Стамбул, Түркия

Жаңа газ кен орны Түркияға не береді?

81
"Жаңа дәуір бастауы", "бұл елді энергиялық тұрғыдан тәуелсіз етеді", "тарихи сәт" – Түркия билігі Қара теңізде табылған газ кен орны туралы жаңалықты осылайша жариялады

Құны 80 млрд доллар болатын үш жүз жиырма миллиард текше метр газ – ауыз толтырып айтарлықтай. Анкараның жақында Қара теңізде газ қоры табылғаны туралы мәлімдемесінен кейін сарапшылар өз бағасын беруге және макроэкономикалық болжам жасауға кірісті, деп жазады radiosputnik.ria.ru.

Түркия өз қажеттілігін жаба ма, әлде, кемінде өңірлік деңгейдегі экспорттаушы бола ма деген мәселе төңірегінде талқылау басталды. Бәзбіреулер "түрік ағынына" күмәнмен қараса, біреулер кен қазынасын игеру шығынын есептеп жатты.

Іс жүзінде барлығы әлдеқайда қарапайым тәрізді. Түркиялық Sözcü басылымындағы мақала авторларының бірі Рахми Туран мұнай немесе газ кен орнының табылғаны туралы сайлау алдында хабарлау дәстүрге айналғанын еске салады.

Кезекті сайлау 2023 жылы өтеді. Бір қарағанда, ауқымды пиар-науқан үшін әлі ерте секілді. Бірақ, билік дәл осы уақытқа қарай кен өндірісін бастауды жоспарлап отыр. Сондықтан, үш жылдан кейінгі осы оқиғаға қатысты мақалалардың тақырыбы қазіргіден де дабыраға толы болмақ.

Түркия қазір "көгілдір отынның" шетелден жеткізілуіне толықтай тәуелді. Сондықтан, сайлау қарсаңында халыққа үміт сыйлаудың бағасы зор. Себебі, бұл елдің экономикалық проблемаларының басым бөлігінің шешімі іспеттес.

Sözcü басылымы мұнымен келіспейді: біріншіден, үш жылдың ішінде республика газды өндіру және қайта өңдеу процестерін ретке келтіруі екіталай. Екіншіден, алдағы жеті жылда өндіріс көлемі жылына 8-10 млрд текше метрді құрамақ. Бұл Түркия сұранысының бестен бір бөлігі ғана. Сондықтан, материал авторлары энергиялық тәуелсіздік қалыптасса да, ол жақын болашақтың еншісінде емес екенін айтады.

Әділдік пен даму партиясы билік еткен 18 жылдың ішінде түріктер жаңа табылған мұнайға 9 рет қуанып үлгерген. Алайда, кезекті сайлаудан кейін бұл ұмыт қала берген. Айта кетсек, сайлау алдындағы көмірсутекті дәстүр 65 жыл бұрын демократиялық партия көшбасшысы Аднан Мендерес премьер болған шақтан бері қалыптасқан, деп жазады басылым. Ол кезде газеттер "Фракияда мұнай кен орны табылды!" деген тақырыппен мақалалар жариялаған.

81
Архивтегі фото

Ғалымдар шілдеде коронавирустың неліктен күшейіп кеткенін анықтады

10
(Жаңартылды 20:00 24.09.2020)
Ғалымдар шілде айында ыстық және климаты ылғалды елдерде COVID-19 індетінің күшею себебін түсіндірді 

НҰР-СҰЛТАН, 24 қыркүйек – Sputnik. Ауадағы ылғалдың булану жылдамдығы – коронавирустың таралуына себеп болған негізгі жағдайлардың бірі. Инфекция әдісін модельдеген ғалымдар осындай қорытындыға келді, деп хабарлайды EurekAlert!.  

Америкалық Физика институтының мамандары теориялық модельдеу мен гидродинамикалық тәжірибелерді қолдана отырып, ылғалдылықтың, қоршаған ортаның температурасы мен желдің жылдамдығының құрамында вирус бөлшектері бар сілекейдің ең кішкентай тамшыларының таралуына әсерін зерттеген.

Оқи отырыңыз: ДДҰ коронавирусқа қарсы екінші қазақстандық вакцинаны тізімге енгізді 

Мамандар булану процесі жұқпалы бөлшектердің таралуы үшін шешуші фактор болатынын анықтады.

Сонымен қатар, температура жоғарылап, жылдам булану есебінен ылғалдылық төмендеген жағдайда вирустың өміршеңдігі  айтарлықтай төмендейтіні айқындалды. Ал ыстық ауа райында ылғалдылық жоғарыласа, коронавирустың таралу ықтималдығы арта түседі.  

"Біз жоғары температура мен ылғалдылықтың төмендеуі сілекей тамшыларының булану жылдамдығын жоғарылататынын анықтадық. Ал бұл вирустың өміршеңдігін айтарлықтай азайтады", – дейді зерттеу авторларының бірі Талиб Дбоук.

Ғалымдардың айтуынша, зерттеу нәтижесі пандемияның климаты ыстық әрі ылғалды және халық тығыз орналасқан қалаларда күшею себебін айқындауға көмектескен.

Зерттеу COVID-19 індетінің таралуын болдырмау үшін әлеуметтік қашықтық пен маска киюдің маңыздылығын қолдайтын жұмыстар тізіміне қосылды.

