АҚШ әскері, архив

АҚШ әскері Еуропаның шығысында неге дайындалып жатыр?

114
Америкалықтар ресейлік шекара маңындағы әскери араласуды арттыруды жалғастырып жатыр. Мемлекеттік хатшы Майк Помпео мен Польшаның ұлттық қорғаныс министрі Мариуш Блащак кезекті келісімшартқа қол қойды

Құжатқа сәйкес Пентагон елге қосымша тағы мың сарбаз жіберуі тиіс және құрлықтағы әскердің бесінші корпусының қолбасшылығын осында қайта орналастырады. Вашингтондағылар мұның барлығын орындаудағы басты мақсат Еуропа бағытындағы Ресейдің мүмкіндіктерін шектеу екенін жасырмайды, деп жазады РИА Новости.

Иран
© REUTERS / WANA (West Asia News Agency) / Ali Khara
Варшава Вашингтоннан әскери көмек сұрап тұрғаны бірінші рет емес. 2018 жылдың соңында Польша АҚШ-қа елде америкалық броньды танкілік бригаданы орналастыруды ұсынды және шамамен бір жарым-екі миллиард доллар көлеміндегі шығынды көтеруге дайын екенін білдірді. Президент Анджей Дуда тіпті жаңа базаның атын ойластырып қойды: "Форт Трамп". Шамасы, бұл АҚШ көшбасшысының Варшаваның ниеті түзу екеніне еш күмән қалмауы үшін жасалса керек. Ал ұлттық қорғаныс министрі Мариуш Блащак базаның ашылуы шешілген мәселе екенін айтты.

Еске салсақ, Польшада онсыз да ротациялық негізде америкалық әскери контингент орналасқан. Олардың саны шамамен 4,5 мыңға жетіп артылады. Алайда, ресми Варшава үшін бұл аздық етіп отыр. Өткен жыл бойы поляк саясаткерлер мен БАҚ ГФР емес, дәл осы Польша Еуропадағы АҚШ әскерінің басты базасы болуы керек екенін алға тартқан болатын. Мәселе тіпті тактикалық ядролық қаруды шығысқа көшіруді талқылауға дейін жетті. Мұның барлығы "агрессиялы Ресейге" қарсы тұру үшін қажет болса керек.

Нәтижесінде, жақын уақытта 12 мыңға жуық америкалық сарбаз бен офицер Германиядан шығарылады. Олардың шамамен жартысы АҚШ-қа оралса, қалған жартысы Еуропаның басқа елдеріне, соның ішінде, мың сарбаз Польшаға бағытталады. Ол жаққа броньді танкілік бригаданы жөнелтуді Пентагон аса қажеттілігі жоқ артық әрекет деп қабылдады. Сондықтан, Форт Трамп қағаз бетінде ғана қала берді.

Варшава мен Вашингтон арасындағы келісімшарт әскерді бағыттауды ғана емес, АҚШ Қарулы күштерінің озық командалық-штабтық инфрақұрылымы мен әскери дайындық орталықтарын дамытуды, әскери және көліктік авиация бөлімшелері, ұшқышсыз ұшу аппараттары, арнайы операция күштері, қолдау элементтері мен тылдық қамсыздандыруға жағдай жасауды қарастырады.

"Америкалық әскери қатысуды арттыру қауіпсіздік проблемасын шешпейтінін еске саламыз, - деді Ресей СІМ ресми өкілі Мария Захарова. – Керісінше, ол онсыз да біздің батыс шекарада ушығып тұрған жағдайды шиеленістіріп жібереді, шиеленістің артуына ықпал етеді және байқаусыз әрекеттерге себепші болады. НАТО-дағылар бізге бұл күшейту екенін және оның ротациялық сипатта екенін айтуда. Бірақ, бұл ақиқатты бұрмалауға деген талпыныс. Жаңа мәмілені жүзеге асыру Польшада АҚШ-тың шабуыл жасау әлеуетін сапалы арттыруға мүмкіндік береді".

Сенатор Алексей Пушков АҚШ-тың әскерді Польшаға ауыстыру бойынша жоспарын Ресей–НАТО негізгі актісінің кезекті рет бұзылуы деп атады. Бұл құжат Солтүстік атлантикалық альянсқа НАТО-ға 1997 жылдан кейін мүше болған шығыс еуропалық елдердегі әскер санын арттыруға тыйым салады. Польша батыс әскери блокқа 1999 жылы мүше болды. Негізі, 2014 жылдан бері америкалықтар негіз болатын бұл құжатты елемей, әскер мен әскери инфрақұрылымды ақырындап Ресей шекарасына жақындатып жатыр.

