Бойжеткен, архивтегі сурет

Әйелінің сұлулығы себеп болды: спортшы күтпеген жерден жұмыссыз қалды фото

2503
(Жаңартылды 16:31 02.12.2019)
Үйленген соң хоккейші түнгі клубтарға жиі баратын болған. Бұл жағдай команда басшылығының көңілінен шықпады

НҰР-СҰЛТАН, 2 желтоқсан — Sputnik. Ресейдің Омбы қаласындағы "Авангард" хоккей клубының басшысы Максим Сушинский спортшы Никита Щербакпен келісімшарт үзілгенін айтты. Бұған хоккейшінің өте сұлу әйелі себеп болған.

View this post on Instagram

A post shared by Nikita Scherbak (@nikscherbak) on

"Радио-Сибирь" эфирінде Сушинский канадалық модельдің ресейлік шабуылшыға жағымсыз әсер ететінін айтқан. Хоккейшінің әйелі көңіл көтеретін орындарға жиі барады екен.

"Мұндай проблема болды. Оның әйелі өте әдемі, ал Мәскеуде мейрамхана мен түнгі клубтар жетерлік", — деді "Авангард" президенті.

View this post on Instagram

A post shared by Nikita Scherbak (@nikscherbak) on

Сушинский Щербакқа тағы бір мүмкіндік беруге дайын екенін жеткізді. Егер хоккейші спортқа көңіл бөлемін деп шешсе, клуб қабылдауға әзір.  

Никита Щербак өзінің болашақ жарымен Канадада танысқан. Ол "Монреаль Канадиес" клубында өнер көрсеткен болатын. Жұп 2019 жылы жазда отбасын құрды.

2503
Кілт сөздер:
фото, жұмыс, спортшы, әйел
Тақырып бойынша
Мінсіз келбет: пластикалық хирург ең сұлу 10 әйелдің есімін атады – фото
Танымал спортшы бірнеше жыл қатарынан сүйіктісін зорлап келген: әйел бәрін жайып салды
Трамптың әйелі жұрттың алдында ыңғайсыз жағдайға қалды – видео
Қазақстандық сұлу спортшы қыз күтпеген жерден карьерасын аяқтады  – фото
Әлемге әйгілі спортшы жол апатынан көз жұмды
Зертхана қызметкері

Коронавирусқа қарсы алғашқы вакцина қашан тіркеуден өтетіні белгілі болды

50
(Жаңартылды 16:46 07.08.2020)
Ресейдегі Гамалея атындағы ұлттық зерттеу орталығында әзірленген вакцина 12 тамызда тіркеледі

НҰР-СҰЛТАН, 7 тамыз – Sputnik. Коронавирусқа қарсы әлемдегі алғашқы вакцина 12 тамызда тіркеледі, деп хабарлайды РИА Новости.

"Гамалея орталығында жасалған вакцина 12 тамызда тіркеуден өтеді деп жоспарланып отыр. Ең алдымен медицина қызметкерлері мен қарт адамдарға вакцина қойылады", - деді Ресей денсаулық сақтау вице-министрі Олег Гриднев Уфада өткен БАҚ өкілдерімен кездесуде.

Ол сарапшылардың халықтың иммунитеті қалыптасқаннан кейін препараттың тиімділігін бағалай алатындығын атап өтті.

Коронавирусқа қарсы вакцина қалай әзірленді

Гамалея орталығында жасалған вакцинаны клиникалық сынақтан өткізу 18 маусымда басталды. 38 ерікті қатысқан алғашқы сынақта оның қауіпсіздігі дәлелденді, яғни еріктілердің барлығында инфекцияға қарсы иммунитет дамығанын көрсетті.

Орталық директоры Александр Гинцбург коронавирусқа қарсы вакцина барлық адамға тиімді болмайтынын айтады. Кез келген препарат аурудың асқынуына алып келуі мүмкін. Сондықтан да созылмалы аурулары бар адамдар мамандармен кеңескені жөн.

Оқи отырыңыз: Қазақстанда алғашқы адамға коронавирусқа қарсы вакцина салынды

Айта кетейік, Ресейде жаппай вакцинация қазан айында басталады деп жоспарланып отыр.

