Операция

АҚШ сенаторлары Ресейді терроризм демеушілері қатарына қосуды ұсынды

98
Ресейлік сарапшы Владимир Оленченко америкалық сенаторлардың бастамасын түсіндіріп берді

НҰР-СҰЛТАН, 12 желтоқсан – Sputnik. АҚШ сенаты мемлекеттік департаменті Ресей Федерациясын "терроризм демеушілері" тізіміне қосуды үндеді. Sputnik радиосына сұқбат берген сарапшы Владимир Оленченко америкалық сенаторлардың бастамасын түсіндірді.

АҚШ сенатының халықаралық комитеті мақұлдаған заң жобасында Ресей "терроризм демеушісі" ретінде көрсетілген. Енді, осы анықтаманы рәсімдеу туралы шешімді мемлекеттік хатшы қабылдайды.

Ол өз қолын 90 күннің ішінде қояды. Осы уақытта мемлекеттік хатшы Донбастағы әскери құрылымдар, сондай-ақ Луганск халық республикасы мен Донецк халық республикасының әскери құрылымдары "шетелдік террористік ұйымдарға" жататыны, я болмаса, жатпайтынын анықтауы тиіс.

Содан кейін конгресстің тиісті комитеттеріне қорытынды жасалады. Бүгінде АҚШ мемлекеттік департаменті жасаған "терроризм демеушілері" тізіміне Иран, Солтүстік Корея, Сирия мен Судан кіреді.

Тағы оқыңыз: Бундестагта Ангела Меркельдің "капитуляциясы" туралы мәлімдеді

Өткен аптада мемлекеттік хатшы орынбасары Дэвид Хэйл "мемлекеттік департамент Ресейді терроризм демеушісі ретінде санамайтынын" мәлімдеген болатын.

Примаков атындағы Ресей ғылымдар академиясының халықаралық қатынастар және әлемдік экономика институтының бас ғылыми қызметкері Владимир Оленченко осы мәселенің дәл қазір көтеріліп жатқаны жайдан-жай емес деп санайды.

"Шамасы, демократтар мен республикалықтар текетіресі күтпеген арнаға, мүлдем басқа формаға түскен сияқты. Ақылға сыймайтын нәрсе екен. Меніңше, Трамп пен Лавров арасындағы конструктивті әңгіме шешілмейтін мәселенің жоқ екенін көрсеткеннен кейін Трамптың қарсыластары дүрлігіп шыға келді. Оған қоса, келесі жылы АҚШ-та президент сайлауы өтеді. Сөйтіп, Ресейді терроризмді қолдайтындардың қатарына қосу идеясы туындады", - дейді Оленченко.

98
Кілт сөздер:
терроризм, Ресей, АҚШ
Тақырып бойынша
Мәскеудің экс-мэрі көз жұмды
Путин: WADA шешімі Олимпиада хартиясына қайшы келеді
"Норманд форматы" Ресей мен Украина қарым-қатынасының жақсаруына көмектесті ме?
АҚШ пен Ресей: қарым-қатынас қандай бағытта өзгеруде
Ресей Қазақстанға қанша гектар жерді қайтарады – сенат заң қабылдады
АҚШ-тағы тәртіпсіздік

АҚШ-тағы жаппай тәртіпсіздікке Ресейді кінәлау кімге тиімді?

100
(Жаңартылды 10:51 03.06.2020)
Саясаттанушылар наразылықтың астарынан "Ресейдің ізін" іздеуді биліктің ішкі қарама-қайшылықтарды мойындамай отырғанымен байланыстырады

АҚШ-та жаппай тәртіпсіздікке Мәскеу арандатып отыр, ал шеруге шыққандар "орыс әдістемесіне" сүйеніп полиция учаскелерін талқандап жатыр. Ұлттық қауіпсіздік жөніндегі бұрынғы кеңесші Сьюзан Райс Ресейге осындай айып тақты. Дәлел ретінде ол өзінің тәжірибесі мен түйсігіне сенетінін алға тартты. РИА Новости тілшісі америкалықтардың әр істен "Ресейдің ізін" іздейтінін талдап көрді.

Наразылықтан тонауға дейін

Лос-Анджелестегі сауда орталықтары карантинге жабылған. Калифорния билігі оларды маусымда ашуды жоспарлаған болатын. Алайда бірінші болып оны мародерлер (тонаушылар) жасады. Қазір есігі сынған элиталық дүкендердің сөрелері бос тұр. Ойран салғандар тұрмыстық техника, киім-кешек пен жиһаз, тіпті тамаққа дейін әкеткен. Полиция тікұшақ арқылы бүлікшілерді тоқтатуға тырысты, жоғарыдан су төкті. Бірақ жиналғандар тарай қоймады.

