Қарт

Тірідей жанып кетер еді: 72 жастағы қария мүгедек әйелін өлімнен құтқарды

295
(Жаңартылды 14:29 31.12.2019)
Жан түршігерлік жол апаты Сингапурде болған екен. Ұлы шетелде демалыста жүргенде қос қарт ірі апатқа түсіпті

НҰР-СҰЛТАН, 31 желтоқсан — Sputnik. Сингапур тұрғыны үрейге ерік бермей, тірідей жанып кете жаздаған әйелін өлім аузынан аман алып қалды, деп хабарлайды AsiaOne ақпараттық порталы.

Оқыс оқиға 28 желтоқсан, сенбі күні Сингапурде болған. 72 жастағы зейнеткер Тан Ченг Уитт 68 жастағы арбаға таңылған әйелі Ху Гек Хвамен бірге қызын жұмыстан алып кетуге бара жатқан.

Алайда олардың жолында мотоциклші шыға келген. Жүргізуші мотоцикл тізгініне ие бола алмай, жолдың арғы бетіне қарай кеткен.

Тағы оқыңыз: "Жұрт дүрлігіп, жылады": ұшақта болған кәсіпкер апат кезінде не болғанын айтты

Тан Ченг Уитт жол апатының алдын алу үшін көлік тежегішін жанталаса басқанымен, бұл әрекетінен нәтиже шықпаған. Мотоцикл жанып, қарияның Toyota Rush көлігінің тура жанынан өтіпті.

Көзді ашып-жұмғанша автомобиль қызыл жалынға оранған екен. Алайда 72 жастағы зейнеткер үрейге ерік бермей, тірідей жанып кете жаздаған әйелін көліктен алып шығып, қауіпсіз жерге апарған.

Тағы оқыңыз: Алматыдағы алапат өрт: дүкен тып-типыл жанып кетті – фото

Тан Ченг Уитке куәгерлер де көмектесіпті. Апаттан қария да, оның әйелі де зардап шеккен жоқ.

Оқиға орнына шұғыл жеткен полиция мен өрт сөндірушілер өртті сөндірген. Ал 23 жастағы мотоциклші жеңіл жарақат алыпты. Ол ауруханаға жеткізілді.

Келесі күні Ху Гек Хва жол апатының қалай болғанын айтып берді.

"Мен апат болған кезде қатты қорқып кеттім. Денемді қозғалта алмай қалдым. Мұндайды бірінші рет көріп тұрмын. Өмірімді құтқаруға атсалысқан адамдарға алғысымды білдіремін", - деді ол.

Кейін Toyota Rush көлігі Тан Ченг Уиттің 38 жастағы ұлы Деррик Танға тиесілі екені белгілі болды. Ол жол апаты болған кезде Таиландта демалыста жүріпті.

Деррик Танның айтуынша, апаттан көлікке қатты зақым келген. Сондықтан оған жаңа автомобиль сатып алуға тура келеді.

Ал полиция қазір оқиғаның мән-жайын анықтап жатыр.

295
Кілт сөздер:
құтқару, өлім, қария
Тақырып бойынша
Ақмола облысында жол апатынан екі адам қаза тапты, біреуі – сәби
Bek Air-дің аман қалған жолаушысы ұшақта не болғанын айтып берді
Алматы маңындағы ұшақ апаты: қаза тапқандар саны 15 адамға жетті
Алматыдағы ұшақ апатынан генералдар кеңесінің төрағасы қаза тапты
Нұр-Сұлтанда Шарын базарында өрт шықты
Тауық еті

Қытайда тауық етінен коронавирус анықталып жатыр

490
(Жаңартылды 09:41 14.08.2020)
Шілде айынан бері Қытайдың жеті қаласында мұздатылған теңіз өнімдерінің қаптамасында вирус пайда болғандығы туралы БАҚ-та жиі айтылуда

НҰР-СҰЛТАН, 14 тамыз – Sputnik. Қытайдың оңтүстігіндегі Гуандун провинциясының Шэньчжэне қаласында мұздатылған тауық етінен коронавирус анықталды, деп хабарлады globaltimes.cn сайты.