50
Кілт сөздер:
коронавирус, дәрі-дәрмек, екпе
Тақырып:
Коронавирус эпидемиясы
Тақырып бойынша
Қазақстанда коронавирусқа қарсы вакцина бірінші кезекте кімдерге егіледі
Батыс COVID-19-ға қарсы вакцина әзірлеу жарысында артта қалып келеді
"Назарбаевтың қанынан вакцина жасайды": министрлік түсініктеме берді
Иммунолог коронавирусқа қарсы вакцина туралы ойын айтты
Коронавирусқа қарсы ресейлік вакцина балаларға қашан салынатыны айтылды
Қытай

Қытайға жасалған қыспақ кімге тиімді?

347
Қытаймен арадағы соғыстың бір боларына көзі жеткен батыс қауымдастығы санкциялар, экономикалық байланыстарды шектеу, өзара шпионаж, конфронтациялық соғыс күштерін есепке алмағанда, Бейжіңді жеңетін ғажайып әдіс іздеп жатыр

Вашингтон, Лондон және Брюcсельде талқыланатын "қытайлық айдаһарды тұншықтыру" әдістерінің барлығы дерлік антиқытайлық коалиция құруды қарастырып отыр. Дәл осы секілді ұжымдық күшпен оқшаулау әрі жансыздандыру КСРО-мен күрес кезінде де қолданылған болатын, деп жазады РИА Новости.

Егер қандай да бір бағыттауыш ұстанымдарының деңгейінде ешқандай алуантүрлілік байқалмаса, осы ұстанымдарды нақты жүзеге асыруда президенттер, премьерлер, саясаткерлер мен аналитиктердің найзасы сынатындай күрделі проблема туындап отыр.

Мәселе Еуроодақтың көптеген елі, әсіресе, Германия, Франция және Италия мен Азиядағы бірқатар мемлекет ҚХР-ға қарсы бұл қырғи-қабақ соғысқа АҚШ-тың қуыршағы секілді қатысуға аса үлкен құлшыныс білдірмеуінде болып отыр. Сонымен қатар, олар жеңіс үшін АҚШ-қа ақы төлеуді құптамай отыр және толықтай тыйым салу шараларына да бірауыздан келісім беріп отырған жоқ. Мысал ретінде 5G желісі үшін қытайлық Huawei компаниясының Еуроодаққа жабдықтар жеткізуін айтуға болады. Бұл Вашингтон мен Лондондағы "антиқытайлық қырғиларды" қуанта қоймағаны сөзсіз.

Council on Foreign Relations (Халықаралық қатынастар жөніндегі кеңес) үшін ықпалды "ми орталығы" болып табылатын Foreign Affairs беделді журналы осы мәселе айналасындағы әдістерді екі түрге бөліп отыр. Оның бірін "Дональд Трамп әдісі" деп, екіншісін "Борис Джонсон әдісі" деп атауға болады.

Council on Foreign Relations-тің америкалық элита мен Еуропадағы проамерикалық элитаның ойлауына ауқымды ықпалын ескере отырып, "қытайлық проблеманы" шешуге қандай әдістер ұсынылатынын қарап көруге мүмкіндік бар.

Foreign Affairs мақаласы "Демократиялар кеңесі халықаралық қатынастағы көпжақтылықты құтқауы мүмкін" деген тақырыппен жарық көргенімен, ондағы ұсынылған әдістер Вашингтонның әлемдегі басымдылық рөлін сақтап қалуға бейімделген және айырмашылық тек америкалық үстемдікті сақтауға арналған нақты әдістерде ғана болып тұр.

Беделді америкалық басылым авторлары әлемдегі тәртіпке бүгінде тоқырау келгенін және басты қауіп коронавирус емес, Ресей мен Қытай екенін алға тартады.

Алайда, Екінші дүниежүзілік соғыстан кейін Америка Құрама Штаттары негізін қалаған көпжақты жүйе коронавирус пандемиясына дейін әлемдегі өзекті мәселелерді тиімді шеше алмай келген. COVID-19 патшаның жалаңаш екенін көрсетсе, шындығында, патша біраз уақыттан бері жұпыны киімде жүрген еді.

