Зертхана қызметкері

Коронавирусқа қарсы ресейлік вакцина балаларға қашан салынатыны айтылды

1122
Балаларға коронавирусқа қарсы вакцина ересектерге сынап көру процесі толық аяқталғаннан кейін салынады

АЛМАТЫ, 4 тамыз – Sputnik. Гамалеи ұлттық ғылыми-зерттеу орталығының директоры Александр Гинцбург коронавирусқа қарсы вакцинаны балаларға сынау ересектерге арналған сынақтар циклі толық аяқталғаннан кейін ғана басталатынын айтты. Болжам бойынша, балаларға вакцинаны қолдану туралы шешім 2021 жылға дейін қабылданбайды, деп хабарлайды РИА Новости.

"Вакцина балаларға да жарайды деп үміттенемін, бірақ Ресей заңнамасына сәйкес, балаларға жаңа препаратты ересектерге арналған сынақтардың толық циклы аяқталған кезде ғана ұсынуға болады. Сондықтан сынақтың үшінші кезеңі аяқталғаннан кейін он сегіз жасқа толмаған балаларға зерттеу жасауға рұқсат етіледі", – деді Гамалеи ұлттық ғылыми-зерттеу орталығының директоры Александр Гинцбург.

Ал Сеченов университетінің трансляциялық медицина және биотехнология институтының директоры Вадим Тарасов әдетте вакцинаны балаларға қолданар алдында жыныс мүшелері жетілмеген жануарларға клиникаға дейінгі сынақтар жүргізілетінін айтты. Содан кейін ғана препаратты балаларға қолдану туралы шешім қабылданады.

"Вакцинаны балаларда қолдану туралы айтуға әлі ерте. Себебі, олар ауруды жұқтыратын қауіпті топқа жатпайды, олар ауруды жеңіл өткізеді", – деді Тарасов.

Оқи отырыңыз: Қазақстандағы екпе салу туралы шындық - денсаулық министрі жазба жариялады

Бұған дейін Ресейдің денсаулық сақтау министрі Михаил Мурашко Гамалеи орталығы әзірлеген коронавирус инфекциясына қарсы вакцинаның клиникалық сынақтары аяқталғанын, қазір оны тіркеу үшін құжаттар дайындалып жатқанын мәлімдеді.

1122
Кілт сөздер:
денсаулық, балалар, екпе
Тақырып:
Коронавирус эпидемиясы (1531)
Тақырып бойынша
Баласына екпе салдырудан бас тартқан ата-ана жауапқа тартыла ма – министр жауабы
Тұмауға қарсы екпе жөнінде не білу керек
"Үкімет күшіне сенбей ме?": Бекболат Тілеухан екпе туралы заңға қарсы шықты
Балаларға екпе салу қашан басталады?
Балаларға профилактикалық екпе салынып жатыр – денсаулық сақтау министрлігі
 Архивтегі фото

Өзбекстанда жаяу жүргендерге 50 проценттік жеңілдік беріледі

40
Өзбекстан үкіметі жеңілдіктер жүйесін енгізе отырып, күнделікті жаяу жүру мен жүгіруді насихаттауды жоспарлап отыр

НҰР-СҰЛТАН, 24 қыркүйек – Sputnik. Өзбекстанда жаяу жүретін адамдарға мемлекеттік қызмет көрсету кезінде 50 проценттік жеңілдік беру жоспарланып отыр. Президенттің қаулысы талқыланып жатыр, деп хабарлады Sputnik Өзбекстан.

"Бұқаралық спортты дамыту және әрбір азаматтың өміріне салауатты өмір салтын енгізу шаралары туралы" қаулыға сәйкес, 2021 жылдың 1 ақпанына дейін Өзбекстанда "Жаңа тыныс" атты платформа іске қосылады. Негізгі мақсат – күнделікті жүгіру мен жаяу жүру салтын кеңінен насихаттау.

Оқи отырыңыз: Күн сайын 5 сағат жаяу жүретін даяшыға ерлі-зайыпты көлік сыйлады – видео 

"Бір күнде 10 мың қадамнан, айына – 300 мың, ал бір жылда 3,6 миллион қадамнан кем түспейтін жолды жаяу жүрген адамға барлық мемлекеттік қызметке 50 проценттік жеңілдік беріледі. Бұдан бөлек, спорт нысандарына абонемент алуға да тура сондай жеңілдік жасалады", - делінген құжатта.

Жоспарға сәйкес, Өзбекстанның әділет министрлігі "Жаңа тыныс" платформасын мемлекеттік қызметтер жүйесімен интеграциялап, жеңілдік беру бастамасын іске асырады.

