Мәскеу қаласындағы мешіт күмбезі

Рамазандағы көмек: Мәскеудегі қазақ диаспорасы мұқтаж жандарды қалай қолдайды

227
(Жаңартылды 11:31 14.05.2020)
Қасиетті Рамазан айында Мәскеудегі қазақ диаспорасы қоры бірнеше ұйыммен бірлесе отырып, қайырымдылық көмек көрсетіп келеді

НҰР-СҰЛТАН, 14 мамыр – Sputnik. Мұсылман қауым үшін қасиетті санаталын Рамазан айында адамдардың бір-біріне көмектесуі мол сауап саналады. Пандемиямен байланысты шектеулер кезінде де мұсылмандар игі істерден бас тартпайды.

Sputnik Қазақстан Мәскеудегі әртүрлі ұйымдардың көмекке мұқтаж адамдарға қандай көмек көрсеткенін назарларыңызға ұсынады.

Бірнеше ұйыммен бірлесе атқарады

Мәскеудегі қазақ диаспорасы қоры бірнеше басқа ұйымдармен бірлесе отырып қайырымдылық көмек көрсетуде.

"Жақында бір қайғылы жағдайға байланысты тәжік диаспорасы көмек сұрады. Анасы қайтыс болып, төрт бала жетім қалыпты. Ал әкесі шекара жабық болғандықтан Тәжікстаннан ұшып кете алмаған", – дейді қордың орталық басқарма төрағасы Полат Жамалов.

Ол Рамазан айынан тыс кезде де үздіксіз көмек көрсетілетінін айтады. Алайда, барлық қызметтер карантиндік шараларға байланысты жүзеге асырыла бермейді.

"Біз бірнеше жылдан бері балалармен жұмыс істейтін "Алтуфьево" әлеуметтік мекемесімен әріптестік орнатып келеміз. Әркез ойыншықтар әкеліп, қайырымдылық кештерін өткізіп, балалар мерекелерін ұйымдастырып тұрамыз", – дейді Жамалов.

Көмек Рамазан айымен шектелмейді

Орталық Азия елдерінен Ресейге келіп, көмекке мұқтаж болған жандар үшін негізгі қажеттіліктерді жинау мен жеткізіп беру ұйымдастырылып тұрады. Ол Ресейдің еуропалық бөлігіндегі мұсылмандар діни басқармасының "Зекет" қоры мен әр елдің осындағы елшіліктері және қайырымдылық қорлар арқылы жүзеге асырылады.

"Біз қызметтік көліктермен көмекке мұқтаж отбасыларға азық-түлік жеткіземіз. Азық-түлік себетінің ішінде: жарма, сүт, жұмыртқа, май, көкөністер мен басқа да азық түрлері бар", – дейді Тәжікстан елшілігінің өкілдері.

Тәжікстанның Мәскеудегі елшілігі көмек тек Рамазан айында ғана емес, күн сайын мұқтаж адамдарға көрсетілетінін айтады.

Студенттер үшін тегін тамақ ұйымдастырылады

Әр кеш сайын Мәскеудегі жоғарғы оқу орындарының өзбек студенттері "Бүкілресейлік өзбектер мен өзбекстандықтардың конгресі" еріктілерінің ұйымдастыруымен ыстық ас ішеді. Ақысыз тамақтандыру "Жоғары экономика мектебі" мен Губкин атындағы Ресей мұнай және газ университетінде және Ресейдің халықтар достығы университетінде жүргізіледі.

"Біз студенттерге ғана емес, еңбек мигранттарына да көмектесеміз. Қазіргі кезде күніне мыңға жуық адамға түскі ас ұсынып келеміз", – деді конгресс төрағасы Ибрагим Худайбердиев.

Оқи отырыңыз: Мешіттер түскен садақа мен қайырымдылық көмек туралы есеп беруге міндеттеледі

Оның айтуынша, еріктілер күн сайын жеке көлігімен, кейбіреулері таксимен 18.00-19.00 аралығында мекен жайларға ыстық тамақ жеткізеді. Тізімдер үнемі толықтырылатындықтан, қазір олардың саны 3,5 мың адамға жеткен.

"Бізде шамамен 20 ерікті жұмыс істейді: біреуі тамақ дайындаса, енді бірі тасымалдайды. Ас мәзірінің ішінде палау, салат, құрма, алма, нан, су сияқты тағам түрлері бар", – дейді Худайбердиев.

Қаржылай көмек те көрсетіледі

Сонымен қатар, Ресейде тұратын өзбектер Рамазан айының құрметіне біржолғы қаржылай көмек алады.

Мәскеудегі өзбек елшілігінің хабарлауынша, қаражат мүгедектерге, екі жасқа дейінгі балалары бар әйелдерге және жүкті әйелдерге, сондай-ақ Ресей университеттерінің студенттері мен COVID-19 диагнозы қойылған адамдарға төленеді.

Төлем Ресейдегі ең төменгі жалақы мөлшеріне сәйкес келеді және ол шамамен 12 мың рубльді құрайды. Мұндай көмек елшіліктің шотына түскен меценаттардың қайырымдылық қаражаты есебінен үлестіріледі.