Полиция қызметкерлері ұстаған афроамерикалық Джордж Флойдтың өлімінен кейін наразылық танытқандар Миннеаполис, Вашингтон, Сан-Франциско, Портленд, Майами, Индианаполис, Филадельфия, Атлантта өрши түсті. Қайғылы оқиғаға тікелей қатысы бар адам қызметінен босатылды әрі қазір тергеуге алынды. Алайда наразылық білдірушілер тәртіп сақшыларын жазалуды ғана емес, АҚШ-та нәсілшілдікке қатысты жүйенің аяқталуын талап етіп отыр. Олар "әділдік жоқ болса – бейбітшілік те жоқ! Полицияның бассыздығына жол жоқ!" деп айғайлап жатыр.

Қолдарына Флойдтың өлім алдында айтқан "Дем жетпей жатыр" деген сөзі жазылған плакат ұстап шықты. Жүздеген адам тас жолға жатып, оның соңғы сөзін қайталады. Бейбіт шеру тез арада қақтығысқа, кейін жаппай тәртіпсіздік пен тонауға ұласты.

Ірі қалаларда енгізілген комендаттық сағат көмектеспеді. Вашингтонда наразылық білдіргендер Ақ үйді қоршап алып, ішіне кіруге тырысты. Нью-Йоркте бір топ адам тас атып, жиырма полиция көлігін өртеп жіберді. Портлендте олар сот ғимаратын отқа орады.

Азаматтық қоғамға төнген қауіп

Бастапқыда АҚШ-та көптеген адамдар демонстранттарға қызыға қарады. Жергілікті билік бастапқыда арандатушыларға назар аудармауға тырысты, полицейлерді күш қолданбауға шақырды. Алайда құқық қорғау органдарының қызметкерлеріне тез тұтанғыш қоспасы бар шөлмектер ұшқан кезде шыдамдылық танытып тұра алмады.

Миннесота губернаторы Ұлттық гвардияны штатқа енгізді, әскери көмек Лос-Анджелеске де жетті. Олар көзден жас ағызатын газ бен резеңке оқтар қолданды.

"Миннеаполисте болған жағдай Флойдтың өліміне байланысты емес. Ойран салу азаматтық қоғамға қауіп төндіреді және үрей тудырып, қала өміріне кедергі келтіреді", – деді губернатор Тим Вальц.

Дональд Трамп жағдайға одан да қатаң баға берді. Президент Флойдтың өлімін "америкалықтардың үрейін тудырып, қайғыға душар етті және ашу шақырған трагедия" деп айтты.

Жексенбіде қауіпсіздік қызметі мемлекет басшысын Ақ үйдің жер асты бункеріне жіберді. Ол жерден қауіп сейілгеннен кейін ғана шыға алды.

Кінәліні іздеу жолында...

Тәртіпсіздік болған жерден дереу "Ресейдің ізі" табыла кетті. "Өткен сайлауалды науқанда да ресейліктер қара белсенді болып шыға келді. Олардың тәртіпсіздікке қатысы бар", – деп хабарлады CNN телеарнасының эфирінен Жаңа Орлеан мэрі Марк Мориал. Алайда 2016 жылы өткен сайлауға Ресейдің еш қатысы жоқ екені бірнеше жылдық тергеуден кейін расталмағаны жайлы тіс жармады.

Бірнеше күн өткен соң бұл эстафетаны Барак Обаманың ұлттық қауіпсіздік әкімшілігінің бұрынғы кеңесшісі Сьюзан Райс іліп әкетті. Ол да CNN телеарнасынан жаппай тәртіпсіздік "ресейлік әдіс бойынша" әрекет етті деп болжады.

"Бейбіт демонстранттар бар. Олар әділетсіздік пен теңсіздікке қарсы шығады. Бірақ наразылықтарды күн тәртібінде ұстауға тырысатын арандатушылар да бар. Менің тәжірибем маған тактикалық схемалардың орыс әдісі бойынша әрекет ететінін айтады", – деді Райс.

Ресейдің қатысын іздестіруге тырысқан америкалық БАҚ Мәскеудің атына тағылған тағы бір айыптауды еске алды. Бірнеше жыл бұрын Вашингтон ресейлік хакерлер Black Lives Matter қозғалысын қолдайды деп мәлімдеді. Оның белсенділері де полицейлердің озбырлығына қарсы шықты.

Осы тұста Трамп та шетте қалған жоқ. Президент "Ресей ізі" туралы пікірталасты сынға алды. Мемлекет басшысы CNN телеарнасы мұны рейтинг үшін жасап отыр деген болжам жасады.

Мәскеу де үнсіз қалмады. Президенттің баспасөз хатшысы Дмитрий Песков Ресейдің "Америка ісіне ешқашан араласпағанын және қазір де араласпайтынын" алға тартты.

