Қан құю орталығы

Қаны сирек кездеседі: қазақ жігіті қытайларға қалай көмектесіп жүр

2559
(Жаңартылды 13:09 10.03.2020)
Руслан Төленов 2009 жылдан бері Қытайда тұрады. Ол сол кезден бастап алты мың миллилитрден аса қан тапсырған

АЛМАТЫ, 10 наурыз – Sputnik. Сирек кездесетін қан тобындағы қазақстандық Руслан Төленов Қытайда науқастарға донор болды. Қытайда коронавирустың тарауына байланысты қан тапсырғысы келетіндер саны күрт азайды. Әсіресе, теріс резус-факторды табу қиынға соғып отыр, деп жазады China Daily.

Руслан Төленов секілді теріс резус-факторлы қан тобы бар адамдарды Қытайда "панда қаны" деп атайды. Олар әмбебеп донор болып саналады, себебі олардың қаны барлық адамға жарайды.

Ақпанның соңында 28 жастағы ер адам Хайнань аралы Хайнань округінде 400 миллилитр қан тапсырды. Ол 2009 жылдан бері Қытайда тұрады. Басында оқуға келіп, сонда тұрақтап қалған. Осы жылдар ішінде Руслан алты мың миллилитрден аса қан тапсырды.

"Мен үшін басқаларға көмектесу өте маңызды. Қажет болған жағдайда көмектесуге әрдайым дайынмын. Қанша көмек көрсеткенімді білмеймін, оған мән бермеймін. Қанымның басқа адамдарға көмектесетініне қуанамын", - деді бір жылдың ішінде екі рет қан тапсырған Төленов.

2013 жылы Қытай халық республикасының төрағасы Си Цзиньпин Қазақстанға келген кезде қазақстандық жігіттің игі ісі жайлы айтқан болатын.

2018 жылы Төленов Бейжің ғылыми-техникалық университетінде магистратураны тәмамдады. Қазір халықаралық экономикалық даму бюросында жұмыс істейді.

"Хайнань – менің екінші үйім. Осында өз махаббатымды кездестірдім, өмірден ләззат аламын, көп дүние үйрендім. Жергілікті тұрғындардың мәдениеті мен қонақжайлылығына тәнті болдым. Мен оларға ризамын, енді соны қайтаратын уақыт келді", - деді ол.

Қазақ дәрігер Уханьда "Қара жорға" биледі

Бұған дейін Sputnik Қазақстан этникалық қазақ Бахаргүл Будаштың Ухань ауруханасында би билеп, коронавирустан емделіп жатқан науқастарға мерекелік көңіл-күй сыйлағанын жазды.

35 жастағы қандасымыз сегіз жылдан астам хирург болып жұмыс істейді. Қазір ол Ухань қаласының Фар Цан ауруханасында. Ол коронавируспен күресетін Қытай мамандарының тізімінде бар.

Коронавирустың өршуі

2019 жылдың 31 желтоқсанында Қытай билігі Дүниежүзілік денсаулық сақтау ұйымына Ухань қаласында белгісіз пневмонияның өршуі туралы хабарлады.

Мамандар аурудың жаңа коронавирус екенін анықтады. Дүниежүзілік денсаулық сақтау ұйымы індетті халықаралық маңызы бар төтенше жағдай деп таныды. Сондай-ақ, ауруға COVID-19 деген ресми атау берді.

Джон Хопкинс институтының мәліметінше, әлем бойынша 114 219 адам коронавирус жұқтырған, 4 024 адам қайтыс болды. 64 147 адам аурудан айықты.

