Жарқанат

Жарқанат вирустың таралуына әсер ете алмайды маман пікірі

230
(Жаңартылды 15:58 28.04.2020)
COVID–19-ға ұқсайтын вирус жарқанаттардан табылғаны айтылғанымен, олардың өзара ұқсастығы дәлелденбеген

АЛМАТЫ, 28 сәуір – Sputnik. Мәскеу мемлекеттік университетінің қызметкері, биолог, жарқанаттар бойынша маман Сергей Крускоп коронавирус жарқанаттан тарады деген болжамға күмәнмен қарайды. Оның ойынша, жарқанат әлемде вирустың таралуына әсер ете алмайды, деп хабарлайды РИА Новости.

"Қазіргі инфекцияның жарқанатпен байланысы – бұл іс жүзінде кепілдендірілген жалған ақпарат және олардан (жарқанаттан – Sputnik) таралып жатпағаны анық", – дейді сарапшы.

Оның айтуынша, жарқанаттың қаупі олардың үлкен шоғыры пайда болған жағдайда ғана туындайды.

"Вирус адамнан адамға берілетіні белгілі. Ал жарқанаттардың үлкен шоғыры пайда болған кезде ғана қауіп тудырады. Алайда, таулы аймақтардан бөлек жерлерде жарқанаттардың шоғыры болмайды. Олардың ең үлкен шоғыры оншақты немесе жүз-жүз елу болуы мүмкін, бірақ оның өзі сирек кездеседі. Мен өмірімде жүздеген жарқанаттың шоғырын көрген емеспін", – деді Крускоп.

Ол COVID–19-ға ұқсайтын вирустың жарқанаттардан табылғанын, алайда екі вирустың ұқсастығы дәлелденбегенін алға тартады.

Оқи отырыңыз: Коронавирусты ең алғаш кім жұқтырғаны белгілі болды

Айта кетейік, бұған дейін Ресей қауіпсіздік кеңесі төрағасының орынбасары Дмитрий Медведев коронавирустың алғашқы шығу көзін анықтау мүмкін емес екенін айтқан болатын. "Вирус – жердегі көне биологиялық агенттер", – деді ол.

Ал Австралияның сыртқы істер министрі Марис Пейн коронавирус пандемиясының басталу себептеріне жаһандық тексеру жүргізу қажет екенін мәлімдеді.

АҚШ сенатының ішкі қауіпсіздік және үкімет істері жөніндегі комитетінің төрағасы Рон Джонсон коронавирустың пайда болу және таралу себептерін, сонымен қатар Қытай мен ДДҰ-ның рөлін анықтау үшін ауқымды тергеуді бастайтынын хабарлады.

230
Кілт сөздер:
індет, коронавирус, жарқанат
Тақырып бойынша
Ресейде коронавирусқа қарсы иммунитеттің бар-жоғын анықтайтын тест әзірленіп жатыр
Маңғыстау облысына коронавирус қайдан келді - дәрігер ақпарат берді
Тоқаев коронавирусты анықтайтын тест әзірлеген ғалымдарға хат жолдады
Экспресс-тест: COVID-19 вирусын қалай анықтайды - видео
Батыс Қазақстан облысына COVID-19 қайдан келді
Сармат баллистикалық зымыранын сынақтан өткізу

Ресей зымыран әскерін не үшін күшейтіп жатыр?

37
(Жаңартылды 13:32 25.05.2020)
"Сармат" зымыранға қарсы қорғаныс жүйесін айналып өте алады. Оның ұшу траекториясын алдын ала болжап отыру мүмкін емес

НҰР-СҰЛТАН, 25 мамыр – Sputnik. Ресейде "Сармат" атты жаңа құрлықаралық баллистикалық зымыранды сынақтан өткізу жұмыстары аяқталуға жақын. Вице-премьер Юрий Борисовтың айтуынша, COVID-19 пандемиясы дайындық шараларына ықпал еткен жоқ.

Ядролық қарумен пара-пар

Шахтаның ішінде орналасатын РС-28 "Сармат" зымыран кешені мемлекеттік бағдарлама аясында құрастырылған. Бұған дейін зымыранды ұшыруға дайындау шаралары сәтті атқарылды. Алдағы уақытта кешен қосымша блоктармен жасақталады. Соның ішінде гипердыбыстық жаңа блок та бар. Ал 2021 жылы оны стратегиялық мақсаттағы зымыран әскеріне тапсырады.

Бүгінде Домбаров зымыран дивизиясында "Авангард" атты гипердыбыстық кешен бар. Одан көбінесе бұрынғы "Сарматтарды" ұшыруға болады. Ал жаңа құрлықаралық баллистикалық зымыран әлем бойынша ең мықты Р-36М2 "Воевода" зымыранын (батыста оны "SS-18 Satana" деп атап кеткен – Sputnik) алмастырады деген жоспар бар.

