Көлік тізгіндеген әйел, архивное фото

130 км/сағат: Әйел алты жасар ұлын жүйткіген көлік рөліне отырғызды - видео

1898
(Жаңартылды 12:47 18.11.2019)
Алты жасар баланың анасы "бұдан ешқандай жаман нәрсе көріп тұрған жоқпын" дейді. Оның айтуынша, ұлы көлік тізгінінде бірінші рет отырған жоқ

НҰР-СҰЛТАН, 18 қараша – Sputnik. Татарстан тұрғыны алты жасар баласын көлік рөліне отырғызды. Ұлының 130 километр/сағат жылдамдықпен жүйткіп келе жатқан автокөлікте отырғанын анасы видеоға түсіріп, желіде жариялаған.

Видео кадрларынан кішкентай жүргізушінің рөлді ұстап отырғанын, ал спидометр көрсеткішінің 130 километр/сағат жылдамдықты көрсетіп тұрғанын байқауға болады.

Бейнероликті Набережные Челны қаласында тұратын Агина Алтынбаева түсірген. Оның айтуынша, бала көлікті бірінші рет жүргізіп отырған жоқ.
"Ол төрт жасынан бастап көлік тізгіндейді. Қазір ол алтыда, бұдан еш жаман нәрсе көріп тұрған жоқпын. Жол-патрульдік инспекторлар маған бірдеңе деп айтса да, ештеңе етпейді", - деді Алтынбаева "Говорит Москва" радиостанциясына.

Ұлдың анасы әлеуметтік желідегі жағымсыз пікірлерге де дөрекі жауап береді. Әйелдің айтуынша, оны құзыретті органдар түсініктеме беру үшін шақырмаған.

Бұған дейін Алтынбаеваға қолында сәби ұстап көлік тізгіндегені үшін 5300 рубль көлемінде айыппұл салынған болатын. Бұл жайында да әлеуметтік желіден белгілі болды.

Тағы оқыңыз: Айыппұлдан түрмеге дейін: қазақстандық жүргізушілер нені білуі тиіс?

Ол кезде әйел балаларды тасымалдау ережелерін бұзғаны, автокөлікті қауіпсіздік белбеуін тақпай басқарғаны, әйнектерді қараңғылағаны және сақтандыру полисі болмағаны үшін айыппұлмен жазаланған еді.

1898
Кілт сөздер:
бала, жол, автокөлік
Тақырып бойынша
Қазақстанда жаңа үлгідегі жүргізуші куәлігі қашан беріледі
Алматы–Бішкек жолында 3 көлік соқтығысты: бір адам көз жұмып, сегізі ауруханада жатыр
Алматыда мас күйінде көлік жүргізген қыз жаяу жүргіншіні басып өлтірді
Еуроодақ туы

Батыс геосаяси ойындарға араласқысы келмейді

26
(Жаңартылды 13:32 28.09.2020)
Батыстың Беларусь президентінің жақында өткен инаугурациясына теріс реакция танытатыны алдын ала болжанғаны белгілі

Алдымен мемлекеттік департаменттің өкілі АҚШ-тың Александр Лукашенконы заңды түрде сайланған мемлекет басшысы ретінде санамайтынын айтты. Оны "сайлау нәтижесі заңсыз өтті" деген пікірімен түсіндірді, деп хабарлайды РИА Новости.

Бұдан кейін Еуроодақ дипломатиясының басшысы Жозеп Боррелльдің ресми мәлімдемесі шықты. Онда Александр Лукашенконың жаңа мандаты "демократиялық заңдылыққа сәйкес келмейді" деп жазылған. Сондай-ақ өткен инаугурация республика халқының көп бөлігінің еркі мен бостандығына қайшы келгені, мұны ел ішінде болған көптеген наразылық пен қарсылықтан байқауға болатыны айтылған.

Боррельдің мәлімдемесі әрине, мысқылға сұранып тұр. Мәселен, АҚШ-тағы сайлау нәтижесінің қалай болатынына қарамастан, оның америкалықтардың басым бөлігінің еркі мен бостандығына қайшы келетінін алдын ала сеніммен айтуға болады. Бұл мемлекеттегі наразылық бірнеше айдан бері жалғасып келеді. Демек, аталған құжаттың қазіргі өмір шындығына еш жанаспайтынын аңғаруға болады.

Ал Брюссельдің пайымынша, "Демократиялық заңдылық" ұғымының бірнеше тетігі бар. Сол тетіктер бойынша Александр Лукашенко – заңды президент.

Бүгінде Беларуське қарсы санкциялар заң жүзінде енгізілген жоқ. Бұл мәселе төңірегінде Еуроодақтың өз ішінде де түсініспеушіліктер туындап жатыр. Мәселен, Кипр Түркияға қарсы шектеуді қамтамасыз етуді талап етті. Осылайша, Беларуське қатысты санкциялық процестің жүруіне тосқауыл қойып отыр.

