Танк

АҚШ пен Түркия әскери кешен мәселесін шешпек

67
(Жаңартылды 19:50 15.11.2019)
АҚШ президенті Дональд Трамп пен Түркия басшысы Режеп Тайып Ердоған С-400 кешендерін Түркияға жеткізу мәселесін шешуге ниетті

НҰР-СҰЛТАН, 14 қараша – Sputnik. Америка көшбасшысы үшін бұл бірнеше себептен маңызды боп келеді, деді Sputnik радиосының эфирінде әскери саясаттанушы Андрей Кошкин.

Түркияның ресейлік С-400 кешендерін сатып алуы Вашингтон мен Анкара қарым-қатынасына сын-қатер туындатып отыр, деп мәлімдеді АҚШ лидері Дональд Трамп Түркия президенті Режеп Тайып Ердоғанмен бірлескен баспасөз мәслихатында.

Осы орайда, мемлекет басшылары аталған келісімшартпен байланысты мәселелерді талқылап, шешуге ниетті екендерін жеткізді.

"Біз бұны тұрақты түрде талқылаймыз. Бүгін де айттық, болашақта да сөз етеміз", - деп РИА Новости Трамптың сөзін келтірді.

Америка Құрама Штаттары президентінің айтуынша, ол өзі және Эрдоған екі елдің сыртқы саяси ведомство басшылары мен ұлттық қауіпсіздік жөніндегі кеңесшілерді С-400 кешендері проблемаларын шешу бойынша жұмысты бірден бастауды сұраған.

Әскери саясаттанушы Андрей Кошкин Sputnik радиосының эфирінде "Түркияның ресейлік С-400 кешендерін сатып алуы – АҚШ үшін үлкен сын-қатер" деді.

"Түркияның С-400 кешендерін сатып алу АҚШ үшін әрине үлкен сын-қатер. Түркия - Солтүстік Атлант альянсындағы екінші әскер. Ал АҚШ-пен әріптестік орнатқысы келмеу, бағынбау Америка Құрама Штаттарының әлемдегі үстемдігіне күмәндануға негіз болады. Сондықтан Дональд Трамп барлық әдіс-тәсілді қолданады.

Ең алдымен, санкциялармен қорқыту қаупі - олар нәтиже бермеді. Енді ол өзгере қалып, Эрдоғанмен келісуге тырысып жатыр. Сол себептен Трамп түрлі қызығарлық келісімдер ұсынуда. Ол алдағы сайлауды да ойлайды. АҚШ президенті үшін Түркиямен қарым - қатынастың Америка өзі құрып жатқан сыртқы саясат форматында реттелгені маңызды", - деді Андрей Кошкин.

Су жаңа ресейлік С-400 жүйелерін жеткізуге келісімшарт Анкара мен Вашингтон қарым-қатынасын дағдарысқа әкелді. Америка Құрама Штаттары Түркиядан келісімнен бас тартуды және оның орнына америкалық Patriot кешендерін сатып алуды талап етті. АҚШ Анкараға F-35 жойғыш ұшақтарын сатудан бас тартамыз деп қорқытты. Сондай-ақ, түрлі санкциялар енгіземіз деді. Дегенмен Түркия ештеңеге келіспеді.

67
Кілт сөздер:
Ресей, Түркия, АҚШ
Тақырып бойынша
"Дағдарыс болуы мүмкін": Назарбаев неге алаңдап жүргенін айтты
Сириядағы жағдай: мүдделі елдер қандай келісімге келіп жатыр
НАТО: ұйымның болашағы бар ма?
Қарусыздану саласындағы әлемдік келісімдерді бұзу кімге керек?
Архивтегі фото

Ресейдің Қазақстанмен шекаралас облысында құс тұмауының ошағы табылды

1794
(Жаңартылды 17:01 03.08.2020)
Көл жағасынан табылған жабайы үйрек пен қаздардың өлексесінен H5N8 үлгісіндегі құс тұмауы вирусы анықталды

НҰР-СҰЛТАН, 3 тамыз – Sputnik. Қазақстан шекарасымен шектесетін Ресейдің Челябі облысында құс тұмауының ошағы тіркелді. Жақын маңдағы елді мекендер аумағында карантин енгізілді. Бұл туралы Россельхознадзордың өңірдегі басқармасының баспасөз қызметі хабарлады, деп жазды РИА Новости.