Американың поляризациясы

Американың қоғамы өте қатты поляризацияланған. Еуропалық және халықаралық кешенді зерттеулер орталығы ҰЗИ ЭЖМ директорының орынбасары Дмитрий Суслов наразылықтың жаппай сипатын былай деп түсіндірді.

"Америкалықтардың бір бөлігі либералды құндылықтарды ұстанады, бір бөлігі консервативті. Эмиграцияны жақтаушылар бар, арасында Мексикамен ортаны бөліп тұратын шекараның құрылысына қолдау білдіреді. Бұған глобалистер мен протекционистер қақтығысын қосыңыз. Миннеаполистегі оқиға нәсілдік мәселені еске салды. Ақтар өмірге біте қайнасып кетті, ал қара нәсілділер қоғамның толыққанды бір бөлігі бола алмады", – деді Суслов РИА Новости агенттігіне.

Саясаттанушы "Ресейдің ізін" іздеуді биліктің ішкі қарама-қайшылықтарды мойындамай отырғанымен байланыстырды.

"Америкалық элита қоғам сау деп санайды. Барлығын Трамп пен орыстар бұзады. Егер Трампты алып тастап, "Ресей ізін" жойса, ел қалпына оралады. Бірақ қалалардағы шерулер бұл норманың бұрыннан жоқ екенін көрсетеді. Ешкім де күрделі реформалардың қажеттілігін мойындамайды", – деп пайымдайды Суслов.

Саясаттанушы Райстың мәлімдемесін сайлау алдындағы науқан деп қабылдау керек екенін айтты.

"Бұрынғы шенеунік Джо Байденнің командасына кіруді жоспарлап отыр деп болжауға болады. Мәскеу атына айып тағу – бұл Кремльмен бірге әрекет ететін Трампқа жасалған демократтар қысымының жалғасы", – дейді сарапшы.

100
Кілт сөздер:
Ресей, АҚШ
Мария Захарова

Захарова АҚШ-тағы тәртіпсіздікке Ресейді айыптағандарға жауап берді

228
Сонымен қатар Ресейдің сыртқы істер министрлігі Миннеаполис полициясының ресейлік тілшіге көзден жас ағызатын спрейді пайдаланылуына қатысты пікір білдірді

НҰР-СҰЛТАН, 1 маусым – Sputnik. АҚШ-тағы тәртіпсіздікке Ресейдің қатысы болуы мүмкін деген айыптаулар ақпараттық айла-амалдың лас әдісіне жатады, деп мәлімдеді Ресейдің сыртқы істер министрлігінің ресми өкілі Мария Захарова.

АҚШ президентінің ұлттық қауіпсіздік бойынша бұрынғы кеңесшісі Сьюзан Райс ешбір дәлел келтірмей-ақ, Америкадағы тәртіпсіздіктің артында Ресей тұруы мүмкін деп мәлімдеді.

Бұл сөздерді Ресейдің сыртқы істер министрлігінің ресми өкілі Мария Захарова "ақпараттық айла-амалдың лас әдісі" деп бағалады, деп хабарлайды РИА Новости.

Ол АҚШ-тағы орыс тілді "әлеуметтік желілер" сол елде тіркелгенін және оның бәрі де заң жүзінде реттелетінін атап өтті.

Бұдан бөлек, Ресейдің сыртқы істер министрлігі Миннеаполис полициясының РИА Новости тілшісі Михаил Тургиевке көзден жас ағызатын спрейді пайдаланылуына қатысты пікір білдірді. 

"Джордж Флойдтың өлімінен кейін басталған АҚШ-тағы наразылық акцияларын жариялау кезінде полицияға қатысты зорлық-зомбылық пен журналистерге қатысты негізсіз ұстанымдардың көбеюіне алаңдаушылық білдіреміз. Біз қызметтік куәлігін көрсетсе де, АҚШ құқық қорғау органдарының арнайы құралдарды – резеңке оқ пен көзден жас ағызатын аэрозольді БАҚ өкілдеріне қарсы қолдануын өрескел қателік деп санаймыз", – делінген ведомство хабарламасында.

Министрлік журналистердің қауіпсіздігі мен кедергісіз қызметін қамтамасыз ету жөніндегі халықаралық міндеттемелерді де еске салды.

"Америкалық құзырлы органдар оқиғаға қатысты егжей-тегжейлі тергеу жүргізеді деп үміттенеміз. Сонымен қатар тиісті халықаралық құрылымдар мен адам құқықтары жөніндегі үкіметтік емес ұйымдарды осы озбырлықты жауапсыз қалдырмауға шақырамыз", – делінген ақпаратта.

Көзден жас ағызатын газ қолданылды

Миннеаполис полициясы жаппай наразылық туралы оқиға орнынан хабар таратып жүрген журналистерге, оның ішінде VICE телеарнасының түсіру тобы мен РИА Новости тілшісі Михаил Тургиевке көзден жас ағызатын спрейді әдейі қолданғаны туралы хабарланған болатын.

