Арктика

Ресей мен АҚШ Арктикаға таласып жатыр ма?  

280
(Жаңартылды 10:13 31.08.2020)
АҚШ Норвегия жағалауына USS Seawolf сүңгуір қайығын жөнелту арқылы "Кремльге сигнал" берді, деп жазады америкалық бірқатар БАҚ

НҰР-СҰЛТАН, 31 тамыз — Sputnik. АҚШ норвегиялық Тромсе жағалауына Seawolf суасты қайығының келгені туралы мәлімдеп, осылайша "Ресейге сигнал" жолдады, деп жазады The Drive.

Басылым хабарлағандай, мәліметтердің мұншама ашықтығы жасырын сүңгуір қайықтарға қатысты қолданылатын тактикаға тән емес. Мақала авторлары АҚШ ресейлік билікке белгілі бір сигнал жолдап отыр деген болжам келтіруде.

Иран
© REUTERS / WANA (West Asia News Agency) / Ali Khara
Сарапшылардың пікірінше, норвегиялық қаланы таңдау да кездейсоқ емес. Себебі, дәл осы шаһар ресейлік суасты қайықтарының жүру бағытына жақын орналасқан.

Сонымен қатар, Тромсеге ядролық қару тасымалдауға қабілетті америкалық алты стратегиялық В-52Н бомбалаушылары жөнелтілді. Автор америкалық әскери қолбасшылықтың бұл әрекетін "Мәскеуге тікелей бағытталған сигнал" деп бағалады.

Sputnik радиосының эфирінде РҒА АҚШ және Канада институтының әскери-саяси зерттеулер орталығының жетекшісі, бас ғылыми қызметкер Владимир Батюк мәселе Арктика үшін таласта болып отырғанын айтты.

"Екі держава арасында Арктика үшін талас жүріп жатыр. Қазір арктикалық сулар еріп жатыр. Сондықтан, Солтүстік мұзды мұхит қайраңындағы минералды ресурстар әлдеқайда қолжетімді болып отыр. Сонымен қатар, теңіз жолдары, оның ішінде, Солтүстік теңіз жолы қолжетімді болуда. РФ теңіз стратегиясына сәйкес, ол Ресей бақылауында болуы керек, бірақ, америкалықтар оған қарсы болып отыр. Сондай-ақ, жетекші державалардың қауіпсіздік мүдделері де қозғалуда.

Арктика арқылы континентаралық баллистикалық зымырандардың қысқа ұшу жолдары жатқанын айтудың өзі жеткілікті. Бұл стратегиялық бомбалаушыларға да қатысты. Сондықтан, Арктиканың маңызы зор. Мұнда америкалықар өз позициясынан бас тартпайтынын білдіргісі келіп отыр", - деді Владимир Батюк.

Seawolf суасты қайығы және осы жобаға жататын басқа да Connecticut пен Jimmy Carter сүңгуірлер о баста 1983 жылдан бері соққы жасайтын көпнысанды атомдық суасты қайықтары ретінде жасалды. Сұрапыл соғыс аяқталған соң, жоба шығыны мен бюджетті қысқарту АҚШ ӘТК-ні осы типтегі 29 суасты қайығын әзірлеуден бас тартуға мәжбүр етті. Қазір Seawolf суасты қайықтары арнайы тапсырмаларды орындау үшін қолданылады.

280
Архивтегі фото

Қытайда тәрбиеші өлім жазасына кесілді

71
Балабақша қызметкері Ван Юнь әріптесінен өш алу мақсатында оның тобына барып жүрген балаларды улағаны анықталды

НҰР-СҰЛТАН, 29 қыркүйек – Sputnik. Қытайдың Цзяоцзо қаласында халық соты балабақша қызметкерін өлім жазасына кесті, деп хабарлады РИА Новости.

Сот материалдарына сәйкес, "Мэнмэн" балабақшасында жұмыс істеген Ван Юнь деген келіншек орта топқа жауапты тәрбиешімен жанжалдасып қалған. Артынан әріптесінен өш алу мақсатында оның тобына барып жүрген балаларды улауға шешім қабылдайды. Сөйтіп, 2019 жылы 27 наурызда таңертең Сунь есімді тәрбиешінің балалары жейтін ботқаға натрий нитритін салып жіберген. Сол күні 25 бала уланып, ауруханаға түсті. Бір бала көз жұмды.