Әлемдік экономикалық ауырлық күші Үнді-Тынық мұхиты өңіріне қарай ығысқаннан кейін жаһандық амбициясы бар құрылымдарға аталған өңірдегі маңызды өкілдіктерсіз үстемдік құру қиынға соқты. Алайда, 1973 жылғы мұнай шогынан кейін құрылған G7-де Еуро-Атлантида аумағынан тыс бір ғана мүше бар, ол – Жапония. 1997 жылғы азиялық қаржы дағдарысынан кейін құрылған және 2008 жылғы дағдарыс кезінде өз тиімділігін көрсеткен "үлкен жиырмалық" саяси және халықаралық проблемаларды шешу көзқарасы бойынша сәйкес келмейтіні анықталды. Ал, БҰҰ Қауіпсіздік кеңесі Ресей мен Қытайда агрессивті өктемшілдіктің пайда болуымен дел-сал күйде болатын.

Бұл "Барлығы құрыды және жұмыс жасамайды! " деген тезиске дәл келетін диагноз іспеттес.

Сәйкесінше, бірі Трамптан, бірі Джонсоннан екі шешім ұсынылып отыр. 

Джонсон алғашқылардың бірі болып жаңа құрылым құруды ұсынды. Мамыр айында ол G7 мен Австралия, Үндістан және Оңтүстік Корея елдерінен құралған жетекші он демократиядан тұратын альянс құруды және оны D10 деп атауды ұсынды. Бұл ұйым телекоммуникациялар саласындағы саясатты үйлестіруге және 5G техологиясымен басым тұрған қытай нарығының көшбасшысы Huawei брендіне балама әзірлеуге бейімделмек.

Осыдан кейін Трамп маусымдағы G7 кездесуін кейінге қалдырып, күзде G11 форматында бас қосуды ұсынды. Джонсон ұсынысынан асып түсуді мақсат тұтатын Трамптың жаңа тобы дәл сол он елмен қатар Ресейді де қосуды ұсынады.

Foreign Affairs сарапшылары Ресейді бұл клубқа енгізбеуді ұсынып, D10 нұсқасына қолдау көрсетіп отыр. Олардың пайымдауынша, Ресейді қалай болғанда да антиқытайлық күреске қатысуға көндіргенмен, Трамп схемасы бәрібір нашар сипатқа ие және ұзақмерзімді уақытта келешексіз болып қалуы мүмкін. Ал, Джонсон иедясынан Қытайға қарсы одақ құруға емес, әлемде барлығы жақсы болуы үшін бірігуге шақырған позитивті үндеуді табуға болады.

Позитивті үндеу – бұл "Демократия", "Бостандық" және "Адам құқығы" секілді лозунгтер. Мұндай позитивті үндеудің пайда болуы Вашингтонның қазіргі сыртқы саясатына қарсы келіп тұр: "Құрама Штаттар Қытай басқарып отырған Азия инфрақұрылымдық инвестициялар банкіне, "Бір белдеу – бір жол" бастамасына және Ресей қолдау көрсетіп отырған "Солтүстік ағыны - 2" бастамасына қарсы болуы мүмкін. Бірақ, сенімді балама ұсына алмаса, басқа елдерді көндіру қиынға соғады. Вашингтан ештеңе қолданбай бірдеңені жеңе алмайды".

Алайда, "АҚШ-та жасалған" деген затбелгісі бар "демократия" мен "бостандық" Германия үшін ресейлік газды немесе Италия үшін қытайлық инвестицияны алмастыра алмасы анық. Бұл мәселені ақшамен шешуге болар еді. Бірақ, Вашингтонға мұндай қарым-қатынас керек емес. Байденге де, Трампқа да колониялар қажет. Бірақ, Еуроодақты бұл жағдайға кері қайтару мүмкін емес. Одақтың D10 немесе G11 форматында болуы аса үлкен рөл ойнап тұрған жоқ.

