошақтары анықталды. Қолайсыз аймақтарда құс тұмауымен күрес ережелеріне сәйкес шаралар қабылданып жатыр", - делінген хабарламада.  

Россельхознадзор басқармасы мен облыстық ауыл шаруашылығы министрлігінің ветеринария басқармасы қауіпті ауру тарап кетпеу үшін барлық шараны қолдануда.

 

1803
Тақырып бойынша
ДДҰ карантин режиміне қатысты мәлімдеме жасады
Ғалымдар коронавирус пандемиясы тағы қанша уақытқа жалғасатынын айтты
Ғалымдар коронавирус қандай суда өлетінін анықтады
Қытайда тағы бір қауіпті вирус табылды
Тоқаев қазақстандықтарды қайғыға салынбауға шақырды
Дәрігерлер

Қазақстан коронавирустың таралуы бойынша "қызыл тізімге" енді

148
(Жаңартылды 11:53 03.08.2020)
Украинаның денсаулық сақтау министрлігі COVID-19 індеті бойынша "жасыл" және "қызыл" аймақ мемлекеттерінің жаңартылған тізімін жариялады

НҰР-СҰЛТАН, 3 тамыз – Sputnik. Қазақстан соңғы екі апта ішінде 100 мың тұрғынға шаққанда коронавирустық инфекцияның жаңа жағдайлары Украинадағыдай көрсеткіштен асып түсетін 127 елдің қатарына енді. 1 тамыздан бастап Украинада "жасыл" және "қызыл" аймақтағы елдердің жаңа жіктелуі жұмыс істеуде, деп хабарлайды "Европейская правда".

Адамдардың қай жақтан ұшып келгеніне байланысты оларға әртүрлі ережелер қолданылады.

1 тамыздан бастап "жасыл аймақтан" келген адамдар оқшауланбай және ешбір тест сынақтарын тапсырмай-ақ, Украина аумағына өте алады.

Ал елге "қызыл аймақтан" келгендердің барлығы екі апта оқшаулануда болып немесе 24 сағат ішінде ПТР-тест сынағын тапсыруы керек. Сондай-ақ, шекарадан өткенге дейін 48 сағаттан кешіктірмей жасалған тест нәтижесін ұсынуы керек.

Айта кетейік, Украинаның денсаулық сақтау министрлігі апта сайын COVID-19 індетінің жедел таралу белгісі бар елдердің тізімін жаңартып отырады.

"Қызыл" және "жасыл" тізімге бөлу тәртібі қандай?

"Қызыл тізімге" соңғы он төрт күнде 100 мың тұрғынға шаққанда COVID-19 жұқпасының жаңа жағдайлары Украинадағыдан асып түскен мемлекеттер кіреді. Сонымен қатар, " соңғы екі апта ішінде жұқтырғандардың саны 30%-ке өскен мемлекеттер де енеді.

Оқи отырыңыз: ДДҰ карантин режиміне қатысты мәлімдеме жасады

Бұған дейін Украина 100 мың тұрғынға шаққанда коронавирусы бар пациенттердің санын ескерген.

Ал 31 шілдедегі жағдай бойынша "жасыл" аймақ елдеріне Швеция, Португалия, Хорватия, Беларусь, Ұлыбритания, Түркия, Словения, Египет және Италия кірді.

"Қызыл аймаққа" Қытай, Венгрия, Грузия, Германия, Чехия, Болгария, Албания, Черногория, Польша, Франция, Ресей және Қазақстан енді. Толық тізімді мына сілтемеден көруге болады.

148
Кілт сөздер:
коронавирус, індет
Тақырып:
Коронавирус эпидемиясы
Тақырып бойынша
Ғалымдар коронавирус жұқтырғанда кімдер 12 есе жиі көз жұматынын айтты
Ғалымдар коронавирус қандай суда өлетінін анықтады
Қазақстандық телеарналардың бірі індет салдарынан хабар таратуын тоқтатады
Ғалымдар коронавирус пандемиясы тағы қанша уақытқа жалғасатынын айтты
Қазақстанда өткен тәулік ішінде мыңнан астам адамның індет жұқтырғаны расталды
ҰБТ кезінде аудиторияда отырған ата-аналар

Қазақстанда ата-аналар жиналысы өтеді премьер-министр тапсырма берді

0
Білім министрінің айтуынша, ата-аналар мен оқушылар үшін әдістемелік қолдау көрсетудің маңызы жоғары

НҰР-СҰЛТАН, 4 тамыз – Sputnik. Премьер-министр Асқар Мамин республикалық ата-аналар жиналысын өткізуді тапсырды, деп хабарлайды Sputnik Қазақстан тілшісі.

Үкіметтің бүгінгі онлайн отырысында жаңа оқу жылына дайындық мәселелері пысықталды. Осы орайда премьер-министр оқушылар мен мұғалімдердің дайындығына баса назар аудару қажеттігін атап, 25 тамызға дейін барлық дайындық жұмыстарын аяқтауға тапсырма берді. Иинтернет-платформаларда және теледидарда қажетті контент толық көлемде болуы шарт. Ал ата-аналар үшін республикалық жиналыс ұйымдастырылады.

"Оқыту әдістемесін толық пысықтап, 20 тамызға дейін алдағы оқу үрдісі туралы толық ақпарат бере отырып, онлайн режимде республикалық ата-аналар жиналысын ұйымдастыруды тапсырамын", – деді Мамин.

Білім және ғылыми министрі Асхат Аймағамбетовтың айтуынша, жаңа оқу жылына дейін ата-аналар мен балаларға үйде білім алу мәселелері бойынша арнайы сынып сағаттары да ұйымдастырылады.

"Ата-аналар мен оқушылар үшін әдістемелік қолдау көрсету өте маңызды. Біз бұны төртінші тоқсанның нәтижесінде көрдік. Сондықтан тамыз айында балаларға және ата-аналарға үйде қалай оқу керек, гигиена негіздері, кибермәдениет, интернет арқылы қалай оқу керек және дене жаттығуларының маңызы туралы бірыңғай сынып сағаттары, сондай-ақ, ата-аналар жиналыстарын өткізуді жоспарлап отырмыз", – дейді Аймағамбетов.

Оқи отырыңыз: Ата-аналар кірмейді: мектептерде "кезекші сыныптар" қалай жұмыс істейтіні белгілі болды

Оның сөзіне қарағанда, бүгінде алдын ала болжам бойынша биыл интернет мен  теледидар арқылы 2,6 миллион оқушы, кезекші сыныптарда 530 мың бала және шалғай ауылдарда штаттық режимде 157 мыңнан астам оқушы білім алады.

0
Кілт сөздер:
ата-аналар жиналысы, білім беру
Тақырып:
Төтенше жағдай және карантин
Тақырып бойынша
Алматылық ата-аналар Сағынтаевқа шағымданамын деп опық жеді
Бейсенбі күні республикалық ата-аналар жиналысы өтеді
Биыл әскери ант қабылдауға ата-аналар қатыса ала ма?
Ата-аналар қашықтан оқудың машақаты туралы айтып берді - видео
Қазақстандық ата-аналар 16 жасқа дейінгі балаларын үйден шықпай-ақ тіркей алады