Америкалықтар басқа нұсқаны да қарастырды. Алайда, теңіздің арғы бетіндегі одақтастарды барлығы бірдей қонақ етуге асық емес. Осылайша, тамыз айының ортасында Чехия премьер-министрі Андрей Бабиш АҚШ мемлекеттік хатшысы Майк Помпеомен кездесу қарсаңында Прага америкалық әскерилерді ел аумағында орналастыру үшін ешқандай себеп көріп тұрмағанын баса айтты. Оның айтуынша, қосымша күштерді орналастырудың еш мәні жоқ.

"Мені бұл таңғалдырған жоқ, - деді Sputnik радиосының эфирінде РСГУ доценті, тарих ғылымдарының кандидаты Вадим Трухачев. – 2000 жылдардың басында америкалық ЗШҚ жүйесін Чехияда орналастыру туралы мәселе қарастырылған болатын. Бірақ, халықтың төрттен үш бөлігі бірден қарсы болды. Қоғам қолдауын жоғалтпауға тырысатын Бабиш осындай мәлімдеме жасады. Чехия аумағындағы америкалық әскери база туралы идея өзекті емес, себебі, саясаткерлер осыған қатысты түзетулер енгізіп жатады. Ел парламентіндегі тоғыз партияның бесеуі қарсы болады деп болжай аламын".

Сарапшы ел тағдырын өзгелер шешкен 1938-1939 жылдар Чехиядағылардың әлі күнге дейін жадында екенін айтты. Чехтардың басым көпшілігі шетелдік әскерилер, соның ішінде, америкалық сарбаздар Чехияда орналасқанын қаламайды.

Дональд Трамп маусым айында Пентагонға неміс еліндегі әскерилердің бір бөлігін шығару бойынша жоспар әзірлеу жөнінде тапсырма берген болатын. Мұның еш себебін атаған жоқ, бірақ, көптеген сарапшылар қорғанысқа бөлінетін қаражат көлемін арттыру туралы ұсынысын кері қайтара бергені үшін Берлинге Вашингтонның ренжіп қалғанын айтуда.

Бұрынғы одақтастардың араздығына америкалық экс-елші Ричард Гренелдің "Солтүстік ағын – 2" газ құбырының құрылысына қатысқаны үшін неміс компанияларын санкциямен қорқытқаны және ирандық ядролық мәміле бойынша Германияның ұстанымын сынға алғаны "ерекше үлес қосты". Берлиндегілер дипломаттың бұл пікірін мемлекеттің тәуелсіз саясатына араласу әрекеті деп бағалады.

114
Еуропарламент эмблемасы

Батыс қырғи қабақ соғыстың жаңа кезеңіне аяқ басты

49
Батыс жариялаған жаңа қырғи қабақ соғыс мүлдем жаңа кезеңге аяқ басты. Антиресейлік үндеулер өзгеше ойлайтын, пікірі мен көзқарасы ресми идеологияға қарама-қайшы келетін топтардың ізіне түсуге ұласып жатыр

Осылайша, антиресейлік санкциялар мен шабуылдардың басты мақсаты Ресей емес екеніне барған сайын көзіміз жетіп келеді, деп жазады РИА Новости.

Еуропарламенттің Ресей мен оның саясатына қатысты соңғы үндеулері тым қатал, тіпті Ресей конституциясын өзгертуге қатысты талап та бар. Алайда, Еуропалық комиссияның басшысы Урсула фон дер Ляйен Еуропарламент мінберіндегі ресми баяндамасында Ресейді тек бір жерде ғана ауызға алады. Ол "Ресеймен тығыз қарым-қатынасты жақтаушыларға қауіп төнеді" дегенге саяды. Яғни, бұл Мәскеуге емес, Еуроодақ құрамындағы мемлекеттерге, әсіресе саяси топтарға қаратыла айтылған ескерту іспетті көрінді.

Батыс баспасөзінің Ляйеннің Ресейге қатысты айтылған бірауыз сөзін іліп алып, бірінші бетке "Еуроодақтың көшбасшысы Ресеймен байланыстан сақтандырады" деп шығарудағы басты мақсаты "Кремльге қарсы" тезистерді оқырмандардың санасына барынша ұялату екені анық.  

Ал ішкі оппозицияға деген қарсылықтың күрт өсуінен шындыққа тура қараудан, оны естуден туындаған қорқынышты аңғару қиын емес. Бұған Германияның өзінде еуропалық саясаткерлер көп айыптайтын оппозиционерлер мен "өзгеше ойлайтын топтардың" барған сайын айрықша құрметке бөленіп келе жатқанын мысалға келтіруге болады. 

