Дәрігерлер

Қазақстан коронавирустың таралуы бойынша "қызыл тізімге" енді

254
(Жаңартылды 11:53 03.08.2020)
Украинаның денсаулық сақтау министрлігі COVID-19 індеті бойынша "жасыл" және "қызыл" аймақ мемлекеттерінің жаңартылған тізімін жариялады

НҰР-СҰЛТАН, 3 тамыз – Sputnik. Қазақстан соңғы екі апта ішінде 100 мың тұрғынға шаққанда коронавирустық инфекцияның жаңа жағдайлары Украинадағыдай көрсеткіштен асып түсетін 127 елдің қатарына енді. 1 тамыздан бастап Украинада "жасыл" және "қызыл" аймақтағы елдердің жаңа жіктелуі жұмыс істеуде, деп хабарлайды "Европейская правда".

Адамдардың қай жақтан ұшып келгеніне байланысты оларға әртүрлі ережелер қолданылады.

1 тамыздан бастап "жасыл аймақтан" келген адамдар оқшауланбай және ешбір тест сынақтарын тапсырмай-ақ, Украина аумағына өте алады.

Ал елге "қызыл аймақтан" келгендердің барлығы екі апта оқшаулануда болып немесе 24 сағат ішінде ПТР-тест сынағын тапсыруы керек. Сондай-ақ, шекарадан өткенге дейін 48 сағаттан кешіктірмей жасалған тест нәтижесін ұсынуы керек.

Айта кетейік, Украинаның денсаулық сақтау министрлігі апта сайын COVID-19 індетінің жедел таралу белгісі бар елдердің тізімін жаңартып отырады.

"Қызыл" және "жасыл" тізімге бөлу тәртібі қандай?

"Қызыл тізімге" соңғы он төрт күнде 100 мың тұрғынға шаққанда COVID-19 жұқпасының жаңа жағдайлары Украинадағыдан асып түскен мемлекеттер кіреді. Сонымен қатар, " соңғы екі апта ішінде жұқтырғандардың саны 30%-ке өскен мемлекеттер де енеді.

Оқи отырыңыз: ДДҰ карантин режиміне қатысты мәлімдеме жасады

Бұған дейін Украина 100 мың тұрғынға шаққанда коронавирусы бар пациенттердің санын ескерген.

Ал 31 шілдедегі жағдай бойынша "жасыл" аймақ елдеріне Швеция, Португалия, Хорватия, Беларусь, Ұлыбритания, Түркия, Словения, Египет және Италия кірді.

"Қызыл аймаққа" Қытай, Венгрия, Грузия, Германия, Чехия, Болгария, Албания, Черногория, Польша, Франция, Ресей және Қазақстан енді. Толық тізімді мына сілтемеден көруге болады.

254
Кілт сөздер:
коронавирус, індет
Тақырып:
Коронавирус эпидемиясы (1524)
Тақырып бойынша
Ғалымдар коронавирус жұқтырғанда кімдер 12 есе жиі көз жұматынын айтты
Ғалымдар коронавирус қандай суда өлетінін анықтады
Қазақстандық телеарналардың бірі індет салдарынан хабар таратуын тоқтатады
Ғалымдар коронавирус пандемиясы тағы қанша уақытқа жалғасатынын айтты
Қазақстанда өткен тәулік ішінде мыңнан астам адамның індет жұқтырғаны расталды
Омбыда Абай мәдени-іскерлік үйі ашылды

Омбыда "Абай" мәдени-іскерлік үйі ашылды

25
(Жаңартылды 17:17 22.09.2020)
"Абай" мәдени-іскерлік үйінің ғимараты қаланың орталығындағы Шоқан Уәлиханов көшесінде және ағартушы ғалым оқыған Омбы кадет корпусының жанында орналасқан

НҰР-СҰЛТАН, 22 қыркүйек – Sputnik. Бүгін Ресейдің Омбы қаласында "Абай" мәдени-іскерлік үйі ашылды, деп хабарлайды Sputnik Қазақстан Отандастар қорының баспасөз қызметіне сілтеме жасап.

Омбыдағы "Абай" мәдени-іскерлік үйінің ғимараты қаланың орталығындағы Шоқан Уәлиханов көшесінде және ағартушы ғалым оқыған Омбы кадет корпусының жанында орналасқан.

