Мұнай скважинасы

Мұнай соғысында жеңіске жетуде қай ел басымдыққа ие

691
Эр-Риядтың әлемді арзан мұнаймен толтыруды жоспарлауы күтпеген кедергіге тап болды. Еуропа мен АҚШ-тағы мұнай өңдеу зауыттары демпингке қарамастан қосымша сатып алудан бас тартты

Сәуір айында Қытайдың мұнай өңдеу зауыттары миллион тоннадан астам ресейлік мұнайды алатын болып келісімшарт жасасты. Қытай экономикасы коронавирус індетінен кейін қалпына келе бастады. Кәсіпорындар жұмысын қайта жандандырып, елде отынға деген сұраныс артуда. Бұл ресейлік мұнай компаниялары үшін әлемдік нарықтағы баға соғысында жетістіктің шешуші факторы болуы мүмкін, деп жазады Максим Рубченко. Сарапшының мақаласы РИА Новости-де жарияланды.

Індетті тоқтату арқылы Бейжің экономиканы қолдау бойынша бірқатар шаралар қабылдады. Салықтар мен несиелер бойынша пайыздық мөлшерлемелер төмендетілді. Қытай халық банкі нарыққа 1,2 триллион юань (170 миллиард доллардан астам) қосымша өтімділік шығарса, қаржы министрлігі жергілікті үкіметтерге инфрақұрылымдық жобалар үшін мақсатты облигациялар шығаруға рұқсат берді.

Нәтижесінде, сейсенбі күні Қытайдың ұлттық статистика бюросы сатып алу менеджерлерінің ресми индексі ақпан айында 35,7-ге дейін құлдырағаннан кейін, наурызда 52,0-ге дейінгі рекордтық деңгейге жетті (50-ден астам экономикалық белсенділік өсуде) деп хабарлады.

Өндірістегі индекс 27,8-ден 54,1-ге дейін, жаңа экспорттық тапсырыстар бойынша 28,7-ден 46,4-ке дейін екі есе өсті. Шын мәнінде тоқтап қалған импорттың төмендеуі – бір ай ішіндегі индекс 31,9-дан 48,4-ке көтерілді.

Біріншіден, энергия импорты артты, өйткені жұмысқа кіріскен кәсіпорындар шикізат пен дайын өнімдерді тасымалдау үшін электр энергиясы мен жанармайды қажет етеді. Сонымен қатар, бюджет шығыстарын оңтайландыру аясында Бейжің күн және жел электр станциялары үшін субсидияларды алып тастауды жоспарлап отыр. Демек, жаңартылатын энергия енді өздігінен өмір сүруге мәжбүр болады.

Қытай билігі қазірдің өзінде Вашингтонмен жасалған жаңа сауда келісімін орындауға дайын екендіктерін көрсету үшін жанармайға деген сұранысты қалпына келтірудің артықшылығын пайдаланып, АҚШ-тың сұйытылған табиғи газының алғашқы партиясын бір жылдан кейін сатып алатынын мәлімдеді. Алайда, энергияның негізгі бөлігі бұрынғыдай Ресейден келеді.

Сонымен, сәуір айында ресейлік компаниялар Қытайға ақпан айымен салыстырғанда екі есе көп шикізат жібереді – 540 мыңның орнына миллион тонна (наурызда қытайлық мұнай өңдеушілер 700 мың сатып алды).

Мұның бәрі әлемдік мұнай нарығында Ресей, Сауд Арабиясы және АҚШ арасындағы қарама-қайшылықтың негізгі факторына айналуы мүмкін. Естеріңізге сала кетейік, 1 сәуірден бастап ОПЕК + келісімі жарамсыз деп танылып, әр ел өнім мен экспорттың оңтайлы көлемін өзі анықтайды.

Сауд Арабиясы әлемдік нарықтағы өз үлесін кеңейту үмітімен ашық демпингке көшті. Эр-Рияд сәуірде экспортты үштен бір бөлікке – күніне 12,3 миллион баррельге дейін арттыратынын жариялады және Еуропаға 10,25 долларға арзан баға ұсынып, Brent маркалы мұнайдың биржадағы баға белгіленімдерінен күрт төмендетіп жіберді.

"Энергетика министрлігі Saudi Aramco компаниясына алдағы айларда күніне 12,3 миллион баррель жеткізілімін жалғастыруды тапсырды", – деп хабарлады Сауд Арабиясының үкіметі.