227
Кілт сөздер:
әлеуметтік көмек, Мәскеу, рамазан айы
Тақырып:
Рамазан айы - 2020 (36)
Тақырып бойынша
Карантин кезіндегі Ораза: қасиетті Рамазан айы басталды
Рамазанда қайырымдылық жасап жүрген қор жетекшісі: 12 тонна тамақ тараттық
Doctor Jazz Party қайырымдылық онлайн-марафоны – трансляция
Өзбекстан президенті Рамазан айы құрметіне 226 адамға рақымшылық жасады
Өкінішке қарай, биылғы Рамазан айы төтенше жағдайға тұспа-тұс келді – Тоқаев
Архивтегі фото

Ресейлік танымал актриса коронавирус жұқтырды

131
Алена Бабенко әлеуметтік желіде COVID-19 індетін жұқтырғанын және денсаулығының нашарлағанын хабарлады

НҰР-СҰЛТАН, 24 мамыр – Sputnik. Ресейдің еңбек сіңірген әртісі Алена Бабенко коронавирус диагнозымен  ауруханаға жатқызылды. Бұл туралы актриса өзінің Instagram парақшасында хабарлады.

Посмотреть эту публикацию в Instagram

Публикация от Алена Бабенко (@alena_babenko_official)

Алена Бабенко сырқат екенін сезген бойда "Танцы со звездами" шоуынан кетіп, өзін оқшаулағанын атап өтті.

"Мен өз денсаулығыма ғана емес, достарым мен әріптестерімнің денсаулығына да жауаптымын. Өкінішке қарай, бұл әлгі коронавирус болып шықты", - деді актриса.   

Бабенко аурудың дене қызуының көтерілуі, әлсіздік секілді белгілерін байқаған. Қазір ол ауруханада емделіп жатыр, жағдайы біршама жақсарған.

Ресейлік актриса Алена Бабенко кинода, театрда және телехикаяларда ойнайды. Актриса ондаған рөлді сомдаған. 2013 жылы ол режиссер Ермек Аманшаев пен Георгий Шенгелияның "Параллель әлемдер" Қазақстан-Ресей мелодрамасында ойнады.

24 мамырдағы мәлімет бойынша Ресейде COVID-19 індетін жұқтырған 344 481 адам тіркелді.

131
Кілт сөздер:
актриса, коронавирус
Тақырып бойынша
"Басқаша түсініп қалды": Нұрлан Еспанов коронавирус туралы айтқан сөзін түсіндірді
Әйгілі Голливуд актері әйелі екеуі коронавирус жұқтырғанын мәлімдеді
Коронавирус індеті: COVID-19 жұқтырған танымал адамдар - фото
Танымал қазақстандық әнші төтенше жағдайға байланысты әскерге шақырылды – видео
Дәрігер. Архивтегі фото

Қырғызстан парламентінің экс-спикері коронавирустан қайтыс болды

264
(Жаңартылды 18:40 24.05.2020)
5 мамырда елге белгілі қоғам қайраткері Мұқар Шолпанбаевтың денсаулығы нашарлап, ауруханаға жатқызылған

НҰР-СҰЛТАН, 24 мамыр – Sputnik. Қырғызстанда парламенттің (Жогорку Кенеш) экс-спикері, қоғам қайраткері Мұқар Шолпанбаев 70 жасқа қараған шағында дүниеден озды, деп хабарлады Қырғызстанның республикалық штабы.

5 мамырда Мұқар Шолпанбаев Республикалық клиникалық жұқпалы аурулар ауруханасына жатқызылып, оған коронавирус диагнозы қойылған.

Оқи отырыңыз: Ғалымдар коронавирус пандемиясы қашан аяқталатынын айтты

Дәрігерлер COVID-19 инфекциясы салдарынан ер адамның бойында екі жақты пневмония, тыныс алу жеткіліксіздігі және тағы басқа сырқаттардың пайда болғанын атап өтті.    

Сондай-ақ ол жүрек, бүйрек және қан тамырлары ауруларымен қатар ауырған.  

"Шолпанбаев ауруханаға 5 мамырда түсті. Денсаулығының нашарлауына байланысты жан сақтау бөліміне ауыстырылды, ал бүгін, сағат 12:10-да реанимациялық шараларға қарамастан қайтыс болды", - деп жазылған республикалық штабтың хабарламасында.

Мұқар Шолпанбаев 1995-1996 жылдары Қырғыз Республикасы Жогорку Кенешінің спикері қызметін атқарды, Қырғызстан парламенті экс-спикерлері қоғамдық кеңесінің мүшесі болды.

Қырғызстандағы коронавирус

Соңғы мәліметке сәйкес, Қырғызстанда коронавирус инфекциясын 1443 адам жұқтырды. Елде індеттен 15 адам қайтыс болды.

264
Кілт сөздер:
Қырғызстан, парламент, коронавирус
Тақырып бойынша
Қазақстанда тағы 403 адам коронавирус жұқтырды, өсім - 5,1%
Эпидемия басталғалы Қытайда тәулік ішінде бірде-бір адам коронавирус жұқтырмады
Теңіз кен орнындағы жұмысшылардың жаппай ауыру себебі айтылды
Қазақстанда коронавирусқа қарсы қандай дәрілер қолданылады 
Астаналықтар әлемдік антирейтингте көш бастап тұр
Жаңа қаулы: астаналықтарға карантинде не істеуге рұқсат етілді, ал неге тыйым салынды