Микрофон, архивтегі сурет

Он алты жастағы қыз саясаткерлерге: біз сіздерді кешірмейміз

1350
Швециялық оқушы ашу мен ызаға толы сөзін БҰҰ-ның саммитінде айтты. Ол бірнеше жыл бұрын экология мәселелеріне қызығушылық таныта бастаған

НҰР-СҰЛТАН, 24 қыркүйек — Sputnik. Швециялық Грета Тунберг Нью-Йоркте БҰҰ саммитінің экология мәселелеріне арналған сессиясында сөз сөйледі.  

Ол саясаткерлерден табиғатқа кесірін тигізуді тоқтатуды талап етті.

"Сіздер бос сөздеріңізбен менің балалық шағымды, армандарымды ұрладыңыздар. Қайта менің жолым болды деуге болады. Өйткені кейбір адамдардың жағдайы бұдан да қиын. Экологиялық жүйе тас-талқан болып жатыр. Алайда сіздер тек ақша мен экономикалық өсім туралы ертегі айтуды ғана білесіздер" , деді Грета көзіне жас алып.

Тағы оқыңыз: Өмірге қауіпті: Ғалымдар теңіз суының тартылуына байланысты дабыл қақты

Грета Тунберг биліктің өскелең ұрпақтың үмітін ақтамағанын атап өтті. Сондықтан жастар мұны сатқындық деп қабылдайтынын айтты. Өйткені экологиялық жағдайды шешуге тура келіп отыр.

"Жас ұрпақ сіздерден үміт күтеді. Ал егер сіздер сол сенімді ақтамасаңыздар, біз сіздерді ешқашан кешірмейміз. Жазадан құтыла алмайсыздар", - деді жас қыз.

Грета Тунберг кім?

Грета Тунберг (Greta Thunberg) 2003 жылы 3 қаңтарда дүниеге келген.  Швециялық актер мен опералық әншінің қызы. Депрессия мен психикалық проблемалардан соң экология мәселесіне қызығушылық таныта бастапты.

Ол отбасының еттен бас тартуына себепкер болған. Сондай-ақ, ұшақпен де ұшпайды. Грета Нью-Йоркке желкенді қайықпен жеткен.

Грета Тунберг БҰҰ Бас хатшысы Антониу Гуттериш және актер Арнольд Шварценеггермен де кездесу өткізген.

Time журналы 2018 жылы Гретаны әлемдегі ең беделді 25 жасөспірімнің тізіміне енгізді. Биыл Швецияда жыл әйелі атанды.  

1350
Кілт сөздер:
саммит, БҰҰ, саясаткерлер, қыз
Тақырып бойынша
Қазақстанда жаңа министрлік құрылады: оны кім басқарады
Жаңа министрлікке қандай өкілеттіктер беріледі?
Бозымбаев жаңа министрлікке басшы болған орынбасары туралы ойын айтты
Қасым-Жомарт Тоқаев АҚШ-қа барды
Тоқаев қоқыс полигондарын тәртіпке келтіруді талап етті
Қасым-Жомарт Тоқаев

Сыртқы істер министрі Тоқаев қандай тапсырма бергенін айтты

1015
(Жаңартылды 12:03 05.08.2020)
Қазіргі кезде Ливанда консулдық тіркеуде 113 Қазақстан азаматы тұр. Бітімгерлік миссияны орындау үшін барған 120 қазақстандық әскери бар

НҰР-СҰЛТАН, 5 тамыз – Sputnik. Президент Қасым-Жомарт Тоқаев Ливан астанасындағы жарылыстан кейін қазақстандықтардың қауіпсіздігін қамтамасыз етуді тапсырды. Бұл туралы сыртқы істер министрі Мұхтар Тілеуберді айтты, деп хабарлайды Sputnik Қазақстан тілшісі.

Министрдің айтуынша, қазіргі кезде Ливанда консулдық тіркеуде 113 Қазақстан азаматы тұр.   

"Біздің дипломаттарымыз олармен байланыста. Жарақат алғандар жоқ. Дипломатиялық миссияның кеңсесіне зақым келді. Бірақ оның бәрін қалпына келтіреді. Біздің қызметкерлеріміз және олардың отбасы мүшелері зардап шеккен жоқ", - дейді Тілеуберді. 

Оның сөзіне қарағанда, қазіргі кезде Ливан аумағында 120 қазақстандық әскери бар. Олар бітімгерлік миссияны орындау үшін барған. 

"Олар бір күн бұрын орналасатын жерлеріне жетті. Барлығы аман-есен. Қазіргі кезде олардың ротациясы жүріп жатыр", - деп атап көрсетті Тілеуберді.

Бейрут қаласындағы жарылыс

4 тамыз күні Ливанның астанасында жергілікті уақытпен сағат 18:00 кезінде теңіз порт базасында бірнеше жарылыс болды. Жақын маңдағы және бірнеше шақырым қашықтықтағы үйлер, ғимараттар қирады.

Ливандық БАҚ жүздеген адам зардап шегіп, ондаған тұрғын қайтыс болғанын айтты.

Жарылыс пиротехника қоймасында болуы мүмкін деген болжам жасалды. Алайда Ливан қауіпсіздік қызметінің басшысы генерал Аббас Ибрагим мұны жоққа шығарып, жарылғыш заттар орнатылғанын мәлімдеп отыр.

