Үйлену тойы

Жас жұбайлар суретке түсіп жатқанда болған жағдайдың видеосы тарады

14256
(Жаңартылды 17:00 06.08.2020)
Қалыңдықтың қуанышында шек болмады. Ол ұзын ақ көйлегін киіп, қаланың орталығында суретке түсіп жүрген

НҰР-СҰЛТАН, 6 тамыз – Sputnik. Бейрутта жарылыс болған күні жас жұбайлар қаланың көрікті жерлерін аралап, суретке түсіп жүрген. Ал қалыңдықтың видеоға түсіп жатқанда жойқын жарылыс болды. Осы сәттің видосы желіде тарап кетті, деп хабарлайды Sputnik Қазақстан Globalnews-ке сілтеме жасап. 

Сол күні Исраа Себлани есімді қалыңдықтың қуанышында шек болмады. Ол ұзын ақ көйлегін киіп, қаланың орталығында видеоға түсіп жүрген. Бірнеше секундтан кейін жойқын жарылыс болды. Қыздың гүлі ұшып кетті. Өзі екпінді толқынның әсерінен құлап қала жаздады. Күйеуі оны бірден қауіпісіз жерге алып кетті. Жақын тұрған үйлердің терезесі сынды. Айнала көк түтінге оранды. 

Жас жұбайларды түсірген фотограф Махмұд Нақыб видеоны үзбеген. Ол бірден есін жиып, жарылыстан кейінгі жағдайды көрсетті.

"Мен дірілдеп тұрмын. Бұл жерде өте қатты жарылыс боды. Әйнектердің бәрі быт-шыт болды, кейбір адамдар жарақат алды. Бірақ, Аллаға шүкір, біз аманбыз", - деді Нақыб араб тілінде. 

Ал бұқаралық ақпарат құралдарына сұхбат берген Исраа Себлани жарылыс кезінде қандай күйге түскенін айтты. 

"Мен кез келген қалыңдық сияқты өте бақытты болдым. Ата-анам да мені ақ көйлекпен көргенде сондай бақытты болды. Өзімді ханшайымдай сезіндім. Ал жарылыстан кейін есеңгіреп қалдым. Мен өлемін бе? Қалай болады? деген сұрақтар санамды жаулап алды", - дейді Себлани.

Айта кетейік, 4 тамыз күні Бейрутта болған жойқын жарылыстан 135 адам қаза болды. Ал жарақат алғандардың саны бес мыңнан асады. Жақын маңдағы және бірнеше шақырым қашықтықтағы үйлер мен ғимараттар қирады. Ливандағы Қазақстан дипломатиялық миссиясының ғимаратына да зақым келді.

Ливанның премьер-министрі Хассан Диабтың айтуынша, сол күні теңіз портының қоймасында тұрған 2750 тонна аммиак селитрасы жарылған. Бейрут портының бірнеше шенеунігін үй қамаққа алуға тапсырма берілді.

14256
Кілт сөздер:
жарылыс, видео, жас жұбайлар
Тақырып бойынша
Үйлену тойында болған сұмдық жағдай видеоға түсіп қалды
Сыртқы істер министрі Тоқаев қандай тапсырма бергенін айтты
Әр қазақтың үйлену тойында орындалатын хит әндер – видео
Жойқын жарылыстан кейінгі Бейрут қаласының қазіргі көрінісі – фото
Қалыңдық сотқа берді: үйлену тойынан кейін күтпеген жағдай болды
Омбыда Абай мәдени-іскерлік үйі ашылды

Омбыда "Абай" мәдени-іскерлік үйі ашылды

16
(Жаңартылды 17:17 22.09.2020)
"Абай" мәдени-іскерлік үйінің ғимараты қаланың орталығындағы Шоқан Уәлиханов көшесінде және ағартушы ғалым оқыған Омбы кадет корпусының жанында орналасқан

НҰР-СҰЛТАН, 22 қыркүйек – Sputnik. Бүгін Ресейдің Омбы қаласында "Абай" мәдени-іскерлік үйі ашылды, деп хабарлайды Sputnik Қазақстан Отандастар қорының баспасөз қызметіне сілтеме жасап.

Омбыдағы "Абай" мәдени-іскерлік үйінің ғимараты қаланың орталығындағы Шоқан Уәлиханов көшесінде және ағартушы ғалым оқыған Омбы кадет корпусының жанында орналасқан.

