Қол жуу

Вирус жұқтырмау үшін даладан үйге кіргенде не істеу керек?

536
(Жаңартылды 11:02 20.04.2020)
Дәрігер дүкендерде қаптамасыз, ашық кеңістікте сақталып, саудаланатын өнімдерден бас тарта тұруға кеңес береді

НҰР-СҰЛТАН, 20 сәуір – Sputnik. Ресейлік дәрігер Надежда Фомина сырттан үйге кірген адамдар гигиенаның қарапайым ғана ережелерін сақтау арқылы коронавирустан қорғанудың амалдарын айтты. Бұл туралы ол Mosregtoday.ru сайтына берген сұхбатында мәлімдеді, деп хабарлайды Sputnik Қазақстан.

Оның сөзіне қарағанда, ең алдымен табалдырыққа хлор ерітіндісіне малынған шүберек төсеп, онымен аяқ киім табанын сүртіп кірген жөн. Бұл жерде әр қолданған соң шүберекті қайта-қайта жуу шарт емес. Бастысы оның ылғалдылығы сақталса жеткілікті. Егер таза хлор болмаған жағдайда құрамында хлоры бар басқа да ерітінді түрлерін пайдалануға болады.

Оқи отырыңыз: Вирустан қорғайтын қолғапты қолданудағы басты қателік айтылды

Содан кейін үйге кірген адам ашық теріге тигізіп алмайтындай мұқият қолғап пен масканы шешіп, оларды аузы мықтап байланған жеке пакетке салады. Ал егер маска бірнеше рет қолдануға арналған болса, оны жақсылап қайнатып, үтіктеу керек. Қайта пайдалануға болатын қолғаптар да осылай өңделеді.

Содан кейін адам көшеге киіп шыққан сырт киімді шешіп, оны бөлек ілгені дұрыс. Киімді балконға бірнеше сағатқа қоюға да болады.

"Сыртқа шыққанда мүмкіндігінше жеңі ұзын киімдер киіп, дене толық жабылғаны лазым. Ал дүкеннен азық-түлік сөмкесі мен басқа да заттарды алып кірген жағдайда мысалы, телефон, банк картасы, кілт сияқты құралдың бәрін өңдеу керек. Ол үшін антисептикалық немесе 60 пайыздық изопропилді спирт қажет. Ал өңдеу кезінде бір реттік майлық қағаздарды қолданған тиімді", – дейді дәрігер.

Дүкенде сатып алынған кір жуу құралдарына да ерекше назар аударған жөн. Дәрігер оларды сабынмен жууға кеңес береді.

"Азық-түлікті тек герметикалық қаптамада сатып алу керек. Қаптамасыз, ашық кеңістікте сақталып, саудаланатын өнімдерден бас тартқан жөн. Көкөністер мен жемістерді тек жуып пайдаланған дұрыс", – дейді дәрігер.

Ал көзілдірік киетін азаматтарға маман оны сабынмен жуып немесе құрамында спирті бар сұйықтыққа малынған шүберекпен сүртуге кеңес береді.

536
Кілт сөздер:
дәрігер, коронавирус
Тақырып:
Коронавирус эпидемиясы (859)
Тақырып бойынша
Нұр-Сұлтанда "Северное сияние" ТК кіреберісі карантинге жабылды
Тоқаев елдегі карантинге қатысты жазба жариялады
Сарымсақ туралы әңгімені экс-министр Досқалиев айтпаған болып шықты
Назарбаев қазақстандықтарға үндеу жасады
Бетпердені қалай дұрыс тағу керек?
Сұлулық салоны

Дәрігер салонға барғанда коронавирус жұқтырудан қалай сақтану керектігін айтты

23
(Жаңартылды 17:36 28.05.2020)
Клиенттер сұлулық салонындағы кірпік жалғау, бет тазалау, пилинг секілді қызмет түрлерінен қазірше бас тарта тұруы тиіс

АЛМАТЫ, 28 мамыр – Sputnik. Ресейлік жоғары санатты дәрігер Лариса Алексеева "Звезда" телеарнасына берген сұхбатында шаштаразға барған кезде коронавирусты жұқтырудан қалай сақтану керек екенін айтты.

"Шаштаразда шаш қию, шашты сәндету секілді қызметті ғана пайдалануға болады. Бетке қатысы бар процедулар орындалмайды. Себебі адам міндетті түрде маскада болуы қажет", – дейді маман.

Дәрігердің айтуынша, салонда клиент пен шаштараз маска тағу режимі мен өзге де қажетті шектеулерді сақтауы қажет. Сонымен қатар кірпік жалғау, бет тазалау, пилинг секілді күтімнен бас тартқан жөн.

"Екі адамның арасында байланыс өте жақын болғандықтан шаштараз бен клиенттің вирус жұқтыру қаупі жоғары", – деп ескертеді дәрігер.

Оқи отырыңыз: Бекшин сұлулық салондарының не себепті ашылмайтынын түсіндірді

Айта кетейік, ДДҰ-ның мәліметі бойынша, әлемде бес жарым миллионға жуық адам коронавирус инфекциясын жұқтырды. Ал 350 мыңға жуық науқас қайтыс болды.

Қазақстанда науқастар саны 9 576 адамға жетіп, 4 827 адам жазылып шықты, 37 адам қайтыс болды.