Жақында бұл проблемаға немістің Süddeutsche Zeitung газеті назар аударды. Онда "Германияда Ресейдің мемлекеттік бұқаралық ақпарат құралдарының ықпалы зор, бұл жерде Навальныйдың улануы көп қарама-қайшылық туғызды. Мемлекеттік телеарнаның неміс тіліндегі бөлімшесі саналатын RT Deutsch-тің мақалалары айрықша танымалдылыққа ие: Еуропаның сыртқы байланыс қызметінің деректері бойынша олар Германияның әлеуметтік желілерінде екінші орында тұр" деп жазылған.

Süddeutsche Zeitung авторлары мұндай жағдайдың неліктен болып жатқанын, сондай-ақ соңғы жылдары неміс газеттерінің танымалдығы неге күрт төмендеп кеткенін түсіндіре алмайды. Олардың пікірінше, ресейлік БАҚ-тың Еуропадағы басты мақсаты - еуропалық қоғамның ішінде  "күмән туғызу" екен. Сонда батыс журналистері қай кезден бастап мәселеге күмәнмен қарауды жаман ұғыммен теңестіретін болған? Демократияшыл Еуропа әрқашан тоталитаризм мен ресми ортақ пікірді айыптап келді емес пе? Ендеше, отандастары Ресейге қатысты көп айтылатын "улану" мен "ішкі саясатқа араласу" деген мәселелерді тек жергілікті газеттер мен телеарналардың ақпараттары бойынша ғана зерделемей, оның шынайылығына басқа БАҚ-ты саралай келе, көз жеткізгісі келсе, оған батыс журналистері мен саясаткерлері неге таңғалады?

Бұл тек Германияға ғана қатысты емес. Еуропаның қай елін алсаңыз да, жүйесіз БАҚ пен әлеуметтік желілерде "ресейшіл" көзқарастың неліктен соншалықты танымал екендігіне көз жеткізуге болады. Мысалы, чех сарапшысы Ян Шир мұны "журналистердің дайындығы мен кәсібилігінің кемшіндігімен" түсіндіреді. Демек, оларға "дұрыс бағыт беру" керек, дейді сарапшы.

Оның ойынша, мәселен, журналистерді Донбасс бүлікшілерін "сепаратистер" емес, "Ресей армиясы" деп атауға көндірсеңіз күткен нәтижеге қол жеткізуге болады.  Яғни, ең бастысы, оқырмандарға күмән мен күдік тудыратын "бұлыңғыр картина" ұсынбау. Ол үшін Чехия телеарнасының эфиріне күдік пен күмән тудырмайтын "дұрыс" сарапшыларды ғана шақыру керек, деп есептейді Шир. Бұған Навальныйға және оның улануына қатысты жәйтті мысалға келтіруге болады.

Шир және соған ұқсас сарапшылар кез келген ақыл-есі дұрыс адам Ресейдің "оккупанттары" немесе "улағыш Путин" туралы жазылған газеттерді оқи отырып, ерте ме, кеш пе мұндай "сенсациялық фактілердің" рас-өтірігін іздеуге тырысатынын түсінгісі келмейді.  Егер, оқырмандар газеттерден ештеңе таппаса, сөзсіз, басқа балама дереккөздерге жүгінері анық. Ресейлік бұқаралық ақпарат құралдарының Еуропада көбірек танымал болуын міне, осымен түсіндіруге болады. Себебі, олар, ең болмағанда, белгілі бір мәселені әр қырынан қарастыруға және белгілі бір қорытынды жасауға мүмкіндік береді. Ресеймен күресуші және Еуропаны "өзгеше ойлайтындардан" тазартқысы келетін батыс сарапшылары міне, осыдан қорқады.

Бұған осы аптада Италияның бірнеше аймағында өткен жергілікті сайлауды мысалға келтіруге болады. Тоскана аймағында оппозициялық "Лиганың" алдағы жеңісінен қорыққан ақпарат құралдары қайтадан антиресейлік үндеуді алға шығарып, "Ресейдің қаржыландыруы" туралы әңгімені еске түсірді. Негізгі "дәлел": бір кездері "Лигамен" байланыста болған электр компаниясы иесінің орыс әйелі бар және ол ақшасын Ресейге аударып отырған-мыс... Мұндай "жанжалдың" өзі "Лигаға" тағылған айыптарды жоққа шығарады, себебі антиресейлік айыптауларға сүйенсек, "ақша Ресейден келіп жатқан жоқ, керісінше Ресейге жіберіліп жатыр". Бірақ, олар оппозицияның Кремльмен қандай да бір байланысы бар деген әңгімеге қалай да оқырманын сендіргісі келеді.