Жергілікті билік өкілдерінің айтуынша, бұл өнім бейсенбі күні таңертең Бразилиядан жеткізілген.

"Ауруларды бақылау мен алдын-алудың жергілікті орталығы өнім үлгісінде вирустың бар-жоғын тексергенде нуклеин қышқылына тест оң нәтиже көрсеткен. Артынша, барлық қызметкерлер сынақтан өткізіліп, нәтижесі теріс шыққан", - делінген ақпаратта.

Бұл Оңтүстік Африка елдерінен, соның ішінде Эквадорда мұздатылып жеткізілген өнімдер орамасынан табылған алғашқы жағдай емес. Бұған дейін Қытайдың шығысындағы Аньхой мен Уху провинциясындағы мейрамханаларға Эквадордан әкелінген теңіз өнімдері мен асшаяндар пакетінен алынған сынамаларда коронавирусқа оң нәтиже көрсеткен. Сондай-ақ, Яньтае қаласында да импортталған теңіз өнімдерінің сыртқы қаптамасынан вирус анықталды.

Жалпы, шілде айының басынан бері Қытайдың жеті қаласында мұздатылған теңіз өнімдерінің қаптамасында вирус пайда болғандығы туралы БАҚ-та жиі айтылуда. Денсаулық сақтау саласының сарапшылары мұның себебін COVID-19 эпидемиясы көптеген елдерге әлі де ауыр әсер етуде деп түсіндіреді.

Оқи отырыңыз: Қытайда коронавирустың жаңа түрі таралып жатыр

Айта кетейік, кейбір сарапшылар мұздатылған теңіз өнімдерін буып-түю процесі олардың ластану ықтималдығын тудыратынын және тағам әдетте төмен температурада сақталғандықтан, бұл вирусқа жақсы жағдай туғызуы мүмкін екендігін айтады.

490
Кілт сөздер:
індет, ет, Қытай
Тақырып:
Коронавирус эпидемиясы
Тақырып бойынша
Тоқаев Қытай төрағасы телефонмен сөйлескенде өзіне не дегенін айтты
Қазақстан-Қытай шекарасы неге жабылатыны белгілі болды
Қытай Қазақстандағы отандастарына алаңдап отыр
Маска, термометр және тест: Қытай Қазақстанға жүк жөнелтті
Министр "белгісіз пневмония" жайлы ақпарат таратқан Қытай елшісімен сөйлесті
Жолда келе жатқан әскери көлік

Сирияда не болып жатыр?

333
(Жаңартылды 12:49 13.08.2020)
Әскери базалар мен патрульдерге шабуыл, зымырандық оқ атулар мен жарылыстар салдарынан АҚШ әскері Сирияда өзін жайсыз сезіне бастады

Мұндай соққылар тек террористік топтар тарапынан ғана жасалып жатпағанын да ескеру керек. Араб Республикасындағы жағдайға америкалықтардың араласуына тағы кімдер қарсы екеніне кеңінен тоқталайық.

Өткен күндері Сирияның солтүстік-шығысындағы Хасеке провинциясында орналасқан АҚШ-тың заңсыз әскери базасына зымырандық шабуыл жасалды. Эль-Хасака қаласынан оңтүстікке қарай алпыс шақырымда орналасқан бұл маңда соққы жасайтын және көліктік тікұшақтар мен ұшақтарды қабылдау үшін аэродром жасақтаған болатын. Сириялық БАҚ мәліметі бойынша, базаға қаруланған белгісіз топ шабуыл жасаған.

Сирияда америкалықтар соңғы айда жиі шабуылға ұшырап, шығыннан көз ашар емес. Әсіресе, мобильді патрульді топтарға қатысты қастандық көп. Мәселен, Дейр-эз-Зор провинциясында мамыр айының соңында АҚШ әскери қызметшілері мен "Сирия демократиялық күштері" тобының жауынгерлері мінген автокөліктер тізбегіне автомат, зеңбірек және гранатамен қаруланған топ шабуыл жасады. Үш америкалық және СДК-ның бес мүшесі жарақат алды.