347
Ермек Тұрсынов

"Бұлардың істеп жүргені - мазақ": Ермек Тұрсынов ашық сұхбат берді

0
(Жаңартылды 23:20 07.08.2020)
Кинорежиссер бір жылдан бері қандай ұсынысы әлі де жүзеге асырылмағанын, кімнің фильмдері көңілінен шықпайтынын айтты

АЛМАТЫ, 7 тамыз – Sputnik. Қазақстандық кинорежиссер, сценарист, Қазақстан кинематографистер одағының төрағасы, ұлттық қоғамдық сенім кеңесінің мүшесі Ермек Тұрсынов ұлттық кеңестегі ұсынысынан кейін мәдениет министрімен қандай қарым-қатынаста екенін, сондай-ақ, қазіргі кино жайлы ойын Sputnik Қазақстан тілшісіне айтып берді.

Ұлттық кеңестегі ұсыныс

"Ұлттық қоғамдық кеңес құрылған кезде көбіне саясатқа байланысты мәселелер көтерілген болатын. Біраз нәтижелі жұмыс жүргізілді. Әсіресе, митингіге байланысты сұрақтардың жауабы шешілді. Бірнеше салмақты, маңызды шешім қабылданды деп айтуға болады. Ал мен мәдениетке байланысты мәселені көтердім", - дейді Тұрсынов.

Ермек Тұрсынов
© Photo : Ермек Тұрсыновтың жеке архивінен алынды
"Министрмен келіспей қалдық"

Ұлттық қоғамдық сенім кеңесінің 2019 жылы өткен отырысында Ермек Тұрсынов мәдениет және спорт министрлігін бөлуді ұсынды. Тұрсыновтың айтуынша, содан кейін мәдениет министрі Ақтоты Райымқұлова режиссерға қоңырау шалған.

"Ол кісіге менің ұсынысым ұнаған жоқ. Мәдениет пен спортты бөлуді ұнатпады. Сөзге келіп қалдық деп айтуға келмес, бірақ пікіріміз екі түрлі болды. Келіспей қалдық. Ал көпшілік менің айтқанымды өте жақсы қабылдады. Қазірге дейін сол отырыста айтқан сөзімді желіде жариялап отырады", - дейді режиссер.

Ермек Тұрсынов сол отырыстан бері бір жылға жуық уақыт өтсе де, ұсынысының еш нәтиже бермегенін айтып өтті. Алайда республика аумағын аралаған кезінде адамдар ілтипат танытып, режиссер пікірімен толық келісетінін жеткізетін көрінеді.

"Ұлттық кеңес мүшелері мәдениет пен спортты бөлу туралы ұсынысымды өте жақсы қабылдады. Мен қазір де солай ойлаймын. Бәрі мәдениеттен басталады", - дейді Тұрсынов. Ең өкініштісі – сол ұсыныс тек сөз болып қалды, деп толықтырды ол.

"Кино үйі" төңірегіндегі дау

Қазақстан кинематографистер одағының төрағасы одақ жұмыс істейтінін, алайда "Кино үйі" төңірегіндегі даудың екі жылдан бері шешімі табылмай жатқанын айтты.

"Кино үйі" мәселесі бір орыннан жылжымай тұр. Екі жылдан бері соттасып жатырмыз. Қара шаңырағымызды өзімізге қайтара алмай жүрміз. Сот жалғасып жатыр, қашан бітетіні тіпті белгісіз. Оны ешкім айта алмайды. Бармаған жерім жоқ. Қазір одақ мүшелері отырып жұмыс істейтін орын жоқ. Кейде "Қазақконцерт" ғимаратында, кейде мейрамханада кездесіп, жиналыс өткіземіз. Кейде "Қазақфильмнің" бірінші қабатындағы аядай бөлмеде жиналамыз", - дейді Тұрсынов.

Айтуынша, бұл мәселе кеше туындаған жоқ. Бір кездері одаққа басшылық еткен кісі "Кино үйінің" жартысын сатып жіберген. Одан кейін де басшылыққа келгендер қалған жарты бөлігін жалға беріп қойған. Содан бері сот процесі жүріп жатыр.