"Лига" жетекшісі Сальвинидің осы жылдар ішінде ешкімнің одан "рубль де, қуыршақ матрешка да таппағаны" туралы мәлімдемесі Италияның либералды БАҚ-ы мен Брюссель саясаткерлерін еш қызықтырмайды. Оның осы сөзін өзіне қарсы қолданғысы келген еуропалық либералдар идеологтарының бірі Ги Верхофстадт Еуропарламенттің мінберінде тұрып Сальвиниді "Путиннен ақша алды" деп айыптайды.

"Менің ойымша, бізге "уағыз айтқысы" келетін мұндай адамдар Еуроодақты жойғысы келеді және ол үшін ақша алады", - деді Бельгияның бұрынғы премьер-министрі.

Шын мәнінде, ішкі оппозицияға қарсы бағытталған айыптаулардың дені осыған ұқсас келеді. Алайда, ол шынымен ресейшіл ме және оның Мәскеумен байланысы бар ма, жоқ па, ол жағы ешкімге маңызды емес. Ең бастысы – қарсыластардың аузын жабу. Мұндай айыптаулар Еуропаның біраз елінде әлдеқашан сыналған.

49
студенттер

Шетелдіктерге Ресейде білім алуға квота бөлу жүйесін реформалау керек - Примаков

17
Ресейдің білім беру саласының өкілдері шетелдік студенттерге оқуға түсуге квота ғана емес, стипендия мен грант беру керек деп отыр

 

МӘСКЕУ, 25 қыркүйек – Sputnik. Көршілес және Балтық елдерінің талапкерлеріне Ресейдің жоғары оқу орындарында тегін оқуға мүмкіндік беру форматын реформалау керек, деп есептейді Россотрудничество басшысы Евгений Примаков.

РФ мемлекеттік думасының депутаты Евгений Примаков осы жылдың маусым айының соңында Россотрудничество басшысы болып тағайындалды. Ол сол кезде ресейлік агенттік қызметіне үлкен өзгерістер енгізуге уәде берген еді.

Россотрудничествоның жаңа басшысы шетелдік азаматтардың Ресейдің жоғары оқу орындарында білім алуына мүмкіндік беретін квота жүйесіндегі кемшін тұстарды атап өтті.

"Квота саны артады. Президент олардың өсетінін айтты. 2023 жылға қарай квота мөлшерін екі есеге дейін көбейту көзделген. Бірақ, біз білім және ғылым министрлігіндегі, мемлекеттік думадағы әріптестерімізбен сөйлесе келе, квотаға қатысты тетіктердің өте тиімсіз болып отырғанына көз жеткіздік", - деді Sputnik агенттігінде берген сұхбатында Евгений Примаков.

Ол, бұл ретте, тегін оқу үшін квота көп бөлінген Беларусьті мысалға келтірді. "Бірақ Ресейдің тіпті Польшамен бәсекеге түсуі қиын болып тұр" дейді ол.

 "Поляктар студенттерге тегін оқуға түсуге ғана мүмкіндік бермейді, сонымен қатар,  түрлі стипендиялар мен гранттар бөледі. Егер біз алдағы уақытта тегін оқу жағын ғана қарастыратын болсақ, поляктармен бәсекеге түсе алмайтынымыз анық. Ал квоталардың ішінде гранттар мен стипендиялардың болуы үшін жүйені жетілдіруіміз керек. Яғни, біз жастарды оқуға шақырып қана қоймай, оларға ұшақ билетін ұсыну, баспанаға немесе жатақханаға ақы төлеу жағын да қарастырғанымыз жөн", - деді Примаков.

Агенттік басшысының айтуынша, Россотрудничество шетелдік студенттердің Ресейге келіп, білікті маман атанып, таңдаған саланың мықты сарапшысына айналуына мүдделі.  Алайда, қазіргі жүйе бұл жоспарды жүзеге асыруға мүмкіндік бермей отыр.

"Кейде Ресейге келген жастар қиын жағдайға тап болып жатады. Нәтижесінде аула сыпырушы, таксист болып жұмыс істеуге мәжбүр болады. Ал бұдан мемлекеттік бюджеттен бөлінген қаржының дұрыс жұмсалмай отырғанын көруге болады", – деп түсіндірді Россотрудничество басшысы. 

Сонымен қатар, ол әлі күнге дейін квота бөлу жүйесін реформалаудың нақты жоспары әзірленбегенін, бұл мәселе әлі де талқыланып жатқанынын жеткізді. Бұл салаға реформа жүргізбей, мәселе шешілмейді деп есептейді Примаков.