Нәтижесінде, 30 наурызда ОПЕК + келісімінің соңғы күні, Brent мұнайы 18 жылдағы ең төменгі деңгейге – баррелі үшін 22,58 долларға жетті. Бұл Ресей бюджетінің жартысынан аз және Сауд Арабиясының мемлекеттік бюджетінен төрт есе төмен.

Алайда, Эр-Риядтың әлемді арзан мұнаймен толтыруды жоспарлауы күтпеген кедергіге тап болды. Еуропа мен АҚШ-тағы мұнай өңдеу зауыттары, демпингке қарамастан қосымша сатып алудан бас тартып жатыр. Коронавирустық індет салдарынан жанармайға деген сұраныс төмендеді және барлық сақтау қоймалары сатылмай қалған мұнаймен толды. Одан әрі сатып алу мүмкін емес.

Сонымен қатар, кейбір америкалық компаниялар шикізатты теріс бағамен (өзіндік құнынан төмен баға) сатуда. Атап айтсақ, 30 наурыз күні Mercuria-ның бағалар тізімінде Wyoming Asphalt Sour сұрыпты асфальт майының (битум өндірісінде қолданылатын қалың май) баррелі үшін минус 0,49 доллар деп көрсетілді. Мұнай саудагерлерінің пайымдауынша, мұнай өңдейтін зауыттар мен магистральдық құбырлардан алыс кен орындарында өндірілген барлық шикізат теріс аймаққа  өтеді.

Бұл жағдайда сату нарығы ең үлкен ел мұнай соғысын жеңу үшін үлкен мүмкіндікке ие.

691
Кілт сөздер:
нарық, мұнай
Газ терминалы

Еуропа мен Азия америкалық газдан бас тартып жатыр

160
(Жаңартылды 00:42 13.07.2020)
Еуропа мен Азиядағы көгілдір отын бағасы көпжылдық минимум шегінде тұр. Тіпті АҚШ энергетика министрлігі де америкалық СТГ-ны сатып алудың еш мәні жоқ екенін айтты. Клиенттер осы жылдың жазына жоспарланған жүзден аса жеткізілімнен бас тартты

Баға құлдырады

Өткен жылы АҚШ-тағы табиғи газдың таза экспорты 54,7 млрд текше метрге жетті. Бұл 2018 жылғы көрсеткіштен 20,7 миллиардқа артық. СТГ-ның ірі өндірушісі Cheniere Energy мәліметі бойынша, бірінші тоқсанда әлем нарығындағы сатылым көлемі 100 млн тоннаға жеткен. Бұл 2019 жылғы көлемнен 10 миллионға көп. Бұл өсім, нгізінен, америкалықтардың арқасында орын алған, деп жазады РИА Новости. 

Жоспар бойынша 2020 жылы – 67,2 млрд текше метр, 2021 жылы – 79,5 млрд текше метр алынуы тиіс болатын. Бұл көрсеткіштерді қаңтар айында АҚШ Энергетика министрлігінің Энергетикалық ақпараттар басқармасы (ЕІА) мәлімдеген болатын. Алайда, бұл орындалмаған арман күйінде қалатыны қазірден белгілі.

Жылы қыс нәтижесінде ұсыныстың артуы мен коронавирус пандемиясы салдарынан сұраныстың шектелуі Еуропа мен Азияның газ нарықтарын құлдыратты. Сонымен, Еуропадағы TTF голландиялық хабындағы орташа баға осы жылдың алғашқы төрт айында 2019 жылдың сәйкес кезеңімен салыстырғанда екі есе төмендеді. Жапонияға споттық жеткізулер 44%-ке қысқарды.

Сәуір айының өзінде-ақ америкалық СТГ-ны Еуропаға экспорттау экономикалық тұрғыда тиімсіз болып қалды. Ірі еуропалық және азиялық компаниялар маусым-шілде айларына арналған келісімшарттардан бас тартты.

Bloomberg мәліметі бойынша, ААҚШ зауыттарынан СТГ тасымалдау сәуірде 30%-ке төмендеген. Мамыр айына қарай экспорттың қысқаруы үштен бір бөлікті құрады. Бұған коронавирус бойынша шектеулер де әсер етпей қоймады.

Экономикалық тұрғыдан қауқарсыз

АҚШ Энергетика министрлігінің Энергетикалық ақпараттарды басқармасының маусым айына болжамы түңіліске толы. Еуропалық және азиялық сатып алушылар СТГ-ның 110 партиясынан бас тартты: оның 70-і маусым-шілде айларында болса, 40 партия тамыз айында белгіленген. Газды америкалық теңіз терминалдарына жеткізу наурыз айының соңынан бастап екі есеге қысқарды.