10
Кілт сөздер:
ғалымдар, коронавирус
Тақырып:
Коронавирус эпидемиясы
Тақырып бойынша
Ғалымдар коронавирусқа қарсы дәрінің өлімге әкеп соғатын қаупін анықтады
COVID-19: Ғалымдар антидене ағзада бір ай ғана болатынын анықтады
Ғалымдар коронавирусты өлтіретін ақуыз ойлап тапты
Ғалымдар табиғи антибиотик ойлап тапты
Коронавирусқа қарсы вакцина қанша теңге тұруы мүмкін
Владимир Путин

Ресей президентін Бейбітшілік үшін Нобель сыйлығына ұсынды

18
Өтінім 10 қыркүйекте Ослодағы Нобель комитетінің штаб-пәтеріне түсті, деп хабарлады ресейлік жазушы Сергей Комков

НҰР-СҰЛТАН, 24 қыркүйек – Sputnik. Жазушы Сергей Комков Ресей Федерациясының президенті Владимир Путинді 2021 жылғы Бейбітшілік үшін Нобель сыйлығына ұсынғанын мәлімдеді, деп хабарлады РИА Новости.

"Мен тиісті өтінімді 9 қыркүйекте жібергенмін. Келесі күні, яғни 10 қыркүйекте ол өтінім Ослодағы Нобель комитетінің штаб-пәтеріне түсті", - деді Комков арнайы баспасөз мәслихатында.

Оның айтуынша, өтінімдерді қабылдау қыркүйекте басталып, қазан айында аяқталады. Комитет барлық өтінімді наурызға дейін қарайды.

Путиннің баспасөз хатшысы Дмитрий Песков те осы бастамаға қатысты пікір білдірді.

"Шешім қабылданса, тамаша болады. Ал болмаса, ештеңе етпес", - деді Песков журналистерге берген сұхбатында.

Оқи отырыңыз: Әдебиет саласындағы Нобель сыйлығы фотографтың кесірінен ешкімге бұйырмады 

Айта кетейік, 9 қыркүйекте Норвегияның стортинг (парламент) депутаты Кристиан Тибринг-Чьедде 2021 жылғы бейбітшілік үшін Нобель сыйлығын АҚШ президенті Дональд Трампқа табыстауды ұсынды.

2017 жылы Қазақстанның тұңғыш президенті Нұрсұлтан Назарбаев та ядролық қарусыздандыру саласындағы еңбегі үшін осы сыйлыққа ұсынылған болатын.

18
Кілт сөздер:
сыйлық, Владимир Путин
Архивтегі фото

Ресейлік онлайн мектептер сертификатталуы мүмкін

0
Жұмысты Россотрудничество ағарту министрлігімен бірлесіп қолға алды, ол бірінші кезекте шетелде тұратын ресейліктерге бағытталған

НҰР-СҰЛТАН, 24 қыркүйек – Sputnik. Россотрудничество ресейлік онлайн мектептерді сертификаттап, шетелде тұратын ресейліктер үшін емтихан тапсыруды жеңілдетуді ұсынып отыр. Бұл туралы Россотрудничество басшысы Евгений Примаков айтты.

Оқи отырыңыз: Қашықтан оқыту қашан аяқталады – Аймағамбетов эксклюзивті сұқбат берді 

"Біз шетелде мектеп ашу әрдайым мүмкін емес екенін түсінеміз. Сондықтан "отбасылық", " үй" форматындағы онлайн оқытуды қолдаудың болашағы зор, өте қызықты және бізде де, шетелде де сұраныс артып келеді", - деді Примаков.

Ол шетелдегі көптеген ресейлік үшін бұл Ресей стандарттары бойынша білім алудың санаулы тәсілдерінің бірі екенін атап өтті.

"Сертификаттау, емтихан тапсыру мәселесі әлі де бар, бірақ мұны да талқылауға болады, бұл жұмысты ағарту министрлігіндегі әріптестерімізбен бірлесіп жүргізіп жатырмыз, оны сертификаттау үшін не істеу керек екендігі қарастырылуда. Қазір бірнеше ұсыныс бар", - деп түсіндірді Примаков.

Ол сондай-ақ Россотрудничество кез келген білім беру идеясын, алаңдарын, формаландырудың, институттандырудың кез келген дәрежесін қолдайтынын атап өтті.

"Бұл бізге келетін жеке бастамалар, мемлекеттік бастамалар болуы мүмкін, үкіметаралық келісімдер негізінде мектеп құрылған кезде оңайға соқпайды", - деп түсіндірді Россотрудничество басшысы.

Примаков көптеген отандасын Ресейдің білім беру жүйесі - мәдениет, өнер, гуманитарлық білім саласы да, нақты ғылымдар саласы да қызықтыратынын айтты.

"Біз бұл бастамалардың барлығын құптаймыз және қолымыздан келгенше қолдау көрсетуге дайынбыз", - деп аяқтады ол.

0
Тақырып бойынша
Бастауыш сынып оқушыларының 60%-і мектеп партасына отырды
Көпбалалы ана жаңа оқу жылы туралы: бес балам бір телефон қолданады
Қашықтан оқыту баланың оқу үлгерімін төмендете ме – министрдің жауабы
Білім саласында жемқорлық неге көбейді?
Баланы онлайн оқуға қалай дайындау керек – психологтар кеңес берді