2559
Кілт сөздер:
науқас, Қытай, қазақстандықтар, қан
Тақырып:
Коронавирус эпидемиясы (856)
Тақырып бойынша
Желіні дүрліктірген видео: Шымкентте коронавирус тіркелді деген ақпарат түсіндірілді
Кореяда "коронавирус жұқтырған" қазақстандықпен байланыс орнатылды - министрлік
Қазақстан неліктен коронавирус тараған елдердің тізіміне еніп кетті
Әкімдік Нұр-Сұлтанда коронавирус тіркелді деген ақпаратты жоққа шығарды
Министр коронавирус жайлы: менің де балаларым мектепке барады, қауіп жоқ
Дәрігер, архивтегі сурет

Ресейдің вирусология орталығы COVID-19-ға қарсы вакцинаны сынақтан өткізеді

470
Вакцинаны жаппай қолданбас бұрын ол зертханалық сынақтан сәтті өтуі қажет. Сонымен қатар өндірісте болып, дәрілік формада жасалуы тиіс

АЛМАТЫ, 26 мамыр – Sputnik. Роспотребнадзордың "Вектор" вирусология ғылыми орталығы маусымның соңында коронавирусқа қарсы вакцинаны клиникалық сынақтан өткізуді жоспарлап отыр. Бұл туралы "Известия" газетіне берген сұхбатында орталықтың бас директоры Ринат Максютов хабарлады, деп жазады РИА Новости

Оның айтуынша, осы уақытқа дейін жануарларға жасалған тест нәтижелерін алу жоспарланып отыр және денсаулық сақтау министрлігінің клиникалық зерттеулерге рұқсат беруін күтуде.

Максютовтың айтуынша, вакцинаны жаппай қолданбас бұрын ол зертханалық сынақтан сәтті өтуі қажет. Сонымен қатар өндірісте болып, дәрілік форма алуы керек.

Содан кейін клиникаға дейінгі және клиникалық зерттеулердің толық спектрі мен тіркеуден өтуі қажет. Бұған дейін Гамалея атындағы эпидемиология және микробиология ғылыми-зерттеу орталығының директоры Александр Гинцбург вакцинаны әзірлеумен айналысатын орталық қызметкерлері, сонымен қатар өзі де  вакцина салдырғанын хабарлады. Айтуынша, оларда инфекциядан қорғайтын антидене пайда болған.

Ресейде коронавирусқа қарсы вакцина жасау үшін Санкт-Петербург вакциналар мен сарысу ғылыми-зерттеу институтының ғалымдары да еңбек етіп жатыр. Препаратты әзірлеу барысында басқа елдерде де жұмыстар жүргізіліп жатыр.

Гинцбург ресейліктерді жаппай вакцинациялау күздің басында басталып, ол процестің алты айдан тоғыз айға дейін созылатынын хабарлады.

Жаңа коронавирус (COVID-19 тудыратын) алғаш рет желтоқсанның соңында Қытайдың Ухань қаласында анықталды. Наурыздың басында ДДҰ оны пандемия деп таныды. Ұйымның ақпараты бойынша, әлемде 5,3 миллион адам коронавирус инфекциясын жұқтырған, 343 мыңнан астам адам қайтыс болды.

Ресейде 353 427 адамнан COVID-19 табылды, оның ішінде 118 798 науқас сауығып шықты, 3 633 қайтыс болды.

470
Кілт сөздер:
Ресей, коронавирус
Тақырып бойынша
Қазақстанда карантин шараларының сақталуын бақылау күшейеді
Жұмысқа шыққандар арасында вирус жұқтырғандар көбеюде – министрлік
Бас санитар дәрігер блок бекеттердің қандай жағдайда алынатынын айтты
Бас санитар дәрігер вирус жұқтырғандар саны неге артып жатқанын түсіндірді
Қазақстан өңірлері вирус жұқтыру өсімі бойынша үш топқа бөлінді
Ми-8, архивтегі сурет

Ресейде Ми-8 әскери тікұшағы құлады - төрт адам қаза болды

50
(Жаңартылды 15:42 26.05.2020)
Оқиға экипаж оқу-жаттығу жасаған кезде болған. Тікұшақтағы техникалық ақау апаттың негізгі себебі ретінде қарастырылып отыр

НҰР-СҰЛТАН, 26 мамыр - Sputnik. Бейнебақылау камерасына Чукоткада ресейлік Ми-8 тікұшағының құлаған сәті түсіп қалды. Трагедия, бүгін, 26 мамыр күні таңертең Анадырь әуежайында болған.