23
Кілт сөздер:
коронавирус, шаштараз, сұлулық
Тақырып:
Коронавирус эпидемиясы (859)
Тақырып бойынша
Айдар, тұлым, кекіл: қазақ халқының балаға шаш қою дәстүрінің сыры неде?
Енді шаш алмайды: алматылық дәрігердің ісінен кейін министр шешім қабылдады
Қазақ қызының ұлттық киімі Кореядағы сұлулық байқауында үздік деп танылды – фото
ҰБТ-дан жоғары балл жинаған жігіт шаштараз мамандығын таңдады
Абай өлеңін оқып тұрып, шаш қиған Алматы тұрғыны танымал болып шыға келді
Цирк, архивтегі сурет

Қазақстандық цирк әртісі Қытайда комаға түсті

298
(Жаңартылды 09:15 28.05.2020)
Ер адам бірнеше жылдан бері қытайлық циркте жұмыс істеген. Оның сақтандыруы емделуге жұмсалатын шығынды өтеуге жетпейді

НҰР-СҰЛТАН, 28 мамыр - Sputnik. Қостанай қаласының тумасы 17 мамырда Қытайдың Гуанчжоу қаласында комаға түсті.

Алдын ала болжам бойынша сепсис диагнозы болуы мүмкін, деп жазады "Костанайские новости". Дерттің нақты себебі сараптама қорытындысы бойынша белгілі болады.

Ер адамның денсаулығының күрт нашарлауына денесіндегі сынықтар себеп болуы да мүмкін. Қазақстандық циркте ат үстінде қиын жаттығулар жасаған.

Басылым әртіс карьерасын Рудный қаласындағы "Юность" цирк студиясында бастағанын жазады. Алматыдағы цирк училищесін тәмамдаған. Кейін Қытайда жұмыс істеуге ұсыныс түсті.

Ата-анасы Рудныйда тұрады, ер адам Қытайда әйелі және баласымен болған. 

Қазақстан елшілігі ер адамды елге жеткізуге көмектесетінін жеткізді. 3 маусымда Қытай Қазақстанға медициналық көмек тиелген ұшақ жібереді. Алайда ер адам комадан шықпаса, тасымалдау мүмкін емес екені айтылды.

Тағы оқыңыз: Цирк әртісі сахнадағы қойылым кезінде биіктен құлап кетті

Қытай клиникасындағы реанимациялық палатада бір күн жату 1 500 доллар. Қазақстандық қытайлық циркпен келісімшарт жасасқан. Алайда сақтандыру емделуге жұмсалатын шығынды өтеуге жетпейді. Клиникадағы 10 күн үшін ер адамның туыстары 25 мың доллар төлеген. Бұл ақшаны жинауға цирк директоры, әріптестері мен туыстары көмектескен.

Ер адамның ата-анасы пәтерін сатты. Дегенмен бұл қаражат та жетпеген. Туыстары қазақстандықтардан көмек сұрап отыр.

298
Кілт сөздер:
кома, Қытай, цирк әртісі, қазақстандықтар
Тақырып бойынша
Цирк әртісінің биіктіктен құлап кеткен сәті видеоға түсіп қалды
Астанада жас хоккейшіге қақпа құлап кетті: бала комада жатыр  
Пойыз апатынан зардап шеккен балалар комада жатыр – дәрігерлер
Цирк әртісі көрермендердің көз алдында биіктен құлап қаза тапты
Хабиб Нурмагамедовтың әкесі комаға түсті - БАҚ
Жедел жәрдем, архивтегі фото

Ақтөбеде хром қосылыстары зауытында 4 адам көз жұмды

325
(Жаңартылды 19:24 28.05.2020)
Абайсызда екі немесе одан да көп адамның өліміне әкеп соқтырған техника қауіпсіздігі ережелерін бұзу бабы бойынша сотқа дейінгі тергеу жүріп жатыр

НҰР-СҰЛТАН, 28 мамыр – Sputnik. Техника қауіпсіздігі ережесін бұзу салдарынан Ақтөбе хром қосылыстары зауытының төрт қызметкері қаза болды.

Оқиға 28 мамыр күні "АХҚЗ" АҚ-ның №4 цехында 50 текше метрлік бактың ішін тазарту жұмыстары кезінде болған. Бұл туралы облыстық полиция департаменті хабарлады.

Тағы екі адам ауыр жағдайда жатыр, олар жедел жәрдем ауруханасына жатқызылды.

Аталған факті бойынша Ақтөбе облысының полиция департаменті Қылмыстық кодекстің 156-бабы 4-бөлігі "Абайсызда екі немесе одан да көп адамның өліміне әкеп соқтырған техника қауіпсіздігі ережелерін бұзу" бойынша сотқа дейінгі тергеуді бастады.

Оқи отырыңыз: Түркістан облысында көз жұмған екі бала туралы ақпарат жарияланды 

Бұл бап жеті жылға дейінгі мерзімге бас бостандығын шектеу немесе дәл сол мерзімге бас бостандығынан айыру түріндегі жазаны қарастырады.    

Трагедияның мән-жайы анықталып жатыр. Оқиға орнында полиция мен құтқарушылар жүр.  

325
Кілт сөздер:
төтенше жағдай, зауыт
Тақырып бойынша
Нұр-Сұлтандағы трагедия: жүргізуші жас жігітті құтқару үшін өз өмірін қиған
Трагедия видеоға түсіп қалған: көпір құлап, адамдар қаза болды
Төрт жұмысшы кәріз құдығында қаза болды: жауаптылар 7 жылға сотталуы мүмкін
Үш адам қаза болды – Қарағандыдағы қайғылы оқиғаның мән-жайы
Қырғызстанда төтенше жағдай: екі адам көз жұмып, біреуі кепілге алынды
Зауыт қызметкері жұмыс істеп тұрған еттартқышқа құлап кетті