Ресей сыртқы істер министрлігінің ғимараты. Мәскеу

Ресей АҚШ-тың Ашық аспан келісімшартынан шығу әрекетін айыптады

61
Ресейлік дипломаттың айтуынша, техникалық мәселелерді талқылауды жалғастыруға ешқандай кедергілер жоқ және бұл үшін тараптардың келісімнен шығуы шарт емес

НҰР-СҰЛТАН, 22 мамыр – Sputnik. Ресей АҚШ-тың Ашық аспан келісімшартынан шығуын техникалық проблемалардың болғандығымен негіздеу жөніндегі кез келген әрекетін қабылдамайды. Бұл туралы Ресей сыртқы істер министрінің орынбасары Александр Грушко мәлімдеді, деп хабарлайды РИА Новости.

Бейсенбі күні кешке АҚШ президенті Дональд Трамп Ресей келісімшарт талабын сақтамағандықтан одан шығатынын мәлімдеді. Ол "жаңа келісімге" қол жеткізу үшін "жақсы мүмкіндік бар" деп түсіндірді.

"Біз осы іргелі келісімшарттан шығуды кейбір техникалық проблемалардың болуымен ақтап алудың кез-келген әрекетін қабылдамаймыз. Әскери қауіпсіздік саласындағы кез келген келісім әдетте өте күрделі мәселе екенін білемін. Егер саяси ерік болса (ал оларға саяси ерік болған кезде ғана қол қойылады), барлық мәселе ынтымақтастық пен мүдделер тепе-теңдігі негізінде және тиісті режимдердің өміршеңдігін сақтау қажеттілігі ескеріле отырып шешіледі", – деді Александр Грушко.

Дипломат техникалық мәселелерді талқылауды жалғастыруға ешқандай кедергілер жоқтығын және бұл үшін тараптардың келісімнен шығуы шарт емес екенін атап өтті.

"Ал келісімшарттан шыққан жағдайда, онда техникалық мәселелерді шешу мүмкін болмайды", – деп толықтырды Ресей сыртқы істер министрінің орынбасары.

Сонымен қатар, Александр Грушко Ресей шартты бұзған жоқ деп мәлімдеді. Айтуынша, күрделі техникалық мәселелерді арнайы құрылған комиссия шешуі керек.

Оқи отырыңыз: Трамп АҚШ Ашық аспан келісімшартынан шығатынын жариялады

Сыртқы істер министрлігінің өкілі Ашық аспан келісімшарты Еуропада 20 жылдан астам уақыт бойы бейбітшілік пен қауіпсіздікті сақтап келе жатқанын атап өтті.

Ашық аспан келісімшарты

Ашық аспан келісімшартына 1992 жылы қол қойылды және қырғи-қабақ соғыстан кейін Еуропадағы сенімді нығайту шараларының бірі болды. Ол 2002 жылдан бері жұмыс істейді және оған қатысушы елдерге бір-бірінің қарулы күштері мен іс-шаралары туралы ақпаратты ашық жинауға мүмкіндік береді. Келісімшартқа 34 мемлекет қол қойды.

61
Кілт сөздер:
Ресей, АҚШ
Дәрігер, архивтегі сурет

Ресейдің вирусология орталығы COVID-19-ға қарсы вакцинаны сынақтан өткізеді

55
Вакцинаны жаппай қолданбас бұрын ол зертханалық сынақтан сәтті өтуі қажет. Сонымен қатар өндірісте болып, дәрілік формада жасалуы тиіс

АЛМАТЫ, 26 мамыр – Sputnik. Роспотребнадзордың "Вектор" вирусология ғылыми орталығы маусымның соңында коронавирусқа қарсы вакцинаны клиникалық сынақтан өткізуді жоспарлап отыр. Бұл туралы "Известия" газетіне берген сұхбатында орталықтың бас директоры Ринат Максютов хабарлады, деп жазады РИА Новости

Оның айтуынша, осы уақытқа дейін жануарларға жасалған тест нәтижелерін алу жоспарланып отыр және денсаулық сақтау министрлігінің клиникалық зерттеулерге рұқсат беруін күтуде.

