Тағзым ету

"Беслан" трагедиясы: 16 жыл бұрынғы қайғылы оқиға туралы деректі фильм түсірілді

109
(Жаңартылды 12:29 03.09.2020)
Фильм режисерінің пікірінше, Ресейдің жаңа тарихында бұл оқиғадан асқан қорқынышты ештеңе болған емес

АЛМАТЫ, 3 қыркүйек – Sputnik. Үшінші қыркүйекте "Россия 1" телеарнасында "Беслан" деректі фильмінің премьерасы өтеді. Фильм 2004 жылы бірінші қыркүйекте Бесландағы №1 мектепті террористердің басып алуына арналған. Қайғылы оқиға төңірегіндегі аңыз бен ақиқатты ажыратып, болжам жасаушылар мен куәгерлердің естеліктерін жинастырған режиссер Александр Рогаткин Риа Новости ақпарат агенттігіне жұмыстың қалай жүргенін, фильмдегі жаңашылдық жайында айтып берді.

"Біздің жаңа тарихымызда бұл оқиғадан қорқынышты ештеңе болған емес. Он алты жылдан бері бұл оқиға қоғам арасында саналуан пікір қайшылығын тудырып келеді. Сол себепті де бұл мәселе көптеген БАҚ өкілдерінің назарын аударып отыр. Кейінгі кезде осы қайғылы оқиғаны өз мүддесіне қолданатын адамдар да көбейіп кетті. Көптеген балама теориялар мен әңгіме, аңыздар пайда болды", – дейді Александр Рогаткин.

Режиссердің айтуынша, оның барлығы сол жылдары "Родина" фракциясының депутаты болған және теракт жағдайын тергеу бойынша парламент комиссиясының мүшесі болған Юрий Савальевтің баяндамасына негізделген. Рогаткин Савальевтің ресми баяндамаға қол қойғысы келмей, жеті томдық өзінің балама нұсқасын шығарғанын айтты.

"Савельев балалар қашып бара жатқанда террористердің тұтқындарға оқ атпағанын айтады. Кей фотоны дәлел ретінде көрсетеді. Алайда, тұтқында болғандардың қолында басқа да фотолар бар. Тіпті, сол фотолардың авторы террористердің балаларға оқ атқанын айтады", – дейді Рогаткин.

Прокуратура бұл болжамды да тексерген. "Базальт" сарапшылары 2004 жылы екі кірпіштің қалыңдығын тесіп, ғимаратты құлатуға қауқары жететін атыс қаруы да, шабуыл гранатометі де жоқ деген қорытындыға келді. Ал басқа эксперимент барысында қолдан жасалған жарылғыш орнатылған орындықты қабырға алдына қойып көргенде, нәтиже ұқсас болған.

"Савельев балалар қашып бара жатқанда террористердің тұтқындарға оқ атпағанын айтады. Кей фотоны дәлел ретінде көрсетеді. Алайда, тұтқында болғандардың қолында басқа да фотолар бар. Тіпті, сол фотолардың авторы террористердің балаларға оқ атқанын айтады", – дейді Рогаткин.

Ал фильмде көптеген адамның тағдыр-талайы мен қайғылы оқиғалар да көрсетіледі. Сол сияқты оқиға куәгерлерінің өмірі мен бүгінгі тыныс-тіршілігі көрермен назарына ұсынылады. Режиссердің айтуынша, түсірілім барысында ешқандай қиындық болмаған. Себебі, куәгерлер де, сол жерде тұтқында болғандар да көп. Олардың кейбірі сол оқиғаны есіне алғысы келмесе, енді бірі оқиғаның мән-жайын қуана-қуана баяндап беруге дайын.

Оқи отырыңыз: Күллі әлемді күңіренткен трагедия: Беслан мектебіндегі теракт - жантүршігерлік видео

Фильм түсірілімі шілде айында басталып, үшінші қыркүйекте дайын болды. Режиссер деректі фильмде көптеген сұраққа жауап алуға болатынын айтады.

Еске сала кетейік, Солтүстік Осетияның Беслан қаласындағы №1 мектепте лаңкестік әрекет 2004 жылы 1 қыркүйекте болған. Жаңа оқу жылының басталуына арналған жиын кезінде террористер 1100-ден астам адамды кепілге алған. Оның ішінде балалар мен ата-аналар, мектеп қызметкерлері болды. Кепілге алынғаннан кейінгі үшінші күннің түс кезінде мектептің спорт залында жарылыс болып, ғимарат құлап, өрт шығады.

Оқиғаға қатысқан 32 террористің тек біреуі ғана тірі қалды. Ал кепілге алынған адамдардың 334-і қайтыс болды. Оның ішінде 186 бала бар. 800-ден астам адам жарақат алып, 72 бала мен 69 ересек адам мүгедек болып қалды.