Оқи отырыңыз: Абайдың 175 жылдығына арналған монеталар қыркүйектен бастап сатылады 

Орталықтың ашылу рәсімі онлайн форматта өтті. Оған ақпарат және қоғамдық даму вице-министрі Марат Әзілханов, сыртқы істер министрлігі, Қазақстанның Омбыдағы консулдығы, "Отандастар қоры" КЕАҚ, "Омбы қазақтары" қоғамдық бірлестігінің өкілдері қатысты.

Орталық нақты төрт бағытта жұмыс істейді. Олар:

  • мәдени-гуманитарлық және қазақ тілін үйрету жобаларын іске асыру;
  • "Атамекен" іскерлік  бағыты бойынша қандастардың екі жақты тиімді бизнес жобаларына қолдау көрсету;
  • "Жас қазақ" бағыты арқылы әлемдегі жас қандастарды елге тарту және бірлескен жобаларды жүзеге асыру;
  • "Атажұрт" бағыты арқылы шетелдегі қазақтілді БАҚ-тың қауымдастығын құрып, өзара ақпараттық ынтымақтастықты арттыру.

"Жыл соңына дейін  "Абай" мәдени-іскерлік үйлері Өзбекстанның Тәшкент, Түркияның Стамбұл, Қырғызстанның Бішкек, Германияның Берлин қалаларында да ашылады. Бұның барлығы - ақпарат және қоғамдық даму министрлігі, Дүниежүзі қазақтары қауымдастығы және "Отандастар қорының"  бірлескен жобасы", - делінген ресми хабарламада.

25
Кілт сөздер:
Омбы, Абай
Тақырып бойынша
Петропавл түрмесінде Абайдың алып суреті салынды – фото
Тоқаев жаңа оқулық әзірлеуді тапсырды
"Абай айт­қан жал­қаулық жиі кездесетіні қынжылтады": Тоқаев мақала жариялады
"Сондай керемет!": Америкалықтар Абайдың өлеңін қазақ тілінде оқыды – видео
Тоқаев Абай мұрасын зерттеушілерді марапаттады
Ресейдің сыртқы істер министрі Сергей Лавров

Әлем бөлектенуден шаршады - Лавров

32
Барған сайын қарқын алып келе жатқан жаһандық проблемаларға дер кезінде жауап беру қиындық тудырып тұр, дейді дипломат

НҰР-СҰЛТАН, 22 қыркүйек – Sputnik. Әлем бөлінуден шаршады, деп мәлімдеді Ресейдің сыртқы істер министрі Сергей Лавров БҰҰ Бас Ассамблеясының жоғары деңгейдегі апталық сессиясында ҰҚШҰ елдері атынан сөйлеген бейнеүндеуінде.

"Қазір, өкінішке қарай, төрткүл дүниенің әр аймағында қарулы қақтығыстар өршіп тұр. Оған халықаралық терроризм, есірткі және киберқылмыс, климаттың өзгеруі секілді қазіргі заманның өткір сын-қатерлері қосылды. Биыл бұл тізім тағы бір қауіппен  - әлеуметтік-экономикалық және басқа да салалардағы дағдарыстарды ушықтырған коронавирус пандемиясымен толықты", - деді дипломат.

Оның айтуынша, барған сайын қарқын алып келе жатқан жаһандық проблемаларға дер кезінде жауап беру қиындық тудырып тұр, деп жазады РИА Новости.

"Бұл көп жағдайда, кейбір елдердің өзге мемлекеттердің заңды мүдделерімен санасқысы келмегендігімен байланысты болып отыр", – деп атап өтті Лавров.

Ол "құқықтарға негізделген әлемдік тәртіп" сынды тұжырымдар мен стандарттарды мықтап бекіту белең алып келе жатқанын жеткізді. Бұл БҰҰ Қауіпсіздік кеңесінің артықшылықтарын бұза отырып, біржақты санкцияларды қолданумен елдердің ішкі істеріне араласудан, төзімсіздік пен өшпенділік көріністерінен айқын көрініп келеді.

"Алайда, тарихтың табиғи бағытын өзгерту мүмкін емес. Бүгінде халықаралық аренада экономикалық өсімнің жаңа орталықтары күшейіп, қарулы қақтығыстарды тек бейбіт жолмен реттеу қажеттілігі артып келеді, өзара тәуелділік деңгейі өсіп отыр. Әлем "бөлектену сызығынан", мемлекеттерді "біздікі" және "өзгенікі" деп бөлуден жалықты, әлем жан-жақты өзара көмек көрсету мен ынтымақтастықты дамытуды талап ете бастады. Яғни, 75 жыл бұрын БҰҰ құрылған кезде тұжырымдалған мақсат-міндеттер өзектілене түсуде", - деді министр.

