Бойжеткен, архивтегі сурет

Танымал блогер ел алдында ұятқа қалды видео

2481
Блогердің желіде 1,1 миллион оқырманы бар. Шындықты білген оқырмандардың біразы оның парақшасынан шығып кеткен

НҰР-СҰЛТАН, 27 қыркүйек – Sputnik. Қытайлық танымал блогер Лиси Лидің үйі жұртты шошытты, деп жазады Scoopsquare24 порталы.

Қытайдағы Weibo әлеуметтік желісінің танымал қолданушысы Лиси Ли ұятқа қалды. Оның 1,1 миллион оқырманы бар. Қыз желіге үнемі әдемі суреттерін жүктейді. Алайда оның шынайы өмірі жұртты шошытты.

Лиси Ли Қытайдың Сиан қаласында Чен атты әйелдің пәтерін жалдап тұрған. Алайда Ли үй иесі хабарласқан кезде оған жауап бермей, коммуналдық қызметтің ақысын төлемей қойыпты. Өзінің мүлкіне уайымдаған Чен пәтерге барған. Жағдай әйелдің үрейін ұшырды.

Пәтер иесінің айтуынша, үйде аяқ басатын таза жер болмаған. Қоқыс, шіріген тамақ, тіпті иттің нәжісіне дейін болған. Чен ашуланып, бұл жағдайды видеоға түсірген. Кейін оны әлеуметтік желіге жүктепті. Лас бөлмені тіпті клинингтік компания тазалаудан бас тартқанын айтады.

Тағы оқыңыз: Әйелі тастап кеткен жігіт адам танымастай өзгерді - фото

Видео желіде тез тарап, Лисидің оқырмандары жағасын ұстаған. Олар Лиси Лидің қымбат мейрамханада жүріп, әдемі фотоларын көріп, үйреніп қалғанын жеткізді. Осыдан соң, көптеген адам Лиси Лиге қатысты жағымсыз пікір жазып, парақшасынан шығып кеткен.

Бұл жағдайдан кейін Лиси пәтер иесінен кешірім сұрап, үйді өзі тазалауға сөз беріпті. Блогер ауруханаға түскенін, кейін іссапарға кеткенін айтып ақталды. Сондай-ақ, итті үйде қалдыруға мәжбүр болғанын айтқан.

2481
Кілт сөздер:
видео, блогер
Тақырып бойынша
Нұр-Сұлтанда алтын әжетханасы бар үй сатуға шығарылды
Бір күнде байып кеткен павлодарлық жүргізуші ақшаны қайда жұмсайтынын айтты
Руслан Жанпейісов не үшін ұсталды – министрлік жауабы
Нұр-Сұлтанда 32-қабаттан салбырап тұрған қыз жұртты шошытты - фото
Вакцина, архивтегі фото

Ресей жақында коронавирусқа қарсы екінші вакцинаны тіркейді

11
Бұған дейін ресейлік ғалымдар "Спутник V" деп аталатын коронавирусқа қарсы алғашқы вакцинаны тіркеген болатын

НҰР-СҰЛТАН, 23 қыркүйек – Sputnik. Ресей президенті Владимир Путин таяуда коронавирусқа қарсы екінші ресейлік вакцина тіркелетінін мәлімдеді, деп хабарлайды РИА Новости.

"Айтпақшы, жақын арада коронавирусқа қарсы екінші вакцина тіркеледі", - деді Путин сенаторлармен кездесуде.

Оқи отырыңыз: ДДҰ коронавирусқа қарсы екінші қазақстандық вакцинаны тізімге енгізді  

Ресейдің денсаулық сақтау министрлігі бұған дейін Гамалея атындағы ұлттық эпидемиология және микробиология зерттеу орталығы Ресейдің тікелей инвестициялар қорымен бірлесіп жасаған COVID-19-ға қарсы әлемдегі алғашқы вакцинаны тіркеген болатын. Ол "Спутник V" деп аталды. Роспотребнадзордың "Вектор" мемлекеттік вирусология және биотехнология ғылыми орталығында жасалған тағы бір ресейлік коронавирусқа қарсы "ЭпиВакКорона" вакцинасы сынақтан өтіп жатыр.

Сонымен қатар, РФ денсаулық сақтау министрлігі М.П.Чумаков атындағы Федералды ғылыми орталықта жасалған коронавирусқа қарсы жаңа – үшінші вакцинаның клиникалық сынақтарына рұқсат берді.  

11
Кілт сөздер:
вакцина, коронавирус, Ресей
Тақырып бойынша
Солтүстік Қазақстанда ауру өршіп тұр: бір тәулікте 180 мың құс қырылып қалды
Депутат жаппай вакцина салдыруды ұсынды 
Ғалымдар коронавирусты өлтіретін ақуыз ойлап тапты
Қазақстан тұмауға қарсы 2,2 миллион вакцина сатып алды - сапасы қандай ?
Цой тұмауға қарсы вакцинаны не үшін елден бұрын салдырғанын айтты – видео
Белгілері ұқсас: дәрігер коронавирус пен тұмауды қалай ажыратуға болатынын айтты
Александр Лукашенко

Ескертусіз инаугурация өтті: Лукашенко Беларусь президенті қызметіне кірісті

53
Александр Лукашенко беларусь тілінде Беларусь халқына адал қызмет етуге, адам құқығы мен бостандығын құрметтеуге ант берді

АЛМАТЫ, 23 қыркүйек – Sputnik. Александр Лукашенко Беларусь президенті қызметіне кірісті. Ұлықтау рәсімі Минскідегі Тәуелсіздік сарайында өтті, бірақ ел билігі бұл туралы алдын ала хабарламады.