"Қазақфильм" басшылығы туралы

Ермек Тұрсыновтан бір салада жүрген әріптесі Ақан Сатаевтың "Қазақфильмге" басшы болып тағайындалғанына қатысты пікірін де сұрадық. Алайда режиссер бұл шешімнің артында жаман оқиға тұрғанын, алайда дәл қазір ашып айта алмайтынын жеткізді.

"Мұны дәл қазір ашып айта алмаймын. Себебі бұл мәселе қазір талқыланып жатыр. Қай жаққа шығаратынын айта алмаймын. Бірнеше аптада бұл мәселе шешіледі. Сатаевтың алдында "Қазақфильмді" Арман Әсенов басқарды. Оны бұл қызметте тоғыз ай қызмет істегеннен кейін орнынан алып тастау, меніңше, қате. Не болатынын көреміз", - дейді Тұрсынов.

Айтуынша, "Қазақфильмді" экономикадан хабары бар маман басқаруы керек.

"Қазақта "қисық аяққа қызыл кебіс не керек?" деген сөз бар. Режиссер – өнердің адамы, ал бұл қызметке есептің адамы, экономиканы білетін адам керек", - деді Ермек Тұрсынов.

"Істеп жүргені - мазақ"

"Тақиялы Періште", кешегі "Қыз Жібек" фильмдері ақша үшін жасалған жоқ. Бұл киноның авторлары ең алдымен елдің көңілін, елдің санасын ойлады. Ақша жағына келер болсақ, ол кейінгі заманның "модасына" айналып кеткен ұғым. Иә, ақшаға да мән беру керек, бірақ ақшадан басқа ешқандай мақсат болмаса, ол шедевр болмайды", - дейді Тұрсынов.

Премьера фильма Томирис
© Sputnik / Владислав Воднев
"Томирис" фильмінің премьерасы

"Ал арзанқол фильмнің миллиондап табыс табуы – көрерменнің надандығын көрсетеді, - деп жалғастырды Тұрсынов. - Қоянбаевтың түсіргенін кино деп айтуға болмайды, осыны адамдарға айтып түсіндіру керек. Баян Алакөзова да кітап жазды, бірақ ол әдебиет емес. Нұртас Адамбаев, Нұрлан Қоянбаев, Қайрат Нұртас пен Төреғалидің түсіріп жатқаны кино емес. Кино деп "Тақиялы періште", "Атамекен", "Қыз Жібекті" атауға болады. Ал бұлардың істеп жүргені – мазақ".

Сонымен қатар Тұрсынов "Томиристі" кино деп санамайтынын, бірақ оған әртістік құрамның еш кінәсі жоқ екенін айтты.

"Томирис" – кино емес. Бұған басқа алып-қосарым жоқ. Әртістердің еш жазығы жоқ, қойылған тапсырманы орындауға тырысты. Негізгі жауап беретін – режиссер", - деп түйіндеді сөзін Тұрсынов.

Режиссер Ермек Тұрсынов
© Photo : Ермек Тұрсыновтың жеке архивінен алынды
Ермек Тұрсынов режиссерлік мансабын "Келін" фильмінен бастаған. 2012 жылы режиссердің "Шал" фильмі шықты

Ермек Тұрсынов 1961 жылы Алматы облысында дүниеге келген. Режиссерлік мансабын "Келін" фильмінен бастаған. 2012 жылы режиссердің "Шал" фильмі шықты. Сонымен қатар Тұрсынов бірқатар фильмге сценарий жазған.

0
Кілт сөздер:
Ермек Тұрсынов, режиссер
Тақырып бойынша
"Томиристің" қазақшасы қайда?": Ақан Сатаев халықтан кешірім сұрады
"Қыз Жібекті" үш жыл түсірдік": актер әрі режиссер Асанәлі Әшімов жайлы не білеміз
Тұрсынов Димаштың жетістігіне ортақтасатын шенеуніктерді сынап тастады
Режиссер Ақан Сатаев басшылық қызметке тағайындалды
Белгілі режиссер Ақан Сатаев тұңғышын ұзатты – фото