Антарктида, архивтегі фото

Антарктидада зерттеу жүргізген ғалымдар бүкіл өркениетке қауіп төнгенін мәлімдеді

5482
(Жаңартылды 13:30 25.07.2020)
Зерттеушілер метан атмосфераға шығып, ғаламшарды қазіргі өркениетті жойып жіберетін температураға дейін қыздырады деп қауіптеніп отыр

НҰР-СҰЛТАН, 25 шілде – Sputnik. Америкалық ғалымдар Антарктида жағалауында теңіз түбінен метан алғаш рет белсенді түрде аға бастағаны жайлы мәліметті растады. Бұл туралы N + 1 интернет-басылымының мақаласында айтылған.    

Метан – атмосфераны қыздыратын және климаттың өзгеруіне әсер ететін негізгі және ең қауіпті парниктік газдардың бірі. Парниктік белсенділігі өте жоғары (20 жылдың ішінде метанның бір килограмы көмірқышқыл газының бір килограмына қарағанда ғаламшарды 80 есе қатты қыздырады), ал оның ғаламшардың жалпы қызуына әсері 10 процентке жетеді.   

Жердегі теңіз метанының төрттен бір бөлігі Антарктида жағалауларынан табылған. Ол құрлықта қолайлы климат болған кезде, 55 миллион жыл бұрын өмір сүрген ежелгі өсімдіктер мен теңіз организмдерінің баяу ыдырауынан пайда болды деп саналады.

Уақыт өте келе, Антарктидада температура төмендеп, топырақтың, өсімдіктер мен жануарлардың қалдықтары мұз астында қалды, оларды микроорганизмдер бойына сіңіріп, бір бөлігін метанға айналдырды. Бүгінде суық пен мұз қысымы газдың атмосфераға таралуына жол бермейді, бірақ ғаламшардың жылынуына байланысты метан шығуы мүмкін.   

Оқи отырыңыз: Адам төзгісіз азап шегеміз - әлем ғалымдары дабыл қағып жатыр 

Зерттеушілер метан атмосфераға шығып, ғаламшарды қазіргі өркениетті жойып жіберетін температураға дейін қыздырады деп қауіптеніп отыр.   

Ежелгі мұздықтардағы ауа көпіршіктерін талдау қазіргі уақытта Жер атмосферасындағы метанның мөлшері соңғы 400 000 жылдағы кез келген уақытқа қарағанда көбірек екенін көрсетті.   

Ғалымдар метан таралып жатқанын алғаш рет 2011 жылы байқаған. Ол Антарктиканың материк бөлігінен Мак-Мердо бұғазымен бөлінген Росса жанартау аралына жақын маңдағы шлак конусынан шыққан.

Бірнеше жылдан кейін Орегон штаты университетінің зерттеушілер тобы сол жерге қайта барып, экспедицияның нәтижелері туралы мақала жариялады. Ғалымдар метанның 10 метр тереңдікте ағып жатқандығын растады. Парниктік газдың ағымы тәулігіне 1 шаршы метрге 3,1 ± 0,9 миллимольдан келеді.   

Метан мұхиттың қатты қызып жатқан бөлігінен емес, басқа жерден табылуы ғалымдар үшін әзірге құпия болып отыр.    

Сонымен қатар, микробиологтар теңіз организмдерінің реакциясына алаңдаушылық білдірді. Өткен зерттеулер метан теңіз түбінен шыға бастаған кезде, оны сіңіретін микробтар сол жаққа жылжып, парник газының атмосфераға енуіне жол бермейтінін көрсетті.

Бірақ бұл жолы олардың реакциясы жылдам болмай шықты: ғалымдар микробтар тобы метан шығарындысын азайтуға жеткілікті сүзгіні әлі қалыптастырмағанын анықтады. Ғалымдардың пікірінше, микроорганизмдер жаңа жағдайларға толық бейімделгенге дейін 5-10 жыл уақыт кетуі мүмкін.  

5482
Тақырып бойынша
Өлімге әкелуі мүмкін: емделіп жүргенде жеуге болмайтын тағамдар
"Адамды іштен жейді": Ғалымдарды аса қауіпті бактериялар шошытып отыр
Жеміс шырынын көп ішсе, не болады – ғалымдар күтпеген жаңалық ашты
Қатерлі ісікке шалдықпаудың жолы қайсы — ғалымдар зерттеуі
Ғалымдар дұрыс ұйықтамаудың несімен қауіпті екенін айтты
Александр Лукашенко

Беларусьтегі президент сайлауының соңғы қорытындысы жарияланды

68
Александр Лукашенко 80,1% дауыс жинап, Беларусь президенті болып қайта сайланды. Алайда елде наразылық акциясының жалғасып жатқанына алты күн болды

АЛМАТЫ,14 тамыз – Sputnik. Беларусь елінің қазіргі президенті Александр Лукашенкоға республика халқының 80,1%-і дауыс берді, ал Светлана Тихановская 10,12% дауыс жинады, деп хабарлайды РИА Новости.

Осылайша, Лукашенко алтыншы рет мемлекет басшысы болып қайта сайланды.  

Президент сайлауы 9 тамызда өтті.

Светлана Тихановская орталық сайлау комиссиясына шағымданып, нәтижелерді мойындамайтынын айтты. Себебі біріккен штабтың жекелеген учаскелердегі дауыс беру нәтижелері туралы мәліметтер дауыс берушілердің жартысынан көбі Тихановскаяға дауыс бергенін көрсетті.

Оқи отырыңыз: Беларусьте президент сайлауынан кейін қақтығыс болды – видео

Беларусь еліндегі сайлау учаскелері жабылғаннан кейін жаппай наразылық басталды. Наразылық акциясының жалғасып жатқанына алты күн болды, оларды қауіпсіздік күштері басып жатыр.