109
Кілт сөздер:
фильм, Ресей, теракт
Тақырып бойынша
Бостондағы теракт: қазақстандық студент АҚШ түрмесінен босап шықты
Шетелдіктер Қазақстанда теракт дайындады: арнайы операцияның видеосы шықты
Шри-Ланкадағы теракт кезінде ең бай адамның үш бірдей баласы көз жұмды
Нұр-Сұлтанда теракт жасамақ болған ер адам ұсталды
Ауғанстанда бірнеше теракт жасалды - жауапкершілікті "Талибан" өз мойнына алды
Ағылшын ауылының тұрғындары

Қазақстандық олигарх Англияда 200 үй салғалы жатыр: тұрғындар наразылық білдірді

33
(Жаңартылды 21:36 21.09.2020)
БАҚ қазақстандық олигархтың ағылшын ауылындағы сатып алған жеріне 200-ден астам үй салғалы жатқанын хабарлады

АЛМАТЫ, 21 қыркүйек – Sputnik. XII ғасырда іргесі қаланған ұлыбританиялық Ист-Хосли ауылының тұрғындары қазақстандық миллионер Нұрлан Бизақовты сотқа беруге дайын отыр. Қазақстандық сол аймақтағы өзіне тиесілі жылқы зауыты аумағына 205 тұрғын үй кешенін салғалы жатыр, ал тұрғындар бұған наразылық танытуда, деп жазды Daily Mail.

Басылымның хабарлауынша, ауыл тұрғындары бұл құрылыс сол елді мекеннің тарихи келбетін бұзатынына сенімді.

2010 жылы Нұрлан Бизақов Шығыс Сассексте Hesmonds жылқы зауытын сатып алған. Жергілікті тұрғындар бастапқыда бұл жаңалыққа қуанған еді, себебі олигарх зауыттың көркеюіне миллиондаған доллар қаржы құйды.

Алайда жақында Бизақовтың сол аймаққа 205 тұрғын үй салуға рұқсат алғаны белгілі болды. Енді тұрғындар миллионерге және оның бұл жоспарына қарсы болып отыр, олар тіпті Бизақовпен сот арқылы күресуге дайын.

Қазақстандық олигархтар Лондондағы пәтерлерін сатып жатыр: байлар неден қашты? 

Ауылда шамамен 500 үй бар. Алайда тағы екі жүз үй салу туралы жаңалық тұрғындарды қуантпады.

"Барлығы Бизақовтың миллиондаған қаражат құйғанына қарап оны керемет деп санайды. Алайда мұндай ауқымды құрылыс бірегей ауылды құртады, бұл елді мекеннің іргесі мың жыл бұрын қаланған. Бизақов Францияға (Бизақовтың бұл елде де жылқы зауыты бар – Sputnik) тарихи ауылды жоюдан тапқан миллиондаған қаражатты өзімен бірге алып кеткенде ғана бұл іс шешілетіндей көрінеді", - деді жергілікті тұрғындардың бірі Джонатан Уокер.

2017 жылы Нұрлан Бизақов Forbes рейтингісі бойынша Қазақстанның ең бай 50 бизнесменінің қатарына енді. Оның байлығы 445 миллион доллар деп бағаланды. Әр жылдары Бизақов Қазақстанның ұлттық компанияларында жоғары қызметтер атқарған.

33
Кілт сөздер:
бизнесмен, Ұлыбритания
Тақырып бойынша
Қазақстандық бай-манап елді шулатқан Париждегі қымбат үйін сатып жатыр
Олигарх Мақсат Әріптің 17 миллион доллар тұратын үйіне бұғау салынды
Министр Нұрымбетов ауқатты адамдар қай өңірлерде тұратынын айтты
Уктам Барноев

Өзбекстанның вице-премьері қайтыс болды

8716
Шенеуніктің коронавирус жұқтырғаны туралы шілде айында белгілі болды. Ол 2020 жылдың ақпан айында вице-премьер қызметіне кірісті

НҰР-СҰЛТАН, 20 қыркүйек — Sputnik. 57 жасқа қараған шағында Өзбекстанның вице-премьері Уктам Барноев көз жұмды. Ол үкіметте аграрлық және азық-түлік саласына жауап берді.

Ақпаратты Бұхара облысының жергілікті әкімшілігінде растады, деп хабарлайды Sputnik Өзбекстан.

Айта кетсек, Барноев ұзақ уақыт бойы коронавирустан ем қабылдады. Шенеунікке шілде айында СOVID-19 диагнозы қойылды. Ол Akfa Medline жеке емханасында емделді. 

Расталмаған мәліметке сәйкес, Барноев соңғы уақытта Германияда дәрігерлерге қаралды.

Барноев 2020 жылы ақпан айында премьер-министр орынбасары қызметіне орналасты. Бұған дейін ол Бұхара облысының хокимі болған.

8716
Кілт сөздер:
коронавирус, Өзбекстан
Тақырып бойынша
Өзбекстан президентінің қызы ұлының атын Шавкат деп қойды
Өзбекстан президенті Тоқаевтың кеңесшісін жалдады
Өзбекстанда ауыр қылмыс жасаған әйел Қазақстан азаматтығын алған
Өзбекстанда ер адам әйелі әдемі болғаны үшін үстіне бензин шашып, от қойған
Өзбекстан азаматы 1 368 жылға сотталды