Екатерина Сакелларопулу

Грекияда тұңғыш рет әйел президент сайланды

108
(Жаңартылды 19:55 22.01.2020)
Грекияның қазіргі президенті Прокопис Павлопулостың өкілеттік мерзімі 2020 жылдың 13 наурызында аяқталады

НҰР-СҰЛТАН, 22 қаңтар — Sputnik. Грекия президенті болып Екатерина Сакелларопулу сайланды. Ол бұған дейін Грекияның жоғарғы әкімшілік соты – мемлекеттік кеңес төрағасы болған.

Осылайша, Грекия мемлекетін тұңғыш рет әйел басқарады, деп хабарлайды РИА Новости.

Дауыс беру рәсімі 22 қаңтар күні парламентте өтті. Оның нәтижесінде Екатерина Сакелларопулу үшін 300 депутаттың 260-тан астамы дауыс берді. Бұл дауыс саны президент боп сайлану үшін жеткілікті.

Тағы оқыңыз: Даяшы болған - лауазымды қызметтегі шенеуніктің еңбек жолы жұртты таңғалдырды

Грекия заңы бойынша, мемлекет басшысын парламент премьер-министрдің ұсынысы бойынша бес жыл мерзімге сайлайды. Фракциялар да өз үміткерлерін ұсына алады. Регламентте президенттікке үміткерді талқылау қарастырылмаған.

Грекияның қазіргі басшысы Прокопис Павлопулостың өкілеттік мерзімі 13 наурызда аяқталады. Бұл елде президент негізінен мемлекет өкілі функциясын атқарады, негізгі билік премьер-министр қолында.

108
Кілт сөздер:
әйел, президент, Грекия
Тақырып бойынша
Жиын кезінде Макрон мен Меркель Путинді "жоғалтып" алды – видео
Шымкентке жаңа әкім келді
Бұрынғы мәжіліс депутаты өмірден озды
Ресей үкіметінің жаңа құрамына кімдер енді?
Тоқаев Тимур Құлыбаевты Ақордаға шақырды
Загрузка...