"Еуропа мен Азиядағы табиғи газ және СТГ-ның төмен споттық бағасы АҚШ экспортының экономикалық тұрғыда өміршеңдігін әлсіретті", - дейді ЕІА сарапшылары.

Олардың бағалауы бойынша, маусым айында АҚШ-тан Еуропа мен Азияға орташа есеппен тәулігіне 101 млн текше метр газ жөнелтілсе, бұл көрсеткіш шілде мен тамыз айларында 62 миллионды құрамақ. Бұл экспорт әлеуетінің 25%-нен аспайды.

Құлдырау жалғасады

Сарапшылардың теңіздің арғы бетіндегі газдан клиенттердің бас тартуы кемінде жаз соңына дейін жалғасады деген болжамы дәл келді.

Қаңтар айында мүмкіндіктер шегіне дейін үлкен жүктемемен жұмыс істеген америкалық алты СТГ зауыты мамыр айында жүктемені бірден 65%-ке төмендетті. Platts Analytics болжамында шілденің басында бұл 50%-тен де төмендеуі ықтимал екені айтылған.

"Баға артықшылығы жоғалып кеткендіктен, америкалық жеткізулерден бас тарту уақыттың еншісінде болатын", - дейді Америкадағы стратегиялық жән халықаралық зерттеулер орталығының сарапшысы Никос Цафос.

Ұлттық энергетикалық қауіпсіздік қорының жетекшіс аналитигі Игорь Юшковтың айтуынша, қазір сатып алушылар америкалық СТГ үшін аз баға ұсынып отырғаны соншалық, ол қаражат сұйылту мен тасымалдау операцияларының шығынын да жаппайды. Басты зардап шегуші – Sabine Pass америкалық бірінші әрі ірі терминал: зауыт қуаттылықтары бағаның қымбат кезінде сатып алынып, пайдалануға берілген 2016 жылы жағдй өзгеріп кетті. Сол кезден бері зауыт тек шығын көріп келеді.

Энергетка министрлігінің ақпараты бойынша, АҚШ-тағы СТГ экспорты ағымдағы жылдың алғашқы төрт айында тәулігіне 218 млн текше метрді құраса, сәуір-мамыр аралығында 17%-ке төмендеген. ЕІА-дағылар табиғи газға әлемдік сұраныс біртіндеп қалпына келіп жатқандықтан, қыркүйек айында жеткізулер өседі деп күтіп отыр.

Газ жеткілікті

Алайда, ірі инвестициялық банктер оптимистік көзқарастан жұрдай. Аналитиктердің пайымдауынша, әлемде отын-жанармайдың үлкен қоры жиналып қалды. Халықаралық СТГ саудасы құлдырап, соның салдарынан америкалық тақтатасшылар үшін маңызды сатылым арналарын бұғаттап тастады. Есесіне, мұнай баррель үшін 40 долларға дейін қайта қымбаттаған соң, мұнайшылар өндіру жұмыстарын жандандырып, ілеспе өнім ретінде нарыққа арзан газ шығара бастады.

Еуропадағы бағаның құлдырауына байланысты оның қажеті де болмай қалды. Сондықтан, шекараға сатудың орнына отын-жанармайды резервуарлар мен қоймаларға қайта айдап жатыр.

Goldman Sachs есебі бойынша, экспорттың кейінге қалдырылуы салдарынан аамерикалық қор 21,52 млрд текше метрге ұлғаяды. Қазірдің өзінде бір жыл бұрын бекітілген деңгей үштен бір бөлікке артып тұр. Қзан айына қарай елдің газды сақтау мүмкіндігі таусылып, СТГ өндірісі рекордық дәрежеге қысқаруы ықтимал.

160
Қырғызстанның бұрынғы президенті Алмазбек Атамбаев, архивтегі фото

Ауруханаға түскен Алмазбек Атамбаевқа қатысты тың ақпарат шықты

992
(Жаңартылды 09:45 10.07.2020)
Ұлттық қауіпсіздік мемлекеттік комитеті дәрігерлер кеңесе келе, экс-президентті камераға қайтаруға болады деген шешім қабылдағанын хабарлады

НҰР-СҰЛТАН, 10 шілде – Sputnik. Қырғызстанның бұрынғы президенті Алмазбек Атамбаевқа бір аптадан астам уақыт бұрын екі жақты пневмония диагнозы қойылып, ауруханаға жеткізілді, алайда ол қазір тергеу изоляторына қайтарылды, деп хабарлады ұлттық қауіпсіздік мемлекеттік комитеті.  

