НҰР-СҰЛТАН, 21 қаңтар – Sputnik. Сәрсенбі күні Қытайда коронавирустың таралуына байланысты Дүниежүзілік денсаулық сақтау ұйымы төтенше жағдайлар комитетінің шұғыл жиналысы өтеді. Бұл туралы ұйымның ресми Twitter-аккаунты хабарлады.
BREAKING: WHO Director-General @DrTedros will convene an Emergency Committee on the novel #coronavirus (2019-nCoV) under the International Health Regulations.
— World Health Organization (WHO) (@WHO) 20 января 2020 г.
The Committee will meet on Wednesday, 22 January 2020. pic.twitter.com/w3w7ZuoTeG
"Комитет кездесуді сәрсенбі, 22 қаңтар күні Женевада өткізеді. Бұл жиын аурудың таралуы қоғамдық денсаулық сақтау саласында халықаралық масштабтағы төтенше жағдай саналатынын не саналмайтынын анықтау үшін өткізіледі", - делінген ақпаратта.
Былтырғы жылдың соңында Қытай Халық Республикасының билігі Хубэй провинциясының Ухань қаласында белгісіз пневмонияның таралғаны туралы хабарлаған болатын. Зерттеулердің алдын-ала нәтижелері бойынша, індет коронавирустың жаңа түрінен (2019-nCoV) пайда болған.
Тағы оқыңыз: Базарға бармаңыз! Қазақстандықтар қатерлі вирусты қайда жұқтыруы мүмкін?
20 қаңтардағы жағдай бойынша, белгісіз пневмония жұқтырғандар саны 218-ге жеткен, олардың басым көпшілігі – Уханьда, бесеуі – Бейжіңде, біреуі – Шанхайда, он төрті – Гуандун провинциясында тіркелген. Қазір вирус Қытайдың тыс жерде де тарап жатыр. Жұқтыру оқиғалары Оңтүстік Корея, Жапония мен Таиландта тіркеліп үлгерген.