Оқи отырыңыз: Балабақшадағы балалар есек етін жеп келгені әшкере болды 

Тергеу шаралары барысында Ван Юньн осы іспетті тағы бір қылмыс жасағаны анықталды. Осыдан үш жыл бұрын үйдегі жанжалдан кейін ол күйеуін улаған. 2017 жылы ақпан айында алдымен интернет арқылы натрий нитритіне тапсырыс берген. Ал химиялық затты алғаннан кейін суға қосып, күйеуіне берген. Ол кезде ер адам уланғанмен қатты зардап шекпеген.    

Цзяоцзо қаласының орта санаттағы халық сотының шешімімен Ван Юнь өлім жазасына кесілді.

71
Кілт сөздер:
Қытай, балабақша
Тақырып бойынша
Шымкентте балабақшада төрт бала мен тәрбиеші уланып қалды
Алматы облысында балабақшадағы видеодан кейін тәрбиеші хабарсыз кетті
Алматыда балабақшадан сәби ұрламақ болған әйелге қатысты тың дерек шықты
Бүлдіршінді сорпамен күйдірген балабақша қызметкері жазадан құтылды
Шипажайда баланы сүлгімен ұрған тәрбиеші қылмыстық жазаға тартылмайтын болды
Архивтегі фото

Өзбекстанда тұратын қазақ көмек сұрады

2184
Жорықбаев қазақ мәдени орталығының құрылысын екі жыл бұрын бастаған. Ол үшін бизнесін сатып, банктен кредит алған

НҰР-СҰЛТАН, 29 қыркүйек – Sputnik. Өзбекстанда қазақ мәдени орталығын салып жатқан азамат Қазақстандағы қандастарынан көмек сұрады, деп хабарлайды "Хабар 24".

Жақсылық Жорықбаев қазақ жастары арасында ұлттық мәдениет пен салт-дәстүрді дәріптеу үшін орталық ғимаратын өз есебінен тұрғызбақшы еді. Алайда қазір құрылыс тұралап қалған көрінеді.

Ташкенттен 40 шақырым жерде орналасқан Шыршық шаһарында 25 мыңдай қазақ түтін түтетіп отыр.  

"Бұл – біздің орталықтың екінші қабаты. Бұл жерде домбыра, би, жайдарман үйірмелерін өткізбекшіміз. Өзіміздің фольклорлық ансамбліміз болады", - дейді Шыршық қаласы қазақ мәдени орталығының төрағасы Жақсылық Жорықбаев.

Бұл жерді Жақсылық Жорықбаев жергілікті қазақ жастары жиі бас сұғатын орынға айналдырмақшы. Оның мақсаты – балаларды бауырмалдыққа һәм қазақылыққа тәрбиелеу. Қандас бауырымыз Өзбекстанда ұлтымыздың ұлыларын жиі ұлықтайды. Мысалы, биыл Абайдың 175 жылдығына арнап ауқымды ісшара өткізген.

"Ата дәстүрді үйретуіміз керек. Осы құрылысты сол үшін қолға алдық. Жастарды бір жерге жинап үйретпесек, түсінбейді. Әркім өз тіршілігін істеп жүр", - дейді орталық басшысы.

"Бір мәселеміз бар еді, оны да Мирзиеев шешіп берді": Өзбекстандағы қазақтардың өмірі

Жорықбаев қазақ мәдени орталығының құрылысын екі жыл бұрын бастаған. Ол үшін бизнесін сатып, банктен кредит алған. Ғимаратты былтыр өткен Өзбекстандағы Қазақстан жылы қарсаңында салып бітіруді көздеген еді. Қазір қаржы мәселесі қос бүйірден қысып отыр дейді ол.  

"Мен 120 мың доллардан артық қаржы жұмсадым. Енді 30 мың доллар болса, жұмыс бітеді. Қазақстан халқы жәрдем беріп жатса, Алла разы болады деп ойлаймын", - деп түйіндеді Жақсылық Жорықбаев.

2184
Тақырып бойынша
XXI ғасырдың қазағына оғаш көрінетін салт-дәстүрлер
Өзбекстаннан келген оралман отбасында жантүршігерлік қылмыс жасалды
Қаны сирек кездеседі: қазақ жігіті қытайларға қалай көмектесіп жүр
Моңғолияның парламентіне үш қазақ депутат болып сайланды
"Қиыншылық көресің": Түркиядағы қазақ елге неге оралғысы келмейтінін айтты