Жазбада тікұшақтың ұшқан сәті көрінеді. Алайда ол көкке көтеріле бастаған кезде айнала бастайды. Бірнеше секундтан кейін құлады, деп жазады РИА Новости.

Тікұшақ құлаған кезде жарылыс болып, экипаж бірден көз жұмды. Алдын ала мәліметке сәйкес, 4 адам қаза болған.

Ресейдің қорғаныс министрлігінің ақпаратына сәйкес, төтенше жағдай астана уақытымен таңғы 8:00-де тіркелді. Трагедияға техникалық ақау себеп болуы мүмкін.

Бортта экипаждың үш мүшесі мен техник болған. Қылмыстық іс қозғалғаны айтылды.

 

 

50
Тақырып бойынша
Құрылыс салынбағанда, бәрі аман қалушы еді –" Бек Эйр" ұшақ апаты туралы
Ирандағы трагедия: желіде ұшақ апаты болған жерден жаңа видео жарияланды  
Тоқаев Алматыдағы ұшақ апаты жайлы: маған зардап шеккендер хат жазып жатыр
Түркиядағы ұшақ апаты: жарақат алғандардың арасында қазақстандықтар бар
Алматыдағы ұшақ апаты: әкім орынбасары қамауға алынды
Тұрғындар, жаз

Аптап ыстық болады - бейсенбіге арналған ауа райы болжамы

123
(Жаңартылды 23:33 27.05.2020)
Синоптиктер бейсенбі, 28 мамыр күні Қазақстанның алты өңірінде аптап ыстық болып, жел күшейетінін хабарлады

НҰР-СҰЛТАН, 27 мамыр - Sputnik. Қазгидромет синоптиктері бейсенбі күні ауа райы қандай болатынын айтты.

Елдің басым бөлігінде жауын-шашын болмайды. Солтүстік, солтүстік-батыста циклон әсерінен дауыл болып, жауын, бұршақ жаууы мүмкін.

Кей жерлерде жел күшейіп, оңтүстік, оңтүстік-шығыста - шаңды дауыл, солтүстікте - тұман.

Дабылды ескерту

28 мамырда Қызылорда облысында аптап ыстық болады, плюс 41 градус, желдің жылдамдығы - 15-20 м/с, шаңды дауыл.

Алдағы екі күнде Солтүстік Қазақстан облысында тұман болып, күн күркірейді. 29 мамырда күндіз бұршақ жауады, желдің жылдамдығы - 15-20 м/с.

Түркістан облысында шаңды дауыл болады, желдің жылдамдығы - 15-20 м/с. Күндіз сынап бағанасы 40 градусқа дейін көтеріледі.

Өңірлердегі ауа райы

Шығыс Қазақстан, Қарағанды, Қостанай облысында желдің жылдамдығы секундына 15-20 метрге дейін жетеді.

Түркістан, Қызылорда, Ақтөбе облысының оңтүстігінде, Атырау, Батыс Қазақстан, Маңғыстау облысында аптап ыстық болады.

Павлодар, Шығыс Қазақстан, Қызылорда облысында өрт қаупі жоғары болады. 

Ірі қалалардағы ауа райы

Елордада түнде плюс 8-10 градус, күндіз 24-26 градус жылы.

Алматыда түнде 17-19 градус жылы, күндіз сынап бағанасы 28-30 градусқа дейін көтеріледі.

Шымкентте түнде плюс 20-22 градус, күндіз 35-37 градус ыстық.

123
Кілт сөздер:
синоптиктер, ауа райы, мамыр