Жарылыс толқыны салдарынан Ливандағы Қазақстан дипломатиялық миссиясының ғимаратына зақым келді. Ол кезде жұмыс аяқталды. Сондықтан дипломатиялық миссия қызметкерлері кеңседе болмады. Бірақ жұмыста қалған Қазақстанның Ливандағы консулы Бағлан Сыпабек жарылыс болған кезде жарақат алды.

 

1015
Кілт сөздер:
Қасым-Жомарт Тоқаев, сыртқы істер министрлігі
Тақырып бойынша
Ақсайда тазартқыш ғимаратта жарылыс болып, бөлімше бастығы көз жұмды
Бейруттегі жойқын жарылыс: Қазақстан консулы жараланды
Қаралы күн: Тоқаев Қырғызстан президентіне көңіл айтты
Қазақстандықтарды дүрліктірген оқиға: Тоқаев тапсырма берді
Тоқаев: үкімет карантин режимін сақтау шараларын күшейтуге міндетті
Өткізу бекеті

Қазақстан Ресеймен шекарада неге шектеу енгізді?

89
(Жаңартылды 10:30 05.08.2020)
Шекаралас аймақтардағы эпизоотиялық жағдай облыстардың ветеринарлық қызметінің ерекше бақылауына алынды

АЛМАТЫ, 5 тамыз– Sputnik. Қазақстан Челябі облысында құс тұмауы ошағының анықталуына байланысты Ресеймен шекараға шектеулер енгізді.

"Қазақстанның ауыл шаруашылығы министрлігінің ветеринарлық бақылау және қадағалау комитеті 2020 жылдың 4 тамызынан бастап Челябі облысынан термиялық өңдеуден өтпеген құстарға арналған жемшөп қоспалары, таксидермиялық өңдеуден өтпеген ауланған олжа, сонымен қатар құстарды ұстауға, союға және кесуге қолданылатын құрал-жабдықтар әкелуге және тасымалдауға уақытша шектеулер енгізді", - делінген ақпаратта.

Сонымен қатар шекаралас аймақтардағы эпизоотиялық жағдай облыстардың ветеринарлық қызметінің ерекше бақылауына алынды.

Айта кетейік, 2020 жылдың 3-4 тамызында ветеринарлық және фитосанитарлық қадағалау бойынша федералды қызметтің Челябідегі басқармасы аймақта анықталған құс тұмауы вирусының генетикалық белгілері туралы ақпарат таратты. Құс өлекселерінен алынған барлық сынамаларда H5N8 тұмауы вирусының кіші түрі анықталды.

Құстың барлық түрлі тұмауды тез қабылдайтыны белгілі. Бұл жылдам жұғатын әрі лезде тарайтын вирустық ауру. Соған байланысты құс тұмауының жаппай таралып кету қаупі бар.

H5N8 адамдар үшін төмен патогенді деп саналғанымен, ғалымдардың пікірінше, ол тез өзгеріске ұшырап, тұмаудың басқа түрімен ауырған жағдайда өлімге әкеп соғуы мүмкін.

Тағы оқыңыз: ҰҚК шекарада болған жағдайға қатысты түсініктеме берді

 

89
Кілт сөздер:
құс, тұмау, Ресей, Қазақстан
WhatsApp мессенджері

"Кешкісін құрбандарын іздейді": Мамлютте маньяк пайда болғаны жайлы ақпарат тарады

0
(Жаңартылды 19:40 05.08.2020)
Полиция қызметкерлері өзара араздасқан тараптар медиация тәсілі арқылы татуласуға келіскенін хабарлады

АЛМАТЫ, 5 тамыз – Sputnik. Солтүстік Қазақстан облысының Мамлют ауданында әйел WhatsApp желісінде танысының фотосын жариялап, оның маньяк екенін айтқан. Polisia.kz порталының хабарлауынша, 27 жастағы тұрғын фотодағы азаматпен араздасып қалған соң, осындай әрекетке барған.

Автор желіде жариялаған фотосының жанына: "Сақ болыңыздар! Мамлют қаласындағы жұмысшы кентінде маньяк пайда болды. Кешкісін құрбандарын іздейді. 30 шілдеде ол жас қыздың соңынан жүгірді, қуанышқа қарай бойжеткен қашып үлгерді. Бұрын қылмыстық жауапкершілікке тартылған" деп жазып, хабарламаны мессенждерлерде таратқан.

Аудандық полиция бөлімінің қызметкерлері жалған ақпарат таратушыны мониторинг жүргізу арқылы тапты.

"Тәртіп сақшылары аудан орталығының 27 жастағы тұрғынын анықтады. Ол өзінің танысымен арада туындаған кикілжіңге байланысты жалған ақпарат таратқанын мойындады", - делінген ақпаратта.

3 тамызда Әкімшілік құқық бұзушылық туралы кодекстің 73-3-бабының 2-бөлігі "жала жабу" бойынша әкімшілік сот отырысы өтті. Медиация нәтижесінде жәбірленуші шағымдардан бас тартып, жерлесімен татуласуға келісті.

"Егер бұл жерде медиация тәсілі қолданылмағанда тәртіп бұзушыға 180 айлық есептік көрсеткішке дейін айыппұл салу (500 040 теңге) немесе 20 тәулікке әкімшілік қамауға алу түріндегі жауапкершілік жүктелетін еді. Заңда жеке тұлғаларға жала жапқаны үшін, яғни басқа адамның ар-намысы мен қадір-қасиетіне, беделіне нұқсан келтіретін көрінеу жалған ақпарат таратқаны үшін дәл осындай жаза қарастырылған", - деді Мамлют аудандық полиция бөлімінің бастығы Серік Әлжанов.

0