Ресми мәлімет бойынша, тәртіпсіздіктер кезінде алты мыңға жуық адам ұсталды. Республиканың ІІМ жүздеген адамның зардап шеккенін, оның ішінде 103 құқық қорғау органдарының қызметкері бар екенін хабарлады.

68
Кілт сөздер:
президент сайлауы, Беларусь
Тақырып бойынша
Қақтығыс кезіндегі Минск қаласының видеосы жарияланды
Беларусь президенті Қазақстан премьерінен кешірім сұрады
Қазақстан ЕАЭО-да тауарларды еркін алып өту мәселесін шешуге шақырды  
Тоқаев Лукашенкоға жеделхат жолдады
Мамин Минскіде Беларусь президентімен кездесті: не талқыланды
Тауық еті

Қытайда тауық етінен коронавирус анықталып жатыр

672
(Жаңартылды 09:41 14.08.2020)
Шілде айынан бері Қытайдың жеті қаласында мұздатылған теңіз өнімдерінің қаптамасында вирус пайда болғандығы туралы БАҚ-та жиі айтылуда

НҰР-СҰЛТАН, 14 тамыз – Sputnik. Қытайдың оңтүстігіндегі Гуандун провинциясының Шэньчжэне қаласында мұздатылған тауық етінен коронавирус анықталды, деп хабарлады globaltimes.cn сайты.

Жергілікті билік өкілдерінің айтуынша, бұл өнім бейсенбі күні таңертең Бразилиядан жеткізілген.

"Ауруларды бақылау мен алдын-алудың жергілікті орталығы өнім үлгісінде вирустың бар-жоғын тексергенде нуклеин қышқылына тест оң нәтиже көрсеткен. Артынша, барлық қызметкерлер сынақтан өткізіліп, нәтижесі теріс шыққан", - делінген ақпаратта.

Бұл Оңтүстік Африка елдерінен, соның ішінде Эквадорда мұздатылып жеткізілген өнімдер орамасынан табылған алғашқы жағдай емес. Бұған дейін Қытайдың шығысындағы Аньхой мен Уху провинциясындағы мейрамханаларға Эквадордан әкелінген теңіз өнімдері мен асшаяндар пакетінен алынған сынамаларда коронавирусқа оң нәтиже көрсеткен. Сондай-ақ, Яньтае қаласында да импортталған теңіз өнімдерінің сыртқы қаптамасынан вирус анықталды.

Жалпы, шілде айының басынан бері Қытайдың жеті қаласында мұздатылған теңіз өнімдерінің қаптамасында вирус пайда болғандығы туралы БАҚ-та жиі айтылуда. Денсаулық сақтау саласының сарапшылары мұның себебін COVID-19 эпидемиясы көптеген елдерге әлі де ауыр әсер етуде деп түсіндіреді.

Оқи отырыңыз: Қытайда коронавирустың жаңа түрі таралып жатыр

Айта кетейік, кейбір сарапшылар мұздатылған теңіз өнімдерін буып-түю процесі олардың ластану ықтималдығын тудыратынын және тағам әдетте төмен температурада сақталғандықтан, бұл вирусқа жақсы жағдай туғызуы мүмкін екендігін айтады.

672
Кілт сөздер:
індет, ет, Қытай
Тақырып:
Коронавирус эпидемиясы
Тақырып бойынша
Тоқаев Қытай төрағасы телефонмен сөйлескенде өзіне не дегенін айтты
Қазақстан-Қытай шекарасы неге жабылатыны белгілі болды
Қытай Қазақстандағы отандастарына алаңдап отыр
Маска, термометр және тест: Қытай Қазақстанға жүк жөнелтті
Министр "белгісіз пневмония" жайлы ақпарат таратқан Қытай елшісімен сөйлесті
Архивтегі фото

Нұр-Сұлтанда басқарма басшысы 1 миллион теңгеге дейін пара алған видео

0
Елорда әкімдігінің лауазымды қызметкерлері заңды тұлғаларға құрылыс-монтаждау жұмыстарымен айналысуға лицензияларды заңсыз берген

НҰР-СҰЛТАН, 14 тамыз – Sputnik. Сыбайлас жемқорлыққа қарсы іс-қимыл агенттігі елорда әкімдігінің лауазымды тұлғасын тергеуге алды, деп хабарлайды Sputnik Қазақстан тілшісі.

Ресми ақпаратқа сәйкес, "Нұр-Сұлтан қаласының қалалық орта сапасы және бақылау басқармасы" мемлекеттік мекемесінің басшысы мен басқа да тұлғаларына қатысты сотқа дейінгі тергеу басталды.

"Олар 100 000 теңгеден 1 000 000 теңгеге дейінгі ақшалай сыйақы үшін заңды тұлғаларға құрылыс-монтаждау жұмыстарымен айналысуға 1,2,3-санаттағы лицензияларды заңсыз бергені үшін айыпталып отыр", - дейді тергеушілер.

Ал Алматы облысы Кербұлақ ауданының тұрғын-үй коммуналдық шаруашылығы және тұрғын үй инспекциясы бөлімінің басшысы мен басқа да қызметкерлері бюджет қаражатын жымқырғаны үшін тергеуге алынды.

Оқи отырыңыз: Алматы полициясының лауазымды тұлғасы қылмыс үстінде қолға түсті – видео

"Олар 2019 жылдың шілде-тамыз айларында "Сарыөзек ауылының сумен жабдықтау жүйесін ағымдағы жөндеу" объектісі бойынша нақты орындалмаған жұмыстар үшін 35 855 570 теңгені аудару арқылы бюджет қаражатын жымқырды",- делінген ресми хабарламада.

0
Кілт сөздер:
видео, пара