Лавров сонымен қатар, тарихты қайта қарау, фашизмді жеңуге шешуші үлес қосқан халықтардың рөлін төмендету әрекеттерін миға қонымсыз деп атап өтті. Ол өткеннен сабақ алуға, азат етуші жауынгерлердің ерліктерін қастерлеуге, олардың даңқын көтеру мақсатында орнатылған ескерткіштердің сақталуын қамтамасыз етуге шақырды.

Ресей СІМ басшысының айтуынша, қазіргі жағайда, БҰҰ өзінің жарғысына сәйкес қатаң үйлестірілген жұмысты жүргізетін тиімді құрылым болып қалуы керек және БҰҰ жүйесінің негізгі органдарының мандаттарын жеңілдетуге және олардың өкілеттіктерін қайталауға жол берілмеуі тиіс.

Лавров халықаралық құқық нормалары негізіндегі келіссөздер аясында қақтығыстарды дипломатиялық, бейбіт құралдармен реттеу әлемдік қауымдастықтың басты міндеттерінің бірі болып қалуы керектігін, бұл жерде басымдық терроризм мен ұйымдасқан қылмыспен күрес кезіндегі ынтымақтастықты кеңейтуге берілетінін атап өтті.

Министр сонымен қатар, жаһандық тұрақтылықты сақтау үшін қару-жарақты бақылау, қарусыздану және таратпау жүйесін әлсіретуге тырысу әрекеттеріне тосқауыл қоюға шақырды.

32
Алматыда ашаршылық құрбандарына орнатылған ескерткіш

Тоқаев ашаршылық қасіреті туралы іс-шаралар қабылдауды тапсырды

7
Мемлекет басшысы келесі жылы өтетін Тәуелсіздіктің 30 жылдығына дайындық мәселесіне ерекше көңіл бөлу қажет екенін атап өтті

НҰР-СҰЛТАН, 22 қыркүйек – Sputnik. Президент Қасым-Жомарт Тоқаев Мемлекеттік хатшы Қырымбек Көшербаевты қабылдады, деп хабарлады Ақорда.

Президентке бүкіләлемдік пандемияға қарамастан ұлы Абайдың 175 жылдығы, Әл-Фарабидің 1150 жылдығы, Алтын орданың (Ұлық Ұлыс) 750 жылдығы және ТМД елдерінің биылғы мәдени астанасы Шымкент қаласының 2200 жылдығына арналған іс-шаралардың мазмұнды түрде жүзеге асуы туралы ақпарат берілді.

Оқи отырыңыз: Бірде-бір елге Қазақстан секілді толықтай жойылып кету қаупі төнбеген – Назарбаев 

Кездесуде мемлекет басшысы келесі жылы өтетін Тәуелсіздіктің 30 жылдығына дайындық мәселесіне ерекше көңіл бөлу қажет екенін атап өтті.

"Қасым-Жомарт Тоқаев Саяси қуғын-сүргін құрбандарын толық ақтау жөніндегі арнайы мемлекеттік комиссияға кезінде қазақ халқының басынан өткен ашаршылық қасіреті туралы іс-шаралар қабылдауды міндеттеді", - делінген хабарламада.

Сонымен қатар мемлекеттік хатшы қазақ тілін латын әліпбиіне көшіру және мемлекеттік тілдің функционалдық мәртебесін көтеру жөніндегі ұсыныс-пікірлерді баяндады. "Рухани жаңғыру" бағдарламасын ұлтты жаңғырту бағдарламасы ретінде жалғастыру қажеттігі атап өтілді.  

Президент мемлекеттік хатшыға 1 қыркүйектегі Қазақстан халқына арнаған жолдауында айтылған әлеуметтік мәселелерді шешуде орталық және жергілікті атқарушы органдардың жұмысын үйлестіруді бақылауда ұстауды тапсырды.

7
Кілт сөздер:
тәуелсіздік, ашаршылық
Тақырып бойынша
Тоқаев қазақстандықтарға үндеу жасады
"Халық тағдыры – карта ойыны емес": Міржақып Дулатұлы жайлы қызықты деректер
Күрес пен үміт: АЛЖИР мен Карлаг лагерьлерінің қайғы-қасіреті - фото