Батыс елшілері Беларусь елінен қайтарылған жоқ. Есесіне, америкалықтар көпжылғы салқындықтан кейін республикамен дипломатиялық ынтымақтастықты қайта қалпына келтіруге тырысып жатыр. Бірнеше күн бұрын АҚШ сенатының халықаралық істер жөніндегі комитеті Беларусьтегі жаңа елшінің кандидатурасын бекітті. Вашингтон 2008 жылы Беларусь компанияларына енгізген санкциялардан кейін екі ел өз елшілерін кері шақырып алған еді. Яғни, 12 жылдан бері қос мемлекеттің елшіліктерін тек сенім білдірілген өкілдер басқарып келген болатын.

Міне, осындай көріністерден-ақ Беларусь президентіне қатысты қатаң қарсылықтардың қазіргі өмір шындығын қабылдау мен оған ықпал етуде әлсіздік танытып отырғанын байқауға болады. Бұл ретте Батыс өз мүмкіндігінің шегін түсініп, қазіргі қалыптасқан жағдайды қабылдай бастағанын да айтқан жөн.

Беларусьте өткен сайлауға дәл осындай реакция танытуға Венесуэлладан алған ауыр сабақтың нәтижесі де әсер еткені анық. Елу мыңнан астам, оның ішінде Батыстың көптеген елінің Хуан Гуайдоны Венесуэлланың заңды президенті деп танығанына бір жарым жылдан астам уақыт өтті. Алайда, бұл шешім қазіргі жағдайға айтарлықтай әсер еткен жоқ. Себебі, Николас Мадуро әлі күнге дейін осы елдің басшысы болып отыр.

АҚШ пен Еуропа латынамерикадағы кішкентай елдің жағдайын осылай елемеуге тырысса, Еуропаның қақ ортасында жатқан мемлекетке қатысты мұндай айла-шарғыны қолдану қиынға соғары анық. Оның үстіне Беларусь Донбасс мәселесін ретке келтіру сынды маңызды халықаралық процестерге қатысатындықтан, бұл ел төңірегінде қабылданатын әрбір шешім мен оның нәтижесін алдын ала мұқият таразыдан өткізуге тура келеді.

Батыстың Минск бағытына қарсы қадам жасауға аса ынта-ниет танытпауының себебі, Беларусьтегі наразылық пен текетірестің басы-қасында Польша тұр. Варшава Беларусь оппозиционерлері көшбасшыларына да саяси тұрғыдан ықпал етіп отыр.

Польша Беларусьтің қазіргі билігіне қарсылығын ашық көрсеткенімен, бүгінгі жағдайды өзгертуге күші жетпейтіні анық. Оның үстіне Минск те кері соққы жаcап, есесін қайтаруға тырысып бағуда. Айталық, БАҚ-та Беларусь территориясына Польша тауарларын кіргізу мәселесінде қиындық туындап жатқаны жазылды.

Ендігі кезекте Польша Минскіге қарсы текетіресте Батыс Еуропа мен АҚШ-ты пайдалануға ниет танытқаны, Лукашенконы орнынан түсіру үшін солардың саяси артилерриясының тетігін іске қосқысы келетіні таңғаларлық жағдай емес. Алайда, Берлин, Париж, Брюссель немесе Вашингтон Польшаның "арманын" орындауға құлық танытпай отыр. Сондықтан өзі белгілеген жолмен жүргенді қалайды.

Негізінен Батыс Минскіде қалыптасқан жағдайды қабылдағанымен, оған бағытталған қарсылық шараларын тоқтатуға ниет танытып отырған жоқ. Cебебі, жеңіліс табатын геосаяси ойындарға қатысқысы келмейді. Соңғы жылдары олар онсыз да көп.

26
Кілт сөздер:
Еуропа, Беларусь
Украинадағы ұшақ апаты

Украинадағы ұшақ апаты: аман қалған жалғыз курсанттың әкесі сұқбат берді

1488
(Жаңартылды 11:00 28.09.2020)
Ан-26 ұшағы апатынан тірі қалған жалғыз курсант Вячеслав Золочевскийдің әкесі де авиация саласында жұмыс істейді, ол да үш рет ажалдан аман қалған

НҰР-СҰЛТАН, 28 қыркүйек – Sputnik. Украинада ұшақ апатынан аман қалған жалғыз курсанттың беті бері қарап келеді, денсаулығына қауіп төніп тұрған жоқ.

Курсанттың әкесі де авиация саласында қызмет етеді. Айтуынша, ол да үш рет ажалмен бетпе-бет келген, деп хабарлайды РИА Новости.

"Мен үш рет құладым. Баламның тірі қалғаны өз әкесінің ұлы екенін көрсетеді", - деді үлкен Золочевский "Сегодня" газетіне берген сұқбатында.