"Алмазбек Атамбаевтың денсаулығы қанағаттанарлық. Дәрігерлердің кеңесі өтіп, оны ҰҚМК тергеу изоляторына ауыстыру туралы шешім қабылданды. Дәрігерлер оны бақылап отырады", - деп хабарлады Sputnik Қырғызстан тілшісіне мемлекеттік комитет.  

30 маусымда Атамбаевтан пневмония анықталды. Ол Президент іс басқармасы мен үкіметтің клиникалық ауруханасына жатқызылды.

Атамбаев COVID-19 індетіне ПТР-тест тапсырды, вирус жұқтырмаған. Ауруханаға түсерден бір күн бұрын денсаулығы нашарлағанын айтқан.

Екі күндік операция: Атамбаев қалай ұсталды? 

Алмазбек Атамбаев 2011 жылдың желтоқсанынан 2017 жылдың қарашасына дейін Қырғызстан президенті болды.

2020 жылы маусымда ол қылмыс әлемінің серкесі Азиз Батукаевты заңсыз босату туралы іс бойынша 11 жыл 2 айға бас бостандығынан айырылды.

Мемлекеттік айыптаушы бұрынғы президент Алмазбек Атамбаевты 15 жылға бас бостандығынан айыруды сұрады.

992
Кілт сөздер:
түрме, Алмазбек Атамбаев
Тақырып бойынша
Қырғызстанның бұрынғы президенті Атамбаев сотталды
Атамбаевтың үйінен түрлі қару-жарақ тәркіленді
Атамбаевқа мемлекеттік төңкеріс ұйымдастырды деген айып тағылды
Қырғызстанның экс-президенті Атамбаев ауруханаға түсті
Қырғызстанның экс-президенті Атамбаевқа 14 қылмыстық іс бойынша айып тағылды
Ақ үй

Вашингтон Еуропаны қалай жазаламақ?

0
Дональд Трамп әкімшілігі мен Facebook, Google және Amazon секілді америкалық ІТ-алыптардың арасындағы барлық қиыншылыққа қарамастан, АҚШ президенті америкалық корпорациялардың табысын еуропалық салықшылардан қорғауға бел буды

Соған қарағанда, Дональд Трамп АҚШ пен Еуроодақ арасындағы трансатлантикалық ниеттестікті құрбан етуге дайын болып шықты.

Көп жылдан бері туындап келе жатқан баяғы дау қазір құны миллиард долларлық қаржылық соққыға айналды: Еуроодақ ондаған жыл бойы ЕО-да салықсыз жұмыс жасап келген америкалық корпорацияларға қысым көрсетпекші болса, АҚШ минималды фискалдық тәуелсіздік алуға тырысқаны үшін Еуроодақты жазаламақ. Мойындау керек, Трамп командасының кек алуы нысанына дөп тиді. Яғни, амеркалық ІТ-бизнес салық төлеуі тиіс деген идеяны ұсынған әрі тәуелсіздікке ұмтылған "арсыз" автор анықталып, одан соң, америкалықтар тарапынан жауап ретінде нақты шаралар қабылданды.

"Google, Facebook және Amazon үшін еуропалық салық" ұсынысының авторы әрі шабыттандырушысы Франция президенті және күш-қуаттың әлемдік полюсы ретінде Еуропаның қалпына келтірілуі жайлы сөз қозғауға жаны құмар Эммануэль Макрон болып шықты. Сәйкесінше, Ақ үй тоқпағының астында қалған компаниялар тізімі Елисей сарайына барынша қолайсыздық тудыратындай етіп жасалғаны анықталды.

Америкалық CNBC қаржы арнасы мынандай хабарлама жасады:

"АҚШ-тың кейбір санаттағы тауарлар үшін жоғары тарифтер орнату мүмкіндігі жайлы мәлімдемесінен кейін осы сегментте жұмыс жасайтын француздық люкс компаниялардың акциялары төмендеді. Қаңтар айының соңынан бастап енгізілуі мүмкін жаңа тарифтерге сәйкес, АҚШ Сыртқы сауда қарым-қатынасы жөніндегі федералдық агенттігі Франциядан жеткізілген импорт тауарлар үшін 100%-ке дейін салық алуы мүмкін. Жаңа тарифтер бойынша импорттың болжамды сомасы 2,4 млрд долларды құрап отыр. Француздық акциялардың құлдырауы Louis Vuitton, Hennessy, Hermes, Christian Dior, Gucci, Yves Saint Laurent және Balenciaga иелік ететін компанияларға қатысты болды".