Басқарманың мәліметінше, Увельский ауданының Песчаное және Табынша көлдерінің жағасынан табылған құстардың (жабайы үйрек және төрт үй қаз) өлексесі зерттелді. Барлық сынамадан H5N8 үлгісіндегі құс тұмауы вирусының материалы анықталды. Осыған байланысты елді мекендерде құстарды тіркеу жұмыстары жүргізілді.

Оқи отырыңыз: Қытайда коронавирустың жаңа түрі таралып жатыр   

"Облыста құс тұмауының ошағы тіркелді. Осы көлдерге жақын орналасқан қолайсыз елді мекендердің аумағында карантин орнатылды, аймаққа қауіп төндіретін індет ошақтары анықталды. Қолайсыз аймақтарда құс тұмауымен күрес ережелеріне сәйкес шаралар қабылданып жатыр", - делінген хабарламада.  

Россельхознадзор басқармасы мен облыстық ауыл шаруашылығы министрлігінің ветеринария басқармасы қауіпті ауру тарап кетпеу үшін барлық шараны қолдануда.

 

1794
Тақырып бойынша
ДДҰ карантин режиміне қатысты мәлімдеме жасады
Ғалымдар коронавирус пандемиясы тағы қанша уақытқа жалғасатынын айтты
Ғалымдар коронавирус қандай суда өлетінін анықтады
Қытайда тағы бір қауіпті вирус табылды
Тоқаев қазақстандықтарды қайғыға салынбауға шақырды
Дәрігерлер

Қазақстан коронавирустың таралуы бойынша "қызыл тізімге" енді

146
(Жаңартылды 11:53 03.08.2020)
Украинаның денсаулық сақтау министрлігі COVID-19 індеті бойынша "жасыл" және "қызыл" аймақ мемлекеттерінің жаңартылған тізімін жариялады

НҰР-СҰЛТАН, 3 тамыз – Sputnik. Қазақстан соңғы екі апта ішінде 100 мың тұрғынға шаққанда коронавирустық инфекцияның жаңа жағдайлары Украинадағыдай көрсеткіштен асып түсетін 127 елдің қатарына енді. 1 тамыздан бастап Украинада "жасыл" және "қызыл" аймақтағы елдердің жаңа жіктелуі жұмыс істеуде, деп хабарлайды "Европейская правда".

Адамдардың қай жақтан ұшып келгеніне байланысты оларға әртүрлі ережелер қолданылады.

1 тамыздан бастап "жасыл аймақтан" келген адамдар оқшауланбай және ешбір тест сынақтарын тапсырмай-ақ, Украина аумағына өте алады.

Ал елге "қызыл аймақтан" келгендердің барлығы екі апта оқшаулануда болып немесе 24 сағат ішінде ПТР-тест сынағын тапсыруы керек. Сондай-ақ, шекарадан өткенге дейін 48 сағаттан кешіктірмей жасалған тест нәтижесін ұсынуы керек.

Айта кетейік, Украинаның денсаулық сақтау министрлігі апта сайын COVID-19 індетінің жедел таралу белгісі бар елдердің тізімін жаңартып отырады.

"Қызыл" және "жасыл" тізімге бөлу тәртібі қандай?

"Қызыл тізімге" соңғы он төрт күнде 100 мың тұрғынға шаққанда COVID-19 жұқпасының жаңа жағдайлары Украинадағыдан асып түскен мемлекеттер кіреді. Сонымен қатар, " соңғы екі апта ішінде жұқтырғандардың саны 30%-ке өскен мемлекеттер де енеді.

Оқи отырыңыз: ДДҰ карантин режиміне қатысты мәлімдеме жасады

Бұған дейін Украина 100 мың тұрғынға шаққанда коронавирусы бар пациенттердің санын ескерген.