2020 жылдың басында мемлекеттік думаның күн тәртібіне шетелдік студенттерге арналған квота санын 15 мыңнан 30 мыңға дейін арттыру туралы мәселе қойылды. Сол кезде думаның ТМД істері, еуразиялық интеграция және отандастармен байланыс жөніндегі комитетінің төрағасы Леонид Калашников студенттерге бөлінетін 15 мың квота Ресейдің халықаралық деңгейдегі рөлі мен гуманитарлық әлеуетіне сәйкес келмейтініне тоқталған еді.  Бұл ретте, ол тек Беларусь азаматтары үшін ғана 10 мың тегін квота бөлетін Польшаны, жыл сайын 5 мың Молдова азаматын ақысыз оқытатын Румынияны мысалға келтірген болатын.

Бүгінде Ресейге оқуға түсуге ниет білдірген шетелдік студенттердің өтінішінің саны 100 мыңға жуықтаған. Сондықтан, Ресейдің білім және ғылым министрлігі шетелдік студенттерге бөлінетін квота санын 30 мыңға дейін ұлғайтуды жоспарлап отыр.

 

 

17
Диктофон

Релизден бас тарту керек кәсіби PR маманының лайфхактары

0
SputnikPro сарапшысы онлайнды дамыту, ерекшеленуден қорықпау, адамдарға сену – БАҚ-ты алға жылжытудың негізгі ерекшелігі екенін айтады  

НҰР-СҰЛТАН, 25 қыркүйек – Sputnik. "Россия сегодня" медиа тобы баспасөз қызметінің жетекшісі Анна Старкова көрші елдердің журналистеріне неліктен релиз жазудан бас тарту керектігін айтып берді.

Бұған дейін бұқаралық ақпарат құралдары іс-шараның ақпараттық серіктесі бола отырып, өзінің логотипін түрлі алаңдарда орналастыратын. Пандемия кезінде жағдай өзгерді. Өзін-өзі таныту үшін медиа топтың баспасөз қызметі ерекше кейстерді ойластыра бастаған.

Сарапшының бірінші ұсынысы: стандартты релиздерді жазу тәжірибесінен бас тарту.

"Адамдармен оларға түсінікті тілде сөйлесу керек. Кері байланыс орната бастасаңыз, ол нарықтың ойыншысы болсаңыз, сізді тыңдайды, сізге келіп, оқи бастайды", - деп санайды Старкова.

Сарапшының келесі кеңесі – бұқаралық ақпарат құралдары онлайнды ғана дамытпау керек.

"Мұны пандемия кезінде істей бастадық. Біз барлығы дерлік интернетті қолданатын әлемде өмір сүріп жатырмыз", - деп атап өтті маман.

Қазір, оның айтуынша, әлеуметтік желілердегі және мессенджерлердегі анонимділік танымал болудан қалып барады.

"Бізді ("РИА Новости" ХАА Телеграм каналы) оқи бастады, өйткені РИА Новости, мысалы, Лукашенконың инаугурациясында не болғанын айтты. Сол кезде ол жаңалыққа айналады, бұл тексерілген ақпарат. Шын мәнінде болған нәрсе, сыбыс емес", - деп атап өтті Старкова.  

Сарапшының тағы бір ұсынысы – ерекшеленуден қорықпау. Баспасөз қызметі пандемия жағдайында "трендтерді қарап, оларды батыл түрде пайдаланған".

"Сізбен бірге жұмыс істейтін адамдарға сенім арту керек, өйткені ең алдымен біреумен араласуың керек. Оларды алға жылжытуың керек, нәтижесінде сіздің брендіңіз алға жылжиды", - деп сендірді Старкова.

Кәсіби PR маманының бесінші кеңесі – дос болу.

"Бұл, шынын айтқанда, ең маңызды кеңес. Басқа ақпарат құралдарымен, баспасөз қызметтерімен, тіпті бәсекелестермен де достасу керек. Кофеге шақырыңыз, бранчи жасаңыз, лайфхактармен бөлісіңіз. Бұл бәріне қатысты", - деп есептейді ол.  

SputnikPro білім беру жобасының жиырма бірінші онлайн-сессиясына Қазақстан, Ресей, Әзербайжан, Армения, Беларусь, Қырғызстан, Молдова, Абхазия және Осетия БАҚ өкілдері қатысты.

SputnikPro – Sputnik халықаралық ақпарат агенттігі мен радиосының журналист, студент, баспасөз қызметі мен медиа саласында жұмыс істеп жүрген маман иелеріне арналған жоба. Оның мақсаты – тәжірибе алмасу әрі медиа саласында кәсіби байланысты нығайту.

0