"Жүз процент деген өте көп", - деді Chanel сән үйінің президенті Бруно Павловский The Wall Street Journal басылымына берген сұхбатында. "Бұл тариф емес. Жүз процент – бұл айыппұл", - деген ол.

Айта кету керек, америкалық шенеуніктер бұл мәселенің шешімі бойынша өз ұсыныстарын жасап жатыр. Олардың пайымдауынша, Еуроодақ аумағында нақты америкалық компанияларға қысым көрсетуге тырысқан Макрон бәріне кінәлі. Бұл айыптау, тіпті, дәстүрлі патриот болып саналатын америкалық БАҚ-тың өзінде күмән тудыратыны анық.

"Құрама Штаттары француздық салықтың құрылымы Facebook, Google және Amazon секілді америкалық ірі интернет-компанияларға бағытталуын әділетсіз деп санайды. Әйтсе де, басқа мемлекеттер өз нарығында долларды миллиардтап тауып жатқан фирмалардан табыс көруді көздеуі күшейіп келеді", - дейді Politico басылымы.

Сенат спикері Мәулен Әшімбаев АҚШ елшісімен кездесті
© Photo : Пресс-служба сената Казахстана
Трамптың кек алу құралы ретінде дәл осы "француздық люксты" таңдап алуы тектен-тек емес. Себебі, инвесторлар дәулеті тасыған тұтынушылармен жұмыс жасайтын фарнцуздық компанияларды коронавирус эпидемиясымен қатар, сауда соғысынан да берік қорғалған деп сеніп келді. Пандемиямен күрес шаралары салдарынан экономикалық дағдарыс тұңғиығына батып бара жатқан Франция жағдайында люкстік компаниялар үміт сәулесі іспеттес болды.

Сондай-ақ, аталған компаниялар дәстүрлі өнеркәсіпте Германия және Қытаймен бәсекелес бола алмайтын Францияның халықаралық аренадағы бәсекелестік басымдылығының символы тәрізді еді. Егер француз президентінің әкімшілігін қорқытып, еуропалық салық жүйесіне ықпал ету межелі мақсат болса, люкс компанияларды америкалық нарықтан аластатып, аталған символды аяқасты ету ұтымды идея.

Франция қырсықса, америкалық компанияларға кемінде ұлттық деңгейде салық салуы мүмкін. Алайда, еуроодақтық салық салуды қолдап, соның салдарынан экспорт үшін 100% салық тарифын "сыйға" ала қоюы екіталай.

Бір есептен, бұл жағдайда мәселе экономикалық дау-дамайда ғана емес. Бұл еуропалық саясаткерлердің мәртебесі туралы дау. Мәселе бизнесмендердің кімге салық төлеуінде болып отыр. Осы салықтарды енгізу және жинауға кім құқылы болса, сол нақты бір аумақтағы билік иесі болады. Мұндай жағдай тарихта болған, әрине. Алайда, ол үшін соғыс жағдайында жеңілгенде немесе әскери күштерді біріктіру жөніне капитуляция келісімшартына қол қойғанда ғана орын алған.

Сәйкесінше, онлайн-жарнама мен интернет-сауда нарығында үстемдігі басым ойыншы болып отырған және француздық компаниялардан миллиардтаған еуро алып отырған шақта, бұл жағдайда бір тиынға ие емес француздық бюджет АҚШ алдында колония рөлінде екенін немесе экономикалық дербестікке ие емес екенін мойындау керек.

Айта кету керек, Трамптың Францияны жазалау жөніндегі шараларын АҚШ-тағы республкалық та, демократиялық та партиялардың өкілдері қолдады. 

Егер, жағдай осылай жалғаса берсе, күздегі сайлауда кім жеңгеніне қарамастан, Вашингтон – Париж, Вашингтон – Берлин қарым-қатынасы ушыға бермек. Chanel иіссуы мен Hermes сөмкелерін америкалықтар тек контрабанда арқылы алатын және еуропалықтар америкалық әлеуметтік желіге балама ойластыратын болашақ та алыс емес секілді.

0