Оның айтуынша, Вячеславтың еш жері сынбаған, тек жарақаттары бар.

"Бәрі оны ұшақтан секіріп кетті деп айтып жатыр. Бірақ олай емес. Ол ұшақтан ұшып кетті. Өзінің досын құтқаруға тырысқанын да білемін", - деді әкесі.

Вячеслав Золочевскийдің өзі үйінді маңында есін жиғанын, жанында өртеніп жатқан курсантты құтқаруға ұмтылғанын айтқан еді. Көп ұзамай ол тағы да есінен танған. Курсант денесін жауып қалған фюзеляждің арқасында аман қалды.

Ан-26 ұшағының апатқа ұшырауы  

Әуе апаты Украинаның Харьков облысы Чугуев қаласы маңында 25 қыркүйек күні кешке болды. Ан-26 әскери-көлік ұшағы оқу ұшуын орындаған.

Крушение самолета Ан-26 под Харьковом
© Sputnik / Сергей Одинцов
Украинада Ан-26 ұшағы апатқа ұшырады

Бортта 27 адам – экипаждың 7 мүшесі және 20 курсант болған. Жиырма бесі оқиға орнында қаза тапты. Екі курсант ұшақтан шыққан, бірақ, кейінірек, біреуі ауруханада көз жұмды.

Ұшу және оған дайындық ережелерін бұзу туралы қылмыстық іс қозғалды. Төрт болжам қарастырылып жатыр: техникалық ақау, экипаждың қателігі, ұшуды басқаруға жауаптылардың қызметтік міндеттерін тиісті деңгейде орындамауы, ұшаққа техникалық қызмет көрсету және оны ұшуға дайындаумен байланысты проблемалар.

1488
Кілт сөздер:
курсант, ұшақ апаты, Украина
Иллюстративті фото

Былтырғы оқиға есіне түсіп кеткен: Көңілдесін ұрып өлтірген атбасарлық сотталды  

0
(Жаңартылды 17:34 28.09.2020)
Ішімдік ішкен ер адам жатын бөлмеге кіріп, әйелді бауыр тұсынан бір ұрған. Ол қатты соққыдан сылқ ете түседі. Бірақ ашуға булыққан ер адам онымен тоқтамаған

НҰР-СҰЛТАН, 28 қыркүйек – Sputnik. Атбасарда көңілдесін ұрып өлтірген 35 жастағы ер адам 9 жылға бас бостандығынан айырылды, деп хабарлайды Sputnik Қазақстан.

Тергеу материалдарына сәйкес, ер адам үйінде ішімдік ішіп отырғанда өзімен бірге тұратын әйелдің 2019 жылы желтоқсан айында таныс адамымен көзіне шөп салғаны есіне түскен. Қызғаныш сезімі билеп, әйелден өшін алуға ұмтылған.

"Ол жатын бөлмеге кіріп, әйелді бауыр тұсынан бір ұрады. Ол қатты соққыдан сылқ ете түседі. Бірақ ашуға булыққан ер адам онымен тоқтамаған, басынан және бетінен ұрғылай берген. Әйел есінен танып қалғаннан кейін есікті құлыптап, далаға шығып кеткен. Сол күні үйге келмеген", - дейді полицейлер.

Келесі күні қайтып келгенде үйдің іші тым-тырыс болған. Көңілдесі жатын бөлмеде сол күйі қозғалмай жатқанын көрген.

Полицейлер атап өткендей, ер адамның зәресі ұшып, қылмыстық жазадан құтылудың амалын іздей бастайды. Содан әйелді далаға сүйреп шығарып, мәйітін жерқоймаға тастап, қашып кетеді.

"Жәбірленуші жабық бас сүйек-ми жарақатын алған. Біршама уақыттан кейін миы ісініп кеткен", - делінген сот-медициналық сараптамада.

Оқи отырыңыз: Түркістанда әйелін пышақтап өлтірген прокурорға сот үкімі шықты 

Қаскүнем тағы бір қылмыс жасайды. Көрші келіншектің кетіп қалғанын пайдаланып, үйіне түскен. Сол жерден ыдыс-аяқ пен тосап ұрлаған.  

Сот оны Қылмыстық кодекстің екі бабы – денсаулыққа қасақана ауыр зиян келтіру және ұрлық бойынша жазаға тартып, 9 жылға бас бостандығынан айыруға шешім шығарды.

0
Кілт сөздер:
көңілдес, Атбасар
Тақырып бойынша
Күйеуін өлтіріп, анасының қабіріне көмген: елордалық әйелдің адам шошырлық қылмысы
Үйлену тойына ақша жетпеген: Шымкентте бай ерлі-зайыптыны өлтірген жігіт сотталды
Ер адам үйлену тойынан кейін әйелін жансақтау бөлімінен бір-ақ шығарды
16 рет пышақ сұққан: шымкенттік мұғалімді кім және не үшін өлтірді