Сондай-ақ, сәуір айында Эль-Хаске провинциясында бірнеше шабуыл орын алды. Америкалық әскерилер мен СДК мүшелерін тасымалдаған "Ханнер" броньді автокөлігі "белгісіз адамдардың" оқ жаудыруынан зардап шекті. Бірнеше адам жараланды. Тап осындай оқиға Дейр-эз-Зореде орын алып, АҚШ әскери офцері мен СДК мүшелері қаза тапты. Тағы бір шабуылдан кейін екі әскери қызметші із-түзсіз жоғалып кетті. Олардың тағдыры әлі күнге дейін белгісіз.

Патруль жолында көбіне жарылғыш заттар іске қосылады. Мысалы, шілде айында автомобильдер легі Дейр-эз-Зор провинциясындағы Сабха елді мекенінде жарылып кетті. Кейде жанкештілер миналанған автокөліктер арқылы қастандық ұйымдастырады. Америкалықтар үшін ең үлкен шығын өткен жылдың қаңтар айында орын алды: Манбиджде жанкешті жаяу партуль жанында жарылғыш затты іске қосып, АҚШ қорғаныс министрлігінің қызметкері, екі сарбаз және жалдамалы жауынгер қаза тапты.

Ал Пентагон Сириядағы шабуылдар жайлы хабарламаның барлығын жоққа шығарып келеді.

Әскери сарапшы Юрий Лямин атап өткендей, америкалық әскери нысандар мен патрульдерге АҚШ пен оның одақтастарының басқыншылығында қалып қойған жергілікті тайпалар шабуыл жасауы ықтимал.

"Бұл Сирияның шығысы мен солтүстік-шығысында тұрып жатқан арабтар, – деп түсіндірді ол. – Қазір олар америкалықтардың қолдауына ие күрдтердің басқаруында. Әрине, олар қазіргі жағдай үшін ашулы және өңірді Дамаск басқарғанын қалайды. Сол себепті осындай әрекеттерге барады".

Бұл тайпалардың көбісі жақсы қаруланған және оны епті қолдана алады.

"Елде көп жылдан бері азаматтық соғыс жалғасып келеді. Халықтың қолындағы қару-жарақ саны жеткілікті, – дейді Лямин. – Оның арасында минометтер, ауыр зеңбіректер, қытайлар немесе арабтар жасап шығарған жаппай оқ ату жүйелері де кездеседі".

Плеханов атындағы РЭУ саясаттану және әлеуметтану кафедрасының доценты, "Ресей офицерлері" ұйымы сарапшылық кеңесінің мүшесі Александр Перенджиев америкалық әскерилерге жасалған шабуыл Сирия ресурстары үшін ішкікоалициялық күрестің бір бөлігі болуы мүмкін деп санайды.

"Бұл сол тонаушылар арасындағы текетірес, – дейді ол. Бір шетінен Пентагон болса, екінші тарапта террористерді қарумен қамтамасыз етіп отырған жеке әскери компаниялардың мүддесін қорғайтын қаржы-өнеркәсіптік топтар тұр".

Оның айтуынша, Пентагон да сириялық ойында тәуелсіз күш емес, ол АҚШ-тағы белгілі бір топ атынан әрекет етіп отыр.

"Егер Сирия әскері шабуыл жасаса, Пентагон мұны мойындар еді, – дейді Перенджиев. – Бірақ "белгісіз топ" деген болса, онда олар ішкі соғысты, құпияны жария еткісі келмей отырғаны анық. Америкалықтар өздеріне кім шабуыл жасағанын жақсы білетініне сенімдімін".

Сонымен қатар, америкалықтар үшін тағы бір қауіп – халық қарсылығы. Ел президенті Башар Асад атап өткендей, елді шетелдік басқыншылардан азат ету халық арасынан шыққан қарсыластардың басты мақсаты болып табылады.