40
Кілт сөздер:
жеңілдіктер, жаяу
Тақырып бойынша
"Намыстанамын": Арман Шораев қазақ күресінің жағдайына қатысты ойын айтты
Бекболат Тілеухан орнын босатуды талап еткендерге жауап берді
"Тұрмысқа шыққаннан кейін спорттан кету керек": боксшы Назым Қызайбай сұхбат берді
Илья Ильин жаңа қызметке тағайындалды
"Аты бар, заты жоқ". Бекболат Тілеухан садақ ата алмаған батырларды сынады
Архивтегі фото

Ғалымдар шілдеде коронавирустың неліктен күшейіп кеткенін анықтады

130
(Жаңартылды 20:00 24.09.2020)
Ғалымдар шілде айында ыстық және климаты ылғалды елдерде COVID-19 індетінің күшею себебін түсіндірді 

НҰР-СҰЛТАН, 24 қыркүйек – Sputnik. Ауадағы ылғалдың булану жылдамдығы – коронавирустың таралуына себеп болған негізгі жағдайлардың бірі. Инфекция әдісін модельдеген ғалымдар осындай қорытындыға келді, деп хабарлайды EurekAlert!.  

Америкалық Физика институтының мамандары теориялық модельдеу мен гидродинамикалық тәжірибелерді қолдана отырып, ылғалдылықтың, қоршаған ортаның температурасы мен желдің жылдамдығының құрамында вирус бөлшектері бар сілекейдің ең кішкентай тамшыларының таралуына әсерін зерттеген.

Оқи отырыңыз: ДДҰ коронавирусқа қарсы екінші қазақстандық вакцинаны тізімге енгізді 

Мамандар булану процесі жұқпалы бөлшектердің таралуы үшін шешуші фактор болатынын анықтады.

Сонымен қатар, температура жоғарылап, жылдам булану есебінен ылғалдылық төмендеген жағдайда вирустың өміршеңдігі  айтарлықтай төмендейтіні айқындалды. Ал ыстық ауа райында ылғалдылық жоғарыласа, коронавирустың таралу ықтималдығы арта түседі.  

"Біз жоғары температура мен ылғалдылықтың төмендеуі сілекей тамшыларының булану жылдамдығын жоғарылататынын анықтадық. Ал бұл вирустың өміршеңдігін айтарлықтай азайтады", – дейді зерттеу авторларының бірі Талиб Дбоук.

Ғалымдардың айтуынша, зерттеу нәтижесі пандемияның климаты ыстық әрі ылғалды және халық тығыз орналасқан қалаларда күшею себебін айқындауға көмектескен.

Зерттеу COVID-19 індетінің таралуын болдырмау үшін әлеуметтік қашықтық пен маска киюдің маңыздылығын қолдайтын жұмыстар тізіміне қосылды.

130
Кілт сөздер:
ғалымдар, коронавирус
Тақырып:
Коронавирус эпидемиясы (1531)
Тақырып бойынша
Ғалымдар коронавирусқа қарсы дәрінің өлімге әкеп соғатын қаупін анықтады
COVID-19: Ғалымдар антидене ағзада бір ай ғана болатынын анықтады
Ғалымдар коронавирусты өлтіретін ақуыз ойлап тапты
Ғалымдар табиғи антибиотик ойлап тапты
Коронавирусқа қарсы вакцина қанша теңге тұруы мүмкін
Ішік

Нұр-Сұлтан тұрғыны анасының миллион теңге тұратын ішігін ұрлап, 30 мыңға сатпақ болды

0
Мас ер адам өтіп бара жатқан адамдарға қаракүзен ішігін сатып алуды ұсынған – оны учаскелік инспектор ұстады

НҰР-СҰЛТАН, 24 қыркүйек – Sputnik. Алкогольге тәуелділіктен зардап шегетін ер адам анасының бір миллион теңге тұратын қаракүзен ішігін ұрлап алған.

Ол "Астаналық базардың" маңында өтіп бара жатқан адамдарға ішікті 30 мың теңгеге сатпақ болды, деп хабарлады Нұр-Сұлтанның полиция департаменті.

Оқи отырыңыз: Нұр-Сұлтанда қымбат телефонды ұрлап кеткен оқушының әрекеті видеоға түсіп қалды   

Тон ұстаған мас адамды учаскелік инспектор Бақтияр Байқанов байқап қалып, оны тергеу үшін полицияға жеткізген.

Нәтижесінде ішік заңды иесіне қайтарылды. Ол полиция қызметкеріне қырағылығы мен қызметтік міндетін адал атқарғаны үшін ризашылығын білдірді.   

0
Кілт сөздер:
Нұр-Сұлтан, ұрлық
Тақырып бойынша
Қарағанды облысында ұрланған көлік өртеніп кетті
Нұр-Сұлтанда қарақшылық шабуыл жасаған ағалы-інілі ұсталды
Талдықорғанда 35 жыл түрмеде отырған баукеспе ұры ұсталды
Сарыағашта ана мен баланың бірігіп жасаған қылмысы ашылды – видео