НҰР-СҰЛТАН, 8 қаңтар – Sputnik. Имам Хомейни атындағы Тегеран халықаралық әуежайында "техникалық проблемаға" байланысты украиналық ұшақ құлады, деп хабарлайды РИА Новости.
Лайнердің бортында 180 жолаушы болған.
Reports: #Ukrainian plane with 180 passengers aboard crashes near #Iran's Imam Khomeini Airport due to technical issues
— Tasnim News Agency (@Tasnimnews_EN) 8 января 2020 г.
Рейтер агенттігінің мәліметінше, Boeing 737 лайнері апатқа ұшыраған. Ұшақ әуеге көтерілгеннен кейін бірден құлаған.
Тегеран әуежайының өкілі РИА Новости-ге украиналық лайнердің құлағанын растады.
We are following reports that a Ukrainian 737-800 has crashed shortly after takeoff from Tehran. #PS752 departed Tehran at 02:42UTC. Last ADS-B data received at 02:44UTC. https://t.co/qXWHUPGDTu pic.twitter.com/vuAi6TOqTp
— Flightradar24 (@flightradar24) 8 января 2020 г.
"Flightradar" ұшақтардың қозғалысын бақылайтын қызметтің ақпаратынша, украиналық PS752 рейсі Тегераннан Мәскеу уақытымен 5.42-де ұшып шыққан. Арада екі минут өткен соң, 5.44-те радардан жоғалып кеткен.
Қазақстанда болған ұшақ апаты
Алматы түбінде 27 желтоқсан күні таңғы сағат жетіде Bek Air әуе компаниясының Fokker 100 ұшағы құлады. Әуе кемесі Алматы әуежайынан Нұр-Сұлтанға бет алған.
Ұшақта 93 жолаушы мен 5 экипаж мүшесі болған. Апат 12 адамның өмірін қиды, қаза болғандардың ішінде ұшақ командирі бар.
Ішкі істер министрлігі әуе апатына себеп болған үш жағдайды атады. Олар: экипаж қателігі, техникалық ақау және навигациялық қызмет жұмысы.
Тағы оқыңыз: Bek Air-дің аман қалған жолаушысы ұшақта не болғанын айтып берді
Ұшақтың қара жәшігі Мәскеудегі мемлекетаралық авиация комитетіне тапсырылды. Тергеудің алдын ала қорытындысы 10 қаңтарға дейін жарияланбақ.
Президент тапсырмасымен премьер-министр жетекшілік ететін комиссия құрылды. Тоқаев апаттың себебін анықтап, кінәлілерді қатаң жазалауды тапсырды. 28 желтоқсан елімізде жалпыұлттық аза тұту күні болып жарияланды.