Маусымда Тель-Абъяд қаласының тұрғындары Хасеке првинциясында шекаралық өткелде көтеріліс жасап, өз елінің бидайы шекарадан заңсыз шығарылуына тосқауыл болуға тырысты. Осы оқиғадан бір күн бұрын Сирия СІМ протүріктік содырлар мен АҚШ-пен одақтас қаруланған заңсыз құрылымдары мемлекеттегі тұрақсыздықты ушықтыру үшін бидай мен басқа да дәнді дақылдар алқабын қасақана өртеп жібергенін мәлімдеді. Сондағы мақсат – халықты ресми билікке қарсы қою.

Көп жағдайда америкалықтардың кесірінен бейбіт тұрғындар қаза тауып жатады. Мамыр айында АҚШ сарбаздары Дейр-эз-Зор провинциясында автокөлік жүргізушісін атып тастады. Машинаның басты автожолдан "Коннико" мұнай кен орны жанынан бұрылуын америкалық әскерилер қауіп ретінде қабылдаған. Ал ақпан айында Камышлы қаласына жақын орналасқан блок бекет жанында сириялық әскерилер келісілмеген бағыт бойынша қозғалған АҚШ әскерінің автокөліктерін тоқтатты. Америкалықтар жергілікті халықпен қақтығысқа себепші болып, соның салдарынан сарбаздар халыққа қарай жаппай оқ атқан. Осы оқиға кезінде 14 жастағы Фейсал Халид Мухаммад қаза тауып, тағы бір адам жараланды. Ресейлік әскерилердің араласуының арқасында автокөліктерді өздері орналасқан базаға алып шығу мүмкін болды.

333
Кілт сөздер:
әскерилер, АҚШ, Сирия
Ер адам, архивтегі фото

Күзде теңге тағы құнсыздана ма сарапшылар пікір білдірді  

94
(Жаңартылды 17:07 14.08.2020)
Brent мұнайының қазіргі бағасы теңгенің қатты құнсызданбауына негіз болып отыр. Дегенмен бәрібір ұзақ мерзімде ұлттық валютаға қысым түседі

НҰР-СҰЛТАН, 14 тамыз – Sputnik. Алдағы күз айларында коронавирустың екінші толқыны басталады деп болжанып отыр. Өйткені жыл сайын сол уақытта инфекциялық аурулар өршіп кетеді. Үкімет дайындық шараларына кірісіп кетті. Ал халық арасында күзде теңге тағы құнсыздануы мүмкін деген әңгімелер де тарап жатыр. Sputnik Қазақстан тілшісіне сұхбат берген сарапшылар ұлттық валюта бағамына қатысты пікір білдірді.

Еңбек өнімділігін арттыру керек

Қаржы кеңесшісі Расул Рысмамбетовтың пікірінше, Қазақстан коронавирустың екінші толқынын жеңіл еңсереді. Себебі төтенше жағдай кезінде мемлекеттік органдар да, жеке құрылымдар да біраз тәжірибе жинады. Банктер мен компаниялар қашықтан жұмыс істеуге үйренді. 

"Иә, жыл сайын күзде инфекциялық аурулар өршіп кетеді. Сондықтан тағы шектеу шаралары енгізіледі деп ойлаймын. Бірақ коронавирустың екінші толқыны біріншісіне қарағанда жеңілдеу өтеді. Сол кезде цифрлық экономиканы дамытуға жақсы мүмкіндік болады", - дейді Рысмамбетов.

Сарапшының айтуынша, теңге бағамына пандемия да, карантин де қатты әсер етпейді. Негізгі фактор – мұнай бағасы және осы шикізатқа тәуелді отандық экономика.

"Теңге бағамына карантин немесе пандемия емес, мұнайға тәуелді экономикамен өткізген бейқам жылдар әсер етіп отыр. Теңге карантинге қарамастан, әлсірей береді. Шикізаттық мемлекеттің тағдыры сол, ылғи девальвацияға ұшырап отырады. Бүгінде осы проблеманы валюталық одақтар арқылы шешуге болады деген ұсыныстар бар. Алайда олай ғана емес, экономиканың сапасын және еңбек өнімділігін көтеріп те шешуге болады", - деп атап өтті Рысмамбетов.