Оқи отырыңыз: Абайдың 175 жылдығына арналған монеталар қыркүйектен бастап сатылады 

Орталықтың ашылу рәсімі онлайн форматта өтті. Оған ақпарат және қоғамдық даму вице-министрі Марат Әзілханов, сыртқы істер министрлігі, Қазақстанның Омбыдағы консулдығы, "Отандастар қоры" КЕАҚ, "Омбы қазақтары" қоғамдық бірлестігінің өкілдері қатысты.

Орталық нақты төрт бағытта жұмыс істейді. Олар:

  • мәдени-гуманитарлық және қазақ тілін үйрету жобаларын іске асыру;
  • "Атамекен" іскерлік  бағыты бойынша қандастардың екі жақты тиімді бизнес жобаларына қолдау көрсету;
  • "Жас қазақ" бағыты арқылы әлемдегі жас қандастарды елге тарту және бірлескен жобаларды жүзеге асыру;
  • "Атажұрт" бағыты арқылы шетелдегі қазақтілді БАҚ-тың қауымдастығын құрып, өзара ақпараттық ынтымақтастықты арттыру.

"Жыл соңына дейін  "Абай" мәдени-іскерлік үйлері Өзбекстанның Тәшкент, Түркияның Стамбұл, Қырғызстанның Бішкек, Германияның Берлин қалаларында да ашылады. Бұның барлығы - ақпарат және қоғамдық даму министрлігі, Дүниежүзі қазақтары қауымдастығы және "Отандастар қорының"  бірлескен жобасы", - делінген ресми хабарламада.

16
Кілт сөздер:
Омбы, Абай
Тақырып бойынша
Петропавл түрмесінде Абайдың алып суреті салынды – фото
Тоқаев жаңа оқулық әзірлеуді тапсырды
"Абай айт­қан жал­қаулық жиі кездесетіні қынжылтады": Тоқаев мақала жариялады
"Сондай керемет!": Америкалықтар Абайдың өлеңін қазақ тілінде оқыды – видео
Тоқаев Абай мұрасын зерттеушілерді марапаттады
Ресейдің сыртқы істер министрі Сергей Лавров

Әлем бөлектенуден шаршады - Лавров

26
Барған сайын қарқын алып келе жатқан жаһандық проблемаларға дер кезінде жауап беру қиындық тудырып тұр, дейді дипломат

НҰР-СҰЛТАН, 22 қыркүйек – Sputnik. Әлем бөлінуден шаршады, деп мәлімдеді Ресейдің сыртқы істер министрі Сергей Лавров БҰҰ Бас Ассамблеясының жоғары деңгейдегі апталық сессиясында ҰҚШҰ елдері атынан сөйлеген бейнеүндеуінде.

"Қазір, өкінішке қарай, төрткүл дүниенің әр аймағында қарулы қақтығыстар өршіп тұр. Оған халықаралық терроризм, есірткі және киберқылмыс, климаттың өзгеруі секілді қазіргі заманның өткір сын-қатерлері қосылды. Биыл бұл тізім тағы бір қауіппен  - әлеуметтік-экономикалық және басқа да салалардағы дағдарыстарды ушықтырған коронавирус пандемиясымен толықты", - деді дипломат.

Оның айтуынша, барған сайын қарқын алып келе жатқан жаһандық проблемаларға дер кезінде жауап беру қиындық тудырып тұр, деп жазады РИА Новости.

"Бұл көп жағдайда, кейбір елдердің өзге мемлекеттердің заңды мүдделерімен санасқысы келмегендігімен байланысты болып отыр", – деп атап өтті Лавров.

Ол "құқықтарға негізделген әлемдік тәртіп" сынды тұжырымдар мен стандарттарды мықтап бекіту белең алып келе жатқанын жеткізді. Бұл БҰҰ Қауіпсіздік кеңесінің артықшылықтарын бұза отырып, біржақты санкцияларды қолданумен елдердің ішкі істеріне араласудан, төзімсіздік пен өшпенділік көріністерінен айқын көрініп келеді.

"Алайда, тарихтың табиғи бағытын өзгерту мүмкін емес. Бүгінде халықаралық аренада экономикалық өсімнің жаңа орталықтары күшейіп, қарулы қақтығыстарды тек бейбіт жолмен реттеу қажеттілігі артып келеді, өзара тәуелділік деңгейі өсіп отыр. Әлем "бөлектену сызығынан", мемлекеттерді "біздікі" және "өзгенікі" деп бөлуден жалықты, әлем жан-жақты өзара көмек көрсету мен ынтымақтастықты дамытуды талап ете бастады. Яғни, 75 жыл бұрын БҰҰ құрылған кезде тұжырымдалған мақсат-міндеттер өзектілене түсуде", - деді министр.