Sputnik Беларусьтің хабарлауынша, 23 қыркүйекте Минскідегі Тәуелсіздік сарайының жанында көп техника жиналып, сол маңнан құрметті қарауыл ротасының әскери қызметшілері байқалған. Ғимаратқа кіретін жолдар жабылған.

Рәсім құпия түрде өтті, ал мемлекет басшысының баспасөз хатшысы Наталья Эйсмонт РИА Новости агенттігіне инаугурацияның жақында өтетінін, ол туралы алдын ала хабарланатынын айтты.

БЕЛТА басылымының хабарлауынша, ұлықтау рәсіміне жүздеген адам шақырылды. Олардың қатарында жоғары лауазымды тұлғалар, өкілдер палатасының депутаттары және республикалық кеңестің мүшелері, мемлекеттік органдар мен ұйымдардың, жергілікті атқарушы және басқарушы органдардың, республикалық бұқаралық ақпарат құралдары басшылары, ғылым, мәдениет және спорт қайраткерлері бар.

Оқи отырыңыз: Қорғаныс министрлігі Беларусьтегі оқу-жаттығулар не үшін өтетінін түсіндірді 

Конституцияға оң қолын қойып, Александр Лукашенко беларусь тілінде ант берді. Содан кейін ол ант беру туралы актіге қол қойды.

"Беларусь Республикасының президенті қызметіне кірісе отырып, мен Беларусь Республикасының халқына адал қызмет етуге, адам мен азаматтың құқығы мен бостандығын құрметтеуге және қорғауға, Беларусь Республикасының Конституциясын басшылыққа алуға және қорғауға, өзіме жүктелген жоғары міндеттерді ардақтап және адал орындауға салтанатты түрде ант етемін", - деді Лукашенко.

Осыдан кейін Беларусь орталық сайлау комиссиясының төрағасы Лидия Ермошина Александр Лукашенкоға мемлекет басшысының куәлігін табыс етті.

Беларусь еліндегі наразылықтар

Жаппай наразылық акциялары Беларусь елінде 9 тамызда президент сайлауы болған күні басталды. Орталық сайлау комиссиясының мәліметінше, сайлауда алтыншы рет Александр Лукашенко жеңіске жетті, ол 80,1% дауыс жинады. Бұл күні дауыс беру нәтижелерімен келіспейтіндердің наразылығы басталды, өйткені олардың пікірінше, сайлау нәтижелері бұрмаланды.

Ресми мәліметтер бойынша, алғашқы күні наразылыққа шыққан 6,7 мыңнан астам адам ұсталды. Республика ішкі істер министрлігі тәртіпсіздік барысында жүздеген адамның зардап шеккенін, олардың ішінде 120-дан астам құқық қорғау органы қызметкері бар екенін хабарлады. Ресми мәліметтер бойынша, үш наразылық білдіруші қайтыс болды.

53
Кілт сөздер:
Александр Лукашенко, инаугурация, Беларусь
Тақырып бойынша
Лукашенконың автомат ұстап жүрген видеосы таралып жатыр
Қазақстан мен Беларусь арасындағы тауар айналымы төмендей ме?
Беларусьтегі дүрбелең: сарапшылар елдегі жағдай Қазақстанға қалай әсер ететінін айтты
Беларусьте болып жатқан жағдайға байланысты Қазақстан позициясы қандай
"Көбірек отырып қалдым": Лукашенко Ресей журналистеріне сұхбат берді
Архивтегі фото

Ұшақ Алматыны бір сағат айналып ұшты: Air Astana не болғанын түсіндірді

0
Қалада тәжірибелі нұсқаушылардың басшылығымен оқу-жаттығу өткен, ұшақ бортында жолаушылар мен бортсеріктер болмады

АЛМАТЫ, 23 қыркүйек – Sputnik. Сәрсенбіде Air Astana ұшағы бір сағат бойы Алматы аспанын айналып ұшты. Flightradar24 мәліметінше, әуе кемесі қаланы бірнеше рет айналған.

Әуе компаниясы бұл оқу-жаттығу екенін мәлімдеді.

"Алматы аспанын айналып ұшу кезінде аэродромдық дайындық жасалды, бұл жаңадан келген ұшқыштарға – курсанттар немесе ұшақтың басқа түрлерін басқарған ұшқыштарға арналған ұшу дайындығының бір бөлігі болып саналады", - деп түсіндірді Sputnik Қазақстанға Air Astana баспасөз қызметі.   

Аэродромдық дайындыққа "конвейерден" ретті ұшу (қонғаннан кейін ұшу-қону жолағында тоқтамай), схема бойынша Алматы әуежайы аймағында айналып ұшу, кейін қонып, екінші айналымға кету кіреді.

"Жолаушыларға жақындауға қорықтым": бортсерік басынан кешкен жағдайды айтып берді

Кадеттің дайындық дәрежесіне қарай, әр ұшқыш күніне төрт сағаттан алты сағатқа дейін ұшады.  

"Қазіргі таңда жаңа ұшқыштар көптеп келіп жатқанына байланысты мұндай оқу-жаттығу айына 2-4 мәрте өткізіледі", - деп атап өтті Air Astana.  

Мамандар оқу-жаттығу тәжірибелі нұсқаушылардың басшылығымен өтетінін баса айтты. Сонымен бірге бортта жолаушылар мен бортсеріктер болмайды.  

0
Кілт сөздер:
Алматы, Эйр Астана, ұшақ