Майк Тайсон

Атақты Майк Тайсон мен Рой Джонстың рингте кездесетін күні белгілі болды

88
Калифорния штатында қайырымдылық турнирі ретінде ұйымдастырылатын жекпе-жек сегіз раундтан тұрады

НҰР-СҰЛТАН, 24 шілде – Sputnik. Ауыр салмақтағы бұрынғы әлем чемпионы Майк Тайсон Калифорниядағы Карсонда 12 қыркүйек күні әлемнің экс-чемпионы Рой Джонспен кездеседі.

Көптен күткен жекпе-жектің трансляциясы Triller әлеуметтік желісінде қол жетімді болады. Жекпе-жектің өзі көрме сипатында ұйымдастырылып, одан жиналған қаражат қайырымдылыққа жіберіледі. 

​2020 жылдың сәуір айының соңында 54 жастағы Тайсон қайырымдылық турнир үшін кәсіпқой рингке қайта оралғысы келетінін мәлімдеген. Аты аңызға айналған боксшы өзінің соңғы жекпе-жегін 2005 жылы Кевин Макбрайдқа қарсы өткізіп, жеңілген. Жалпы Тайсон 58 жекпе-жегінің 50-ін жеңіспен аяқтаған.

Оқи отырыңыз: Майк Тайсон бокс тарихындағы ең ұлы боксшыны атады

Ал Рой Джонстың соңғы жекпе-жегін 2018 жылдың ақпанында Скотт Сигмонмен өткізіп, төрешілер шешімімен жеңіліс тапқан. Ол өз мансабындағы 77 кездесудің 66-сында жеңіске жеткен (47 нокаут). Джонсқа ауыр салмақтағы бұрынғы әлем чемпионымен кездесу туралы ұсыныс түскенде, ол бірден келісім берген.

88
Кілт сөздер:
кәсіпқой бокс, Майк Тайсон
Тақырып бойынша
Головкинге барлық белбеуді қайтаратыны рас па - бокс федерациясының жауабы
Канададағы бокс кешінде рингке шыққан Сабыров пен Жүкембаев айшықты жеңіске жетті
Головкиннің бокс кешінде жеңілмеген мексикалық нокаутқа түсті – видео
Тағы бір бокс бапкері Аманбек Досмаилов қайтыс болды
Емельяненко бокс ережесімен Ресейдің ең мықты адамын нокаутқа түсірді – видео
Кісен, архивтегі сурет

Ресей Қазақстанға ұйымдасқан топ құрған адамды тапсырды

34
Есірткі Қазақстанға поштамен жіберілген. Бизнесті ұйымдастырушы құжаттарды қолдан жасағаны белгілі болды

НҰР-СҰЛТАН, 10 тамыз - Sputnik. Ресей Қазақстанға есірткі контрабандасымен айналысатын трансұлттық ұйымдасқан топты құрған Қазақстан азаматы Стас Ларинды берді. Бұл туралы Ресейдің бас прокуратурасының баспасөз қызметі. 

Ол қылмыстық кодекстің 264-бабы 1-бөлігі (трансұлттық ұйымдасқан топты құру, жетекшілік ету)
286-бабы 4-бөлігі (есірткі және психотроптық заттар контрабандасы), 297-бабы 4-бөлігі (есірткі және психотроптық заттарды заңсыз сату және сақтау) және 385-баптың 2-бөлігі (жалған құжат қолдан жасау) бойынша айыпталып отыр.

Ларин 2016 жылы есірткі контрабандасымен айналысатын трансұлттық ұйымдасқан топ құрған. 2017 жылдың қазан айына дейін жетекшілік етті.

Ларин 2019 жылдың желтоқсанында Новосибирск  облысында ұсталды. Жуырда Стас Ларин арнайы конвоймен Қазақстанға жеткізілді.

34
Жарылыс, от

Ресейде жанармай бекетінде болған жойқын жарылыс видеоға түсіп қалды

1007
(Жаңартылды 20:55 10.08.2020)
Екінші деңгейлі өрт болғаны анықталды. Қала әкімшілігінің ақпараты бойынша 13 адам зардап шеккен, төртеуі - өрт сөндіруші

НҰР-СҰЛТАН, 10 тамыз – Sputnik. Ресейдің Волгоград қаласында жанармай бекетіндегі өртті сөндіріп жатқанда газ жарылды.

Волгоград қаласы төтенше жағдайлар қызметінің мәліметіне сәйкес, жанармай бекетінде ішінде газ бар цистерна жарылған, деп хабарлайды РИА Новости.

Екінші деңгейлі өрт болғаны анықталды. Қала әкімшілігінің ақпараты бойынша 13 адам зардап шеккен, төртеуі - өрт сөндіруші. 

От жергілікті уақыт бойынша 14:20-да (Нұр-Сұлтан қаласы бойынша 16:20) ауыздықталды.

"Өрт туралы хабар түскен соң оқиға орнына өрт сөндіру-құтқару бөлімдерінің қызметкерлері жетті. Өртті сөндіре бастағанда газ жарылды", - деді ведомство. 

Көрші елдің прокуратурас оқиғаға қатысты тексеріс бастады. 

1007
Кілт сөздер:
жарылыс, видео, жанармай
Тақырып бойынша
"Жарылыс деп ойладық": Нұр-Сұлтан тұрғындары ұйқыдан шошып оянды – видео
Атырауда жанармай құю бекетінде жарылыс болды: көлік жүргізуші көз жұмды
Ақтөбеде жанармай бекетінде кассир әйел қарулы қарақшыға қарсы тұрды – видео
Есікте жанармай құю бекетінде жарылыс болды
Бейруттегі жойқын жарылыс: Қазақстан консулы жараланды