"Сармат" зымыранға қарсы қорғаныс жүйесін айналып өте алады. Оның ұшу траекториясын алдын ала болжап отыру мүмкін емес. Жаңа зымыранның "Воеводадан" басты айырмашылығы сол, Ю-71 маркалы гипердыбыстық блоктардың арқасында жоғары дәлдігі артып отыр. Жылдамдығы – секундына 7 километр. Ондайда блоктың кинетикалық энергиясы ядролық қарумен пара-пар соққы жасайды, бірақ радиоактивті зақым болмайды. Себебі жаңа зымыран ядролық қару-жараққа жатпайды.

Бүгінде осы зымыранның сериялық өндірісі үшін кәсіпорындарды модернизациялау аяқталды. Жаңа кешен Краснояр өңірінде және Орынбор облысында орнатылады.               

Жаңа зымыранның сипаттамасы

Бүгінде жаңа құрлықаралық баллистикалық зымыраннан алыс ұшатын зымыран жоқ. Ол "Воеводадан" бір жарым есеге асып түсті. Ал ұшу қашықтығы 18 000 шақырымға дейін жетті.

Зымыранның толық салмағы – 208 тонна. Соның ішінде отынның көлемі – 178 тонна. Ұзындығы - 35,5 метр, ал диаметрі – 3 метр.

"Воевода" мен "Сарматтың" әскери қуаты бірдей, алайда жаңа зымыран Aegis, THAAD және тағы басқа қорғаныс жүйелерін айналып өте алады. Мәселен, зымыран аспанға көтерілгеннен кейін маневр жасайтын блоктың жылдамдығы секундына 7 километрге дейін артады. Ал 100 шақырым биіктікте қиын маневр жасайды да, қарсыластың зымыранға қарсы қорғаныс жүйесіне көрінбей кетеді. Жаңа зымыран 60 секундтың ішінде ұшыруға дайын болады. Онымен ғарыш аппараттарын да ұшыруға мүмкіндік бар. Осылайша, "Сарматқа" салынған қаржының біраз бөлігі қайтарылады деген жоспар бар.

Зымыран әскерін күшейтудің мақсаты қандай?

Бұған дейін АҚШ-тың CNBC арнасы барлау қоғамдастығына сілтеме жасай отырып, 60 дана "Сармат" туралы ақпарат таратқан болатын. Алайда Ресейдің қорғаныс министрлігі өз жоспарын өзгертуі мүмкін. Әзірше бұл – жаңа зымырандардың шекті көлемі. Бұның бәрі стратегиялық шабуылдаушы қару-жарақты шектеу және қысқарту туралы келесімшартта (СНВ-3) көрсетілген. Оған сәйкес, Ресейге 700 ұшыру қондырғысы мен 1 150 әскери блокты жасақтауға рұқсат бар.

Қазіргі кезде стратегиялық мақсаттағы зымыран әскері ядролық күштерге тиесілі қару-жарақтың шамамен 60 процентін ұстап отыр. 2024 жылға дейін оларда тек жаңа үлгідегі қару-жарақ қана қалады деген жоспар бар.

Стратегиялық мақсаттағы зымыран әскерін дамыту кезінде АҚШ-тың сыртқы саясаты ескеріледі. Соның ішінде Вашингтонның орта және қысқа қашықтыққа ұшатын зымырандарды жою келісімшартынан шығып кету шешімі де бар. Ондай зымырандар Еуропада Ресейге жақын жерде орнатылуы мүмкін. Мәселен, Польша мен Румынияда Пентагонның зымыранға қарсы кешендері құрылды. Ол жерде Мк-41 әмбебап ұшыру қондырғылары да бар. Соның негізінде "Стандарт-3" мен "Томагавк" зымырандарын ұшыруға болады. Ал Польша мен Румынияда тұрған ұшқышсыз аппараттарды ядролық оқ-дәрімен жабдықтауға әбден мүмкіндік бар.

"Красная звездаға" сұхбат берген стратегиялық мақсаттағы зымыран әскерінің қолбасшысы Сергей Каракаевтың айтуынша, орта қашықтыққа ұшатын зымырандар Ресейге қарсы қолданылса, кері соққы сол зымырандарды ұшырған мемлекеттерге ғана емес, АҚШ-қа жасалады.

Биыл зымыран әскері 200-ден астам оқу-жаттығуды өткізуді жоспарлап отыр. Соның ішінде құрлықаралық баллистикалық зымыранды алты рет ұшыру шарасы да бар. Оны Плесецк ғарыш айлағында жасайды.

Бүгінде стратегиялық мақсаттағы зымыран әскерінің құрамында үш зымыран армиясы мен 12 зымыран құрамы (соның ішінде шахталық ұшыру қондырғысы бар төрт дивизия мен көшпелі кешенмен жұмыс істейтін сегіз мобильді құрам) бар. Ал оларды әуе қорғанысына арналған С-300ПМ мен С-400 зениттік кешендер, сондай-ақ, "Мозырь" жүйесі қорғап тұр.