Кейіннен осы сәттің видеосы интернетте жарияланды.

Көп ұзамай Миннесота губернаторы Тим Уолц құқық қорғау органдарының қызметкерлері шабуыл жасаған БАҚ өкілдерінен кешірім сұрады.

Ал зардап шеккен Михаил Тургиев болса, оқиғадан кейін: "Бәрі қалпына келді, көру қабілетім бұзылған жоқ", – деп өзінің жағдайынан хабардар етті.

Наразылық неден өршіді?

Миннеаполис пен АҚШ-тың тағы бірнеше қаласында жаппай тәртіпсіздік 25 мамыр күні афроамерикалық Джордж Флойдтың өлімінен кейін басталды.

Полицейдің жерде жатқан Джордж Флойд есімді азаматтың мойнын тізесімен басып, тұншықтырып жатқаны түсірілген видео интернетте кеңінен таралды. Ол ауа жетпей, өзін нашар сезініп жатқанын айтқанымен, полицейлер оны босатпайды. Кейін Джордж Флойд реанимацияда қайтыс болды.

Оқи отырыңыз: АҚШ-та Қазақстаннан көшіп барған жасөспірімді тапа-тал түсте өлтіріп кетті

Ал 29 мамыр күні Флойдты ұстаған полиция қызметкері қамауға алынды. Оған абайсызда кісі өлтірді деген айып тағылып отыр. Тағы төрт адам жұмыстан босатылды.

Осы оқиғадан кейін ел аумағында жаппай тәртіпсіздіктер басталды.

Демалыста Миннеаполис пен көршілес Сент-Пол қаласында коменданттық сағат жарияланды.

228
Жандарбек Бекшин

Бекшин Алматыда енгізілген шектеу шараларын түсіндірді

7
Қазір қалада адамдар кәсіпкерлердің үйін жалға алып жатыр. Ұжым болып жиналып, карантин режимін бұзатындар көбейген

АЛМАТЫ, 3 маусым – Sputnik. Алматының бас санитар дәрігері Жандарбек Бекшин 1 маусымда қабылданған қаулыдағы шектеу шараларын түсіндірді, деп хабарлайды Sputnik Қазақстан тілшісі.

Қаулыға сәйкес, қала аумағанда топ болып жиналуға тыйым салынады.

"Қала алаңдарында, аумағында адамдардың топ болып жүруіне шектеу қойып жатырмыз. Қазір адамдар жеке үйлерді, кәсіпкерлердің үйін жалға алып жатыр. Ұжым болып жиналып, карантин режимін бұзатындар көбейді. Сол себепті осындай шешім қабылдадық", - деді ол.

Сонымен қатар баланы балабақшадан алып қайтуға егде жастағы кісілерді жібермеуге қатысты ұсынысын түсіндірді.

"60-65 жастан асқан кісілер инфекцияны тез жұқтыратын қауіпті топқа кіреді. Ең бірінші талап – оларды оқшаулау. Үлкендер бұл талапты қатаң сақтап келгендіктен науқастар арасында олардың саны көп емес. Жастардың үлесі – 41%,  үлкендердің үлесі жеті процентке жетпейді. Үлкендерге қарым-қатынасты азайту керек", - деді ол.

Қаланың бас санитар дәрігері мемлекеттік балабақшаны ашу туралы мәселе 15 маусымға дейін көтерілмейтінін айтты.  

Сонымен қатар ашық бассейн мен жағажайдың жұмысына рұқсат беру мәселесі де 15 маусымнан кейін қаралатынын жеткізді.

Оқи отырыңыз: Алматыда карантин шарасы күшейтіледі 

"Бізде күн ыстық, көбіне судың сапасы қажетті бактериологиялық және паразитологиялық көрсеткіштерге сәйкес келмейтінін көпжылдық талдау көрсетіп отыр. Сол себепті шомылу аймақтарын ашу мәселесін қарастырмаймыз. Оларды 1 маусымнан бастап ашу жөнінде бірқатар ұсыныс түсті, алайда бұл мәселені 15 маусымнан кейін қарастырамыз", - деді Бекшин.

Ол қаладағы спорт кешендерінде бассейн ашық екенін, ал Алматыдағы су қоймаларының сапасы сын көтермейтінін алға тартты.

7
Кілт сөздер:
Алматы, Жандарбек Бекшин
Тақырып:
Төтенше жағдай және карантин
Тақырып бойынша
Қазақстанда карантин кезінде балалар суициді жиілеген
Бекшин Алматыда қызметі тоқтатылған нысандарды атады
Әскерге шақырылғандар он төрт күнге карантинге алынады 
Алматыда той жасауға рұқсат берілді ме
Блок бекетте шын мәнінде не болғаны жұртқа жария етіледі – полиция бастығы