Ал 31 шілдедегі жағдай бойынша "жасыл" аймақ елдеріне Швеция, Португалия, Хорватия, Беларусь, Ұлыбритания, Түркия, Словения, Египет және Италия кірді.

"Қызыл аймаққа" Қытай, Венгрия, Грузия, Германия, Чехия, Болгария, Албания, Черногория, Польша, Франция, Ресей және Қазақстан енді. Толық тізімді мына сілтемеден көруге болады.

146
Кілт сөздер:
коронавирус, індет
Тақырып:
Коронавирус эпидемиясы
Тақырып бойынша
Ғалымдар коронавирус жұқтырғанда кімдер 12 есе жиі көз жұматынын айтты
Ғалымдар коронавирус қандай суда өлетінін анықтады
Қазақстандық телеарналардың бірі індет салдарынан хабар таратуын тоқтатады
Ғалымдар коронавирус пандемиясы тағы қанша уақытқа жалғасатынын айтты
Қазақстанда өткен тәулік ішінде мыңнан астам адамның індет жұқтырғаны расталды
Пандемия, коронавирус

Мамин коронавирус пандемиясының жаңа толқыны туралы айтты

42
(Жаңартылды 10:21 04.08.2020)
Үкімет басшысы әлем бойынша 126 мемлекетте коронавирус жұқтырғандардың жаңа өсімі тіркеліп отырғанын атап өтті

НҰР-СҰЛТАН, 4 тамыз – Sputnik. Үкімет басшысы Асқар Мамин коронавирустың таралу деңгейі төмендеген аймақтарды атады, деп хабарлайды Sputnik Қазақстан тілшісі. 

Премьер-министрдің айтуынша, бір аптаның ішінде бірқатар облыста инфекцияның репродуктивті көрсеткіші, яғни, вирустың бір адамнан таралу деңгейі 1-ден төмен түсті. Олар: Атырау, Ақтөбе, Маңғыстау, Қызылорда, Шығыс Қазақстан, Жамбыл, Түркістан мен Павлодар облыстары, Нұр-Сұлтан, Шымкент пен Алматы қалалары.

"Ал инфекцияның репродуктивтік деңгейі 1-ден жоғары өңірлер: Қостанай мен Ақмола облыстары. Бұл өңірлерде жағдай күрделі және аймақ әкімдерді эпидемияға қарсы шараларды күшейтуге аса назар аударуы қажет", - деді Мамин үкіметтің онлайн отырысында. 

Үкімет басшысы әлем бойынша 126 мемлекетте коронавирус жұқтырғандардың жаңа өсімі тіркеліп отырғанын да атап өтті. 

"Пандемияның жаңа толқыны күзде пайда болуы мүмкін және оған дайын болуымыз керек. Оның алдын алу үшін барлық белгіленген талаптардың сақталуын қамтамасыз етіп, жоспарланған іс-шаралар кешенін іске асыру қажет", - деп атап көрсетті Мамин.

Еске сала кетсек, кеше, 3 тамызда президент Қасым-Жомарт Тоқаев үкімет азаматтардың карантин режимін сақтау жөніндегі шараларды күшейтуге міндетті екенін айтты. Денсаулық сақтау министрлігі мен барлық медициналық мекемелердің басты міндеті – өлім-жітім деңгейін ең төменгі шекке дейін түсіру, деді президент.

Әрі қарай оқу: https://sputniknews.kz/society/20200803/14620398/Toqaev-ukimet.html

42
Кілт сөздер:
коронавирус, Асқар Мамин
Тақырып:
Коронавирус эпидемиясы
Тақырып бойынша
Денсаулық сақтау вице-министрі екі айға қамауға алынды
Қазақстанда коронавирустан қанша адам қайтыс болғаны айтылды
Денсаулық сақтау министрі бетперде тағуға қатысты соңғы өзгерісті жариялады
"Телефонмен көңіл айтыңыз": вице-министр қазақстандықтарға кеңес берді
Ақтауда болған жағдайдың видеосы тарады - жұрт нені талап етіп отыр