37
Кілт сөздер:
зымыран, Ресей
Архивтегі фото

Ресейлік танымал актриса коронавирус жұқтырды

173
Алена Бабенко әлеуметтік желіде COVID-19 індетін жұқтырғанын және денсаулығының нашарлағанын хабарлады

НҰР-СҰЛТАН, 24 мамыр – Sputnik. Ресейдің еңбек сіңірген әртісі Алена Бабенко коронавирус диагнозымен  ауруханаға жатқызылды. Бұл туралы актриса өзінің Instagram парақшасында хабарлады.

Посмотреть эту публикацию в Instagram

Публикация от Алена Бабенко (@alena_babenko_official)

Алена Бабенко сырқат екенін сезген бойда "Танцы со звездами" шоуынан кетіп, өзін оқшаулағанын атап өтті.

"Мен өз денсаулығыма ғана емес, достарым мен әріптестерімнің денсаулығына да жауаптымын. Өкінішке қарай, бұл әлгі коронавирус болып шықты", - деді актриса.   

Бабенко аурудың дене қызуының көтерілуі, әлсіздік секілді белгілерін байқаған. Қазір ол ауруханада емделіп жатыр, жағдайы біршама жақсарған.

Ресейлік актриса Алена Бабенко кинода, театрда және телехикаяларда ойнайды. Актриса ондаған рөлді сомдаған. 2013 жылы ол режиссер Ермек Аманшаев пен Георгий Шенгелияның "Параллель әлемдер" Қазақстан-Ресей мелодрамасында ойнады.

24 мамырдағы мәлімет бойынша Ресейде COVID-19 індетін жұқтырған 344 481 адам тіркелді.

173
Кілт сөздер:
актриса, коронавирус
Тақырып бойынша
"Басқаша түсініп қалды": Нұрлан Еспанов коронавирус туралы айтқан сөзін түсіндірді
Әйгілі Голливуд актері әйелі екеуі коронавирус жұқтырғанын мәлімдеді
Коронавирус індеті: COVID-19 жұқтырған танымал адамдар - фото
Танымал қазақстандық әнші төтенше жағдайға байланысты әскерге шақырылды – видео
Ішкі істер министрі Ерлан Тұрғымбаев

Алматыдағы трагедия: ішкі істер министрі полицейлердің отбасына көңіл айтты

0
Ішкі істер министрлігінің басшысы қаза болған полицейлер үздік қызметкерлердің бірі болғанын атап өтті

НҰР-СҰЛТАН, 25 мамыр – Sputnik. Ішкі істер министрі Ерлан Тұрғымбаев қызметтік борышын атқару кезінде көз жұмған полиция аға лейтенанты Жарас Жанғазиев пен полиция сержанты Дастан Әбдіқановтың отбасыларына көңіл айтты, деп хабарлайды Sputnik Қазақстан.

"Қаза болған полицейлер екі айдан астам уақыт төтенше жағдай кезінде ерекше режимде жұмыс істеді. Олар күн сайын қызметке кірісе отырып, карантин шараларын қамтамасыз етіп, қоғамдық тәртіпті қадағалады", - деді министр.

Аға лейтенант Жарас Жанғазиев Алматы қаласы патрульдік полиция полкінің инспекторы болып қызмет еткен. 19 жыл ішінде қызметтік міндетін адал атқарғаны үшін ведомстволық наградалармен марапатталған.

Тұрғымбаев Жанғазиев көптеген жас полицейге үлгі бола білгенін айтты. Марқұмның артында екі қызы мен жары қалды, жұбайының үшінші сәбиге аяғы ауыр.

Тағы оқыңыз: Алматы тұрғыны блок бекетті бұзып өтпек болды: полицей көз жұмды

Ал полиция сержанты Дастан Әбдіқанов төрт жыл ішінде өзін жауапты, ұқыпты қызметкер ретінде көрсете білген.

"Болашаққа көп жоспар құратын. Ол азаматтардың тыныштығы мен қауіпсіздігін қамтамасыз ету жолында бар күш-жігерін жұмсады", - деді ведомство басшысы.

Әбдіқанов былтыр шаңырақ көтерген, бір ай бұрын қызы дүниеге келді.

"Екеуі де үздік қызметкерлердің бірі болатын. Отаны үшін әлі де аянбай еңбек етер еді. Ішкі істер министрлігінің жеке құрамы туған-туыстарының қайғысына ортақтасады. Бұл біз үшін орны толмас қаза", - деді Тұрғымбаев.

Еске сала кетсек, трагедия бүгін таңғы сағат алтыда Алматыдағы Көксай шағын ауданында болды. BMW көлігін тізгіндеген 28 жастағы жүргізуші, алдымен, блок бекет қоршауына, содан кейін патрульдік көлікке соқтығысқан.

42 жастағы полицей Жарас Жанғазиев оқиға орнында қаза болды. Ал екінші полицей Дастан Әбдіқанов ауруханада есін жимастан көз жұмды.

0
Кілт сөздер:
полиция, Алматы, Ішкі істер министрлігі