Лавров сонымен қатар, тарихты қайта қарау, фашизмді жеңуге шешуші үлес қосқан халықтардың рөлін төмендету әрекеттерін миға қонымсыз деп атап өтті. Ол өткеннен сабақ алуға, азат етуші жауынгерлердің ерліктерін қастерлеуге, олардың даңқын көтеру мақсатында орнатылған ескерткіштердің сақталуын қамтамасыз етуге шақырды.

Ресей СІМ басшысының айтуынша, қазіргі жағайда, БҰҰ өзінің жарғысына сәйкес қатаң үйлестірілген жұмысты жүргізетін тиімді құрылым болып қалуы керек және БҰҰ жүйесінің негізгі органдарының мандаттарын жеңілдетуге және олардың өкілеттіктерін қайталауға жол берілмеуі тиіс.

Лавров халықаралық құқық нормалары негізіндегі келіссөздер аясында қақтығыстарды дипломатиялық, бейбіт құралдармен реттеу әлемдік қауымдастықтың басты міндеттерінің бірі болып қалуы керектігін, бұл жерде басымдық терроризм мен ұйымдасқан қылмыспен күрес кезіндегі ынтымақтастықты кеңейтуге берілетінін атап өтті.

Министр сонымен қатар, жаһандық тұрақтылықты сақтау үшін қару-жарақты бақылау, қарусыздану және таратпау жүйесін әлсіретуге тырысу әрекеттеріне тосқауыл қоюға шақырды.

26
Air Astana ұшағы

Қазақстандықтар 26 қыркүйектен бастап Мәскеуге ұша алады

0
Барып-келу үшін билетке 91 800 теңге төлеу керек. Бірінші рейсті 26 қыркүйек күні Air Astana әуе компаниясы орындайды

АЛМАТЫ, 22 қыркүйек – Sputnik. 26 қыркүйектен бастап Нұр-Сұлтан – Мәскеу (Домодедово) бағыты бойынша әуе рейстері қайта жанданады. Қазақстандық Air Astana әуе компаниясының баспасөз қызметі жолаушылардың Boeing 767 әуе лайнері арқылы ұшатынын хабарлады.

Әуе компаниясының ресми хабарламасына сәйкес, алғашқы ұшақ сенбіде ұшады, ал кейінгі рейстер тек сәрсенбіде орындалады. Билет құны екі жаққа 91 800 теңгеден басталады.

Компания рейсті тек Ресей мен Қазақстан азаматтары, сондай-ақ Қазақстанда тұруға ықтиярхаты бар адамдар ғана пайдалана алатынын атап өтті.

Оқи отырыңыз: Польша Қазақстанмен әуе қатынасын қайта қалпына келтіретін болды 

Әуе компаниясының мәліметінше, Ресейге барған шетел азаматтары ұшудан 72 сағат бұрын ПТР-тест тапсыруы қажет.

Ресейліктер келген кезде сауалнама толтырып, келген сәттен бастап үш күн ішінде тест тапсыруы керек. Ресей астанасы арқылы үшінші елге транзитке уақытша тыйым салынған.

Билеттерді Air Astana ресми сайтынан алуға болады.

Айта кетейік, қазір Қазақстан үшін кейбір елмен тұрақты рейстер, сондай-ақ эвакуациялық рейстер ашылды.

Тұрақты халықаралық рейстер

21 қыркүйектегі жағдай бойынша Қазақстан тікелей әуе қатынасын қайта бастаған елдердің тізіміне Беларусь, Германия, Египет (чартерлік рейстер), Қырғызстан, Нидерланды, БАӘ, Ресей, Түркия, Өзбекстан, Оңтүстік Корея кіреді.

Украинаға тұрақты рейстер аптасына екі рет орындалады, бірақ қазақстандықтарға кіруге шектеу қойылған.

0
Кілт сөздер:
ұшақ, Нұр-Сұлтан, Мәскеу
Тақырып бойынша
Қырғызстанға ұшуға рұқсат берілді: алғашқы рейске билеттер сатылып кетті
Алматыға ұшқалы тұрған: Павлодарда ұшаққа найзағай түсті
Қазақстаннан Ресейге ұшатын рейстерге билет сатып алғанда нені білу керек?
Қазақстанда кімдер тегін ұша алатыны белгілі болды