Теңге қатты құнсыздана ма?

Экономист Бауыржан Ысқақов та теңгенің бағамы көбінесе мұнайға байланысты екенін айтып отыр. Сондықтан осы шикізаттың қазіргі бағасы күзде түспесе, теңге бағамы анау айтқандай өзгермейді деп санайды.   

"Қазір Brent маркалы мұнайдың бір баррелі 44-45 доллардың шамасында тұр ғой. Бұл теңгенің қазіргі бағамын ұстап тұруға жеткілікті. Меніңше, күзде ұлттық валютамыздың бағамы әрі кетсе, 440 теңгеге барады. Бірақ бір кездері "500-ге дейін жетуі мүмкін" деп айтылды ғой. Оған себептер де болған. Бірақ қазір жағдай өзгерді", - дейді Ысқақов.

Сарапшының айтуынша, коронавирусқа қарсы шаралар, вакцинаның шығуы, карантинді жеңілдету және тағы басқа жағымды өзгерістер оң әсерін беріп жатыр.

Оқи отырыңыз: Досаев теңгенің не себепті әлсірегенін түсіндірді

"Сондықтан күзде теңге қатты құлдырап кетеді, девальвация болады деп айта алмаймын. Оған қоса үкімет дағдарысқа қарсы шараларды қолға алды. Ұлттық қордан біраз ақша бөлінді. Жалпы, осы саладағы шаралардың нәтижесі көріне бастайды. Бірақ коронавирустың екінші толқыны болса, қосымша қолдау шараларын қолға алу қажет. Экономиканы дамытпасақ та, осы қарқында ұстап қалу үшін тағы ақша құю керек болады", - деді Ысқақов.

Санкция теңгеге кері әсер етуі мүмкін

Ал GSB UIB бизнесті талдау орталығының сарапшысы, экономист Мақсат Халық ұлттық валютамызға оң әсер етіп жатқан қазіргі сыртқы факторды атады. Ол – доллардың құнсыздануы.

"Негізі қазірдің өзінде теңгеміз біраз құнсызданып кететін еді. Бүгінде АҚШ-тың федералды резерв жүйесі долларды көптеп басып, экономикасына салып жатыр. Ал ақша массасының өсуі доллардың әлсіреуіне себеп болды. Қазір доллар еуроға қарағанда, Швейцарияның франкіне қарағанда біраз құнсызданды. Демек, әлемдік валюталарға шаққанда доллардың өзі әлсіреп, теңгеміздің қатты құнсызданбауына септігін тигізіп тұр", - деп түсіндірді Халық. 

Экономистің айтуынша, санкциялық соғыстар теңгеге кері әсер етуі мүмкін. Мәселен, АҚШ-тың Ресейге қатысты санкциялары күшейтілетін болса, рубль біраз құнсызданады. Ұлттық валютамыз да әлсірейді. Ал мұнайдың қазіргі бағасы теңге бағамын ұстап тұр. Алайда уақыт өте келе, ұлттық валютамызға қысым түседі. 

"Brent маркалы мұнай бағасының 40 доллардан жоғары тұрғаны теңгеміздің қатты құнсызданбауына негіз болып отыр. Бірақ бәрібір ұзақ мерзімде ұлттық валютамызға қысым түседі. Өйткені экспортымыздың көп бөлігі осы шикізаттан тұрады. Ал экспорттан түсетін ақша азайса, теңгенің жағдайы қиындайды. Сондықтан ұзақ мерзімде ұлттық валютамыз қатты құнсызданбаса да, ақырын-ақырын құнын жоғалтуы мүмкін", - дейді Халық.

94
Кілт сөздер:
доллар бағамы, теңге бағамы
Тақырып бойынша
"Экономикалық ахуал күрделі": қаржы министрі алдағы жоспар туралы айтты
Brent мұнайының қымбаттауы теңгеге қалай әсер етті
Ұлттық экономика министрі келешегі бар салаларды атады
Тоқаев теңге бағамына қатысты бірқатар тапсырма берді