Максютовтың айтуынша, вакцинаны жаппай қолданбас бұрын ол зертханалық сынақтан сәтті өтуі қажет. Сонымен қатар өндірісте болып, дәрілік форма алуы керек.

Содан кейін клиникаға дейінгі және клиникалық зерттеулердің толық спектрі мен тіркеуден өтуі қажет. Бұған дейін Гамалея атындағы эпидемиология және микробиология ғылыми-зерттеу орталығының директоры Александр Гинцбург вакцинаны әзірлеумен айналысатын орталық қызметкерлері, сонымен қатар өзі де  вакцина салдырғанын хабарлады. Айтуынша, оларда инфекциядан қорғайтын антидене пайда болған.

Ресейде коронавирусқа қарсы вакцина жасау үшін Санкт-Петербург вакциналар мен сарысу ғылыми-зерттеу институтының ғалымдары да еңбек етіп жатыр. Препаратты әзірлеу барысында басқа елдерде де жұмыстар жүргізіліп жатыр.

Гинцбург ресейліктерді жаппай вакцинациялау күздің басында басталып, ол процестің алты айдан тоғыз айға дейін созылатынын хабарлады.

Жаңа коронавирус (COVID-19 тудыратын) алғаш рет желтоқсанның соңында Қытайдың Ухань қаласында анықталды. Наурыздың басында ДДҰ оны пандемия деп таныды. Ұйымның ақпараты бойынша, әлемде 5,3 миллион адам коронавирус инфекциясын жұқтырған, 343 мыңнан астам адам қайтыс болды.

Ресейде 353 427 адамнан COVID-19 табылды, оның ішінде 118 798 науқас сауығып шықты, 3 633 қайтыс болды.

55
Кілт сөздер:
Ресей, коронавирус
Тақырып бойынша
Қазақстанда карантин шараларының сақталуын бақылау күшейеді
Жұмысқа шыққандар арасында вирус жұқтырғандар көбеюде – министрлік
Бас санитар дәрігер блок бекеттердің қандай жағдайда алынатынын айтты
Бас санитар дәрігер вирус жұқтырғандар саны неге артып жатқанын түсіндірді
Қазақстан өңірлері вирус жұқтыру өсімі бойынша үш топқа бөлінді
Ми-8, архивтегі сурет

Ресейде Ми-8 әскери тікұшағы құлады - төрт адам қаза болды

37
(Жаңартылды 15:42 26.05.2020)
Оқиға экипаж оқу-жаттығу жасаған кезде болған. Тікұшақтағы техникалық ақау апаттың негізгі себебі ретінде қарастырылып отыр

НҰР-СҰЛТАН, 26 мамыр - Sputnik. Бейнебақылау камерасына Чукоткада ресейлік Ми-8 тікұшағының құлаған сәті түсіп қалды. Трагедия, бүгін, 26 мамыр күні таңертең Анадырь әуежайында болған.

Жазбада тікұшақтың ұшқан сәті көрінеді. Алайда ол көкке көтеріле бастаған кезде айнала бастайды. Бірнеше секундтан кейін құлады, деп жазады РИА Новости.

Тікұшақ құлаған кезде жарылыс болып, экипаж бірден көз жұмды. Алдын ала мәліметке сәйкес, 4 адам қаза болған.

Ресейдің қорғаныс министрлігінің ақпаратына сәйкес, төтенше жағдай астана уақытымен таңғы 8:00-де тіркелді. Трагедияға техникалық ақау себеп болуы мүмкін.

Бортта экипаждың үш мүшесі мен техник болған. Қылмыстық іс қозғалғаны айтылды.

 

 

37
Тақырып бойынша
Құрылыс салынбағанда, бәрі аман қалушы еді –" Бек Эйр" ұшақ апаты туралы
Ирандағы трагедия: желіде ұшақ апаты болған жерден жаңа видео жарияланды  
Тоқаев Алматыдағы ұшақ апаты жайлы: маған зардап шеккендер хат жазып жатыр
Түркиядағы ұшақ апаты: жарақат алғандардың арасында қазақстандықтар бар
Алматыдағы ұшақ апаты: әкім орынбасары қамауға алынды